هلا المهم انا لاحظت ان اغلب الحريم الي يستعملون الحبوب يرجعون يسالون نفس الاسئله مع اني ارد على اسالتكم بس نفس الحريم يردون و يسالون نفس السؤال انا اتمنا ان هالموضوع الي بكتبه الحين بيجاوب اسالتكم و اي وحده بتشوف الموضوع ترفع موضوعي
علشان الحريم الي يبون يحملون بتوأم يستفيدون المهم الي دخلوا موضوعي :
اغلب اسالتكم اذا حملت و لا لا بجاوبكم و بقولكم هيه الحمدالله و الحبوب سوت مفعولها قولوا (ماشاء الله و ادعولي ان الله يثبت حملي )
اولا انا اتزوجت متاخر و عمري الحين بيصير 30 و عندي بنوته وحده و بغيت احمل بتوأم لاني احب اليهال فعلشان جذي دورت في النت و حصلت حبوب من اعشاب طبيعيه اتخلي الحرمه تحمل بتوأم المهم انا شريت الحبوب من نيوترشن زون مركز صحارى في الشارجه و في بعد في شارجه سيتي سنتر و باقي الامارات الصراحه ما اعرف وين ، المهم سعره بين 60-70 درهم و الي عندي 1000mg و كنت اخذ حبه في اليوم بعد الاكل من اول يوم الدوره و اوقفه اول ما يصير عندي اباضه و اي وحده شاريه 500mg بتاخذ حبتين في اليوم و الي عندها اقل انصحها تشتري 500mg على الاقل لان انتي لازم تاخذين 1000mg في اليوم . المهم الي واثقه و متاكده ان الدوره بتنزل عليها هالشهر و خلصت الاباضه عندها تقدر تاخذ الحبوب قبل ما تنزل عليها الدوره و توقفه اول ما تصير عندها الاباضه و النتيجه بتكون اسرع المهم انا ما حملت اول شهر بس شكرت ربي و ما يأست و في الشهر الثاني صار الحمل المهم اول شهر استعملت الحبوب موعد الاباضه عندي كان في 14 يوم من اول يوم دوره و استمر 4 ايام مع ان الاباضه العاديه تستمر بس 48 ساعه ، المهم لما جيكت عند الدكتوره قالتلي ان حجم البويضه كبيره و كانت تسالني لو ماخذه كلوميد فتاكد يومها ان الحبوب هاذي اتسوي نفس مفعول الكلوميد بس الفرق ان هالحبوب اتعالج التكيس و تثبت الحمل و تنشط المبايض .
الشهر الثاني يوم استعملت الحبوب من اول يوم الدوره لاحظت ان الاباضه عندي اتاخرت وايد تقريبا 20 يوم من اول يوم الدوره فخفت و وقفت الحبوب و بعد يوم واحد بس من وقفت الحبوب صارت عندي الاباضه و الحمدالله ريلي رجع من السفر في الوقت المناسب بعد ما عطيته كلمتين في الصميم خخخخخخ المهم الي بتستعمل الحبوب بتلاحظ ان يوم الاباضه بتستمر عندها 4 ايام و بتحس بالم شرات الدوره المهم جامعي زوجج 4 ايام و را بعض و ان شاء الله تحملين بتوام.
شوفوا الي ريلها يسافر وايد انصحها تاخذ هالحبوب لان الحبوب اتاخر موعد الاباضه و فوق هذا تستمر 4 ايام لان البويضه تطلع شوي شوي و بحركه بطيئه من المبايض علشان حجمها كبير فبتعطي فرصه اكبر للحيوانات المنويه علشان تلقح البويضه و كل شهر الاباضه بطول يعني ما بتصير الاباضه عندج في 14 يوم من اول يوم الدوره بتصير في 20 او 25 يوم من اول يوم الدوره و بتستمر 4 ايام و شكرا
zkorallah:
