الوسم: الاحراج

انا قبل كنت من النوع اللي ما اعرق , وانا بنت ضعيفة ووزني 49 بس الاحظ من سنتين انا جسمي يعرق بدرجة فضيعة لدرجة ان ملابسي يكون مبلل وهذا المظهر يسويلي احراج حتى الاحظ لما اسوق السيارة احس السيت مبلل من العرق بنات دخيلكم شو السبب وش الحل وانا بعرس شهر 7 ما ابغي زوجي يشوفني جذي وخااااااصة اذا لبست قميص على لطول يبين لما اعرق , واللي قاهرني اول ما كنت جذي مع اني لين الحين ضعيفة ووزني 49 وطولي 170 . ونسيت اخبركم نقطة ثانية انا كل يوم اتسبح بماي دافئ لاني سمعت اول ما تتسبحين اتسبحين بماي دافئ عشان الوسخ ويتنظف مسام الجسم وبعدها بماء بارد عشان المسام يتسكر , ملاحظة بعد ما اطلع من الحمام على طول اسوي ملطف العرق لاني بسرعة يصيرلي ريحة , والحين اللي اعرفة كثرة الملطفات مو زينة ابغي يم وحدة ما اسوي ملطف عشان البشرة ترتاح بس ما اقدر لازم لاني بسرعة اعرق وتطلع الريحة . دخيلكم ابغي ردودكم وحلكم وجزاكم الله خير .

الغاليه لو تسيرين لدكتورة جلدية تفحصين خاصة انه بزياده الوضع عندج

وبالنسبة للمزيل

افضل تشترين حجر المسك وحجر الشبه من عند العطار وانتى اللي تطحنينهم ..لان الجاهز يكون مغشوش او مب نقي

لي عوده مع الحل باذن الله

الله يعين حبوبه….

يا هلا وغلا

عندج حقن البوتكس لعلاج التعرق …

وهالمعلومة من النت …. من جريدةالرياض للدكتور عبد بن ناصر السدحان :

حقن البوتكس: يعتبر هذا العلاج من العلاجات الناجحة والامنة لزيادة التعرق في الابطين وراحة اليدين وباطن القدمين وتدوم فاعلية هذة الحقن إلى أكثر من 6أشهر ولا يوجد له أي تأثيرات جانبية على جسم الإنسان.

روحي عند دكتور جلدي واستفسري عن هالحقن …. وعندج وايد عيادات جلدية متخصصة لعلاج مشكلتج …

فانا اشوف هالحقن افضل حل …

تحياتي لج

كلامج صحيح %بل%

قبل ما تسوين اي شي روحي سوي فحص دم تأكدي من الهرمونات، وعقبها غيري عاداتك الغذائيه لمده شهر وشوفي رده فعل جسمج (قللي من البهارات اللي تسوي ريحه في العرق وقللي الملح اللي يسبب احتباس سوائل الجسم وعدم السيطره عليها)

مب تسوين رجيم!! زياده الوزن او نقصانه تسبب خلل في وظائف الجسم.. تناولي اكل متوازن.. معدل توازن الوزن والطول عندج BMI ١٦.٩ وهو اقل من الحد الادني للحد الطبيعي ١٨،٥ فحاولي تتأكدين من موضوع الهرمونات وتوازن الوزن والطول.. والله يعافيج

لووووووووووووووووول مبرووووك علينا التجمع ..

مممممممم استخدمت ماي ورد لويهي

مبرووووووووووووووك

انا صايمة اليوم

عسب جيه بسير باكل وجيه

وعقب ماخلص بقولكم شو سويت

^^

مبروكين التجمع اليديد

اوكي جدولي اليومي

للعيون : الخيار

للشفايف : نفركهن بالليمون وبعدها مرطب من بودي شوب بالكرز

لتعطير الجسم : غاشوقه ماي ورد داخله دبة الماي ونشربها ^_^

للويه : قناع هملايا بالطين والجوز >> للبشره الدهنيه صدق روووعه … و خميره وماي ورد >> ابدااااع

وسكراب الجسم : شكر وزيت زيتون ونفرك به الجسم كامل حتى مع الويه وبعدين انيب ليمونه وملح حق الاماكن الغامقه وعلى فكره انا مجربتنه روووعه باقي طشونه وبيتوحد لون جسمي ولله الحمد

واهم شي مرطب فازلين بالكاكاو بعد كل شور وبعد كل صلاه حق الايد والريول ^^

وكلو فروت وشربو عصاير فررش ^_^

واحين بكمل باقي جدولي

طقوسي عقب السبوح >> خخخخخ

افرك جسمي كامل بمرطب الكاكاو بس >> ولاحضو كلمه بس ماحط شي على الابطين والافخاذ والمناطق الحساسه والكيعان والركب ليش؟ لاني احط عليهم

كريم سودو ^_^

سكانول الليمون ويا النشا يوم انش من النوم امسك قطنه واتمثث منه ^_^

اما خلطات للجسم اسويها مره بالاسبوع عشان الجسم مايتعب واهم خلطه عندي

(( طحينيه + ليمونه+ مرره + حليب بودره + وسكراب المشمش او الفراوله وطشونه ماي )) لمده نص ساعه ^_^

بتابعكن .. ~

وجود لاك .. ~

يومياتي

صباحا: غسلت ويهي بكليراسل + مسحت بماي ورد وحطيت واقي الشمس ^^
شربت ماي دافي وعسل

بعد مارجعت من الجامعة: غسلت بنتروجينا + ورشيت مرطب مااي ايفيان

والحين بحط خلطة البطاطا– وجهزت خلطة ماي الورد+الزنجبيل للانف —

بنات انا مركبه تقويم من سنين من قبل لاعرس

وضروسي عدله مافيها شيء الحين اعتدلن وانا مركبتنه من قبل العرس
ولين الحين وعندي ولد
مركبتنه فمالت توام
والحين حولت الجامعه للاسنان

المهم بعقه قريب
بس
مقطلعلي اللثه

ومسببلي ريحه مب حلوه

شو اسوي
افرش وووووووووووووايد دايما لين يطلع الدم

بس الريحة ماتروح

كيف

ابا دوا

غير الغسول

يمكن فيج التهاب في اللثه

روحي تعالجي ليش تفكرين انه احراج تعالجي ان شالله بيروح عنج

الغاليه ان شاءالله لو قريب بتشلينه لازم اتسوين تنظيف للاسنان

انا جي عقب ماشالوا التقويم الله لايراويج شو طلع دم فاسد بالتنظيف
اذا تتحملين كلى ورق نعناع طازج اذا بتقعدين مع ريلج
او لبان بريحه حلوة ومايكون سكري

تعرفين حب (((الهيل )))) الحب مب المطحوووون قرضيه وأنتي تجااابلين ريلج
شويه شويه ونقي الحبه الصغيييره …. مب عوده وتخرخش …. وإن شاء الله البنات يفيدونج

انا الحين صار لي 4 شهور مركبه والحمد لله ما شي الحال بس المشكله اني مو واثقة من نفسي اذا رمست اقول يمكن شي عالق ولا في ريحة مع اني افرش اسناني كل ما كلت شي
الله المستعان وان شاء الله الخوات يفيدونج اكثر

اتعرفين المشكله في الدم بعد مابتيبس في الحلج ههه .. هو اللي يسوي الريحه .. انتي كل شوي اتمضمضي عشان اتخوز الريحه .. هيه صح بتخبرج خلال فتره التقويم .. الدكتور كان يسويلج تنظيف بين فتره وفتره ؟

لااا

موقف محرج بس عادي لازم تصير مواقف محرجه في الشغل وانتي اهون من غيرج …. وهالمواقف الواحد يتعلم منها …. انا ما اشتغل بس قبل يوم كان عندي تدريب في مستشفى … مر موظف مواطن من المكتب اللي كنت فيه وانا شو كنت اسوي؟ حضرتي كنت يالسه اتثواب وفاجه حلجي هههههههههه … الموقف لين الحين مانساه …. يعني الحين شو بيقول عني؟ بيقول مسكينه فيها ارقاد … بس عادي مافيها شي انتي قلتليه انه السكرتيره هي اللي طلبت منج تراوينه عادي طنشي لا تكبرين الموضوع ولا تفكرين فيه …..

لو مكانج بسيرله وبقوله شو الغلط في الموضوع
هل هالشي مش لازم يصير ولا الغلط اني انا قلت لك اياه ولا شو ابغي اعرف لاني حسيت نفسي في الموقف غلط

لازم تفهمين الموضوع ويردلج اعتبارج

طنشي حياة الشغل ياما بتشوفين بلاوي

المشكله انه ما عندي الجرأه اقول جيذي

وما عنديه ثقه في نفسيه بعد

اشك في عمري سيده

بس يمكن مع الوقت بتعلم اكون قويه

اختيه ياما اتمر علينا مواقف محرجه بس مانحط ايدنا على خدنا ونتندم ليش سوينا وليش وليش
بالعكس المفروظ ماتنقهرين من المدير لانه لو انتى كنتى في مكانه بسوين شراته
وانسى اللى صار ولا عليج من حد عيشى حياتج ترى الدنيا ماتسوى

فراولة انا نفسج انا لين الحين ما شتغل وانشالله تطلعلي وظيفه بس في نفس الوقت خايفه لاني ما عندي صراحه قدره كبيره للتعامل مع مجتمع العمل وخصوصا لو كانوا رياييل … مابعرف هل بكون قادره على التأقلم هل بعرف كيف اتعامل مع رياييل … هل بيكون عندي جرأه في الاجتماعات وجي … امور وايد خايفه منها اخاف اني ما انجح وانتهي بالاستقاله اخاف تصيرلي مواقف محرجه ….. اخاف مثلا يحطولي في مكتب في رياييل وايد …. وايد ناس يقولولي احسنلج يلسة البيت الشغل مشاكل ومافي راحة بال وضغوطات وغيرة بين الموظفات …. وناس يقولولي لازم تشتغلين لكن قليل منهم اللي يقولي جي …. بس شو اسوي لازم اشتغل بدال قعدة البيت يعني انا مجبوره المجتمع والزمن والفراغ يحتم علي اني اشتغل ….

هلا شحالكم شخباركم ؟؟؟؟

بليييييييييييييز ساعدوني ابا حل للغازات بطني دوم يطلع صوت غازات حتى لو كنت مب يوعانه ولا فيني شئ بس والله اعاني من هالمشكله ….. والمشكله انها تسبب لي الاحراج يعني الي عدالي يسمع صوت بطني واااااااااااااااالله موقف مححححححححرج اتمنى انكم اتساعدوني ؟؟؟؟؟؟؟؟؟؟؟

شو الحل ؟؟؟؟ تعرفون شو هو الي يخايه يروح بليييييييييز ؟؟؟؟؟؟؟؟

اشربي ع الاقل كاس ينسون باليوم وادعيلي

مجربه ؟؟؟؟؟

انزين كيف اتسوينه ؟؟؟؟؟؟

الله يوفقج دنيا واخر ان شاء الله

انا بعد احيااااانا جي يصير بي

مممم بنات خبرونا شو الحل

السموحه

بناااااااااااااااااااااااااااات وييييييييييينكن

اشربي شاي اخضر مع نعناع والا زعتر اوالبابونج

وانا مجربة البابونج واااااااااااااايد مفيد

وقللي من البقوليات والفلافل والفول وهالاشياء والمشروبات الغازية ولا تتكلمين وانت تاكلين لانه يزيد الغازات وقللي من الاكل الحار والحليب

هيه فديتج انا مجربه وايد زين
ملعقه يانسون صغيره تفورنها مع كوب ماء دقايق بس يعني مب وايد وتشربينه وااايد زين يطرد الغازات ويخفف الالم حتى للاطفال زين وما منه ضرر
بعد ممكن تدهنين بطنج بشويه فكس وزيت زيتون مع حركات دائريه << هذه اذا الحاله شديده والبطن مطبل ..
وممكن بعد كل شهر تاخذين لج حبه حلول من الصيدليه تنظف البطن وتريحه من التشنجات وزينه عموما للجسم

هذي مسجااات يحكونها اصحااابها مرسلة بالغلط …

بنات كانوا في الجامعه شله وكانت وحده منهم عازمتهم وجت وحده من البنات كتبت
لصاحبة العزيمه (اذا انتي عازمه نجلاء انا ماراح اجي ودبري لي اي عذر قوليه للبنات بصراحه انا استثقل دمها واذا ناديتيني مره ثانيه لاتنادينها واوعدك بجي اوكي) وارسلت الرساله لنجلاء !! …..
(2)

مره كنت برسل مسج حق رفيقتي بقول لها تحسب لي طارئ بالدوام لان مالي خلق اداوم المهم انا حافظة رقم رفيقتي بس كتبته غلط وشوي يدق علي الرقم واستغربت ان طلع رقمها بدون اسمها ورديت على التلفون طلع لي واحد قال( عن الخبال قومي لبسي وداومي )طبعا انا انصدمت وسكرت الخط على طول من الخوف داومت
(3)

وحده كانوا اهلها عازمينها وزوجها طالع استراحة مع اخوياه وما حضرالعزيمه هي بترقع له عند ابوها قالت انه معزوم على العشاء عند عمه وكتبت رسالة لزوجها ترى اهلي سألوا عنك دبرت لك عذر قلت لهم ان عمك عنده عزيمه … وارسلت الرساله لابوها …
(4)
مره انا كنت والده في المستشفى ووحده من صديقاتي الله يصلحها جالسه من العصر عندي يوم جت الساعه 11 مليت مره وهي ماعندها نيه جالسه تسولف مع امي وخواتي دق علي زوجي قال ابمركم شوي وهاذي ماعندها نيه تروح واقوم اكتب رساله لوحده من خواتي اقول لها
(( ترى فلان بيجي وهالنشبه مستانسه على الجلسه مليت منها الله يصلحها شكلها ودها تتسحر عندنا لاتسولفون معها عشان ماتستانس وتمل وتطلع الله ينشبها))وارسلتها لصديقتي :{ …..
(5)

أرسلت لجارتي وقلت لها تجيني بعد المغرب تتقهوى عندي وأنا متعوده أرسل لها وخلاص تجي يعني مهوب لازم ترد علي …وانا اللي عقب ماصليت المغرب أتجهز وأجهز قهوتي واجلس أحتري زوجي يطلع لأنه في ذا الوقت يطلع ..
والا هو جااي وجالس يالله وين القهوه ؟: أنا : أي قهوه ؟ هو : تستهبلين يا أم المفاجات الحلوه ؟ وبعدين استوعبت اني أرسلتها له بالغلط وسكت وما قلت شي ,,:
(6)

قبل رمضان بيوم جتني رسالة من صديقتي مضمون الرساله كالأتي ( رمضان بكره والشياطين تنحبس في رمضان …. والله راح نشتاق لك ) عجبتني الرسالة قلت راح ارسلها لزوجي .. وارسلتها .. ولما جاني تقرير الرسالة وجدت اسم عمي ( ابو زوجي ) ………. والله فشلة:
(7)

كنت عند اهلي وقالوا لي خلي زوجك يجي يتغدى عندنا .. رحت ارسلت له رسالة ( اهلي عازمينك على الغدا ) وراحت الرسالة.. وبعد شويه يرسل اخو زوجي رسالة مضمونها ( بأي مناسبة ؟) فشلة …:
(8)

مره تخاصمت انا وزوجي وكتبت رساله لاخوي اسب زوجي سب واعلمه اني بتثقل عليه ولاراح اعطيه وجه ..

تتتتخيلوا …… الرساله راحت لزوجي وزعل وارسل تهديد

وانا انطميت وسكت والله موقف لن انساه

(9)

مره اختي مسافره برا وهي مديرة مدرسه …..

المهم جا وقت عودة المدرسات وهي كانت معطيتنا جوالها ……. فارسلت على جوالها رساله تقول لاختي الثانيه )يا فلانه ارسلي للمدرسات رسايل وقولي لهم يداومون احسن لهم ….مو اذا غاب القط العب يا فار)قامت اختي من السنع ارسلت نفس الرساله لجميع المدرساااات ….يعني نفس النص ما غيرته وتعالوا شوفو الضحك والفشيله
(10)

انا مره اتصلت على وحده ماردت بعد شوي جاني منها مسج كاتبه

((يافلانه ترا فلانة (إللي هي أنا) ازعجتني بالاتصالات ومارديت عليها))

والمشكله اني مادقيت الا مره وحده ..

عاد تحسبوني سكت ارسلت لها مسج قلت:

(( ربي باغي يفضحك ))
(11)

جتني رساله من رقم ما أعرفه بس تقول :

((مبروك ماجبتي وعساك طيبه وترانا فرحنالك ودعينا لك ولبنتك وعسى الله يخليها لك وترانا نبي نجيك بكرا))

على طول رديت قلت :

((تراااااااك غلطانه وعلمو الحرمه انكم تبي تزورونها ترى الرساله هذي ماوصلتها))
(12)
انا مره واحد ارسل لي رسالة بالغلط :
(فلان انت صاحي ولا نايم)ارسلت له : تراك غلطان رد :

( بلا استهبال جب معك فطور)
(13)
امي ياحليل امي وخف دمها .. كنا عند اخوي وكان شديد علينا في الخروج لازم نستأذن منه .. المهم انه مو كل المساييير يوافق عليها
وكنا معزومين عند ناس ما يبينا نروح لهم .. عاد امي قامت تبي تدق على اخوي الثاني وتقوله بنقول لخوك انا عندك ونروح للي عازمينا قامت ودقت على اخوي الشديد تظن انه الثاني وقالت له اسمع حنا بنروح لفلانه عازمتنا ، اذا سألك اخوك قل انا عندك ..
ما درت انه هو الشديد ..
ضحك وقال ان شاء الله يمه دقت عليه مرة ثانية قالت : شف حنا بنروح لخوك فلان حتى دق عليه واسأله ..ضحك .. وقال إلعبي غيرها يا ام فلان انا اللي كلمتيه تو ..
قامت تضحك وقالت : اصلا امزح ماني رايحة لاحد ترقع

فله ذي العجوز ههههههههههههههههههههههه

هههههههههههه

كشخه والله

تستوي وايد

هههههههههههههههه

الصراحه رسايل الموبايلات خطيررررررررره

مرة اختى تبي تطرش رساله ريلهااا كاتبه فيها جيب معك عشاء

طرشتهااا لاخوى الحمدلله ان اخوى كان مسافر والله فشله

ههههههههههههههههههههه

صدق رسايل تفضح

خخخخخخخخخخخخخخخخخخ
والله وناسه
تسلمين الغلا ويسلم غاليج يارب

خخخخخخخخخخخخخخخخخخخخخ

اخر سالفه قووووووووويه هع

قووي عييين الاخ ,, شو صار له عقب ههاي ما حصل بوكس خخ .. مالوومه من الوناسهـ ما حس شو يسوي خخ

سلمتي ع الطرح

وانا للحين ما صارت لي مواقف لول

هههههههههههههههههههههههههههه

وي انا استوا لي يوم الملجه ههههههههههههههههههههههههههههههههههههههههه

لي عوده ..

رووح وينج خبرينااا

هههههههههههههههههههههههههههه

UP

UP

[B]صباح الخير صبايا. أمممممبصراحة ما اعرف من وين أبدا من يوم ما عرست وانا مشاكل وي ريلي صح كانت مشاكل عادية اللي تصير بين اي ريال وحرمته بس نحن كنا نتهاد بشكل يومي لان طبعه عصبي وااااااااااايد بس فوق هذا الحمد لله كنا متعلقين بعض وايد والعلاقة الخاصة اللي أمبينا كنا الحمد لله واااااايد مرتاحين وصريحين لأبعد درجة وهذا اللي كان مقربنا من بعض واااااايد
المهم عقب فترة اللي صار ريلي فجأة أتغيب استوى خير شر ما اي صوبي غير فالاسبوعين يمكن مرة و هذا قبل ما كان يستغنى عني وحتى وهو فدام يسهر عالخط عندي يعني بالعربي كنا عشاق. من شهور انقلب الريال أتغيب ابتعد عني وايد وايد تميت حيررررؤرانه ي ترى ليش شو صار فالاسبوعين مرة وقبل دوم تميت خائفة أني مقتصرة ولا شي متخلييت شي ما سقيته من ليالي وحركات ودنيا بس بعد طاف حاولت ايلي وياه تتصارحح استوى يتهرب ما اي الغرفة غير يوم يعرف أني رقدت هذا غير المشاكل اللللي زااااااادت وايد ع أتفه الاشياء تتضارب ويسمعنييي كلام قووووي من فترة بسيس عرفت السبب ان يعاني من سرعة القذف طيعا سمعته وهو يرمس ربيعه ولاحظت أنا هشي فيه بس ماكنت حاطة فبالي ان يعاني من هشي. هالموضوع متعب نفسيته وايد وايد ما ادري بس اللي اشوفه زادت مشاكلنا وايد وايد استوى شكاك استوى يعصيبب عكللللللل شي استوى حتى كلمه حلوةما يقوللي يتهرب مني دووم منعني من ربيعأتي فوناتي. يتفتشن. دوم نسيت اقول كم. هشي صار له بسببت الإبر والحبوب اللي يأخذ عن للعضلات

المهم بليون خواتي اللي عندها خلفية عن الموضوع تفيدني تحليل أتي صح للموضوع يعني هشي هو اللي زاد مشاكلنا وبعدنا عن بعض بليززززز محد يقوللي أحاول أناقشه فالموضوع لان عصبييييي و اساسا هو مب معترف بلي فيه عشان يتعالج و أتوقع فخاطرة يشوف نفسه ناقص سوري الكلام منقع هعععع بس اكتب من الأيفون

الله يعينج ويبعد عنكم كل شر ويشافيه ويعافيه ويرده لج ردا جميلا ..

اب اب اب اب اب

يختي العلاج بإيده
خلي يودر الابر
و ماظن هاي مشكله كبيره
كل شي له حل
و لا تحسسينه بشي
و لا تلزمينه يتقرب منج
متى مابغاج بييج
يمكن استوى عصبي لانج حسيتي انه مبتعد
خلي ع راحته
و الله يسخره لج ان شاءالله

اعتقد ان هلشي له علاج وشي عادي مو مشكلة كبيرة

افضل شئ تقنعيه يروح يتعالج لان مافي وحده بتعرف الحل غير الطبيب
بالشفاء العاجل

عزيزتي طالما سمعتيه يكلم ربيعه وطالما مستوي عصبي بسبة الموضوع فهذا يعني أنه ينظر له فعلا كمشكلة كبيرة وواضح أنه قاعد يسأل و يستفسر و يدور على حل بس يمكن بعده ما عثر على دكتور زين …فمب محتاي منج تنبيهنه على نقطة العلاج ..واضح أنه قاعد يسعى للحل…ولا تحسسينه أنج عارفة …أنتي فقط اصبري و ترقبي و تريي وادعي رب العالمين…مب كل المشاكل لازم نحلها بإيدينا ..فيه مشاكل حلها في الإنتظار و الصبر و الدعاء بس…