مرحبا معلمات
عندي استفسار شو رايج احسن طريقة لضبط الصف؟
how do you manage ur classroom?
انا اعرف انة المفروض الواحد يركز عل ايجابيات و التعزيز للسلوك المقبول و تطنيش السلوك الغير مقبول ( هذا اللي درسناة ) بس الواقع شي ثاني!!
شو هيه انسب طريقة للعقاب برايج؟
اذا الطالب ماالتزم بحل الواجب .. او سوا حشرة في الكلاس .. او ضرب حد من زملائة ( بدون سبب ) او تحرك من مكانة بدون استئذان كيف تعاقبينة؟
انا مسوتلهم جارت chart لكل مجموعة فيها ستيكرات للقرب اللي يسوي حشرة او مايحل الواجب ما يحصل ستيكر .. بس هاي الطريقة للاسف نفعت في صف واحد فقط!!
و اللي ما تحل الواجب اوقفها 10 دقايق و ما تحصل ستيكر!!
الصف الثاني وايد حركي hyperactive مب محصلة طريقة لضبطهم و يسوون حشرة ويتحركون من دون ما طلب منهم .. فكرت في ال thinking chair كرسي التفكير بس كم كرسي بسوي الصف كلة حركي .. عندي 6 تقريبا سوبر اكتف ..
ابغي اعرف شو الوسيلة الي تستخدمونها؟
