التصنيف: نادي الفتيات

السلام عليكم

بنات ممكن تساعدوني ؟؟

انا يوم تييني الدورة بسرعه ازعل على اي شيء
واتم اصيحح ، حتى لو حاولت اقنع عمري ان الشيء اصلا م يزعل ما اقدر
وازعل الي صوبي
انا م اقدر اتحمل عمري ، على اي دقة اصيححح!!!!!
المشكله هلي م يفهموني ، يعني ربعي فاهميني من يشوفوني متغيره يعرفون عسب الدورة وما يحتكون فيني وايدد
لين ما تنزل عقب ارتاح ، واحس اني غلطانه مرات لاني اعصب على اشياء تافهه واروح اتاسف منهم عقب ، شو الحلل !!
وايد اصيحح واايد وموول م احب حد يعيببب عليي او يستهبل علي هالفتره
اناا م اكون اناا
واختي مش راضية تفهمني مع انها متزوجه
المفروض تقدر موقفي
تقول فيني حاله نفسية ، او اني مريضه نفسيا وتعصبب مني
انزين انا كيف افهمها ولو قلتلها عسب الدورة تقول كلنا تيينا الدورة بس م سوينا سواتجج

انا اككره نفسي اذا زعلت على اشياء تافهه ومن حقهم يكرههوني
شوو الححلللل !!!!!!!!!!!!

و عليكم السلام و الرحمة
أكيد
شي طبيعي كلنا كذيه أيام الدورة انكون مزاجيين و عصبيين و نتهيج على أي شي لو أنه بسيط و انكون حساسين

لا مب حالة نفسية بس تغير في ال mood المزاج و يتعكر و بعدين هو يعتمد على الحالة النفسية و على حسب الراحة و طبايع الوراثة عند الأهل لأنه في ناس اتييهم الدورة ما ايحسون بآلام و فيه ناس لأ يحسون بآلان في البطن قبل الدورة و في الظهر و الريول
و في ناس يحسون بآلام قبل الدورة و أثناء و بعد و تتفاوت الآم من بعد أو قبل أو أثناء

رايي اتروحي عند دكتورة نسائية
أنا عن نفسي أستخدم دوا ميفكس Mefex 500mg قيمتها 10 درهم يخفف الآلام و ايخوزها نهائيا وصفته حقي دكتورة نسائية جزاها الله خير

لا اله الا انت سبحانك تني كنت من الظالمين

عادي حبيبتي كلنا جي وحتى المعرسه ما يخصه كل انسان وهرموناته …ابتعدي هالفتره وحاولي ما تحتكين وياهم وايد

فديتج الغاليه كلنا جي … انا حتى ريلي يتنرفز مني لان بهاي الأيام تكون نفسيتي زفت وكل معصبه ….

ما عليه حاولي تفهمين اختج … وكل شخص سبحان الله غير دورته عن الثاني

بعيد الشر عنج وعن الامراض النفسيه
وضعج طبيعي جدا وهدي بالج بذكر الله

السلام عليكم ورحمة الله وبركاته

اشكركم جدا ع تفاعلكم معاي في موضوعي السابق
الحمد الله ان الله عوضني بخوات نفسكم ينصحوني

عندي مشكله بسيطة احتاج نصييحتكم

انا عمري 23 باقي لي شهرين واتخرج من الجامعة امي تضغط علي جدا بالزواج من وافد من اهلنا لان كثير من الخطاب يأتوني ولكن وافدين وبعضهم لايعملون والبعض عنده شهادة بس لايعمل واكثر من واحد رفضته ولكن فيه بعد

وانا لله الحمد عندي جواز

امي تضغط علي بان مافيها عيب لو خذتي وافد ومافيها اي شي ولا تفكر في بعدين

انا ارفض الزواج من وافد لان احس من البداية ينبني ع اخلاء مسؤولية الزوج واعتماده ع البنت ومعاشها وثانيا شو فايدة الرجال يوم البنت بتصرف ع البيت وعليه احس هالشي يهز مسمى الرجل بالنسبة للمرأة ومع الايام تتضايق من هالشي .. هي اللي تصرف عليه تتحمل مسؤولية العيال اللي بيكونون وافدين واللي سمعته الي سن 18 بعدين يكون لهم الجواز

والمدارس بفلوس وكل شي بفلوس وكأننا وافدين ..

دائما اناقش امي ولاكن الله يهداها مصرة ولاتقتنع وتقولي لو قعدتي تترين مواطن مابييج وانتي كبيرة وكل المواطنين متزوجين محد يتزوج بهالسن ومن هالكلام .. امي تتاثر بكلام الناس وتقتنع بكلامهم حتى لو كان عين الخطأ ولاتسمع منا اي كلمه ..

انصحوني بنات لان تقولي لو حد وافد من اهلنا ويشتغل ماله داعي ترفضين وانا اخاف ساعات اندم واخاف يكون كلام امي صح وساعات اخاف اخذ حد وافد اندم ومحد بياكلها غيري ..

امي تصغط علي كثير وماعرف شو اسوي وبالنهاية دايما تقول القرار بايدي ماتقدر تجبرني بس انا احس اني مثقلة عليها تحسسني بهالشي مع اني ماكلف عليها بشي وعندي مصروفي وكل شي يعني ماثقلت باي شي عليها ..

شو رايكم تايدون الزواج من وافد

أنا ضد. حلاة الثوب رقعته منه وفيه.
ماهو عيبا في الوافد كلنا بشر و يمكن وافد يكون احسن من مليون مواطن بس أحسن تتزوجين واحد نفسج عشان ما بيوم تصير مشكله او شي يمكن تنظرين له نظره دونية. و أهم شي بعد عشان اولادج اكيد تبين اولادج يكونون اماراتين مثلج ما تبين يعيشون في بلدهم كأنهم غرباء وحتى بكره اذا جاو يتزوجون بيكون صعب.
حبيبتي بعدج صغيره من رأيي تنتظرين وتاخذين مواطن. انا سعودية وأعرف وحده سعودية أخذت واحد وافد و عاشت معاه احلى عيشه و جابت منه اولاد سنوات. وبعدين على مشكله بسيطه راح بلده و هي تركض وراه و متمرمطه هي وأولادها لا عندهم جنسيه ولا شي تضطر تروح له تودي اولادها وترجع وهكذا.
الله يسهل عليج واللي فيه الخير الله يكتبه ان شالله

حبيتي منو قالج هالكلام ؟

الزوج واجب عليه شو ما كانت جنسيته يصرف على الحرمة !

عيل ليش متزوج !

ضد الزواج من وافد

مب عشانه وافد

بس فكره انه هو عاطل و انتي اللي تتكفلين بكل شي مرفوضه ،، شو خانته معرسه وانتي اللي بتقومين بمهام الزوج واللي هي توفير مسكن والاكل الالتزامات بالمصاريف وغيره وغيره ، الحرمه كم بتتحمل ؟ اخر شي بتتعب

حاولي تقنعين امج بآسلوب حلوو

نفس رأيي.
وأنت بعدج صغيرة على الخوف من العنوسة . الوالدة ما أعرف شو وجهة نظرها بالضبظ , بس يمكن هي تبا تفرح بج . عموماً أستخيري دايماَ وربي يقدم لج اللي فيه الخير .

حبيبتي من كلامج احس انج وافدة؟؟

و اذا كانت وافده شو المشكلة ؟؟

طبعا كل وحدة فينا احنا البنات تحب تتميز بأي شي يخصها ! *_*
حتى في الشغل هههه

يلا نتشارك الافكار *_*
كيف مكتبك مميز عن باقي المكاتب في الشركة ؟
شو مسوية فيه ؟

حياكم *_*

بي اس: بدي أحط سمايليز بس مافي عالتلفون هالأوبشن ههه فا اعتبروا إنه الموضوع كله ملياااان سمايليز وحركات *سمايلي بيضحك*

امممم انا عني حاطة زراعة صغير عدال الدريشة بصراحه

تعطي جو فريش و منظر حلو ..

انا ما احب يكون الالوان اوفير فالمكتب بما انه

يمرون عليج مدرا و موظفين و عشان تكون صورتج لائقة

حاطه الثم لمكتبي لون البنفسجي و البني قصدي لون الكوشن

واغراض المكتب بهاللونين وعندج بعض الصور و الملصقات

البسيطه عشان نفسيتج ..

ملاحظة انا حاطة شعار نادي العين صغير هع بما اني عيناوية حتى النخاع ..

بشكل عام حلو يكون لج بصمة بمكتبج بس ما يتعدى المعقول ..

حلو حبيت فكرة الزرعة !
ومعك حق مو حلو يكون اوفر هذا مكتبك مش غرفتك هههه

مشكورة
بانتظار باقي الردووود

عني انا الصراحة

خخخخخخخخخخخخخخخخخخخ هالسمايل مسكين والله

خخخخخخخخخخخ

المهم ..
مكاننا مايساعد خخخخخخخخخخ >> خوش تشجيع

المهم صدق مكانا مايساعد
كله كراتين واوراق ..

والحمدالله ^^

بس حاطة سلة حلوة ماخذتنها من دايسو .. عسب احط فيها الدبابيس والدباسة والصمغ و ربعه هايله ..

وجي يعني .. يوم اطلع انظف طاولتي وارتبها و انتهت السالفة ^^

موضوع فنتك بس ما عندي مكاتب خخخخخ بالتوفيق

فيه اطقم مكاتب تخلى شكل المكتب

مرتب اكثر

تحية طيبة وبعد ,,

انا الصراحة احب اللون الفوشي ويعني بشكل عام احب الالوان السبعة هههههه .. يعني مكتبي تقريبا وردي نوعا ما .. بما انه مايوني مراجعين ولا شي احب يكون مكتبي شرح ويفتح النفس .. ماحبه خالي ولا شي حتى قلامتي ملونة .. اهم شي نفسيتي طبعا هع هع هع وكريم حق الايد طبعا ولا العدة المكتبية .. بس مرتب وورد صناعي لنه الورد الطبيعي يباله عناية ونا بكون نص اليوم في الدوام ولازم ينحط صوب الدريشة ونا الدريشة مش صوبي فحاطة ورد صناعي خفيف خذته من ايكيا وعدة القلامة من ايكيا وطبعا صحن حلاوة صغير .. والحمدلله الكل يدش يقولي مكتبج حلو وناعم واهم شي انا راضية على مكتبي ^_^

صبآح الورد ..

مشكلة مريت فيها اكثر من مرة مع نفس الشخص ، وعجزت انصح نفسي مثل ما انصح غيري.
تعرفت على بنت عن طريق النت ، وكنا نعز بعض وحبينا بعض مثل ما الأخت تحب آختهآ …
مرت الآيآم وبعد 3 شهور دخلت بنت بيننا وفرقتنا وعلى هالحالة ، بعدين هي رجعتنا لبعض ، بس اللي يضايقني انا تعودت اذا فيني شي الجئ لها وهي اكبر مني ب سنة ، حتى لو في مشاكل بيني وبين آهلي هي تساعدني ..
صارت مشكلة واضطريت اني اترك البلاك بيري وقلتلها وهي تعرفني وتعرف اهلي وتعرف الآسبآب ، وبالبدآية كانت تتضايق يوم تشوفني حزينة واتضايق خوفا من ان اهلي يبعدونا عن بعض ، بعد ذلك يوم عن يوم آدخل واكلمها بعدين بدأت الاحظ انها تغيرت ، مرة عن مرة احاول اعرف شوفيها تقولي مالي خلق حتى صرت انجرح منها بس اقول عادي هاي اختي ولازم اتحمل ، بعدين احاول اسولف وياها تقولي برقد .. تغيرها آلمني بعد ماتعودت عليها ب شي وصرنا ب شي ثآني ..

وشك آهلي بآني آطلع وآقآبل شباب وآنهم فاقدين الثقة مني تماما ، وعلاقاتي ومعرفتي بالشباب هذآ يغثني آكثر وآكثر وآكثر وآكثر.
كنت ب سالفة شك آهلي اني اكلم شباب وغيره لكن الله يشهد علي اني مو من هالنوع .. حاولت اكلم امي وابوي ماعطوني فرصة آبدآ ، وانا من النوع الكتوم صعب ابوح ب شي مهما صآر . لكن حسيت اني مخنوقة محتاجة اني الجئ لحد يساعدني ان كنتي آم آو اخت ..
وعلاقتي ب آمي ضعيفة نادرا نقعد ونسولف واذا سولفنا تكون سوالف عادية حاولت اتقرب منها لكن ماقدرت آبدآ.

كيف آقدر آثبت لآهلي آني مو من هالنوع؟
شو اللي اقدر اسويه ؟
شو اقدر آقول ؟
لآني ماقدر آتحمل اللي يصير آبد ، جبروني بالغصب اتتعالج واخذ آدوية سببت لي كئآبة وصرت آنعزل عن كل شي وارقد اكثر من 17 ساعه وحطوا اللوم علي انتي ما ايي من وراج غير الهم والتعب وكل يوم مواعيد ومن هالكلام !

في آحد يقدر يسآعدني ولآ بفقد الآمل؟

الله يكون في عونج حبيبتي بس شو اللي دخل هالشك في اهلج انج تكلمين شباب وغيره ، شوفي شو هو السبب وابتعدي عنه ونصيحه لا اخت ولا اخو ولا صديقه ولا بنت خاله ولا بنت خال وبنت عم ولا بنت عمه بتقدر تساعدج ولا اطلعج من اللي انتي فيه اذا انتي ما حاولتي تساعدين نفسج محد بيساعدج ، تقربي من الله قضي اغلب اوقاتج تذكرين الله ، وعن ماماتج ربي يحفظها معروف ان صعب البنت تتقرب من امها على كبر ، ف اللي عليج يلسي معاها طلعي معاها بيت ربيعاتها اي مكان تروحه سيري معاها خلج رفيقة دربها وين ماتروح يمكن بهالطريقه تكسبينها ، ساعديها ف البيت ، دخلي المطبخ سوووي اي شي يبعد الشك عنهم ، واذا اصروا ع الشك اي شي يمنعونج منه قولي ان شاء الله من غير اي نقاش وجدال ، وكل ما حد يتهمج تمي ساكته ولا رمسي بعقلانيه يعني لاتمين تصيحين انتو كله تشكون فيني وتصارخين ودنيا ، بيرمسون بيعقون عليج انتي فيج وفيج اسكتي يوم بتهدأ الامور سألي ليش هالشك وليش وليش وبرري موقفج صح يعني ان قالوا رمستج في الفون قولي خذوا الفون ماباه ، يلستج في الحجره بروحج وقافله الباب لاتدخلين الحجره الا لشي ضروري خلج كله في الصاله ، امج بتروح الجمعيه قولي بروح معاج ان قالت لا ما لا حني عليها وادلعي وبتوديج مره ومرتين وعقب بتتعود على وجودج معاها في الجمعيه ، يعني شاركي اهلج كل شي ولا تنعزلين ابد ابد ، بيودونج للعلاج مادري شو سيري ماعليه سايريهم بس لاتاخذين الادويه عن تضرج خذي اللي تحتاجينه واللي ماله لزمه لاتقربين صوبه ، حاولي تنشرين البهجه في بيتكم يعني سولفي وضحكي وقت الصلاه صلي مع امج ، اقترحي معاها تصومين لمدة شهر كل اثنين وخميس ، وافطري معاها وانتي سوي الفطور ، وان قالت ما بصوم ماعليه انتي بروحج صومي ، يمكن تصوم معاج يعني انتي بادري في كل شي عشان نضرتهم تتغير ..

بس اهم شي ابحثي عن سبب الشك وتجنبيه بشكل نهائي .. ولا تعلقين قلبج في حد عقلي قلبج في رب العالمين وامج وابوج لان محد بينفعج غيرهم ، وعن الشكاوي وانتي ساجده اشكي لرب العالمين ولا نشي آخر الليل صلي لج كم ركعه واشكي لرب العالمين محد بيمسعج وبيفيدج غيره ..

مشكلتي .. من ضغري التزمت بالصلاة بعدين قطعتهآ للآسف ><" ، ومدمنة على سماع الاغاني .. ونادراً آًصلي .

اذا قلت لها بروح معاج بتقولين من بتجوفين ؟
24 ساعه ويا امي قاعده واساعدها وغيره ، فالمطبخ فالترتيب وغيره ، كنت متقربة من ابوي بعدين هالفترة مب متقربة من آحد آبد ، يعني اذا صدفت وشفت ربيعتي اللي من سنين ماجفتها مستحيل تكون صدفة اكيد انا متفقة وياها ، بس حتى رقادي يشكون فيه .
ماقدر اتحمل اكثر عن هالشي . كل شي يشكون فيه اني انا جريئة وايد ويتوقعون اني اسوي اي شي ، لكن لو اني من هالنوع ماببتعد وافارق اقرب ربيعاتي لانها كانت تكلم وآحد وقلت هالشي لكنهم مصرين عالشك .

يلآ الحمدلله ع كل حآل وتسسلمييين آحساس نملة مآتقصرين <3

حبيبتي حاولي تبعدين عن اي شي يثير الشك فيج واهم شي حسني علاقتك ويا امج

دامج تقولين كنت متقربه من ربي بس الحين لا ، يعني الحين ردي تقربي من ربج اكثر واكثر وادعي ان الله يحنن قلب امج وابوج ويبعد الشك عنهم ، وبعدين ماظن جرئتج تخليج توصلين لشي لببس هم حاطينه في بالهم ، بس حاولي تسوين اللي قتلج عنه وان شاء الله يتحسن حالج

لا يا عزيزتي كيف تيأسين من رحمة الله وتفقدين الامل والامل هو الحياة
عزيزتي اذا تبين حياة سعيدة تقربي من الله اكثر وكل ما زادت امورج تعقيد
ارفعي ايدج للسما ولا تنظرين الى احد سواه ولا تفكرين في اليأس والحزن لان معناته
القنوط من رحمة الله والله سبحانه وتعالى قال ولا تقنطوا من رحمة الله فرحمته واسعة
(قل ياعبادي الذين اسرفوا على انفسهم لا تقنطوا من رحمة الله ان الله يغفر
الذنوب جميعا انه هو الغفور الرحيم وانيبوا الى ربكم واسلموا له)الزمر
اعيدي ترتيب حياتك من جديد واجعليها خالصة لله اصدقي مع الله حتى تكون حياتك
افضل توبي من الاغاني فهي مفسدة في القلب وربما هي سبب الضيق واليأس الذي بك
فلا يجتمع قلب عبد على الاغاني والقرآن ابدأي بالاستغفار واكثري منه وابدلي كلام الاغاني
الغير هادف والذي يحطم القلب ويسبب بظلمته الى كلام الله الذي يدخل في القلب وينوره
ابتعدي عن كل ما يغضب الله واجعلي همك الآخرة وتعلقى بالله وثقي به فهو خالقك واعلم بك
اطلبي الثبات من الله واجعلي لك وردا يوميا من القرآن وصلي صلواتك في وقتها ولا تتكاسلي
واجعليها في قلبك وعقلك حتى لا تفوتيها وستلقين راحة عجيبة وطمأنينه وعن ثقة الاهل كوني
امامهم وشاركيهم همومهم ولا تحزني عند سماع ما يؤلمك فمهما كان فهي امك ثم امك ثم امك
غيري ما بنفسك تتغير حياتك والله لا يغير قوم حتى يغيروا ما بأنفسهم وكوني دائما متفائله
واطردي همك وابدليه من حياتك بتغيير فكرك للأفضل ,الله يجعل حياتج سعيدة ويبعد عنج كل هم وغم

ششششكرآ حور الشارجه ، وآم آية ، وآحساس نملة <3

آن شآء الله بسوي اللي قلتولي عليه بس آدعولي . . . .

حسبي الله ﻻ اله اﻻ هو عليه توكلت وهو رب العرش العظيم ♡

الله يوفقج يارب

صـــــــــــــــــــــح لساانج .. هاا أنا ضحية إحدى الاخطااء ..ندمت كثيرا وتعلمت كثيرا .. لكني إلى الان اعاني من هذا الخطأ كأنه وبااااء و مرض قااتل أصيب به جسدي و أصبحت أمرض كثيرا بسبب هذا الخطأ الذي أتمنى ان تمحى من ذهني و فكري ..
إدعولي و أدعو لكل مسلمه بأن ربي يفرج همها وكربها ..
إتقبلي مرووري

تقبل الله دعاوي كل مؤمنه صادقة النية
وان شاء الله الكل يتعلمن من هفواتهن
وهاي اختبار من رب العالمين وحكمة
والناجحة هي للي تحمد رب العالمين على هالامتحان

مش عيب ان الواحد يجتهد ويخطئ

هلا والله

علومكم

ابا كل وحده تجاوب ع الاسئله المكتوبه تحت

كم نسبتج ؟؟

اقل درجه بشهاده ؟؟

كم دويحه ( طماطم حمرا ) ؟؟

انتي راضيه من درجاتج ؟؟

اهلج راضيين ع الدرجات ؟؟

اناا ماا اباا اقوول اول وحدة بعدين
بقوول

لي باااااك

كم نسبتج ؟؟

اقل درجه بشهاده ؟؟

كم دويحه ( طماطم حمرا ) ؟؟

انتي راضيه من درجاتج ؟؟

اهلج راضيين ع الدرجات ؟؟

1-نسبتي 85.0

2-عربي

3-ولا دويحة

4-لا لا لا لا مب راااضية

5-يعني

( دَعٌأَء أَلَأًسّتٌغِفِأُرً )

( أُلَلًهًمِ أِنِتّ رّبّيً لًأِ أِلِهَ أَلُأِ أَنًتُ ، خٌلُقُتًنُيّ وّأِنّأِ عّبّدّڳَ ، وِأُنًأٌ عًلِى عّهًدُڳِ وَوّعًدًڳً مِأَ أِسٌتُطٌعُتِ، أِعُوٌذُ بُڳَ مٌنّ شَرٌ مُأًصِنّعّتٌ ، أًبٌوّء لّڳّ بٌنًعِمُتُڳّ عُلًيّ وًأُبُوِء لًڳَ بًذِنٌبَيً فَأِغٌفَرٌ لُيَ ، فَأَنِهّلِأِيّغِفِرِ أُلّذَنٌوَبٌ أُلِأُ أٌنُتً )

بالتوفيق لكم كلكم

السلاااام عليكم
علومج اخبارج
انا الحمدلله الحمدلله الحمدلله واااااااايد مستانسة نسبتي تينن وااااايد حلوة تخيلو انه انا وربيعتي سقيا أمل نفس الشي بس الفرق بيننا 0.1درجة يعني فرق بسيط جدا جدا جدا بس الحمدلله عكل حال
ومن كثر ما أنا مستانسة ما بقولكم نسبتي ولا حتى سقيا أمل ترا نحن شاطرااااات وبخبرها تدس السالفة خخخخ << ياشريرة ليش؟؟؟
بس جي مابا حد من برع المدرسة يعرف انمممممم هههههه والله مستانسة وعقبال كل وحدة انشالله تييب مثل هالنجاح آآآمين
موضوعج حلو يالغلا

شخباركم بنوتات عساكم بخير أبا شوركم فشي
من شهر ونص تقريبا ياني معرس وأميه تقول لا بدري عليج أونه صغيرة وأبوي يحاول يقنعها ماشي فايدة ونا دوم أقولها إنيه والله
بكمل الدراسة عقب العرس إن شاء الله لكن هيه تخاف إنيه أكسل ونا الصراحة أخاف إنه المعرس يطير من إيدي لنه الصراحة مناسبني فكل شي
ونعرف هله ومرباه زين إيش رايكم إنتن كيف أقدر اقنع أميه من غير ما أزعلها؟؟

مممم مادري ليش احسج صغيرونه على العرس والمسؤليه
انتي كم عمرج؟؟؟ تبين الصدق انا قبل ياما عرسان اتقدموا لي واميه كله اتردهم بحجه الدراسه

ويوم اتخرجت واشتغلت عرست والله احمد ربي اني ما عرست وانا ادرس لانه فعلا مسؤليه واذا بتقولين انج بتكملين دراستج الصراحه اشك في ذلك

خاصه في هالزمن احس البنات همهن العرس ومايدرن انه العرس مسؤليه وهم وتعب يعني حياتج مابتكون كلها طلعات ووناسه هذا يمكن اول 3 شهور

انا رايي الشخصي اسمعي كلام امج لانها تعرف مصلحتج زين والعرس قرار مصيري جدا يعني فكري مليون مره واستخيري

واذا الله كاتب لج نصيب بتغير امج رايها وبتعرسين في النهايه القرار لج

مشكورة يالغالية ماقصرتي انا عمري 20 سنة وصدقج انا مستعيلة ابا أعرس اليوم قبل باجر مادري أحسه وايد مناسبني فكل شي

حببتي مشكلتنا يوم نكون بعمرك نفكر بالطرف الاخر من جانب الحب والرمانسية وريلي بيدلعني وبطلع وياه ووووو

والمشكلة من تتزوجين تنصدمي بالواقع ., الواقع حببتي اكبر من كده مسؤليه من بيت وزوج ومن ثما اطفال والله تتمنىي تردين يوم للعزوبية

فديتك انا اتزوجت بمثل عمرك بس حسيت اني وايد تعبت مع انه زوجي طيب بكل ما للكلمة من من معنى بس مسؤليه بيت واطفال وزوج وايد حسيتها اكبر عليا

في النهاية ما ابا اعقدك بس يمكن الوالده ربي يحفظها معها كل الحق اذا يباك ممكن خطبة عاديه علبال ما تكملين دراستك وبعد تتزوجين

وربي يوفقك ويكتب لك مافيه الخير

واذا الله كاتب لج نصيب بتغير امج رايها وبتعرسين في النهايه القرار لج

شوفي فديتج لو هو شارنج بيترياج لين تخلصين دراستج
و انتي صلي استخاره
ان تيسرت امورج و امج غيرت رايها فهذا يعني انه خير لج

موفقه حبوبه

ما بتاخذين غير نصيبج

هلا بنات
ابا كل وحدة تكتب صفات فارس احلامها و اللي هو زوجها المستقبلي
.
.
.
.

انا ابا يكون جميل خلوق مخلص صادق وياي حبوب

وانا ابى نفس مواصفاتج بالضبط اقصد مواصفات فالارس احلامج خخخخخخخخخخخخخ

أنـا عندي فارس احلامي بس يارب يضل هيك على طول
وسيم
ورمانسي
وحلووو
وطيب
ورجال بمعني الكلمة

فارس احلامي
مممممممممممم

يكون طويل اهم شي
ههههههههههه

وشخصيته حلوة متفهم ومتعلم ويحبني ومخلص
ويحب الشوبينغ والمشاوير ههههههه
والسفر وغني هههههههههههه

كلشي

اهم شي يكون حافظ على صلاتة وطيب ويخاف الله قبل كل شي

خلوق وطيب ومحافظ ع صلاته اهم شي متفهم وقد الكلمه
ويكون له سمعه طيبه بحيث ما ينطري اسمه بالمجالس والا وقالوا والنعم

يخاف الله فيني ورومانسي حبوب متعاون يحب المشاركه وعاقل

اللهم ارزقنا ع نياتنا يا رب

بسم الله الرحمن الرحيم

امثال خليجيه قديمه:
· · أبو طبيع ما يجوز من طبعه
· · إذا بغيت صاحبك دوم حاسبه كل يوم
· · إذا حبتك عيني ما ضامك الدهر
· · إذا صار رفيجك حلو لا تاكله كله
· · إذا طاح الجمل كثرت سكاكينه
· · إذا طبع دوس على تريجه
· · إسأل مجرب ولا تسأل طبيب
· · إش حادك يا مسمار ؟ قال المطرقه
· · إصرف ما في الجيب يأتيك ما في الغيب
· · أضبط من ساعة الملا
· · اقبض من دبش
· · أقضب مجنونك لا يجيك أجن منه
· · إكل اللي يعجبك وإلبس اللي يعجب الناس
· · إما طلعه ولا طبعه
· · إنطر يا حمار لما يجيك الربيع
· · إنفخ يا شريم قال ماكو برطم
· · الباب اللي يجيك منه الريح سده وإستريح
· · بات مظلوم ولا تبات ظالم
· · بغاها طرب صارت نشب
· · بغى يكحلها عماها
· · تجيك التهايم وإنت نايم
· · ثوب أطول منك يعتك
· · جارك ثم دارك
· · حاميها حراميها
· · خبز خبزتيه يا الرفله إكليه
· · دابة الله بأرض الله
· · شبعونا طراقات وشبعناهم شتايم
· · طارت الطيور بأرزاقها
· · عومه مأكوله ومذمومه
· · فال الله ولا فالك
· · قراقيع صيف
· · كثر الدق يفك اللحام
· · اللي بالجدر يطلعه الملاس
· · اللي ما يستحي منك لا تستحي منه
· · اللي ما يطول العنب يقول حامض
· · اللي ما يطيع يضيع
· · اللي ما يعرف الصقر يشويه
· · اللي ماله أول ماله تالي
· · اللي مو على دينك ما يعينك
· · اللي هذا أوله ينعاف تاليه
· · اللي يجي من الله حياه الله
· · ما تعينك إلا يمينك
· · مخروش طاح بكروش
· · نصيبك يصيبك
· · الوجه من الوجه أبيض
· يمدح السوق من ربح فيه

أتمنى انها عيبتكم

حلو الموضوع فيه احياء للتراث الاماراتي

سلمت الأيادي عزيزتي

هههههه

طرررر

حلووو …
المال مالك وركب عالذيل
ضربني وبكى وسبقني واشتكى

يالسلام ع أمثال

متعلثه بالرمد تبكي حبيبها

هالمثل قصته وحده تصيح ع حبيبها ولما يسالونها ليش تصيحي وشو بلاهم عيونج تقول طاح فيهن رمد

وينقال هالمثل طبعن لما الشخص يتعلث بشي وفيه شي ثاني

هلا
علومكم

المهم ع كل وحده تتدخل لازم تكتب في الرد
موقف ضحكج

مقلب سويتيه في احد

مقلب سووه علييج

طبعا كل الاسئله الرد لازم يكون الموقف في الاجازه او المقلب

مووقف ضحكني !!
يووم شيماء المجنونة يت تضارب امل وانا وانتي جينا بنفرع ونوقف الضرابة قامت تبي تتفل علينا وتمينا نركض ونضحك وحالتنا حااله
**************
مقلب سويتة في احد
امممممممممـ
المقلب اللي سويته فيج يا دلوعه ابوها @
اياام الاجاازة هههههههههه
ومصدقه وفالاخير طلب كذذب ومقلب
وانتي لين الحين ذالتني عليية
************
مقلب سووة فيني
لا انا ام المقالب ماصارلي مقلب انقصيت فية هع هع
************
وبص
تحياااتي
بنت ابوها>>

ممممم عندي وايد خل اتذكر خع

بنت ابوها انا بعد موقف شيما يوم هجمت علينا ووالمقلب برده وانشاله بنقص عليج وبنسوي مقلب عليج

اتذكري يا زيزوني <<< مادري الاسم غلط سوري

لي عودة