التصنيف: نادي السفر والسياحة
نادي السفر والسياحة
ساعدوني ! وين اسافر شهر 12 !
شحالكن خواتي ^_^
اتمنى ان الكل يكون بخير بإذن الله
حبوبات ريلي من الحين يباني اقول وين نسافر شهر 12
بإذن الله عرسي بيكون بداية شهر 12 تاريخ 10
بس مب عارفه وين اسافر !
ابا مكان حلو و ما امل منه !
و ابا اعرف الجو كيف بيكون عشان اعرف كيف اخذ ملابس السفر هل اخذ اشياء غليظه وايد او عادي ^^
بليز ساعدوني والله محتااااااره
احيان اقول تركيا والا المالديف واحيان اقول ماعرف بفكر هع
السموحه منكن و بانتظاركن حبوبات ^_^
او سيشل و بعدها ايطاليا
وكُنْ ذَاكِراً لله ِ في كُـل ِ حَالَـة ٍ
فَلَيْسَ لِذِكْـر ِ الله ِ وَقْـتٌ مُقَيَـدُ
فَذِكْرُ إلَهُ العَرْشَ سِـراً ومُعلنـاً
يُزيلَ الشقا والهمَّ عنـك ويطـردُ
ويَجلِبُ للخيـراتِ دُنيـاً وآجِـلاً
قطب منار – دلهي
لا يمكنك ان تقول زرت دلهي !!!!
ما لم تزر قطب منار
هو معلم تاريخي هندي ذو برج ضخم رخامي، تعتبر منارته الأطول من نوعها في الهند
اسسه قطب الدين أيبك،قد بدا ببناء هذه المنارة في عام 1193 ،
وهي على ارتفاع 73متر وعرضه 15مترا في القاعدة، قام ببدء أعمال بناء قطب منار عام 1193، ولكن لم تسعفه الظروف في إكمال العمل وانتهى عند المستوى الأول، فقام الخليفة التالي بإضافة ثلاثة مستويات أخرى،ثم قام الخليفة الاخر في عام 1368 بإضافة المستوى الخامس، وهو آخرها.
للمزيد عن قطب منار
الصور
ربيعتي زارته وقالت انه عجيب !!
ابغي اسافر ل ماليزيااااا .ساعدوني
مقرره انا و زوجي نسافر…لمده 10 ايام..
هل يعني عن طريق السياحة بينظمون لناااا الرحله؟؟؟ ولا كيف
وكم الاسعار؟؟ ما نبغي فنادق راهيه…المهم زينه ونظيفه وارخص
يعني ناويين نتمشى فالطبيعه…ونتسوووووووووووووووق لأهلنااا
وشكرا لكم
وايد بيفيدج هالموقع
موفقه
افضل لج الغالية تحجزين من مكتب يكون افضل لج عشاان ماتتبهدلين هنااك لاني انا يووم رحت حجزت كامل بس اني زدت ليلة في الفندق طلعت اغلى من السعر اللى دفعتة حق مكتب الحجز عندج فندق تريدس حلو عند البرجين وفندق مااريوت بعد ووايد حلو عند شااارع العرب واذا حاابة تروحين جزيرة انصحج بجزيرة بيانج وااايد وااايد رووعة والمكتب اللى حجزت عنده مكتب سفاري للعطلات في ابوظبي حلوة اسعاارهم واذا حبيين تستفسرين اكثر او عندج سوال انا في الخدمة الغااالية..
وإن شاء الله تستاتسون
عن طريق السفريات حجزنا التذاكر و طلبنا الفنادق الي اسعارهم اوكي و نظيفه رتبولنا المكان و طلبنا بعد المواصلات من المطار للفندق ومن فندق لفندق كله عن طريقهم
اما الرحلات الداخليه انا بنفسي نظميتهم دخلت موقع دليل ماليزيا السياحي و اخترت الاماكن الي اباها و من الفندق نطلب تكسي و يوديني ما نوقف برع و ندور تكاسي
وبالنسبه للسوق سوقهم وايد حلو واغراضهم حلوه يبالكم 3 ايام في كوالالمبور العاصمه يوم رحله و يومين سوق او ع راحتج
بس اذا سرتي مثلا حديقة الفراش في مكان و فيه حديقة ثانيه مال الفراش مكان ثاني روحي مكان واحد ولا تضيعون الوقت لانه نفس الشي
وبما انه رايحين 10 ايام حاولي تخلين رحله مال يومين في يوم واحد من الصبح لين قبل المغرب او العصر تردون ترتاحون شوي و تروحون مركز من مراكز التسوق الي بتكون جريبه من سكنكم حق سوق شوي و عشا ^_^
شو رايكم فمخططي لماليزياااا افيدوني
وشو اخباركم انشالله بخيييييييييير
اليوم يا حبايبي بغيت رايكم فبرنامجي اللي حطيت للسفر
وياليت اللي مسافرة ماليزيا اتقولي رايها وهل اوك ولا
وحطولي ملاحظاتكم لو تكرمتوااا
ونبتدي
اليوم الاول بيكون راحة في فندق صن لاقون( وبنفس الوقت بناخذ جولة في الاشياء اللي حولين الفندق والمركز التجاري) طبعا مافي رااااقد ولا تضيع وقت خخخخ
اليوم الثاني والثالث انشالله بنطير على لانكاوي فلانكاوي صن لاقون عجبني( حديقة التماسيح الابار السبعة، مقام مهسوري، عالم ماتحت البحر، رحلة الخفافيش، واذا في وقت الجزيرة العذراء الحامل)
اليوم الرابع نطلع من لانكوي على بيانتغ بالفري ساعتين ونص بالبحر تغير ونقعد في هوليدي ان( السوق الليلي،ركوب البارشوت، الالعاب البحرية، معبد الافاعي، والقطار الجبلي، والشلالات)
اليوم الخامس نطلع من بيانتغ ساعتين بالطريق نوصل الكاميرون نتحوط فيها ونحن رايحين العاصمة يعني مابنبات فيها نص يوم
اليوم السادس بنكون في العاصمة وبنخليه للابراج والمنارة وتايمز سكوير وبنقد في بيكولو اللي في شارع العرب
اليوم السابع بنروح جنتنغ من الصبح وبنرد اخر اليوم
اليوم الثامن نخليه للامكان في العاصمة والسوق
اليوم التاسع نطير على تايلاند عن طريق ايراسيا( الهدف شوبنغ طبعا وبنسوي شك اب بالمرة)
وخاصة بعد ما شفت تقرير اختي الغلا قلت خلاص بروح بروح ههههه
بنقعد 3 اياااام جي
شو رايكم بالبرنامج
بعض الملاحظات:-
1- طبعا هالايام ماقدر ازيد عليهم لان الاجازة على القد
2- ابغي اروح القرية الفرنسية اهي عند جنتنغ بس ماظن يكفي الوقت، فلو رحتلها يوم ثاني من كوالا عادي!!! كمن ساعة ونرجع
3- طبعا انا وريلي اول مرة نروح ماليزيا فحاولت اجمع بعض المعلومات من المنتدى والتقارير ودليل ماليزيا، بس ابغي ارائكم
بلييييييز خوواتي
وثانكس مقدما
التسوق في المانيا
شحالكن بنات ؟
مبروك عليكن السنه اليديده
ويعلها سنة خير عليكن وتتحقق فيها امالكن ان شاء الله
بنات بتنشدكن
انا ناويه ان شاء الله اسير ميونخ عقب سبوعين اذا الله اراد
وناويه اتسوق هناكي من كل شي
بجامات نعول الله يعزكن جنزات بديات واهم اهم اهم شي ابا اخذ شنط
فحبيت اسالكن اذا فيه حد مقيم هناكي ولا حد قد ساير شهر 1
هل بيكون الكولكشنات للملابس كلها شتويه ؟ يعني مابحصل شي صيفي وينلبس في بلادنا؟
وعشان الشنط نفس الشي بيكون كولكشن شتوي مبالغ فيه يعني ولا بيكونن عاديات شرا لي هنيه فبلادنا؟
ترا انا ماعرف عشان جيه حبيت اسال
انا صح سايره المانيا كذا مره بس سايره فالصيف وشهر 11 و شهر 3 و 4
لكن في هالفتره من السنه ماقد سرت هاي اول مره بتكون ان شاء الله
المهم بنات الله يخليكن خبرني
تشجعني اسير اتشرا من هناك ؟ يعني بحصل شي حلووو؟
وبيكون شي تنزيلات عشان السنه اليديده ولا ؟
بليز يالخبيرات ردن عليه
بغيت اغراض من المانيا
بكلمج عالخاص
تروحين وتردين بالسلامه ان شاء الله
لا تنسين الكاكاو من الكافهوف
انتي امري بس
واترياج عالخاص
الله يسلمج ياربي
وثانكس عالمرور الحلووو
^^
وعن الشنط بتحصلين كل الانواع
ثانكس فديتج عالمرور
^^
انا اليوم باذن الله بروح المانيا طياراتي على الساعة 2 فليل
باخذلي لفة على اسواقهم وبخبرج باذن الله
العود الماليزي
أنا يمكن بعد كم يوم بروح ماليزيا إذا الله أراد ..
وأمي خاطرها في العود لانه مره كنا فالقريه العالميه وراعي محل ما أتذكر في أي قريه طلع لنا عود ماليزي وريحته تجنن بس كان وااااااايد غالي ..
فحبيت أسال الخوات ألأي راحن ماليزيا ويعرفن في أقدر أحصل العود الماليزي وبأسعار حلوه ..
ومشكورات مقدما …
بس بغيت أعرف وين أقدر أللاقيه في ماليزيا يعني وين المحلات الي تبيع العود ..
أختي اقري هالموضوع وان شالله بيفيدج
تخبل الصراحه سواء عووود أو مخلطات .. انا خذت عود ما ليزي والصراحه كان خبااااااااااااال ريحته حلوة وايد
وفي المحل معلقات صورة الشيخ زايد الله يرحمه ويوم تخبرت عن مالك المحل قال انه مزروعي من الامارات
وهذا هو الفرع الوحيد لهم بس الصراحه المحل ما يتفوت ولي يسير كوالالمبور لازم يسيرله
خواتي، ناوية ان شاء الله اسافر بانكوك في شهر ابريل 2024 وأبى مساعدتكم
مرحبا خوااااتي الاعزاء،،
لوسمحتوا اللي رايحه بانكوك قريب ابى خبرتها ونصايحها
ناويه بإذن الله اسافر تايلاند ( بانكوك+ شانغماي)
في شهر ابريل القادم بعد شهرين ان شاء الله
ابى اعرف وين احسن مكان لإقامة العوائل
1- اسماء فنادق
2- اسماء المطاعم العربية (في بانكوك وشنغماي)
3- اسماء مراكز تسوق ، وشو احلى شي خذتوه من هناك
4- واذا تعرفون وين يبيعون عود حلو ومب مغشوش
5- اسماء واماكن اللي يبيعون شنط ماركات وسوع
6- الاماكن السياحية والترفيهية للعايلة والاطفال
7- واذا تعرفون وين يبيعون اكواب وصحون مميزه
و نفس الشي في شانغماي
ولكم مني جززززززيل الشكر والاحترام وشكرا
فبانكوك عندج فندق اماري بوليفارد حذال شارع العرب وبتحصلين فيه صحون وشنط وهالسوالف
وانصحج تروحين سفاري وورد و حديقه دريم وورلد رووووعه وسيام بارك المائيه
اما المولات عندج الام بي كي ومشبوك معاه طوكيو سنتر وعندج الباتونام
وشنج ماي عندج رحله الشلالات والسكن اسكني حذال السوق الليلي بس نسيت اسم الفندق
وان شاء الله يفيدونج البنات اكثر
تروحين وتردين بالسلامة فديتج
ابى اعرف وين احسن مكان لإقامة العوائل
1- اسماء فنادق
عندج الفنادق الي في بانكوك بالنسبة لأهل الامارات ( فندق اماري بوليفارد ) ولهم سعر خاص
بالنسبة لأهل قطر ( فندق جي دبليو ماريوت ) ولهم سعر خاص
اما اذا حبيتو نظام شقق ( شاما ) عدال فندق الماريوت بالضبط في شارع العرب
او عندج نظام شقق ( الماي فير ) هو تابع حق فندق الماريوت بس شوي بعيد عن شارع العرب بس حلوو
—–
اما بالنسبة لشنغماي / ابا اعرف اذا تبون نظام شاليهات او فندق او نظام شقق
2- اسماء المطاعم العربية (في بانكوك وشنغماي)
المطاعم العربية في بانكوك :
مطعم بيروت ( في المجمع الي تابع حق فندق الماريوت واسم المجمه "فون شت" )
مطعم شهرزاد ( في شارع العرب )
مطعم العراقي
مطعم اليمني
مطعم وشيشة ناصر المصري
مطعم اكبر الهندي
عموما هو في أكثر من مطعم وكلهم حلال
——
أما في شنغماي :
مطعم الريم الاماراتي ( مجابل فندق شنجريلا )
مطعم كراو مالي
مطعم ارمين
مطعم كاو سوي دانغ ( هذا بتحصلونه خلف السوق الليلي )
مطعم شيري شيراز
3- اسماء مراكز تسوق ، وشو احلى شي خذتوه من هناك
عموما حبوبة خلي تسوقج كله بتايلاند لأن نادر لين تحصلين مجمع يبيع اشياء حلوة في شنغماي
مجمعات تايلاند :
المجمعات الراقية والأصلية / سيام براجون – سنترال شت لوم – وورد تريت سنتر ZEN – كايسرون ( مجمع الماركات العالمية ) – روبنسون آسووك – ترمنيتل تونتي ون – أمبوريوم
المجمعات العادية / أم بي كي – باتينام سنتر – سيكون سكوير ( خامس أكبر مجمع بالعالم ) – بانتيب بلازا ( مجمع الأجهزة والكمبيوترات ) –
بضائع منوعه : جاك كون جاك ( سوق الأحد ) – جاينا تاون ( السوق الصيني ) – بوبي تاوور ( بيع بالجمله )
AsiaTique هذا المكان واايد حلوو وفي اشياء رخصيه
4- واذا تعرفون وين يبيعون عود حلو ومب مغشوش
عندج وحده اسمها أمينه – حفصة
والله في أكثر من وحده نتعامل معاهم خخخخ
5- اسماء واماكن اللي يبيعون شنط ماركات وسوع
تبلين الأصلي أو تقليد درجة أولى
6- الاماكن السياحية والترفيهية للعايلة والاطفال
في تايلاند / درييم وورد – سيام أوشن بارك – سفاري وورد
7- واذا تعرفون وين يبيعون اكواب وصحون مميزه
انا عن نفسي أحب الاستايل الاوروبي وايد احب الناعم عندج كل المجمعات يبيعونهم واذا تبين الاستايل الخليجي المزخف عندج شارع العرب وعندج أم بي كي
والحين حبيت افيدج عن تايلند بس لان شنغماي رحتها من سنين وماذكر
1- اسماء فنادق
بالنسبة لتايلند عندج اماري وفندق شما انا كنت ف شما روووعه
وهالفندق 5 نجوم وتعاملهم جداً روعه تروممين تشوفينه ف موقع بوكنق
موقعهم ف شارع العرب والتكاسي تلاقينهم جدام باب الفندق بس كاسريهم لو قالولج 100 قولي 50
2- اسماء المطاعم العربية (في بانكوك وشنغماي)
عندج شارع العرب فيه كل المطاعم اللي على بالج وجرير من الفندق تطلعين من الباب الوراني لفندق شما وتروحين بتلقين مطاعم مصريه يمينه إماراتية اسمه الغواص روووعه ووايد مطاعم حلوه
3- اسماء مراكز تسوق ، وشو احلى شي خذتوه من هناك
المول اللي صدق عيبني أم بي كي mbk هذا يبالج يومين على ما تلفينه كله وجريب من الفندق كل اللي ف بالج بتلقينه هناك روووعه ورخيص وعندج مول اسمه بلاتيوم هو حلو بس غالي شوي
4- واذا تعرفون وين يبيعون عود حلو ومب مغشوش
تبين عود اصلي وحلووةف شارع العرب محلات اسمهم أمينه وشريفه شئ جي نحن خذنا من هناك حق زهبتي والله روووعه الريحه شميتها من بعد كيلو انا وريلي ويوم دخلنا شفت أبويه طالب لنا يمكن 6 تولات
5- اسماء واماكن اللي يبيعون شنط ماركات وسوع
هذا ف كل مكان بتلاقينه حتى ف شارع العرب يدخلونج مكان مثل مطعم وداخل تركبين الدري تلقين محل كامل كله ماركات وخبااال وحتى المولات فيهم
6- الاماكن السياحية والترفيهية للعايلة والاطفال
عندج ف التكاسي يحطون الأماكن السياحية نحن رحنا السفاري وعروض الحيوانات بس من الفندق للمكان 40 دقيقه واذا حر الله يعينكم انا هلكت لاني كنت لابسه اسود فهاليوم بي خباااال وركبنا يخت بعد بوفيه مفتوح
وفي حديقة حلوه نسيت اسمها جريبه بعد
7- واذا تعرفون وين يبيعون اكواب وصحون مميزه
الصحون والأكواب بتلاقينهم ف أم بي كي خبال تحت بتشوفينهم
وبس والسمووحه لو حابه تعرفين شئ بعد انا حاضر
ماتقصرووووووووووون الصراحه واااايد فدتوني
والتكاليف الله يعلم كم بيطلع
الله يكتبلنا اللي فيه الخير
ويسعدنا وياكم ياااااااااارب
فالدنيا و الاخرة ان شاء الله
ابا اسوي فيزا حق خدامتي بليز ساعدوني . وجاوبوني على سؤالي
وابا أخذها معاي المانيا أبا أعرف منو منكن سوت الفيزا وخلصت يعني استلمتها لاني أبا اعرف بالضبط شو الأوراق المطلوبة ؟؟
وكم الوقت اللي ممكن اتخلص فيه الفيزا …
بليز ساعدوني ما شي وقت
بفيدونج أكثر^_^
الاوراق المطلوبه للتاشيره للخدامه
تامين صحي +حجزللتذكره+حجز فندق+الاوراق مالت طلب التاشيره+صورة جواز الكفيل واذا عنده تاشيره المانيا
والمده بين 14و17 يوم
للمرة الثانية . سؤال للي ساروا استراليا .
سألت مرة عن التسوق في استراليا و ما شاء الله ما قصرتن .. الحين ابا اسأل
بالنسبة للسياحة و خصوصا في قولد كوست .. هل ممكن الواحد يحجز مسبح خاص او جزيرة
نفس ماليزيا؟؟؟
انه فيه مسابح خاصه تدرين الي في الفندق الكل يستخدمه
والله ذكرتيني يوم سرت استراليا كنت حامل في الشهر الثالث
وعاد الوحام مسوي مفعوله وين ما اسير ويياي اكياسي
اسمحيلي بس والله ذكريات حلوه……….. الله يوفقج :22 (22):