الوسم: الإفادة

السلام عليكم
كيف حالكم اخواتي اتمنى تكونوا بخير.أنا أعاني من ارتفاع هرمون الحليب الناتج من التكيس حملت بعد 5 سنوات وبعدها رجع ارتفع فكرت اجرب الاعشاب فيكم من تدلني على خبيرة أعشاب سمعت عن البردقوش والمريمرية وما عندى فكرة بالمقادير والحجامة أرجو إفادتي خاصة بنات الشارقة
وربنا لا يحرمكم

المردقوش والميرمية وايد مفيدة ..
خصوصاً المردقوش ينزل هرمون الحليب أكثر من الميرمية…
خذي ملعقة كبيرة من المردقوش + الميرمية انقعيهم في ماي مغلي لمدة 10 دقائق..
خذي هذه الكمية 3 مرات في اليوم…
وإن شاء الله تستفيدين أنا عندي تكيس وما كان هرمون الحليب عندي عالي بس أنا ما زلت أخذ المردقوش والميرمية

طرشيلي على الخاص وانا وايد افيدج بموضوع الهرمونات والتكيس عندي تجربة ممتازة وناجحة
بالعلاج بالاعشاب

السلام عليكم و رحمة الله و بركاته
شحالكن؟؟

لو تعرفون دريولية للتوصيل من بني ياس لكلية التقنية و العكس يومياً..

و مشكووريين مقدماً..

اانا عندي راسليني عالخاص

السلام عليكم بنات
أنا أعاني من آلام أسفل الظهر تقريبا منذ ولدت إبنتي ! يعني منذ أكثر من سنة ! على كل حال الألم زاد ويجيني في أسفل الظهر ومن جهتين اليمنى واليسرى ! الحين أريد أروح لدكتورة بس تفيدوني يا بنات وتقولولي شو إسم التخصص للي أسأل عليه + لو وحدة عندها تجربة مع دكتورة بدبي تنصحني !
وما تبخلو علي بنصائحكم ودعواتكم يا خواتي
والله إيشفي كل مرضى المسلمين
السلام عليكم

وعليكم السلام ورحمة الله وبركاته

والله يااختي انا بعد كانت اتييني هالاوياع بعد ماربيت بس في الشتاء اتزيد علي اكثر

سرت المستشفى وسويت صورة ماظهر عندي شي

الله يشفيج ان شاءالله

السلام عليكم أختي ! الله إيشفينا كلنا يا أختي ومشكورة على مرورك !

انا نفس الشئ
سرت المستشفى وسويت صورة ظهر عندي ديسك

سيري عند دكتورة عظام

الله يعينج ويشفيج
انا بعد عندي الام الظهر فالنص اسفل الظهر وهاي مال اليلسه لان دوامي يتحتم علي ايلس سبع ساعات

الله يعينا ويشفينا يارب

أخ أم عبد الرحمن مشكورة على مرورك ! يعني شو أحسن أروح مباشرة عند دكتورة عظام أو أول شيئ دكتورة عامة ؟؟؟ ولو تنصحيني بمستشفى ؟

مشكورة على المرور أختي ! والله يشفي الجميع

السلام عليكم ورحمه الله وبركاته

اختيه الله يعطيج الصحه والعافيه

اختيه بخصوص سؤالج ما اقدر افيدج كثير

بس راح اعطيج بعض التجارب لناس اخذو مكملات من شركه ال DXN

وتقدرين تسألين عن الشركه ومكملاتها او تقدرين تتصفحين في النت

الحالة الأولى
ربيعتي خذت من عندهم بعض المكملات الغذائيه وبعض العصائر

وللعلم كانت تشتكي دائما من آلالام المفاصل والركب والعظام

والحمد لله من خذتها ارتاحت وما عادت تحس بهالآلام

الحاله الثانيه
وكان يعاني منها واحد من الأهل تعبان من شئ اسمه القولون العصبي

وما خلى عياده الا وراحها وفي البدايه ما كانو عارفين شو علته وبعدها قالوله القولون

العصبي اشترك بالشركه والله من كلام اهله انه قبل ما كان يقدر ينام عدل ودوم ضايج وخلقه تعبان

وبعد ما اخذ من منتجات هالشركه والله ثم والله من كلام اهله انه ارتاح

الحاله الثالثه
مريضه كانت تشكو عزكم الله من الدوره انها متلخبطه وتتعبها كثير لما تيها بس لما خذت مكملات الكورديسبس ارتاحت

وصارت الدوره منتظمه عندها وشهريه

هذه الحالتين سمعت منهم بأذوني هالكلام والحاله الثالثه اهله خبروني فيها

والله على ما اقول شهيد

وبنقل لج تجربه احد الفتيات من منتدى ثاني

شكرا للاخت moonlady على الموضوع الحلو … صراحة الموضوع يستاهل نعطيه
حقه انا عضوة بهذه الشركة واستفدت كثير من منتجاتها الصحية وراح اقولكم تجربتي
فيها مع اني جديدة والي ذكرها لي وحدة من صديقاتي الله يجزيها خير لاني كنت اعاني
من الالام في ظهري لان عندي ديسك وكنت ماقدر اجلس اكثر من نص ساعة من شدة
العوار والالام وبعد ماجربت الرايشي وشراب المورينزي الطارد للسموم اول ما اقعد
من النوم تصدقون بالله من ثاني يوم الالام اختفت كلها وقدرت اجلس اكثر بدون الالام
وحمدت الله سبحانه وتعالى على هذه النعمة ولازلت اتناول هذا المنتج الطبيعي وخليت
اهلي واقاربي وصاحباتي يستعملونه … اما من الناحية المادية فعلا صحيحة لانها تتبع
نظام التسويق الشبكي وحازت الشركة على جوائز عديدة وشهادات علمية معترف بها
……. ومنتجاتها طبيعية لانها تهتم بالصحة العامة والله على مااقول شهيد
فهي فرصة لاتعوض عليها اقبال كبير … اللهم شافي مرضانا من المسلمين آمين
موقع ومنتدى الفراشه النسائي

يعلم الله اني عضوه بس ما قصدت اسوق لهم

لكن فيه كثير ناس استفادو وحبيت افيدج لو فيه اي استفسارات

راسليني وما بيكون خاطرج الا طيب

تحياتي اختي

السلام عليكم خواتي..
بسبب إهمال إصابه لي في كتفي من الرياضه سبب لي تكلس العظم وزوائد عظميه وتيبس الكتف لدرجة أن أبسط حركة ممكن أعاني من آلام حادة وفظيعه وشلل في حركة اليد..
ضربت ابرة كورتيزون في مفصل الكتف ولكن خدر لي المنطقة 6 أشهر وعاود الألم من جديد..
اسمريت وطلع لي حب وزاد وزني بسبب قلة الحركة او الابره ما اعرف.
لا حد يقول تعالجي لأنه عن تجربه مافي مستشفى ناجح للعظام في دولتنا للأسف وحتى التصوير للعظام غناكن الله عنه اللي المفروض يكون له شخص فعلاً محترف وخاص في مجال العظام بس..
منو عانت مثلي من كتفها؟ ومنو سوت عملية لمفصل الكتف؟ وهل تخلصت من الألم فعلا بعد العمليه ام زاد؟ شو تنصحوني؟ شكلهم بيفنشوني عسب ايدي عيل شو فايدتي بدون يد يمنى؟!
الحمدلله على أي حال..
لا تحرموني من دعائكن.. جزاكن الله كل خير..

الله يشفيج ويعافيج حبيبتي
ليش ما تتعالجين برع

هلا اختي الغاليه..
ليش لأن عيالي صغار صعبه أخليهم وصعبه أخذهم معاي في نفس الوقت!.. بس الله يقويني أخليهم اسبوع على الاقل حد شار علي بألمانيا وحد التشيك وحد تايلند بس أنا متأكده العلاج ما يسده أسبوع ومحد بيتحملهم انا ادري بهم فديتهم صدعه!

ترى الكورتيزون معروف انه يمتن وايد ..

الله يعينج اختي .. والله يشافيج يارب ..

latti
أختي العزيزة جزاك الله كل خير..
أنا سألت الدكتور وأكد لي أن الكورتيزون بس بيتم في المفصل وما بيوصل للجسم بس للأسف الواقع كان العكس

اعرف وحدة ابوها سوى عملية في ظهره في التوام عند دكتور كان زائر وثبتته وحدة من شيخات لانه سوالها عملية ونجحت هذه البنت ابوها كان مايقدر يوصل لين باب الحمام لازم يقعد واللحين بعد العملية حتى سواقه يسوق ماشاء الله

وحدة ثانيه امها سوت عملية في الجتف كان منفصل مادري شو بلاها ونجحت الحمدلله واللحين بخير

دكتور ثبتت في توام يروح ويرجع اسمه عمر روحي سويلج موعد وحجزي عنده

وسموحه منح

بسم الله عليش

وما تشوفين شــر

أختي أنا بعد أعاني من ألم بالكتف

وطلع عندي إلتهاب في داخل الكتف

وقالس الدكتور لازم أسوي تمارين لليد

وعضلاتي تعباااااااانه وأنا بعدي صغيره

وهو في توام مواطن وسووو لي أشعتين وحده العاديه X

والثانيه مغناطيسيه

وهو إلي بين الإلتهاب

روحي لعنده

والله يشفيش وما تشوفين شــر

السلام عليكم
حبيت أسأل عن كريم DERMAMELAN TREATMENT
في حد استخدمه؟
وين ممكن ألقاه في العين ؟
وبكم؟

للرفع

سلام عليكم ولدي عمره سنة وكم شهر ظهر له انتفاخ فجلد داخل حلجه فوق ظرسه نفس كورة صغيره خائفة عليه

ما علية شر حبيبتي بس يمكن يكون التهاب باللثه يعني شي ما بخوف

مايشوف شر حبيبتي انتي انتظري اسبوع وادا ماراح وديه لدكتور

انتظري كمن يوم واذا ما راحت وديه العياده

حياتي هذا عنده التهاب الضرس
وطالع منه خراج
سيري على طول عند احسن عيادة دكتور اطفال
ان اكيد ولدج تعبان ويتالم
ولا تحاتين السالفة مو شي كبير
والدكتور بيعالجة
بس فديته بيزيغ من الدكتور والادوات
لانه بعده صغير

وعقب ما يتخلص ولدج من مشكلته
حاولي تهتمين باسنانة
وتقللين الحلويات
وتفرشين اسنانة مرتين يوميا

وما فيه الا العافية

لازم يجوفه الدكتور والله يشافيه

ما علية شر حبيبتي

السلام عليكم ورحمة الله وبركاته

بخبركم موضوعي باختصار …

صارلي ثلاث شهور الدورة عندي بس تكون 3 ايام وهي اصلا فالعادة 7 ايام وانا خايفة ومب عارفة من شو وشو السبب

اللي عندها أي إفادة لي يا ليت ما تبخل علي

محد رد علي

سوي فحص حمل للتأكيد أسمع في حوامل تييهم الدوره فللإطمئنان فحصي
وإذا النتيجه ماشي حمل شربي قرفه مع عسل تنظف وتنزل الدوره

تسلمييين اختي طي السنين عالرد

بس انا الشهر اللي طاف سويت فحص منزلي بس النتيجة سلبية

20 وحدة شافت موضوعي ومافي غير رد واحد

ردي سوي فحص مرة ثانية يمكن هالمره غير

واذا شفتي النتيجة سلبية لا تترددين بزياره اقرب دكتوره نسا ء

وربي يطمنج ان شالله

?????

السلام عليكم ورحمة الله وبركاته

أخواتي العزيزات شحالكن و شأخبارك
يمكن تكون هذه أول مشاركة لي في المنتدى
مع إني قارئة دائمة لمواضيعكن الشيقة و المفيدة
وبصراحة أنا عندي مشكلة و ضايقة المر منها
وأبا رأيكن يمكن استفيد مع أني ماأعرف العيب في
ولا في غيري
مشكلتي صار لها أكثر من ثمان شهور وهي إني الشك
و الغيرة بتقتلني أشك في زوجي في حركاته في تصرفاته
وفي كلامه ماعدت أصدقه في أي كلمة يقولها لي وصدقوني
بجن إذا ظليت على هالحالة صرا أراقب كل شي فيه و حالتي
تتدهور شوي شوي وهو مو داري حاولت أواجهه لكن مافي فايدة
الإنكار مع عدم وجود أدله كافيه مصيبة مع أنه كل شي يدل أنه في
وحدة ثانية في حياته لكن كيف أقدر أتأكد من شكوكي
نار في قلبي الله وحدة إلي يعلم بها شو أسوي أريد ربي يرحمني من
العذاب لا ليلي ليل ولا نهاري نهار ياريت ألقى عندكن نصيحة أو
شي يرحنى من إلي أعانيه
و الله يرحمنى و يفرج الهم الي أنا فيه ما شي أصعب من أنج تشكين في زوجك أبو عيالج

حطي الرحمن في صدرج .. وتعوذي من الشيطان ..

أول شي.. ما عندج دليل..

ثاني شي .. عندج عيال؟

علاقتج فيه كيف؟ هل يهتم بج .. هل يحبج ويحترمج؟؟

حبيبتي في ايجابيات تطغى لى السلبيات ..

حطي ايجابياته … وتغاضي عن سلبياته ..

وحتى لو صح .. وكانت فيه أخرى في حياته بأمكانج انج تكسبينه ..

انتي انثى ومافيج شي ناقص ..

فكري اختي ولا تخلين الشيطان يلعب بج وببيتـــــــــــج,,

الله يهدي بالج ويكتب لج اللي فيه الخير ..

نصيحتي لج انج تهتمين بزوجج ولا تتركين له مجال يفكر في غيرج .. بعدين الرجل مثل الطفل محتاج لاهتمام ودلع وانصات..

وربي يوفقكم

حاولي تكسبين ريلج ..

عن طريق تغير لوك اتسويه مفاجاه تطلعون من دون عيال ..

خلي وقتج واهتمامج له ,,ولا تحسسينة بشكوكج ,,
حاول تشغلين وقتة ..
مش بالعيال طبعا ,,فيكم انتوا ,,

تعوذي من الشيطان واذكري الله دوم
الغالية لا تييبين حق عمرج المشاكل بالعكس حتى لو شفتي منه شي وصبرتي راح يتغير بس انتي لا تبدين وياه وتواجهينه ترى بتخسرين وايد …… واخرتها بتقولين ياريتني صبرت ترى بطريقتج هذي بطفشينة اكثر منج بدل ما تقربينه
اتحملي دام عندج عيال عشانهم لا تخربين بيتج بايدج وبكررها لج اصبري وبعد اصبري

الله يعينج

إن شاء الله ظنونج كلها مب في محلها .. الشيطان مأثر شكله عليج بالوساوس حرام تخلينه يدمرج
عندي سؤال هل قبظتي عليه دليل و الا شكوك بس

إذا حطيتي نفسج خارج نطاق المشكلة نفسيا وجسديا يعني شوفيها كأنها مب مشكلتج مشكلة حد غريب عليج ودورج حلها .. بتعرفين كيف تتصرفين لأنج الوحيدة القادرة على التحكم بها .. بس حكمي عقلج
مب مشاعرج

انا برايي اذا انت شاكة ان يحب عليج وحدة او حتى متزوج … وهو لين الحين ما قالج معناته

انه هو بالرغم من كل شي … بعده يحافظ على مشاعرج .. او حتى يخاف انه يجرحج ….. حاولي بكل ما

اوتيتي من قوة انج تتغاضي عن هذا الموضوع .. ولا تييبيله طاري .. ومن جهة ثانية زودي جرعات

الدلع والانوثة والحنان له …. والاهتمام المفرط فيه .. وجي هو بيحس بالانجذاب الا ارادي لج .. بحكم

انج الأًولى والحلال وام العيال .. وكل شي ……. انت عندج كل الاسلحة اعتبريها معركة …. وحاربي

ابها بكل فن ……….

الله يوفقج انشالله ويسخرلج ابو عيالج انشالله