البارحه بالليل كنت اسويه فصورت الخطوات صح مب كلها بس عشان ابين للكل
ترا هذا المحشي اسهل والاروع بالنسبه لي ولكل اللي جربه من ايدي
وانا اللي اخترعته لاني كنت احب اجرب محشي من كم مكان ويكون بنفس خفته فعيبني فحبيت اعتبره طريقتي المعتاده اللي الكل يحبها مني
وللعلم يبالكم من بعد اللف مساج ظهر
اول شي نبدا بالمقادير
علبة ورق عنب من العلالي
2 كوب عيش مصري مسلوق مع نعناع وبقدونس وملح
بطاطس مقطعه حلقات ومسلوقه
عصير 3 ليمونات اللي يحب حامض اكثر يزيد منه
كوب زيت زيتون
الطريقة
انطلع الورق عنب من العلبة
نشل كم ورقه ونخليه بقاع الجدر المستخدم بالطبخ المحشي عشان مايحترق الاكل والبطاط
ونضع فوقه البطاطس المسلوق
ونصب عصير ليمونات
بعدييييييييييييييين
ناخذ ورقه ونحط على طرف شوي ونلفها طبعا بالطريقة المعتاده
واللي يحب يستخدم الجهاز الخاص باللف كل واحد على راحته
بعد مانخلص نصب الماي اللي كان موجود بالعلبة ورق عنب فوقه
وكوب زيت زيتون
شوفو كيف يلمع
ونضع صحن صغير ونضع فوق علبتين من الورق عنب فيهم ماي عشان يتم الورق متماسك وما تفتح
ونخليه على نار هاديه لمده 10 دقايق يعني بس لين يوصل الماي لين فوق
وبس جاهز للتقديم
فديتني احب السرعه
عشان تزينونه
[IMG]https://www.*****.com/vb/imgcache/11482.imgcache[/IMG]
طرشيلي منه باجر ربيعتي بتيني
تسلم ايدينج والله
تسلمين الغاليه
كل اللي بخاطرها تجرب وتشوف والله وايد سهله
وان شاء الله تعيبكم
تسلم ايديج..
بطرشلج العنوان على الخاص وطرشيلي شويه 
