الوسم: اليزيااااا

مرحبااا للجمييييييييييييع

مقرره انا و زوجي نسافر…لمده 10 ايام..

هل يعني عن طريق السياحة بينظمون لناااا الرحله؟؟؟ ولا كيف

وكم الاسعار؟؟ ما نبغي فنادق راهيه…المهم زينه ونظيفه وارخص

يعني ناويين نتمشى فالطبيعه…ونتسوووووووووووووووق لأهلنااا

وشكرا لكم

https://www.daleel-malaysia.com/

وايد بيفيدج هالموقع
موفقه

أنا افضل انج تحجزين عن طريق النت … اوفر لج من شركات السياحية … حتى التذاكر اونلاين .. و عن الفنادق والله ما عندي فكره ان شاء الله خبيرات ماليزيا يفيدونج

مرحباا..
افضل لج الغالية تحجزين من مكتب يكون افضل لج عشاان ماتتبهدلين هنااك لاني انا يووم رحت حجزت كامل بس اني زدت ليلة في الفندق طلعت اغلى من السعر اللى دفعتة حق مكتب الحجز عندج فندق تريدس حلو عند البرجين وفندق مااريوت بعد ووايد حلو عند شااارع العرب واذا حاابة تروحين جزيرة انصحج بجزيرة بيانج وااايد وااايد رووعة والمكتب اللى حجزت عنده مكتب سفاري للعطلات في ابوظبي حلوة اسعاارهم واذا حبيين تستفسرين اكثر او عندج سوال انا في الخدمة الغااالية..

الله يمفقج حبيبتي بالسفر

وإن شاء الله تستاتسون

عني انا يوم سافرت

عن طريق السفريات حجزنا التذاكر و طلبنا الفنادق الي اسعارهم اوكي و نظيفه رتبولنا المكان و طلبنا بعد المواصلات من المطار للفندق ومن فندق لفندق كله عن طريقهم

اما الرحلات الداخليه انا بنفسي نظميتهم دخلت موقع دليل ماليزيا السياحي و اخترت الاماكن الي اباها و من الفندق نطلب تكسي و يوديني ما نوقف برع و ندور تكاسي

وبالنسبه للسوق سوقهم وايد حلو واغراضهم حلوه يبالكم 3 ايام في كوالالمبور العاصمه يوم رحله و يومين سوق او ع راحتج

بس اذا سرتي مثلا حديقة الفراش في مكان و فيه حديقة ثانيه مال الفراش مكان ثاني روحي مكان واحد ولا تضيعون الوقت لانه نفس الشي

وبما انه رايحين 10 ايام حاولي تخلين رحله مال يومين في يوم واحد من الصبح لين قبل المغرب او العصر تردون ترتاحون شوي و تروحون مركز من مراكز التسوق الي بتكون جريبه من سكنكم حق سوق شوي و عشا ^_^

غناتي انا عندي جدول وطرشتلج اياه جيكي الخاص

هلا بنات شخباركم عساكم مرتاحين

بنات ايلي تقدر ترتب حقي جدول رحلتي حق ماليزيا

لاني بروحها في بدايه السنه اليديده لمده اسبوع

واتمني منكم المساعده وراح اكون شاكره

وشو رايكم بطيران الماليزي

للرفع

وينكم بنات محد يبا يساعدني

انا بعد بسافر ماليزيا بداية السنه وبصراحه
ما سويتيلي جدول للحين
ونحن بنروح عن طريق طيران الاتحاد

تقدرين تروحين الابع مناطق في ماليزيا

للمناظر الطبيعية والرحلات البحرية والشلالاللات وغيرها عندج لنكاوي وبيننج هم جزر ولنكاوي تقدرين تروحينها عن طريق الطيارو وبيننج بالباخره

وعندج بعد الهايلند تروحينه بالسايرة تبيعد عن كولالمبور 5 ساعات تقريبا
اما بالنسبه للالعاب واماكن الترفيه عندج جنتنغ وهي منطقة فوق الجبل تروحينها عن طريق التلفريك او الباص او التاكسي
ولشوبنغ كولالمبور

هذا با ختصار واذا عندج اي استفسار انا حاضرة

اختي اذا بس اسبوع احس انه مايمديلج اتزورين اماكن وايده في ماليزيا
بس اذا بغيتي الراحه والاستجمام والمناظر الطبيعيه سيري جزر وقعدي فيهم اسبوع مثل لنكاوي ولا بيننق

واذا بغيتي تتسوقين وتتمشين خلاص تمي في كوالالمبور اسبوع وسيري يوم جنتنق لعبو واستانسو بالجو البارد وردونفس اليوم

انا تميت 10 ايام وما مدالي لان صدق عندهم وايد اماكن حلوه اهناك

والله يوفقج في رحلتج

ولله كل جزيره ما يبالها اكثر عن 3 ايام

فاختاري جزيره وحده يا بيننج او لنكاوي

بعدين لو تبين كوالالمبور باقي الايام يعني 3بيننج و4 كوالالمبور

وعلى فكره في كوالالمبور وايد اماكن للتمشي بكبرها كوالالمبور طبيعيه

عندهم حديقه الفراشات ، الحيوانات ، الطيور ،

حديقه جنتنج فوق الجبل روعه

الحدائق المائية في صن واي لاجون

السلام عليكم حبوووووبات

وااايد مستانسة

تصدقون اول مره اسافر للسياحة

واخيرااااا بزور ماليزيا

ان شاء الله السفر بيكون يوم الجمعة 20 شهر 6

والعوده 28 شهر 6

اعرف ان السفره قصيرة

بس المهم اسافر وخاصة ان هاي السفره يت بعد معاناه وتعب

من متى وانا احن عليهم ان اسافر لأي مكان

اليوم امي سافرت مصر وشلت اخوي الصغير وياها وبترد اخر شهر 8 وابوي بعد بيسافر لأذربيجان وبيتم بعد شهر او شهرين

بس انا واختي الصغيره بنسافر مع اخوي وحرمته والصغيرون

بنات شو الاشياء اللي لازم اشلها وياي خلال هاي الفتره القصيره وتكون ضروريه
انا بصراحة ماعندي فكره ساااااااعدوني بليززز

على فكره احنا بنسير بس كوالا لمبور بس
بس بنزور كم مدينه بعد من بينهم جنتنج يقولون واايد حلوه

^_^ طولت عليكم اكيد تقولون يحليلها ما صدقت بتسافر بعد تعب الدراسة والدوام انا محتاجة حق هاي الرحله

اتسيرين واتردين بالسلامه

انا انصحج ماتشلين اشياء وايد وايد بس الاشياء الضروريه وخصوصاً انج مابطولين في السفر

الغالية لكوالامبور بتحتاجين ملابس خفيفه لانها حارة وامطارها متقطعه
ونعال مريحه او جوتي رياضه بلا كعوب وكسرة ظهر

اما لجينتغ بارده شويونه يبالج لبس شوي دافي بس بتستانسين بالعابها

تصلح للصغار والكبار

يااااي حلو احساااااس الاول مره .. اول سفره دايما اتكووون مميزه ..
الله يسهل عليج يارب وايوفقج …

تاخذوني معكم؟؟؟؟
حبيبتي والله تستاهلين كل خير والله يهنيج بالسفرة والله ييسرها لج إن شاء الله
حبيبتي مثل ماخبروج الخوات بخصوص الملابس..
وشوفي بعد موضوع قائمة المسافر فيه كل الأشيا اللي بتحتاجينها تقريبا
انتي أهم شي أخذي لج ملابس مريحة…بجامات للنوم …. وأغراضج الشخصية اللي تستعميلها كل يوم…هذا صار شعر خخخخخخخخ
انزين وبعد اخذي مسلزمات النظافة الشخصية…..
باختصار فكري انتي كل يوم شو تستعملين ووديه معج ….
كتبي الأغراض على ورقة وكل ما تحطي شي في الشنطة شطبي عليه…
مظلة للمطر ضرورية لماليزيا…..
بوصلة وسجادة للصلاة مع ان الفنادق هناك فيها اتجاه القبلة ….بس هذي شي لازم توديه في سفراتج المستقبلة
اي شي ثاني ممكن تشتريه من هناك لا تحطين أغراض وايد..
علشان تقدرين تتشرين وتعبين الشنطة…
إذا تذكرت شي بعد بخبرج …

هذا موضوع قائمة المسافر
https://www.uaewomen.net/showthread.php?t=265842

موفقة حبيبتي

تروحين وتردين بالسلامه انتي والي معاج

الغاليه انا سايرة كنت ماليزيا ..نصيحة لاتشيلين اغراض وايد وياج لان كل شي متوفر عندهم ..بس خذي ثياب خفيفة لان وايد حر في كوالالمبور..

السلام عليكن ورحمة اللهــ وبركاته

اشحاااالكن كلن بحااااالهــا
حامل وعندي ولد عمره سنه و7شهوووور
من حملت وانا ماليزيا ف بالي وما يمر يوم وما اذكرها فيه
ما ادري هاوحام او نفسيتي تعبت من الحمل
المهم وبعد تفكير طال شهرين انا وبعلولي
قررنا نسافر شهرثلاثه ع ماليزيا
بس اول سفره نسافر ما اعرف شي عن السفر ولاشي
ابا من خواتي الغاليات وبنات منتداي الغالي تساعدني ف اعداد سفره حلوه
وكيف اجوى ماليزيا ع شهر 3 السفرعشره ايام
مخطط كامل من فنادق ومواصلات والاسعار واماكن الطبيعه ريلي ما يحب البحر
عكسي امووووت ع شي اسمه بحر <<<<< خخخخخخخخ رومنسيه
اسفه طولت عليكن شدين الهمه اول مره اطلب شي

الله يتمم حملج على خير و يسهل ولادتج

ما عندي فكرة الغالية … اتمنى البنات يفيدونج

فديتــج اهــم شي ,, تسيرين عند دكتورتج وتخلينها تشوف البيبي وتكتبلج الادوية لولدج الصغيرونــي مثل دوا الزجام والكحة والحمى والاسهال لانه اروحه اصغير ,,,,

ماليزيا مناطقها وايد كوالالمبور ,, فيها مجمعات وحدايق وايد حلوة ,,

شي سن وي لاقون ,, فندق وسنتر وحديقة مائية والمنطقة روعة ,,

وجنتنغ فظيييعة العاب وجو ضبااااااااااب وتيلفريكــ ,,

لنكاوي وبيننغ جزر امم عشهر 3 الجو بيكون رطووووبة وايد ,,

فديتج شوفي منتدى العرب المسافرون وايد تقارير مصورة عن ماليزيا حتى يرتبون لج الميزانية ,,

اتذكر كان في اخت في المنتدى هني بس ما اذكر اسمها تعملك جدول للرحله و الاسعار ما شالله عليها

لو اتذكرت اسمها بخبرك

الله يتمم عليج الحمل ويسر أمرك
ماليزيا جوها استوائي طوال العام مع الامطار طوال العام
أنا عن نفسي ارتحت ف بينيغ جزيره هاديةوكولالمبورفيها اسواق وحدائق الطيور فيها روعه وجنتج ما يفوتك من الجو البارد وخذي معك كريم للجسم ضد الناموس لانه كثير ناموس خاصة ف الادغال ودواء للحراره وللزكاموفيتامينc
والاسعار مثل هنيء تقريبا

و أنا بعد متوحمه على تايلند ممكن تعقوني في طريجكم في بانكوك

خخخخخخ

السلاام عليكم
بغيت اعرف وين اتحطون اغراضكم المهمة فالسفر..مثل الجوازات..الفلوس..الاوراق او التذاكر او اي شي مهم…….؟؟
وبعد بغيت اسأل..بالنسبة لماليزيااااا…شو بالنسبه للحراميه هنااااك…
وحده قالتلي حتى دبلتج لا تلبسنها ولا شي…اللهم اكسسوارات ان بغيتي..واتكون واضحه انها من الاكسسوار…مش ذهب او المااااااس……………………

صدق هالرمسه والا لا……

سيري واستانسي ولا تحاتين..ماليزيا واااايد أمان
والبيزات والجوازات نحطهن فالخزنه الموجودة فالغرفة نحطلها رقم سري ونخلي أغراضنا فيها
وساعات فالهاند باق مالي.. بس ألاحظ ريلي مايشل وايد يسحب بالبطاقة من أي مكان..
وأحس ماله داعي تلبسين ألماس وذهب أضمن!!

حبيبتي ماليزيا امان وانا يوم سرت ما جفت حرااميه وعاادي كنت البس دبلتي وسااعتي
والاشيااء المهمه في الهاند باق مالي والا فالخزنه اللي فالغرفه وطبعا محد يعرف الرقم السري الا انتي

سيري واستااااانسي الدنيا امااان ^^

بالعكس ماليزيا أمان لا فيها حراميه ولا شي انا من النوع احب اكشخ كنت البس خواتمي الذهب وعادي لا تحاتين واغراضكم حطيها في الخزنه اللي في الغرفه ….

إن شاالله تستانسين في رحلتج

لا حرامية ولا شي روحي وأستانسي

والأعراض المهمة حطيها في الخزنة مال الغرفة وحطي له رقم سري

السلام عليكم ..

شحالكن .. شو الأخبار ..

شو الصيف وياكن ..

بندخل في الموضوع ع طول ..

طبعا أنتو تعرفون أن فصل الصيف فصل الإجازات وكل الناس تحب أنها تسافر .. ونحن بنسافر ماليزيا ..

فحبيت أنكم تقولولي الأماكن السياحية اللي في ماليزيا ..
شو احسن الفنادق اللي عندهم
شو تنصحوني اشل من الملابس …. عندي عيالي صغار الولد سنتين ونص والبنت سنه

وبعض الصور لو سمحتو ..

ومشكوورين ..

مرحبا الغالية أنا سكنت في تايم سكوير في كوالا لامبور بترتاحون فيه لان ملاصقنه مركز تجاري عشر طوابق ومطاعم ومنطقة ألعاب تدخلون له من الفندق وفيه سوبر ماركت وايد كبير المهم اذا حابة اتشوفينه اكتبي في الغوغل تايم سكوير ماليزيا بيظهر لج بالنسبة للملابس الجو عادي مب برد بس في جنتنغ فوق اليبل برد

هلا فديتج رحله سعيده اولا ثياب اليهال شلي شورتات وقمصان كت وصنادل لنه جوهم في كوالمبور حار اشويه وكل الريايل واليهال هناك بشورتات وفوانيل وصنادل ومن ناحيه الفنادق فندق ريجنت فندق الماريوت فندق الرتز كارلتون فندق وشقق تايم اسكوير واذا تبين حوض والعاب مائيه عندج فندق سوينا لاغون يبعد فالموتر عن تقريبا ربع ساعه عن شارع العرب اذا ماشي زحمه واذا بتسيرون جنتق شلي اشويه ثياب غليضه لعيالج لنه الجو يكون بارد فوق مال 15 تقريبا وعندج افا موسى منتجع حلو بعد فلل وكل فله فيها مسبح وفي طبيعه والجو حلو وبارد ومرتفعات كاميرون

ادخلي على منتدى العرب المسافرون بوابة ماليزيا واستفيدي ……..

مشكووووووووووووووووووووورات وماقصرتن

weeeeeenkn