التصنيف: الحمل والولادة

الله يسلمكن انا فالشهر السادس .. اول شي .. اتخيلن من يومين وانا ما احس بحركة البيبي .. طبعا استغربت .. و اليوم سرت الطواري و الحمدلله قالت لي الدكتوره كل شي اوكي … و قالت ان البيبي يتحرك بس ما احس بحركته لأن حجمه صغير ..

حد جي استوى لها ؟؟ قبل كان البيبي كله يرافس و احس به و الحين امره ماحس بشي

الشي الثاني

الوزن

اتخيلن لين بداية الخامس و وزني 45 .. و فجأه و بدون مقدمات قام يزيد بشكل غير طبيعي و الحين انا في نص السادس و زدت 7 كيلووووووووووو .. احس وااااااااايد .. عيل يوم بوصل التاسع كم بزييييييييييد 20 ولا 30 كيلوووو

خبروني يا حوااامل حد منكن زادت هالكثر في فتره قصيره ؟؟!!!!!!!!! يعني ها شي طبيعي ولا لااااااااااااا ؟؟؟

ان شاءالله يفيدونج ^_^

اما الوزن يالدبه ترا الياهل في اول ست شهور يتكون ومن عقبها يبدا يكبر حجمه يعني يبدا اللحم ويكبر الحجم ومعروف ان في اخر الشهور والوزن يزيد اسرع وانا شراتج عادي لا تخافين

اخيراااااااااااااااا بشوفج متينه خخخخخخخخخخخخخخخخخخخخ

هالشي طبيعي فديتج في حمليه الاولي كنت احس بألم في بطنيه من الصوب اليمييين
وكنت فالسابع واول شي سويته جان اربع ازهب شنطتيه ههههههههههههههه
عباليه ولاده مبكره ههههههههههههههههههههههههههه

خلاف سرت الطواري وقالوليه انه صغيروووني ومتفيزر فالصوووب اليمين
ولأني ما كنت اكل عدل كان يتحرك حركة بطيييييييئه عسب جييييه ماكنت احسبه
ومن هذاك اليوم ماخليت شي ماكليته هههههههههههه (مطبخنا ومطبخ الييران )
والحمدلله رجع يتحررررك بس بعده تم فالصوووب اليمين مدري ليشش
حتى من كثر ضغطه على الصوب اليمين انتفخت ريلي اليمين بس!! والله لا يرويج الشكل هههههههه

بس انتي حاولي تاكلين عدل ولا تخلين وايد فرررق الوقت بين الوجبه والوووجبه
وعشان الوووزن اول 7 شهور مازززدت الا 2 بس وعقبها فجأة زدت 12 كيلووو!!!!!!!!!!!!!!!!
يعني عااادي وفالاربعييين تنزليييين وااااااايد بسبة الرضاعه والسهر
بس نصيحه كثري من الشووووربه فالاربعييين بسرررعه تنزل الوزن
والله يقوممج بالسلامه فديتج

ولازم يزيد ون الام ولما توصلين التاسع تكوني زدتي 10 كيلو لكن بينزلن مع الولادة

يقولون عادي لو زاد وزنج 15 كيلو . بس انتي حاولي انج تاكلين اكل مفيد .. وحاولي تقليلين من الاكل الدسم والمقليات لانه هذا الي يزيد الوزن وايد

أنا فالتاسع تقريبا كل اسبوع ازيد كيلو و ما خذه اسالفه بروح رياضيه هههههه

انا حامل بالشهر الثاني وفيني التهابات هل تؤثر علي الجنين

اللي حصل لها التهابات بالشهور الاولي شنو وصفوا لها الدكتور

وياليت طمنوني هل يؤثر ويسبب اجهاض لا سمح الله

ادعوا لي خواتي
ان ربي يثبت حملي وجعله من الذريه الصالحه

والله يثبت حملج ان شاء الله

في احد حصل معاه نفسي التهابات ومر الحمل علي خير لاني خايفه وصار لي 7 سنوات ما حملت والحين الله كتب لي الحمل الحمدلله بس فيني التهابات

ادعوا لي خواتي

انا سويلي ابر وتحاميل ووادويه تروح وترد الله يستر لين يومج هذا ……… وبعدها ماراحت بس الحمد لله انها خفيفه

قولوا آمين

للرفع

بصراحة مب عارفه كيف ابداا و اخبركم قصتي واايد محتارة

بصرااحة انا باقيلي 10 ايام و بدش التاسع
و من كنت ف الاسبوع 29 حمدلله البيبي خذت وضيعته الصحيحه و نزل
الراس ف الحووض و قالت الدكتورة خلالاص اطمني من هالموضووع

و بصراحه اليوم حسيت انه الحركة خفت او صارت قليله ما اعرف

رحت و قلت لازم افحص و بصراحه انصدمت البيبي تحرك من مكاانه مع انه
كان ثاابت حمدلله و لا في اي توقع انه يلف حتى الدكتورة انصدمت
حمدلله على كل حاال,,,

قالتلي لازم تحاولين انه ينزل قبل التاسع لانه عقب بيكبر و صعب يلف و يتحرك

قالتلي امشي واايد كثري من السجوود عشاان يرجع مكاانه مثل ماكاان

و بصرااحه طلعت ظايجه يعني انا اتهيئ نفسيا عشان الولاده
و حبيب قلبي قاعد يسويلي حركات ف الوقت الظاايع فديت رووحه

حمدلله على كل حاال بس حبيتكم تشاركوني قصتي و اذا في حد مر بنفس التجربه يفيدنا..

اختي تمت اسبوع تحبي والحمدالله البيبي خذ وضعيــته .. الله يسهل عليييــج ..

المشاركة الأصلية كتبت بواسطة LoOveNisTa

اممم جربي اتحبيــن مثل النونو ..

اختي تمت اسبوع تحبي والحمدالله البيبي خذ وضعيــته .. الله يسهل عليييــج ..

الله يسهل علينا اجمعين ياارب ترى بديت من الحين احبي و امشي لاني صراحة خايفه

المشاركة الأصلية كتبت بواسطة همسة حب2017

الله يسهل عليج ويقومج بالسلامه ان شاءالله

تسلمين الغالية الله يسمع منج و ييسر امورنا يا رب اجمعيييييييين

المشاركة الأصلية كتبت بواسطة غزال الروض

لا تخافين و حبي وايد ,,,و اذا عدالج عرقوب بعد ارقي العرقوب ,,و انا سمعت انه ممكن في الولادة يعدل وضعيتة البي بي

تسلمين الغالية على المرور بس عن سالفت العرقوب ينفع لو اركب الدرج و لا؟

بنات أنا إلي كنت كاتبه موضوع تعبانه بس ما أعرف من شو
اليوم سويت فحص الحمل "" دم"" طلعت النتيجة ماشئ حمل
وأنا مضايقة
ويوم قلت لريلي زعل وقالي السالفه فيها أنه من كم شهر ما حملتي وهو كل شهر ينتظر
وما أعرف شو أسوي أنا سويت الفحص قبل الدوره ب3 أيام قلت بستنه إذا بتيني ولا لا

المشكله ريلي بسافر 6 شهور وكان يباني أحمل فخاطره ياهل
بس شو أسوي هو بسافر هذا الشهر

انا باقلي اسبوع وبدخل الثامن
واليوم الدكتوره خوفتني قالتلي البيبي راسه دايمن فوق مول مانزل من بدايت الحمل قلتها انا روحي احس ان البيبي ماينجلب بس يرفس

جيكتلي ع الحبل السري وقالتلي ملتف لفه وحده حول الرقبه
يمكن عشان جه مب قادر يجلب

خواتي منو صار لها نفسي وهل بقدر اربي طبيعي ولا خطر

بليز خواتي ادعولي اربي طبيعي وينفتح الحبل السري وينزل راس البيبي …

قيصري او طبيعي كلهم من رب العالمين عادي لا تتضايجين

وجزاكم الله كل خير