الوسم: الادول

خواتي اليوم أنا مطعمه ولدي وخذت له أدول ومن فتره الشركه ساحبه الجديم واحين منزلين اليديد علبته وردي ع ابيض يعني الغرشه بس يديده ويوم ستخدمته لاحظت بقعه سوده ع شفايف ولدي شو توقعون طلع

الحبر لي ع الابرره مب ثابت وديناه الصيدليه عسب يجوفه وراح الصيدلي يفتح علبه ثانيه وطلع نفس الشي
فيا خواتي تاكدوواا من الغرشه والحبر قبل لاتعطونه عيالكم

حبيت انبهكم والسموحه اكتب لكم وانا فالسياره

الله يحفظ عيالنا

الله المستعان

وصلت بوظبي ونفس الحال الحبر مب ثابت ولدي حرارته مرتفعه شسوي

توني عطيت ولديه منه وفعلا الحبر يطلع بس مشيته وكملت

الله المستعاان

لاتعطون عيالكم واتصلو على وزارة الصحه اشتكو شواليهال فيران تجارب عندهم استغفر الله واتوب اليه لين متى بس بنتم جي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حتى انا اليوم شاريه حق بنتي ونفس الحاله والله

السلام عليكم..أنا حامل فالثاني ويتني حمى قوية من الظهر لفليل وقاومت ماخذت شيء وزادت عليه لدرجة اثرت فظهري وعظام ريلي تبنجت!فخذت ادول واحد والحمدالله خفف عني،المشكلة أنا وايد اوسوس ويقولون ادول عادي لو حبة مايضر انتوا شورايكم؟!

بليز طمنوني وايد افكر

عادي اختي ، والف سلامة عليكي
الدكتوره كانت تنصحني بالادول ، لما كنت حامل ويكون فيني صداع، خبرتني ان الادول نسبة الكافيين فيه أقل من البنادول والادول اامن من اي مسكن تاني بفترة الحمل

والله يقومك بالسلامه يا رب

مشكورة الله يطمنج لان اول مره اخذ فخايفه

عادي اختي ما على قلبك شر..

الغالية عادي انا مستشفى دبي صارفين لي أدول وعادي لو أخذ ٤ حبات باليوم طبعا للضرورة

والادول انسب شي للحامل بندول وغيره ما ينفع

الادول والبندول (الازرق) من كلام الاستشاري مباشرة لي قال عادي استخدامهم 4 في اليوم …

انا تيني نوبات الشقيقة استخدمت مرتين او 3 بندول احمر قريت فالوصفة المرفقة انه يصير للحامل الاستخدام

خبيرات السفر شو تعطون عيالكم قبل ركوب الطيارة
دواء الكحة أو شراب الادول أو كالبول

!!!!!!!!!!!!!!!!!!!!!!! الله يهديج ..

اذا المدة طويلة يعني اكثر من 3 ساعات
سيري الصيدليه واسالي وبيعطيج دواء مناسب

ماعطيهم شي ليش تعطونهن ادويه

أولا وايدين من الناس يعطون ادوية حق عيالهم عسب ضغط الطيارة يسويلهم آلم بذونهم واذا ما عندج خبرة لا تردين محد طلب منج

انا يوم سافرت اخر مره في شهر 12 اللي طاف سالت الدكتور وعطاني دواء وايد حلو انا ولديه عمره سنه و صياح المهم اسمه فينيستيل و هوه عبار عن شراب بس بالنقط قالي عطيه قبل لا تركبين الطياره عطيه 10 نقط و اذا بتطولين في الطيار بعد 3 ساعات عطيه مره ثانيه و نحن كانت وقت السفر 3 ساعات و شويه و الحمد الله اول ما طارت الطياره عطيته مرضاعه و عقب شوي رقد و رقد معظم السيره لانه الريدي كانت طيارتنا الظهر عقب الغداء و هذا موعد رقاده اليومي الحمد الله ما تعبني ابدا

انا عن نفسي ما اعطيهم شي لانه الحمدلله متعودين عالسفر وما يصيحون الوضع كوووووووووووووووووول بس دايما اخذ معاي بروفين وبندول للاحتياط

السلام عليكم بنات
بنات انا حامل في الشهر الرابع وفيني زكام وايد متعبني المهم سرت المستشفى والدكتور وصف لي ادول حبتين و3 مرات في اليوم بس بصراحه خفت اخذه لايضر الجنين بس هلكت من الزكام والصداع
تنصحوني اخذه والا خطر؟؟؟
ردوا علي بأسرع وقت الله يخليكم

الغالية
الحامل ماتاخذ الا ادول والمستشفي دوم يصرفة ومافي شي
الله يحفظج

حبيبتى الى اعرفه ان البندول امن فى الحمل دايما الدكتورة تقولى اخذه لما يجيلى الم الاسنان

لا عادي انا كم مره خذيته وبعد الدكتوره وصفته لي

انا كانو يعطووني بندول الازرق بس ما كنت آخذه لقناعتي انه ما يسوي شي ..
حبيبتي شربي اشيا حاااره و خصوصا الينسوون ان شااء الله تخف الزجمه و الصداااع ..
ما تشوفين شر حبيبتي ..

خذيه بس لضروره

احسن ماتتعبي زياده انا الدكتوره وصفته لي لضروره

مشكورين الغاليات عالردود

مرحبا بنات .. شحالكم ؟؟

عندي سؤال هل هالشي طبيعي ولا لا ..؟؟

انا عرفت اني حامل من يومين لانه الدوره تاخرت عني وبعدين اكتشفت >> تو الناس

طبعا سويت عفسه ومناحه وما خليت حد ما كشرت فويه لاني ولدي صغير بعده توه مكمل سنه

يااااا الله

المهم وانا الحين اداوم وطول فتره الدوام وانا تعبانه من بطني وازط من هالادول

يعني بطني طوال هالاسبوع فيه اوياع .. وكله اكل ادول عشان يخف الالم

معنه مب اول حمل بس احسه هالمره تعب اكثر . الله يعين

هالشي ياثر اني اشرب ادول ولا عادي .. وبعدني بصراحه ما رحت لدكتوره

شو السالفه ..؟؟ محد يعرف اي شي …؟؟

عادي تاخذين أدول (جلفار)

مب بندول الازرق

لاتاخذين ادويه هب زين

لووووول .. وانا ازط الادول من اسبوع الحين …

لازم استشارت الطبيب

الله يهديج !!!!!!!!!!!

الباندول عااااادي,,, بس الأدول ما اعرف,,,اقري العلبه اذا اسم المركه اللي داخل (باراسيتامول) يعني عادي,,,

مبروك
وترا اي شي من الله حلو