السلام عليكم حبيبتي
أنا كان عندي كيس مائي عالمبيض اليمين و كان شوي كبير تقريبا 7 سم و الطبيعي لازم يكون 6 سم و قالوا لي بيسوون لي منظار في مستشفى الإمارات بس لأني أخاف من العمليات طنشت الموضوع و الحمدلله الدورة منتظمة عادي و لا فيني ويع يوم تنزل الدورة..
بعد كم من شهر أشوف أييني ويع مع نزول الدورة..الله لا يراويج الويع..كأنه سجاجين في بطني عالجهة اليمنى و ورجي بعد شو يعورني..ما يا ع بالي انه السبب الكيس المائي..و يوم اروح المستشفى يضربوني إبرة..بس ما في فايدة و الويع ما يروح الا بعد ساعتين و كنت أموت بهالساعتين كنت اروح مستشفى لطيفة عشان الإبرة..
و بعده بكم شهر ياني ويع بالظهر لدرجة انه توازني يختل و عادي أطيح و كنت توني مالجة و مرة زارني ريلي و شافني يوم اختل توازني و على طول وداني المستشفى..
رحت مستشفى ميدكير كان اقرب شي لبيتنا..
و هناك فحصوني بالسونار و قالوا لي انه الكيس المائي بالمبيض كبير وايد و لازم تسوين منظار..كان كبير 10 سم..
و قالت لي الدكتورة ما ندري هالكيس هل هو كيس مائي او كيس دم..
لو كيس دم هني المشكلة..و غير انه الخوف من انه ينفجر الكيس و يسبب لي مضاعفات فبيضطرون يشيلون المبيض بالكامل..
المهم أنا خفت لأنه ما في حل لهالكيس غير الجراحة و ما في أدوية..
ف أخذت التقاريرمن مستشفى ميدكير و رحت مستشفى لطيفة عشان آخذ راي الدكاترة هناك و على طول حددوا لي موعد للمنظار و سويت العملية و شالوا لي الكيس..
شوفي حبيبتي المنظار أهون بوايد من العملية و ما بتحسين بالويع غير يوم واحد بس..
و كله عشان صحتج و سلامتج..
و اهم شي لو انتي معرسة لا تحملين الا بعد 6 شهور من العملية..أنا ما قالوا لي هالمعلومة و أنا بالمستشفى فاللي صار أني حملت قبل لا اكمل 6 شهور و حملت خارج الرحم..فتخيلي اضطروا يشيلون لي الإنبوب لانه الجنين كان بالإنبوب..و فخصوا كل شي فيني بالرحم قالوا لي ما في اي التهابات و استغربوا ليش صار لي هالحمل و بعدين عرفوا يوم خبرتهم عن العملية
و الحمدلله على كل حال
المهم لا تتأخرين وايد الموضوع مب هين