هذا اول موضوع أكتبه و ان شاء الله ما يكون الأخير
حبيت إني استفسر و آخذ رايكم عن الغيرة إلي يكون من الإخت لأخوها المتزوج
المشكلة مب فيهم هم زينين واايد أحبهم وحرمة أخوي مثل اختي
لكن في بعض الأحيان أغار من بعض المواقف … مثلا…
– ما احب أطلع وياهم لأني أحس إني بكون مثل الغريبة من بينهم أو إن حرمته حابه مثلا تتمشى ويا ريلها بروحه ومثلا أكون أنا ويا أمي
– أحيانا أخوي يكون ياي من السفر ومعاه الهديا ومثلا يراويني هديتي وهدية حرمته وعياله ، بس أشوف إن إلي يايب حق زوجته يكون أحلى و أشيك فأغار بس أقول شكرا على الهدية و إن سلامتك أهم
هذي الصفة اتوقع إنه فينا نحنا النساء … لكن ما أريد هذي الصفة أو الطبع يسبب لي مشكلة في يوم من الأيام
و أحيانا أقول إن حد غيري بيكون في يوم من الايام في مكاني وإنه هذي الأشياء عادية بس أنا ما خذتنها بحساسية زيادة
فحابه أسمع رايكم في الموضوع
وجزاكم الله خير على قراءة موضوعي
أكيد معاملته لزوجته غير عن خواته وهداياها بتكون أغلى منا
بس عقب مااهمتيت كل وحدة بتتزوج وريلها بيفضلها على خواته
وهداياها وسفراتها وطلعاتها بتكون قيمة من ريلها مابيمشي خواته دوم كثر زوجته
لانها شريكة عمره أما انتي اخته
فقلت حتى أنا بتزوج وريلي بيهتم فيني عقب بحس بأخوي ليش كانت هداياه واهتمامه لها أكثر خخخ
هاي وجهة نظري
بس لو صار واقع ملموس هني المصيبة لنج راح تقلبين حياه الغير لتعب ويمكن ينقلب التعب عليج
انا احس بغيرة خوات زوجي ولكن عمري والله شاهد علي ما سويت شي يثير غيرتهن لني مجربة. هالشعور واعرف
الله الله في حريم اخوانكن ماتدرون اي عيشه عاشوها في بيوتهم وراعوهن
والله الله في خوات ازواجكن
لا حول ولا قوة إلا بالله
ما أدري
ما حسيت جي قبل ^^
أحس بس حساسية لو تتخلصين منها يكون أفضل
بالإيمان واستعيذي من الشيطان كا ما تييج فكرة غيرة
وربي يسر لج
بس حاولي ما تظهرينها جدام اخوج ومرته عساس ما تستوي حساسيات
المشاركة الأصلية كتبت بواسطة mssuae 
