الوسم: الخادمة
استفسار عن السفر مع الخادمة
انا عندي عيال بس ماشاء الله عليهم ما يخلون الواحد في الطلعة يرتاح ونحن نبي نسافر وريلي ما يبي يوديهم وانا ابي اوديهم معانا /// ففكرت اودي الخادمة تساعدني عشان هو يرتاح ويفكني من صدعة الراس فمنو منكم جرب يودي وياه الخدامة وكيف تتصرفون بالخدم والغرف والكشتة كيف تكون معاها وشو الدول المناسبة في هالحالة؟
وشكرا
وبنت عمرها 9 شهور
ناويين نسافر على ماليزيا بشهر 5 وقررنا ناخذ الخدامه ويانا
صح هي تكلف تذكره وتضطري تاخذيلها غرفه بروخها بس بصراحه احس انها بتفيدنا وايد
ماشاءالله على اليهال مايخلوج قاعده بمكان واحد واحنا رايحين نرتاح ونستانس ان شاءالله
بصراحع هذي اول مره اخذ الخدامه معي
لان قبل كان عندي الولد بس وكنا انا وابوه نتعاون عليه
وماشاءالله عليه كان اوقات يطلعنا من طورنا
بالنسبه للبلدان اذا الخدامه مو مكمله معج سنه ماراح يعطوها فيزة اوروبا غالبا
احنا حاولنا بس مارضوا
كنا نبي نروح سويسرا بس ربج مارادلنا
ماليزيا ماتحتاج فيزا
اذا عندج يهال وتبي الخدامه وياج انصحج بماليزيا
بلد مب غاليه واليهال بيستانسوا هناك
وايد فيها اماكن لهم
عيب ماليزيا الوحيد ان جوها حار ورطوبه اوقات تكون خفيفه واوقات تذبح!!!
ولا وااااااااااايد بتتعبين
ام زوجي وزوجي يعاملوني مثل الخادمة
ماعندي شي أقوله بس انصحوني خففو علي
حاولت أتقرب من زوجي اضحك أجي واغازله وأحضنه ما شيئ فايده
ايش غيره علي
اريد أموت وارتاح
لان الطلاق بيزيد التعب تعب والهم هم
ساعات افتح الدريشه وأفكر ارمي نفسي
إه ادعوووولي
أختي لا تزعلي مني بس مهما كان المشاكل اللي نمر فيها , فالتفكير في الإنتحار مب هو الحل , تراه الإنتحار ما يريح ولا بيحل المشاكل . ألجأي لربج وأدعي بتضرع وخشوع .
شوفي مشاكلج مع زوجج وحليها معاه , لو ما نفع دخلي أهلج ولو ما نفع ألجأي للمحكمة .
انتي يايه من بيت اهلج معززه مكرمه رمسيه وان ماعيبته الرمسه رمسي اهلج يتفاهمون وياه
إيجابيات وسلبيات الخادمة الفلبينية
الله يجزا كل وحدها تساعدني جنة عرضها السموات والأرض
متعاونات من ناحية التربية والنظافة وبعد الأكل.. يعني اهتمامهن بالياهل وايد حلو.. تعرف احتياجات البيبي واذا حبته
مستحيل تقصر فيه.. وما يحبن حد يتأمر عليهن عطيها الاوامر من اول يوم وخبريها شو الممنوع واكدي عليها هالشي
شي منهن ونيات ويالله لين تسحب ريولها وتمشي وشي منهن والله هبات ريح وتفهمج قبل لا ترمسين.. لأنهن دارسات
وفاهمات كل شي.. هاي اغلبها ايجابيات تبين تعرفين سلبياتهن.. اول شي حراميات لوووووووول قليل ماتحصلين وحده
ماتصرق مادري ليش!! وشي منهن فيهن بطره وايد يتطلبن والموبايل من اساسيات شغلهن.. اي كلمه تكدرها عادي ما
تبا تكمل شغل.. وعاد اذا كرهتج ولا حرجت على اهل البيت ترا عليها وعلى اعداءها..
بس انا ابيها للتنظيف البيت و غسيل اللثياب
اهم شي انهن نظااااااااااااف
وان علمتينه شيئ مشن عليه
بس حسب تعلومج
أحب الخادمة أكثر من زوجتي
الله يسلمكن .. وانآ اجلب في النت .. ومن منتدى زوجي لثآني ..
لقييت هالكلآم الي بتقرنه بعد اشوي .. والله العظييم استغربت ..
جآن فييه ريآآل يفكر هالتفكيير ,,, وكآآتب اريآل مشكلته اونه يبى حد ينصحه ..!!
اقرن واحكمن ..
هل الغلط منآ انا نييب خدآآمه في البيت عشآن اسآعدنآ ؟ ولآ ان الريآييل مآ يعجبهم العجب ..
.
.
.
اكيد تستغربون مني لكن هذة الحقيقة المرررررررررة يازوجتي الغالية
ليتها كانت زوجتي صحيح انها ليست جميلة ولكنها أفضل منك بكثثثثثير
فأنا اقوم في الصباح واجدها قد جهزت لي الفطور وكوب الشاي واقول لها تسلم يدك ياسيرملا
وقد جهزت لي ملابسي ومسحت جزمتي ومسحت زجاج السيارة ورشت عطر بها
نعم انها افضل منك
آتي من الدوام تستقبلني عند الباب(تفتح الباب)
واجد الغداء جاهز امممممممممم تسلم يدك ياسيرملا
تنظر زوجتي باستغراب وتقول عيب تكلم الشغالة
ابي ماء يا حياتي(زوجتي)
زوجتي -يا سيرملا وين الماء
سيرملا _ طيب شوي
اللقمة نشبت في حلقي اقوم آخذ الماء بنفسي
تزعل زوجتي على المسكينة وتقول ليه تقوم
انا مسكين باموووووووت نشبت اللقمة في حلقي
تقوم خادمتي الحبيبة بتجهيز العشاء وكل شي
نعم انا خادمتي مثال للزوجة الصالحة لكن انا لا اعاشرها لانه(حرام)
فهي التي تطبخ وتغسل وتكوي وتمسح
وياليت زوجتي تهتم بنفسها تنام بدري علشان الدوام ولا تهتم بمظهرها ولا بلبسها
صحيح اني احبها لكن الخادمة أفضل منها
نعم احبك يا سيرملا
تحيآتي
ع فكره لا تعمموا الرياييل انواع مب كلهم نفس الشي
والله معذور وفعلا الانسان بيحب اللي مهتم فيه ولا اللي مهملنه
طبعا الزوجة الذكية هي اللي تخلي وجود الشغالة لمساعدتها في البيت بطريقة صحيحة
مب كل شي عليها وبعد اهمل عمري وريلي و عيالي .. ماشي مبرر غير الكسل والبلادة
شخصيا ماقد يبت شغالة الا حسيت البركة طارت من البيت ويستوي بيني وبين ريلي
بعد عاااااطفي !!
مشكورة ع الخبر
ولكن وجهه نضري تقول ان الشغااله مااسوت له هذاا كله ببلاش
تشتغل لانهااا محصله رااتب ويمكن طموحهاا تاخذ الراتب والي يدفع الرااتب
لان الزوجه فااتحه المجاال لهاااا
يسلمووو دلوعه
الله يستر علينا ويكبرنا بعيون ريايلنا,,
الخادمة
أنا عندي ثلاث أطفال ومب قادره اتقبل الخادمه ووجودها في منزلي لأني ساكنه اف شقه ع قد حالنا وبنفس الوقت انا محتاجتنها
واللي مجربه وعندها خادمه انصحيني بخصوص تقبلج للخادمه هل هي امسوتلج أزمه فالبيت ولا لأ ؟؟
ولا انكم اتشوفونها راحه ؟؟
اتمنى انكم تنصحوني ……
صعب انج اتدخلين شخص غريب في بيتج وايد صعب
استخيري والله يعطيج عقد نيتج
بس هم مشاكل لازم مشاكل ههههه
منو مثلي ولدها عند الخادمة وقت الدوام
الساعة عشر تعطيه سيريلاك وعقب ايي انا الساعه الثلاث واعطيه غداء بس احس انه يمكن ما ايكفيه لانه اول ولد عندي فاللي عندها خبره ياليت اتساعدني عشان انظم اكل ولدي
صديقتي تسأل : هل الزوجة لها اثم لجلب الخادمة المسيحية في المنزلّ؟
سامحوني ربيعتي تسأل وشاغل تفكيرها بهالموضوع عندها خدامة فلبينية مسيحية في البيت ما تبا تلبس الحجاب في راسها وتريد الحرية او اجازة يوم عشان تسير المول مع ربيعاتها مع انها ربيعتي نصحتها بالحجاب وخاصة شهر رمضان عشان زوجها واولادها وما تبا تعطيها اجازه تخاف تيبلها مصيبه . ساعدوها شو الحكم ؟ وهل لها اثم ؟ وشو تسوي ؟
اولا بعقد العمل الخاص بالخدم ماشي اجازه وبصراحه هذي مو مالت شغل تبى تتمشى وتطلع رديها من الحين ، قاعده تعطي اوامر
هذا رايي وصدقيني لو وافقت راح اتييبلها مصايب على البيت
وبالنسبه الاجازه عادي ترا كل لخدم ياخذون يوم بالاسبوع اجازه بس اهم شي تعرف وين تروح ووين تيي
قولي حق ربيعتج تتستر منها وتغطي شعرها
ام عن الاثم ماعرف
طفلك والخادمة :)
صدقتي والله ..
مياااااو
مشكوووووووووووووورة
يعطيج العافية اختي الغالية
موضوع الكاميرات المنزلية والخادمة .؟؟؟
السلام عليكم ورحمة الله وبركاته
خواتي العزيزات ……شحالكن ؟ عساكن بخير وسهالة دوووم يا رب ..
المهم .. بصراحة عندي مشكلة واريد رايكن فيها …
اذا كنت ناوية اتركبين كاميرا لمراقبة الخدامة او المربية في البيت .. هل راح اتخبرينها بوجود الكاميرا … ولا بتخلينها على عماها …وخاصة في اليوم الاول اللي بتييبينها من مكتب الخدم …
ولانج وايد اتخافين على عيالج .. ماعندج ثقة بالخدم بس ظروفج اجبرتج على هذا الشي .. للعلم انج موظفة ..
والله انا متردده ومب عارفة شو اسوي ؟
اريد رايكن وخبرتكن في هالمواضيع
هو الاحسن انج ماتخبرينها بس شو يفيد يوم يصير شي في حد لاسمح الله
نفس قصة << مو وقته خخخ
رجال اعطى بنته جرة وقال خذي هالجرة وانتبهي تكسرينها وضربهااا قالوله ليش تضربها هي ماكسرتها قال وماذا يفيدني ضربها بعد كسرها
حلوة صح :؟؟ خخخ
الله يحفظ عيالج وعيالنا انا ابا خدامة مع اني مو موظفة واخاااف منهم
سوي الكاميرا ولا تخبرينها علشان تشوفينها على حقيقتها وماتتصنع في التعامل
لان لودرت ان في كاميرا بتتصنع في اسلوبها كثيروبتحاول انها تكون اوكي قدر الامكان
في الاخير مانصحش ثخبرينها علشان تشوفين معدنها صح لاتخبرينها وسوي الكاميرى
وحاولي بعد ماتردين من الدوام تيليسين مع عيالش وتاخذين من اللي صارفي يومهم وش كلو
علشان تحس الخادمه ان الام مهتمه فراح تحاول هي اكثر انها تهتم … موفقه الغالية ان شاء الله اكون افدتش بشي
وبحلالـــــك عـــــن حرامـــــك ،
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .