الوسم: الاجهاضات

الصراحه انا في شهر رمضان نسيت شي اسمه علاج وحمل وهالخرابييط استانست في رمضان ولا كأن عندي هم والي هو هم الحمل
الحمدلله ريلي يحاول ينسيني هالهم علشان مب كله ايلس اتضايج وازعل وانسي كل حلاوة الدنيا وافكر بس في شي واحد الي هو الحمل في اشياء واايد حلوة في هالدنيا ..
ان شاءالله ربي يفرجها علي ويرزقني بالذريه الصالحه

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°° °°°°°°°°°°°°°°°°°°°°°°°°°°°°°°
حبايبي موضوعي ابا منكم خبره او معلومات استفيد منها
انا مشكلتي الله يسلمكم اتعالج واحمل عن طريق الانابيب وانا حملت ماشاءالله 4 مرات بس ربي ما كتب وسقطت والحمدلله على كل حال وان شاءالله ربي يعوضني قريب قولو اميييييين
وكل مره الحمل يكمل 6 او 7 اسابيع ويطيح
والحين حابه اعرف شو خبراتكم شو اسوي بشو تنصحوني يعني مثلا اسوي حجامه او …….
فانا كثير قالو لي اسير عند مطوع يقرا علي قران انا وريلي وبعدني الين الحين ما رحت
وانا واايد تعبت واي وحده طيحت اكيد بتحس بهالالم الي يعور القلب والنفسيه تكوون تعبانه والله يصبرنا ان شاءالله

والدكتور طبعا الله يسلمه قالي لازم يسويلي منظار في الرحم وفحوصات انا وريلي علشان يعرف سبب الاجهاضات المتكرره
وانا توني اجهضت قبل رمضان بيومين

وادعولي احمل ويتم الحمل على خير

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°° °°°°°