الوسم: الابجدية

السلام عليكم ورحمة الله وبركاته

الالف :ابي فلوس ،بروح معزومة على شاى ضحى

الباء :بكره ابيك توديني لبيت اهلي عندهم عزيمة

التاء :ترى اليوم انا ماني مسويه عشاء روح للمطعم جيب عشاء

الثاء :ثلاث اسابيع ما طلعنا نتمشا يالله ودنا اليوم

الجيم :جيب خدامه تساعدني بشغل البيت………(والبيت نص شقة) قهر

الحاء :حبيبى..ودى بساعة شوبارد ,مليت من ساعتى الاوميغا(شوفواالنفاق..توها تذكرت هالاسم)

الخاء :خل ربعك اليوم..انا عازمتك نتعشى بره, بس على حسابك

الدال :دور لنا فيلا على 3 شوارع وفيها سرداب

الذال :ذيك السنة (قبل 10 سنوات) قلت لك اشتر لنا سيارة ستيشن اوسع وما شريت

الراء :روح قدم على اجازة خلنا نسافر لاوروبا ,,اووف حر

الزاء :زيد مصروف البيت هذا ما يكفي اغراض البيت

السين :سجاد البيت صار قديم ….غيره يا اخي (السجاد ما كمل له سنتين)

الشين :شيل ولدك شوفه يصيح هناك,انا تعبت من العيال..

الصاد :صفف الملابس هناك منثرة,مليت وانا القط وراك

الضاد :ضبط اوضاعك..ترى كبرت المسؤولية..(توها والدة اول مولود)

الطاء :طالع السيارة سكراب تفشل قديمة, نبي لكزس

الظاء : الظاهر انك ما تحبنى..ليش ما شريت لى العقد الالماس اللى بغيته!

العين :عيوني..اليوم شفت فستان عند زوجة اخوي يجنن خاطري بواحد مثله

الغين :غير يا اخي اسلوبك معاي…كله برود ( لما تكون معصبة وطفرانه)

الفاء :فديتك حبيبي وين تبينا نسافر هالصيف؟

القاف :قدر يا اخي شوي…كل شغل البيت على راسي…تكرم وساعدني شوي

الكاف :كفاية ملينا من هالبيت متى راح تسوى لنا بيت اكبر من هذا

اللام :ليمتى بنتم محبوسين في هالبيت لا نطلع مثل الخلق ولا غيره

الميم :متى بتوديني تايلند مثل ما وعدتني قبل؟؟؟؟

النون :نبى نحجز شاليه شرم الشيخ طول الصيف ..لا تنسى!

الهاء :ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟

الواو :ورني شطارتك رح عند اخوك خذ منه الورث( راعية مشاكل)

الياء :يالله ايدك على 2500درهم رضاوة..لانك زعلتني وكسرت خاطري

* منقول *

يارب يعيبكم يالغاليات بس لا تعطوه دروس حق اليهال

https://saaid.net/flash/hrof_hejaa.htm

اتريا ردود الحلوين الصغار