الوسم: الاسهال

السلام عليكم

ساعدوني ولدي بينغرض والسبب الاسهال ما عارف شو اسويله

وما طايع ياخذ المغذيه فشو اسوي

ممكن خبرتكم في هالمجال

والله يعطيكم العافيه

الغاليه انا بعطيج خلطه عجيبه اسويها دووم لعيالي اتروحين تشترين زبدي المراعي ولازم زبادي ومب روب لانه الرب حامض واتحطين اشوي ملح وزعتر مطحون وقطعة ثوم صغيره اكرر صغيره واطحنها وخلطيهم وعطيه العلبه كامله وفلليل او العشا تعطيه علبه ثانيه وان شالله فنفس اليوم بتشوفيه وقف على طووول ؟؟؟

لانه الثوم معروف عنه مضاد حيوي والزعتر علاج للبطن والروب يوقف الاسهال والملح يعوض الجسم من الاملاح اللي فقدها عشان ما يستويله جفاف …..

وتقدرين تعطينه ماي العيش…..

خذي عيش مغسول واظربيه فالخلاط مع ماي…. وصفيه على طول يمسك البطن…

واذا ولدج كبير قريب السنتين…. عطيه سقن اب مع نشا فظييييع هذي الخلطه من عند الدكتور…

هلا الغاليه..
انا كان ولدي فيه اسهاااااال شدييييييييدلدرجه انه قرحو ما كنت اعرف شو اسوي لدرجه اني يلست اصيح…
ف يوم يتني حميتي و قالت لي ليش ما سويتيله نشا و ليموووووون!!!!!!!!!!!
قامت و اخلطتني نشا و ليمون و لازم يكون اشوي غليييييظ…
و حطيه بالابره مال الدوااااء لين رقم واااااحد بس اذا هو صغييير "يعني عمره لين 6 اشهووور و اذا اكبر زيدي نص عالواحد"
و الحمدلله من عطيته على طووووووول وقف الاسهااااااال…

الله يعافيه انشالله…

مشكورات خواتي

الله لا يحرمني منكم

والله يعطيكم العافيه

عليج بالمكسرات واو علطول يوقف

نفس كلام الاخت عليج بالنشا جربي ما بتندمين واييد زين ….وذا يشرب حليب صناعي حطيله مع الحليب نشا وقللي من الحليب وزيدي النشا ..والله يشفيه ويعافيه ان شا الله …

بسم الله الرحمن الرحيم

السلام عليكم ورحمة الله وبركاته ….

اشحااااااااااااااااااااالكن…

بنات ياريت اللي تعرف تعلمنا لاني سمعت ان الاسهال من علامات الولاده ..خاصه اذا كان ويااه مغص و
اآلام وانا صار لي تقريبا يومين …وانا داخله الاسبوع 37 ؟؟؟
شو منو ياها نفس الاعراض ومتى ربت بعد هالاعراض ؟؟؟؟؟؟؟؟؟؟؟؟؟؟؟؟
يلا فرحوني لاني تعبت وابي اربي هالايام خلاص تعبت …

ماعندي خلفيه
بس حبيت ادعيلج واقولج عسى ربي يقومج بسلامه
دعواتج لي بالحمل

ماعندي خلفيه
بس حبيت ادعيلج واقولج عسى ربي يقومج بسلامه
دعواتج لي بالحمل

الله يرزقج(((زوجي غلا روحي ))) بالحمل وفي القريب ان شاء الله
…………………

هلا فديتج

انا صارلي هالشي لما كت حامل في بنتي

تعشيت وعقبها ياني اسهال والم خفيف في الظهر شرات الم الدورة

وانا عبالي متسممه من الاكل ^_^ ما كنت اعرف انها من اعراض الولادة

اترييت ساعتين عقب خفت .. رحت العيادة قالت لي النفس مفتوحة

عسب جيه لو فيه اسهال نصيحه روحي واكشفي يمكن النفس عندج مفتوحه والله يسهل عليج وادعيلي

اوووووه يااابختك اذا هي اعراض. الولاده
شكلك بتسبقيني )؛
انا محبطه حيل تهى ء مليت خلااااااص
اذا اعراض ولاده ان شاءالله تولدين بسلامه ياقلبي

هلا عزيزتي
ياني اسهال على بنتي البجر مع الم مثل الم الدوره
وويع في اخرً الظهر
عرفت انها من علامات الولاده
لاني يتني نفس الاعراض في السابع وكنت بربي لو ما ستر الله.
الله يسهل عليج ياربي

السلام عليكم

كل عام وانتم بخير

يا بنات اسمحولي بدخل ع طول بالموضوع

ولدي عمره 10 شهور وعنده اسهال شديد من اسبوعين !! رحت فيه الطواري وعطوني محلول تعويض الاسهال وماشي فايدة .. بعدين رحت خاص و الدكتور قال يومين وبيشفى وهالكلام من اسبوع وشوية !! وعطاه مضاد حيوي نفس البودرة واحط فيه ماي واعطيه له لمدة 5 ايام وبعد عطاه دوا للمغص وولدي ابدا ما تقبله ولا شرب منه قطرة !! والحين مب عارفة شو اسوي !!!!
ابدله واايد حفاظات واتعب !! خاصة مؤخرته مسكين متشققة من الخاطر من كثر الاسهال وينزل من جروحها دم ؛ استعمل له سودو كريم والدكتور عطاني كريم اظن اسمه بيبيثين؟؟! ولا شي فايدة !!
وفالطواري قالي هذا فايروس منتشر بين الاطفال
ولا حول ولا قوة الا بالله ومشينا الاسهال وللحين صابرين وكل يوم امووت يوم اشوف ولدي يسهل وتعبان ومؤخرته جي !

والحين الي هد حيلي وزاد علي انه مسكين طالعة له بقع حمرا بجسمه كامل !! تختفي من عضو وتطلع بعضو ثاني و جي كبيرة وتحكه يحليله
وفالطواري "لان المستشفيات مسكرة" قالو لي انه متحسس من الاكل او من دوا او من عضة حشرة !

وانا والله ماعرف هو متحسس من شو بالضبط؟؟
الي تعرف شو الي ينفع حق الاسهال والتحسس تخبرني الله يخليكم تعبت !! هلكت !! نفسيتي دمار وولدي تعبان !! الله يخليكم الي ماتعرف تدعي لولد فروحة بالشفاء العاجل يارب ..

للمعلومية ؛
عطيته شخال العيش / موز / تفاح عشان الاسهال وماشي فايد !!
عطيته روب ماشي فايدة
شو اسوي خبروني يا امهات ؟!
 

الاسهال مب زين للياهل بيسبب له جفاف وديه الطواري على الاقل يحطون له مغذي يعوض السوائل

البامبرز السودو كريم بيبرد المكان ما يعالجه حاولي ما تلبسينه البامبرز على الاقل نص ساعه في اليوم سيري الصيدلية اشتري ريلاكس مفرش ينحط تحت البيبي و حطيله ميبو مراين في اليوم لمده يومين واذا خف حطي فازلين مع سودو كريم

شكله الاسهال اول مره من الاكل وبعدين زدتيه بالمضاد كلها افتراضات بس شو ما كان وديه الطوارئ وخليهم يحطون له مغذي هذا ياهل وشلي وياج المضاد وراويهم اياه.. اختي وقفي اكله وعطيه بطاطس مهروس و موز و تفاح وكمثرى وعصاير من هذي انواع الفواكه تجنبي العنب و الرمان و الكيوي او اي فاكهة حامضه

المعلبات تجنبيها حتى ولو سيريلاك.. عطيه عيش مهروس او عرسيه وشوربه لسان العصفور اكل متعود ياكله اذا من قريب مغيره الحليب يمكن منه

الله يشفيه ويحفظه يارب

للحساسية فيه دوا معين و جرعته الدكتور بيحدد على حسب وزنه

هلا الغالية حبيبتي بالنسبة للإسهال خذي له دوا كابتين انا أعيالي دائماً ايهم الفايروس ويصوفون لهم هذا الدوا وعطيه 3 مرات باليوم قبل الأكل بس 3 مل لانه اقل من السنه انا عواشي من فتره يها الفايروس وعطها الدكتور اما إخوانها لأنهم فوق السنتين فيأخذون 5 ملي
بالنسبة للبامبرز اسألي الدكتور عادي تستخدمين له كريم دكتارين لانه انا أعيالي من يحمر استخدمه لهم بس انتي ولدج متجرح وأختي تستخدم دكتارين بس بودره لانه ولدها يتجرح مثل ولدج وهي توالمه اكثر من الكريم وروحي الصيدلية خليه يعطيج بدورة مغذي تحطينها في لتر ماي وعطيه كرضعات خذي له نكهات في برتقال وليمون انا أعيالي يحبون الليمون اكثر بس انتي خذي من النوعين وشوفي هو بيتقبل شو والمغذي موب بس تعويض هو بعد يخفف الإسهال ويقتل الفايروس
وربي يشافي ولدج يارب ويبعد عنه الامراض وطمنينا عليه

سوي له للتسلخ حمام زيت ما ل الشعر ادهنه مثل اي كريم

اختي دلوعه بودي دوا كابتين ما ينعطى لليهال اللي اصغر من سنتين وهذا كلام دكتورة اطفال الا تحت اشراف طبي واذا تبين توقفين الاسهال النشا مع ماي لكن اذا الحاله اكثر من اسبوعين ما شي حل غير المغذي

صاحبة الموضوع طمني شو صار معاج وشو صحة الياهل الحين

المسكين عورتي قلبي عليه الله يشفيه ،،
لا إله إلا الله الملك الحق المبين

السلام عليكم ورحمة الله وبركاته
مرحبا خواتي،،علومكن؟؟مبارك عليكن الشهر
باختصار ،،مشكلة ولدي مع الاسهال المفاجىء
صار له 11 يوم وهو عنده اسهال شديد ،،يعني في اليوم اكثر عن 7 مرات يسويها خلال فترات متقاربه
مع انه ما ياكل شي ابدا ،،وعمره سنه و10 شهور ربي يحفظه،،ولا يشرب اي حليب من قبل يعني ما ياخذ حليب بالمره،،وخاصة من مرض ما قام ياكل عندي اي شي ،،بس اغصبه يالله يالله على كم من قفشة روب واشربه سفن اب والمحلول اللي عطاني اياه الدكتور
بس المشكله ما فاد فيه ،،واخاف يصيبه جفاف،،لدرجه الحين المقعد عنده محمر بدرجه فضيعه وكانه متجرح،،ومن يجيسه الماي يالله يالصياح،،يعني والله معور لي قلبي،،ولما وديته مره ثانيه للدكتور قالي فايروس،،وبس استمري على المحلول،،بس ماشي فايده الاسهال مش راضي يوقف عنه وقام حتى ما يروم يمشي والا يلعب بسبة الاحمرار اللي تحت،،اتصلت بالدكتور البارحه قلت له يا اخي شو مشكلته ولدي ،،انته ما سويت له تحليل او خذت عينه من البراز تكرمون،،قالي هاتي باجر ضروري اسوي له،،وقلت له حضرتك ليش ما سويت له من قبل يعني تباه يتعدى الرقم القياسي في الاسهال ؟؟فقير تعدى ال 10 ايام والحين في ال 11
خواتي بليز خبروني من خبراتكن،،شو اعطيه عشان اوقف عنه الاسهال؟؟وللمقعد شو احط له كريم او مرهم؟؟ويخفف عنه الحروره والاحمرار
ودعواتكن له ربي يشافيه ويحفظه ويخليه لي ولابوه يا رب

السلام عليكم خواتي،،،،

صدق انج بااااااردة.. وبعدج مستمرة على نفس الدكتور؟؟؟؟؟؟؟
اصلاً اذا الاسهال عدى يومين لازم تشوفين طبيب اطفال واذا مافاده في خمسة ايام خليه يولي وشوفي غيره ابرك لكم

اختي عطيه ربع استكانة شاي معصور عليه كم قطرة ليمون،، مر ويمكن مايتقبله لكن حاولي معاه.. كرري له 3 او 4 مرات باليوم لين تشوفين دكتور ثاني

هذي الطريقة خذتها من وحدة هلكها الاسهال ومافادوها المستشفى ولا عرفوا لها شربت شاي مع ليمون على طول قطع عنها الاسهال،،

الله يشفيه ويعافيه،،
حاولي تعطينه هذي الأيام الحليب الخالي من الاكتوز هذي الأيام لين تستقر حالته او ممكن اسبوعين بالكثير تعطينه هذا الحليب

حبيبتي علشان الاسهال فوري تفاحه عقب اهرسيها عدل مثل العصير وشربيها ولدج وان شاء الله يشفى واما بخصوص الاحمرار في مرهم اسمه دكسيبان

اول شي حراااام ١٠ ايااام والله ثاني شي عطيه مااي مال الرز المصري

وبعد عطيه فوريله رز مصرري وهرسيييه و وحطيه فيه روب ونشا وبتجوفين كيف بيروح الاسهال وبعد شي دواء في الصيدليه يبعون دوى حق الاسهاااال يوقف الاسهال بس اساليه عن طريقته وعن الطفح كريم سيباميد وااايد زين وكريم جونسن بعد زين

انا ولدي كان عند اسهال يومين كمل وما تحملت وانتي عشرة ايام والله قلبي بيعورني اما المنطقة الي تحت كنت استخدم حق سودو كريم رايحو وايد والحمدلله في ظرف ثلاثة ايام راح الاحمرار والله يشفي ولدج يارب

مرحباً خواتي

عندي استفسار و أنتو بكرامه معاي اسهال من فترة بس انا ما اهتميت
بس صراحة الحين استوعبت أني حامل و هل في ضرر على البيبي لاسمح لله. بصراحه متواصل فكرت من الحبوب وقفت بس بعدة مستمر

الي عندها مبرة تفيدني

والله ماعرف اختي
الافضل تستشيرين دكتورتج او اي دكتوره تعرفين رقمها
وهي بتخبرج
والسموحه

الله اعلم أختي
أنا أحينه بالشهر ال٩
وعلى وشك ولاده ها السبوع ال٢
ضاربني إسهال ..
الله المستعان

سيري للدكتوره لازم تستشيرينها .

طبعا الغالية اذا اإسهال زاد عن حده مضر
لأنه يسوي جفاف !

لازم تستشيرين الطبيبة
يمك تعوّض السوائل اللي فقدتيها بمحلول الجفاف
ولا تنسين تعوضين وتشربين سوائل وااااايد

هي نعم مضر لازم اتسيرين المستشفى،،، أنا أختي كانت حامل في الأسبوع ٣٧ وياها إسهال وفتح الماي عليها ،،،

الي اعرفه مضر ويسبب ولاده مبكره
الله يعينج كلي شي يوقف الإسهال وروحي المستشفى

السلام عليكم ورحمة الله وبركاته
بنات سعدوني في بنتي هي عمرها 5 شهور والحمد الله
طالعلها ضرس ولله الحمد بس صابها اسهال وفديتها المنطقة عندها محمررررررة وجلدها متقطع شوي والله فديتها غامضتني
فديتكن اذا عندكم شي يوقف الاسهال خبروني وادعولها يوقف عنها هاي بجري وانا خايفة عليها
واذا عندكم دواء وله كريم خبروني
اتريا ردودكم الغاليات

وجزاكم الله خير

الله يشفيها يارب ..
وديها المستشفى افضل ..عشان لا سمح الله مايصيبها جفاف …
الله يحفظ عيالنا يارب من كل سوء

خذيها المستشفى بيعطوها محلول عسب ما يصيبها جفاف و بنصحوج شو تعطينها واذا محتاجة دوا بيعطونها

خمس شهور صغيرة وايد على الاكل بس عطيها ملعقة شاي "ملعقة وحدة بس" موز مهروس زين حق الاسهال

فديتها ماعليها شر ..
مادري بعدها صغيره ع الخبصات .. وديها المستشفى وحاولي تخلينها شوي بدون حفاضات عسب المكان شوي يرتاح .. وطمنينا عليها فديتج

فديتهاا

انا بنتي من ابوع جيه كانت تعاني من اسهاال فضيع لدرجة ما الحق اغيرلها

وديتها المستشفى عطوها دوا اسمه كابتين انصحج تستخدمينه هو من الاعشاب بس وايد يساعد يخففه مب يخفيه مره وحده

وتحت انا الدكتور عطاني كريمين اخلطه مع بعض واحد اسمه بيبانثين لونه ازرق وواحد كابسنتن لونه احمر

من اول ما تحطينه لها بيخوز عقب يوم يرووح حطيلها فازلين مع كل تغيره للبامبرز

الليل لا تخلينها ترقد بالبامرز حاولي تفرشيلها شي جديم وخليها من غير بامبرز بس ببنطلون

عطيها قفشه روب مع نشاا

غيريلها حليبها اذا كنتي تعطينها حليب

من نفس النوع بس شي للاسهال

حطيلها بحليبها قفشه نشاا

واهم شي والهشي يوووقفله الاسهال

اعصريلها ليمون وحطيلها حبة سكر نبات او اثنين واعطيها مرتين في اليووم واايد هذا فااد مع بنتي هالعصير

خذي من الدكتور محلول للجفاف حاول تشربينها ع الاقل 10 ملي بعد كل اسهال عشان ما ييها جفاف لا سمح الله

بيخف عنها ان شاء الله اذا اتبعتي هالاشياء

الله يعينج بس حبيت افيدج بالنسبة للاسهال احسن دوا جربته الكابتين
وبالنسبة للإلتهاب مانفع عيالي غير مرهم وصفلي اياه دكتور في مستشفي النور الي في بوظبي اسمه Nastylocalالمهم لا تحطين وايد منه بس اظني مره باليوم بعدين حاولي تخلين بنتج فترة بدون بامبرز عسب تتنشف المنطقه

كريم سودوكريم وايد زين للحفاظ

السلام عليكم

خواتي عندي استفسار بسيط

ولدي عمره شهرين كان فيه امساك من فتره والحين تغير الحال كلما ارضعه او اعطيه حليب صناعي لاااااااااازم يسويها

هل هالشي طبيعي؟؟!!

ولا هذا اسهال؟؟

بلييييييييييز افيدوني

ماعرف بس ولد اخوي مثل الشي اشوفها عادي

بس اذا بعده ماظهر من الربعين اعتقد عادي

والله ماعرف المهم البنات بفيدونج

ما ادري بس يمكن الحليب الصناعي ما يناسبه عسب جيه بطنه يعوره ويسوييهاااا

احتمال كبير يكون الحليب الصناعي اهو السبب
اعرضيه يالغاليه ع استشاري اطفال

وانا بعد اقول الظاهر من الحليب الصناعي يمكن فيه لاكتوز وبعض الاطفال يتحسسون من المادة اللي بالحليب اللاكتوز بالهالحاله لازم تعطينه حليب خالي من اللاكتوز

انا ولدي يوم كان صغير وحليله تم اسبوعين فالمستشفى سهال ومحد يعرف السبب واخر شي اكتشف الدكتور انه السبب الرئيسي الحليب

الاحسن اذا حسيتي انه يسويها اكثر عن 5 مرات تعرضينه عالدكتور

وبالتوفيق الغالية

اختي شربيه ينسون ترى زين وكلنا شربناه من يوم عمرنا اسبوع وبنفس الوقت اذا الاسهال وايد لازم تروحين الطبيب

مثل ماقالت الاخت غموض يمكن مايتحمل اللاكتوز بنتي عمرها 45 يوم و نفس الحالة كانت كل ماترضع تسويها الين ماصابها اسهال شديد و يوم عطيتها حليب خالي من اللاكتوز الحمدلله وقف عنها الاسهال وارتاحت

بنات انا ولدي صاره يومين اسهال اول يوم اسهال وزاع بس الحين مايزوزع كله اسهال
والله تعبت كل شوي اغيره عمره سنه وشهرين اشو اسوي عشان يخف بعد اليوم لاحضت ان اسمحولى على لفض خدقته صايره حمره تقول محروقه ويوم اغساله يصيح وايد تعوره حطيتله سوداء كريم شو اسواء قولوي فديته مايهون على والله عذبه الاسهال

حبتبي

عطية نشا مع روب وبطاطا مهروس

وحطي نشا في السفن اب وبتشوفين السفن بيثور النشا يخلي الغازات تطلع عطية اياااة وان شاااء الله معلية شر

واتببيعي معاة حمية الاسهال

الفطور عطية شاي حمر مع توست محمص

الغدا عطية عيش وبطاطا مع روب

والعشا عطية تفاحة مع روب حطية علية نشاااا

وواذا بغى عطية جبن

وعطية شوربة بدون شي

وعطية عصير تفاح

واكلية من الفواكة الموز والتفاح

وقفي الحليب لان الحليب يزيد الاسهال

او غير حليبة الى حليب الاسهال

وعطي ماي العيش ممتاز

وفي دواء اسمة كابكت في الصيدليية للاسهال

بس احيااان الدكاترة مايوصفونة يقولون الاسهال ينظف الجسم من البكتيريا بعد 3 يوم عطية الدواء

وحطي على فازلين اوحطي نشاا

وخلي المنطقة تتهوي شوي

اختي انا بنتي من اسبوعين يتها نفس الحاله اسهال كرمتي لمدة اسبوعين اول شي طنشت على بالي اسنان بس عقب قلت لازم اوديها العياده لانه يتها حمى ..

اول شي السودو كريم في هذه الحاله ماينفع .. الدكتوره بتكتتبلج مراهم وتخلطينهم مع بعض حق منطقة البامبرز

ثاني شي ابعدي عنه اي شي فيه دهون ومثل ماقالت الاخت عطيه نشا وسفن اب ولالالازم تعطينه محلول الاسهال لانه يفقد سوال وايد

ضروري اختي تودينه العياده عشان تعرفين سبب الاسهال يمكن التهاب فيه ..

وخليه بدون بامبرز .. لانه ماينفع البامبرز في هذي الحاله ..

انا وااايد تعبت ويا بنتي كل يوم صياح وعوار .. حتى الحليب الدكتوره غيرته لي..

الله يعافيه لج يارب ويعينج ان شاء الله.. السموحه طولت

الظاهر اذا الفايروس

اللهم ياكافي

اليهال صايدهم كلهم

الله يقوويج بس تحملي لا يعديج دامج حامل

والله يحفظكم

ااذا طول معاة الاسهااال اكثر من 3 ايااام ودية المستشفى

بس شوفي اذا يسهل من 3 الى 5 مرات ماعلية خوف بس عوضية بالسوائل

اما اكثر من 5 مرات ودية المستشفى وطمنيننا علية

¤ô¦¦§¦¦ô¤~ سبحان الله وبحمده .. سبحان الله العظيم ~¤ô¦¦§¦¦ô¤~

اختي انتبي من التهاب احفاظ انا سار مع ولدي وسار كانه حريق يقطر ماء
راجعي به دكتور اطفال حتى ما تسير مضاعفات من الالتهاب غسلي له من تحت بالماء فقط واتركي المنطقة تنشف بالهوا العادي من دون ما تنشفينها بمنشفة او مناديل فيه كريمات للالتاهب ما اذكر اسمها ممكن احد من الاخوات تذكرها اما اذا زاد الالتهاب وسار زي الحريق لازم دكتور يوصف له علاج

حبيبي والله ما يشوف شر ان شاءالله تستفيدون من نصايح الخوات *

السلام عليكم ورحمه الله وبركاته

في تطعيم ( قطرات) للبيبيز …. ولازم يأخذ على مرتين .. وبينهم شهر … ( وللأطفال اللي عمرهم اقل عن 6شهور ) اذا اكبر ما يصير …

سمعت عنه … و سألت الدكتور اللي في العياده الحكوميه اللي عدالنا …
قلت له مافيه اضرار وجي … قال اصلا هذا معروف من زمان .. بس الحين بدينا نعطيه في العيادات
وقمنا نتكلم عنه
اسم التطعيم … ( روتا )

,,, وهوه اختياري …

طبعا … ممكن تسألين عنه اكثر عند العياده … و هم بيفهمونج اهميته ^^

الحمد الله انا عطيت بنتي ,, وباقي الجرعه الثانيه …

والله يسهل علينا تربيتهم ^^

في الخاص ب 300 درهم

والحكومي بالبطاقه ^^

للرفع

انا ما سمعت عنه
بس بنتي يوم ياها اسهال غيرت لها الحليب من ابتاميل(6-12شهر) إلى ( HN25) والحمدالله توقف عنها الاسهال

انا ان شاء الله اليوم حاسبه اودي بنتي اعطيها

اخي كم جرعه احسب مره وحده بس

انا سمعت عنه فعلا

بس الدكتوووور مانصحني فيه ابدا

خواتي الكريمات بحاجه للمشورتكن وخاصه انه لكم خبره احسن عني

عزيزاتي

بنتي عمرها تسعه شهور وهي تعاني من الاسهال

عطيتها كابتين علشان يوقف الاسهال وما نفع

عطيتها عيش ورب حتى ماء العيش عطيتها وبعد ما نفع

فيدوني الله يخليكم

كابتن وايد زين بس اذا مانفع وديها مستشفى احسن لان اسهال وايد مب زين يسبب جفاف والله يشفيها

اختي انتي ترضعينها من صدرج ؟

اذا هي يمكن تكونين حامل لاني الي اعرف اذا كانت الحرمه حامل وترضع الياهل ييه اسهال

اذا كنتي حامل لاترضعينهاا خلاص

الله يشافيها

عسب خبرتي عطيها موز وايييييييد زين حق الاسهال وحتى التفاااااح بس عطيها حقها وجبه مب عصيييييير وبع الروب وااااااااايد
زين وإذا زااد عندها لازم تودينها المستشفى لأن الياهل عنده إسهل يفقد وااااااااااااااايد سوائل من جسمه
ولا يمكن طالع لها اسنان

يمكن بيطلعلها ضروس …. من جيه عدها اسهال ..

عطيها موز – بطاطس مثور …

و الله يشااافيها يااارب

وأنا رايي من راي البنات ،، وديها المستشفى أحسن عشان من ما يستويلها جفاف ،، وعطيها موز،، وشربيها محلول ماي وملح ،، وبعد عطيها جيلي بس شويه وعقب ما يحر..