التصنيف: ملتقى أولياء الأمور
ملتقى أولياء الأمور
متى تبدأ اجازه .
شحالكم اخواتى العزيزات..
حبيت اعرف الى عندها فكره متى تبدأ إجازه 15 اليوم..
وكل عام وانتم بخير..
سيري رقدي احسن …………
وبعدها أجازة لغاية 14-2
والمعلمين بيخلصون الخميس 28-1 إلى 14-2
وانتى شو ميلسنج للحين..
ان شاء الله هالكلام ما يطلع صح
اذا قصدك اجازة نص السنة فهي غالبا 28 1
متى يبدا الدوام المدرسي في مدرسة مشيرف للبنين عجمان
بغيت اعرف الساعة كم لازم الطلاب يكونون في المدرسة
وهل هى من مدارس الغد
وكم الرسووووووووووووووووووم
نوادي الاطفال في العطلة
يقبلون من 5 ل 13 سنه بنات واولاد
الاولوية للي عياله فالجيش والباقي يستوي تسجيلهم بعد
اول اسبوع الدفع 1000 درهم والاسبوع الثاني 1000 اذا 3 اسابيع 2500 درهم
عندج اكاديمية الاطفال المبدعين عندهم انشطة متنوعة
وين احسن مدرسة خاصة في بني ياس
اللّهم هَب لنا مِنك عملا صالحاً يُقربُنا اليك
تعتبر افضل مدرسة من حيث المنهاج
للرفع
محتارة ساعدوني . ارجوكم
شخباركم … بدخل للموضوع على طول
أنا محتارة اسجل بنتي في مدرسة الافاق النموذجية ( للعلم يقولون شلو عنها كلمة نموذجية يعني مافي مدراس نموذجية في أبوظبي )
أو مدرسة خديجة
أيهما أفضل من حيث المدراسات واهتمامهم بالطالبات والادارة وكل شي
للعلم بنتي بتروح الصف الاول
السلام عليكم ورحمة الله وبركاته
أنا بعد سمعت أنهم شلوا كلمة نموذجية .. فاتأكدي حبوبة وإن شاء الله ربي يوفقج
عندج الظبيانية فالمشرف يمدحونها من ناحية المستوى شرات الافاق
وين الأفضل مدرسة ابوظبي الاسترالية أو المعالي الدولية
خواتي الي عندها فكرة عن مدرسة المعالي حابه استفسر أيهما أفضل حق ولدي طالب في الصف العاشر
المعالي الدولية أو أبوظبي الاسترالية وايد محتارة وخايفه على ولدي ومو عارفه محتارة بين المدرستين ممكن تنصحوني
وشكراااا
مدرسة هورايزون الخاصة فرع
بغيت اسال الامهات اللي مدخلين عيالهم في مدرسة هورايزون الخاصة ممتازة وقوي تاسيسها واللا لا
انا سرت اليوم اسجل ولدي فديته وسالت المسؤولة عن التسجيل هناك وايد اشياء الصراحة وقالتي في مقابلة للولد قبل وطلبت منها اشوف صفوف الكي جي صراحة المكان اول شي والمهم انه معزول عن الكبار والصفوف كبيرة وحلوة ومرتبة واللغة العربية والتربية الاسلامية منهاج الوزارة وعندهم الانجليزي والفرنسي ما اعرف انا ارتحت للمدرسة بس حابة اسمع عن اللي مجربة المدرسة لعيالها
وان شاء الله خير ………
وحلو انه يدرسونهم لغات الفرنسي والاسباني بالاضافه الى اللغه العربيه والدين اجباري واللغه الانجليزيه
وانشالله نسمع اراء اللي عيالهم درسوا فالمدرسه ..
آي آي كت كات مـــذر كيــر
..
تعالوا انعلم عيالنا الانجليزي بطريقه ممتعه
نعطيهم امثـــــــله سهله ونخليهم يحبون اللغه الانجليزيه
( يوم كنت فالمدرسه جيه كنت اسوي وبعد اعلم خواني بنفس الطريقه)
عندي كم مثال .. وانتي اخترعي امثله غيرها
بتحسين انهم يحبون الانجليزي وبعد مابينسون هالكلمات
وهاي بعض الامثـــــــله :
1 .. اتخيل طاحت تفاحه فوق راسك .. شو بتقول ؟؟؟ >>> آآآآآآآآي
i = معناها = أنا >>> شوف الحرف بالانجليزي كأنه واحد واقف والتفاحه طايحه فوق راسه
2 .. بوك يعني محفظه .. محتفظ فيها اوراق وبطاقات (لو فتحناها صارت مثل الكتاب) book = كتاب
3 .. هل تحب الكت كات .. كات = cat = قط
4 .. هل تريد شاي = لاحظ شاي = shy >>>خجول مثال انت ف خاطرك الشاي بس تستحي تقول هيه ابا
5 .. وانت واقف تحل الواجب ,,,, فار مر ,,, حذالك …
فار مر ,,,,farmer >>>> معناها ,,,,, <<<< مزارع
6 .. منو مايعرف الرئيس الأمريكي ( بوش ) بوش = push = يدفع
وتلاحظونها على الأبواب
7 .. واحد يقولك: كيل تفاح تصير قوي _ كيل برتقال _ كيل موز
لاحظ ( كيل ) = تعني اقتل = kill
مثال = اقتلني = كيل مي = kill me خخخخخ ( بصراحه هالمثال ضحكني )
8 .. واحد يدق الباب (اتخيل نفسك لبناني) شو بتقوله: اكيد تقول (مين) مين مين مين >>>خخخ
mean = مين معناها = معنى = او قصد
9 .. وعلى فكره كلمة = com الي تشفونها في الرابط = تعني = شركه = وهي اختصار كلمة = company
10 .. كف = فيه احد ما جيه كف على ويهه ؟؟؟
كف= معناها : كحه
كف = cough >>> ترا كله بالويه الكف والكحه خخخ
11 .. مذر كير = منو فينا مايعرف مذركير = طبعا نوضحها للشباب = هذي ماركه تهتم بملابس الأطفال
( دعايه مجانيه .. خخخ ما اقصد ) يالله بسيطه , المهم
مذر كير= عباره عن كلمتين الحريم ديئما ينطقونها ومايدرون انهم يتحدثون الأنجليزيه بطلاقه ,
نقسم الكلمتين
مذر = أم mother
كير= عنايه= او اهتمام او يهتم او يحرص= care
وطبعا اكيد اكثـــر وحده تهتم فينا امنا
ونحن اكثر اهتمامنا عيالنا وهكـــذا
12 .. باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان ( كأنه الموضوع فيه شوية دعايات !!!! )
هورس = حصان = horse باوار= قوه =power >>> بس هالمثال ماعرف كيف نوضحه للصغاريه
13 .. الرئيس الأمريكي السابق ( بيل كلينتون )
بيل + bill = فاتورة >>> يعني وانت في المطعم تبي الفاتوره تقول بيل بليز bill please
14 .. بلوتوث = يابابا اسناني واوا >>> خخخ
bluetooth = معروفه مايبي لها طقة عصاة , بس كثيرين اللي مايعرفون معناها ؟
بلوتوث تعني = الناب الأزرق = او لو حبيتوا نقول الضرس الأزرق ماشي الحال,
بلو= blue = ازرق
توث= tooth =الناب او الضرس
15 .. هذا الحرف شلون تنطقونه ( T ) = تي صح = تي ,تي , تي= معنها = شاي = tea = تي
16 .. سيف = السيف معروف طبعا
اللي يبي ايووول شو ياخذ معاه ؟؟؟ المهم ياخذ سيف بس تنبيه لا تذبح اللي حذالك
حاول اتوفر حمايه قصوى للي ايوولون معاك خخخ
سيف= save = يحفظ او يحمي او ينقذ = يعني تقدار تقول: احمني او انقذني
save me او احفظ المعلومات = save it او احفظ الصوره =save the picture
17 .. ( اما هالجمله ماحبيت اغير فيها شي لانها تضحك صراااحه خخخخ)
فار = مخلوق نذل يصعب مسكه الا اذا جبت له قطو لأن القطو رجال ومايخاف
اما نحن الرجال الله يخلف علينا والله ننحاش وتوصل انه ننتقل من الحي كله
ونترك له البيت ملعون الوالدين
فار= far = معناهاا = بعيد ..
18 .. ني = اللحم ني او الدجاج مو مستوي ني
ني= knee = معناها = ركبه
بس ماعليكم من حرف الكاف في بداية الكلمه ماينطق =k nee = تنطق = ني
19 .. كان = ( كان) ياما ( كان) في قديم الزمان تركي وا م كشه ,
كان = CAN (اذا كانت فعل فمعناها)= يستطيع او يقدر = انا استطيع = I CAN
(اما لو كانت اسم معناها) علبه او صفيحه = يعني قوطي البيبسي يسمى كان
ولا حظوا فيه فرق بين القوطي والغرشه
موضوع عجبني ونقلته لكم >>> وغيرت فيه شوووي ^^
تسلمين
أحس أني أنا إلي استفدت مب الصغاريه خخخخخخخخخخ
مدرسة احتياط كمبيوتر محتاجة مساعدة
لو سمحتوا انا ادرس احتياط كمبيوتر من صف اول لخامس بس لو تقدروا تعطوني اوراق عمل أو تعطوني فكرة عن إلي ياخذونه إذا اقدر احصل من بينكم مدرسة كمبيوتر شراتي بس يكون عندها خبرة عشان تساعدني بالمناهج
الله يوفقج يالغلااااا