سويت هالاكله والكل حبها بصراااحه
المقادير :
بطاط مقطع شرائح
بصل مفروم ناعم
بقدونس مفروم ناعم
بصل اخضر مفروم
طحين
زبده
حليب (( طازج او نيدو عادي او طويل الاجل ))
كريمة طبخ (( اختياري ))
ناندوز الثوم الابيض (( اختياري ))
فلفل اسود مطحون
فلفل ابيض مطحون
ملح
الطريقة :
تسلقين البطاط نص سلقه
وتخلينه ع صوب
وفي جدر ثاني تذوبين الزبده ويفضل انها تكون كميه كبيره شوي للطعم 
وتحطين البصل فيه لين تشوفينه صار شفاف
تحطين فيه الطحين .. (( عاد الكميه المفروض تعرفينها من كمية البصل والبطاط وكلما كثرتي البصل الطعم يطلع احلى والذ ))
حمري الطحين شووووي في البصل والزبده …
حطي الحليب وحركييه لين تحسين ان الصلصه صارت كثيفه .. بس مب واااايد (( هذي مثل البشميل بس لا تخلينها وااااايد كثيفه ))
وعقب ضيفي شوية كريمه وصلصة النادوز مال الثووم (( الابيض )) والملح وفلفل اسود وفلفل ابيض
حطي في هالصلصه البقدونس والبصل الاخضر
واخر شي ضيفي عليهم البطاط الي سلقتيهم نص سلقه واقلبيهم لين الصلصه تغطي البطاط
وحطيهم هالصلصه مع البطاط في صحن بايركس (( صحن الزجاجي للفرن ))
ودخليهم الفرن لينما تحسين البطاط جاهز …
واخر شي رشي فوقه جبن بارميزان ودخليه الفرن مره ثانيه عشان الجبن يذووووب
وبسسسسس
هنااا وعااافيه ع قلوووبكم
والي تبا تنقل الموضوع لمكان ثاني اتمنى تذكر اسمي 😁
لاني بصراااحه تعبت وانااكتب
اسمحولي ماقدرت احط صور لاني اكتبلكممن تلفوني وماعرف كيف يحطون صور من الفوون .. الي تعرف بليز تخبرني😁😁😁
جاري التجربة
بس ياليت لو كانت الوصفة مرفقة
بصورة ،،،
