الوسم: الترجيع

الترجيع للرضيع

ولدي كل ما ارضعه واتم ادعسه ( يتجشىء) بعدها يرجع مش مرة ولامرتين صارله فترة على هالحال عمره شهر

عادي بيبي يرجع حليب لين عمر ٤ أشهر لان أتكون عندهم فتحة في المريء ما تسكر ألا بعد هذا العمر

عادي بنت ختيه بعد للحين ترجع

لا تعطينه فوق حاجته
شوي ويستفيد احسن من كثير يرجعه ويتعب معدته وجسمه

لكن بعد لو كنتي تعطينه صناعي تأ كدي انج بنفسج تعقمين المراضع وتغسلين يديج بالصابون قبل ماتحضرين الرضعة،، ولا تتكلين ابد على الخدم في هذا الموضوع
ويفضل تستخدمين سائل غسيل المراضع من بيجون ينظف ويعقم ومايحتاج تعقمين بعده

واذا خذتي كل هذي الاحتياطات وبعده يرجع في حليب خاص للترجيع للي معدتهم فيها مشكلة بس طبعا خذي عن طريق دكتور اطفال احسن عشان يفحص البيبي

واللي يرضع طبيعي في الغالب ماعنده هذي المشكلة

خليجية

الترجيع عادي للي يرضع طبيعي او صناعي ، لانه مرات يكون حليب زايد عن حاجتهم وما هضمته المعده لانه حجمها صغير

عادي لو يرجع شوي"بس لو يرجع الحليب كله هناااا؟مشكله

انقاص الوزن بالترجيع

هلا خواتي اشحالكم أسمحولي لوعت جبدكم خخخخخخخخخخخخ
مليت من كثر ما انصح ربيعتي ما تسمع الرمسة تبا اتنقص وزنها
بأها تاكل اللي تبا وبعد الاكل اترجعها على قولتها شرات العارضات وحبيت
أسال احد يعرف هاي الطريقة أو عنده خلفية عن الخطورة ياريت اخبرني عل وعسى أقدر اقنعها لانها ملت من الرجيم وما نفع وياها والاكل يغريها وما اتروم ما تاكل العيوش والدهون وخرابيط الدكاكين فيدوني الله يخلليكم

االسلام عليكم و رحمة الله و بركاته
حبيبتي انا مادري وش الخطورة بالضبط بس اللي اعرفه ان الواحد لما يتسمم اول شي الدكتور يسأله كم مرة يرجع في اليوم من كثر ماهو خطر
االواحد لما يجيه تسمم و يقعد يرجع بعد الاكل يتعب و يضعف جسمه و تروح صحته عاد ماظن صديقتك تبي تسوي في نفسها كل هذا ولا شرايك

حبيبتي نحولة….هذي الطريقة غلط وخطيرة على صحة الانسان…هذي الطرقة راح تخليها تفقد السوائل في جسمها و تمنع جسمها من انه يمتص الغذاء و هالشي راح يأثر على خلايا جسمها و يضعفها و يفقدها القوة…و بالتالي تموت و تنهار الاعضاء المتكونة من هالخلايا…يعني تدمر جسمها و تجوعة من الداخل…وهذا يمكن بعد يتحول لمرض فقدان الشهية……طيب ليش هالربكة كلها؟؟؟ أكل و أزوع عمري؟؟ كلي الي يسد جوعج واشردي!! انا اعرف حلول كثيرة بس انا بعد اعاني من السمنة و كارة عمري بس ما اروح وادور لي المرض واذبح عمري!!! ولا شو رايييج؟؟ تحملي على عمرج حبيبتي.

والله انا اشووفه غلط هالطريقه .. لان الجسم محتاج اكل و فيتامينات وكل شي ..
انا انصحج نصيحه .. الدكتوره دووم اتقولي كلي االلي تبغييينه بس لا اتكثرين منه ..
حتى في ناااس يوم ايسسون رجيم ما ياكلون كاكاو او الحلويات بشكل عاام .. بس الجسم محتاج سكريات ودهووون وكل شي .. انا هذا رايي

اختي انا وحدة كنت اتبع هاي العادة .. والحمدلله تركتها من شهرين وهي ما تضعف بالعكس تمتن.. وعن تجربه وكنت اسويها وانا حامل ومتنت بشكل مش طبيعي لانه مرض البوليميا او الشراهه ياكل الشخص بشكل مش طبيعي وعقب يرجع وهي الها اثار نفسيه وااااااااااااااااااااايدة واتمنى ان تروح عند اخصائية تغذيه وتتلاحق عمرها لاني انا ما قدرت اتخلص من هالعادة الي استمرت معاي 8 سنين من حياتي الا بمساعدة دكتورة تغذيه واجهتني بمرضي الخطير والحمدلله تركت هالعادة من كمن شهر .. وسوي بحث في الانترنت عن مرض البوليميا وشوفي اثارة عالجسم والدماغ .. وبمساعدة دكتورة تغذيه ولازم تقولها انها ترجع بتساعدها وعفكرة انا وايد رحت عند دكاترة ومحد يهتم فهالمرض الا اخر دكتورة رحتلها جزاها الله خير ساعدتني … اي استفسار انا حاضرة بس عالخاص

خطيرة مرة العملية وهذي لا تسويها لا انتي ولا غيرج
لانها وايد تتعب يعني انصحج لا لا لا لا لا لا لا لا

انا هاي الطريقة شفتها ففيلم نسيت اسمه

بس البنت اللي كانت تسويها استوت ضعيفة وعندها خمووول بشكل فضيع وقالولها انها بتموت لانه الجسم يتخلص من كل السوائل

الترجيع عن اطفال حديثي الولاده

السلام عليكم
شحالكن خواتي
عندي بنت عمرها اسبوعين ووايد اترجع تقريبا بعد كل رضعه ومرات يظهر من خشمها
ما ادري هل هالشي عادي ولا لاء؟؟؟؟
مع العلم اني اخليها تتريع عقب ما ارضعها وعقب اترج
ياريت اتساعدوتي؟؟؟؟
يالله يارب تحفظها وتخليها لي
خليجية
خليجية

اذا في الاربعين عااادي

انا بنتي جيه حنتى ماخليت حد ماسالته طلع طبيعي

بس اذا حسيتي الوزن ينزل راجعي الدكتور

ولدي جي كااااان ,,, يرجع واايد فالاربعيييين ,,

اممممممممممم يمكن يكووون حراااااااااااااااان و يشرب مرضعه شوي داافيه فأحس جي يرجعوون

و في شي لاحظته علييييه ,, يوم يشرب الحليب يووصل لمرحله احسه بيرجع هني اشل المرضعه عنه ,,

بس اذااااا ما اعرف اذا بنت اترجع من الطبيعي و لا الصنااعي ,,.؟؟

خليجية المشاركة الأصلية كتبت بواسطة الحلوووه19 خليجية
ولدي جي كااااان ,,, يرجع واايد فالاربعيييين ,,

اممممممممممم يمكن يكووون حراااااااااااااااان و يشرب مرضعه شوي داافيه فأحس جي يرجعوون

و في شي لاحظته علييييه ,, يوم يشرب الحليب يووصل لمرحله احسه بيرجع هني اشل المرضعه عنه ,,

بس اذااااا ما اعرف اذا بنت اترجع من الطبيعي و لا الصنااعي ,,.؟؟

الغاليه انا ارضع طبيعي ومشكوره عالرد

خليجية المشاركة الأصلية كتبت بواسطة مالي مثيـــل خليجية
اذا في الاربعين عااادي

انا بنتي جيه حنتى ماخليت حد ماسالته طلع طبيعي

بس اذا حسيتي الوزن ينزل راجعي الدكتور

انا شاءالله يكون طبيعي بس الي يروعني يوم يظهر من خشمها

عادي حبيبتي انا ولديه لين الحين يرجع وعمره اربع شهور

ويطلع من خشمه بعد

وقالي الدكتور مادام ما ينزل وزنه ف هذا احسن له لانه يطلع الوسخ من بطنه

انتي راقبي وزنه اذا حسيتي انه ينزل وزنه راجعي الدكتور

واذا عادي يزيد وزنه ف هذا عادي وطبيعي

حبوبة يمكن تشربينها أكثر عن حاجتها عشان جي ترجع،،
خليها تتجدأ و لا تحركينها و ايد،،
واذا حسيتي انها وايد تزوع ديها عند الدكتور أحسن

ولدي و الترجيع

السلام عليكم و رحمة الله و بركاته

خواتي بغيت مساعدتكم ..

ولدي جريب يكمل سنيتن بس وايد يرجع من يصيح أو يخاف حتى أحسه هو بروحه تعب .. وديته عند الدكتوره قالت من يكبر بيخوز عنه .. بس أحيانا أنحرج لما أطلع وياه يرجع و أضطر أرد البيت .. و حتى التبديل ما يخليني بس في البيت ..

كيف ممكن أخفف منه هالخوف و الترجيع .. الحمدلله دومني إمجابلتنه و محد يخوف و الكل يدلعه ..

فديته حبيبي ماعليه شر ان شاء الله

فتره واتعدي

يمكن راس المعده عنده وسيع الا اذا بس يوم يخاف يرجع … ترا ها الطبع فيني يوم اخاف ما يتم شي في بطني

خليجية المشاركة الأصلية كتبت بواسطة جوليا الأحبابي خليجية
فديته حبيبي ماعليه شر ان شاء الله

فتره واتعدي

الشر ما إييج الغاليه ..

إن شاء الله تكون فتره و تعدي

خليجية المشاركة الأصلية كتبت بواسطة كنه الشامسي خليجية
يمكن راس المعده عنده وسيع الا اذا بس يوم يخاف يرجع … ترا ها الطبع فيني يوم اخاف ما يتم شي في بطني

هيه بس لما يخاف و إلا يصيح وااايد على طول يرجع ..

هلا اختي بغيت استفسر منج هل هو يحاول يرجع عمره ولا لاارادي يرجع؟؟

لانه فيه اطفال لما يضايجون ولا يصيحون يحاولون يكحون ويرجعون بالغصب وهذا موجود وخاصه الاطفال الي يحاولون لفت الانتباه اكثر او الدلوعين… اما لاارادي لازم تعرضينه لدكتور مختص

خليجية المشاركة الأصلية كتبت بواسطة دلع بوظبي خليجية
هلا اختي بغيت استفسر منج هل هو يحاول يرجع عمره ولا لاارادي يرجع؟؟

لانه فيه اطفال لما يضايجون ولا يصيحون يحاولون يكحون ويرجعون بالغصب وهذا موجود وخاصه الاطفال الي يحاولون لفت الانتباه اكثر او الدلوعين… اما لاارادي لازم تعرضينه لدكتور مختص

هلا إختي .. مشكوره عالرد ..

لا إرادي يرجع حتى هو يتعب من كثر ما يرجع و خصوصا لما يخاف .. يعني لما يكون عنده موعد أول ما ندخل عند الدكتوره يرجع من الخوف ..

عرضته عالدكتوره و قالت فتره و بتعدي بس أبغي أعرف لمتى .. وايد أنحرج لما أطلع أتم على أعصابي

اليوم الثامن بعد الترجيع

السلام عليكم حبيباتي
انا صارلي 8 ايام من الترجيع واحس بالم لما تكرمون ابول واسهال خليجية حد صارلها جي وطلعت حامل
بليييييييييييييييييييييز ساعدوني خليجية

ما عندي فكره حبوبه الله يرزقج بالذرية الصالحه بالقريب العاجل

حبيبتي راجعي المستشفي لان الحمل ما يسوي اسهال يمكن تسمم

مشكوره الغاليه والله اني قاعده على ناى مادري شو اسوي

اتصل حق الدكتوره بس كله مشغولهخليجية متغصصه لاني في الدوام وما اقدر اترخص

اللهم رب الناس اسالك باسمك الاعظم الذي اذا دعيت به اجبت واذا سالت به اعطيت ان ترزقها الذرية الطيبة والمباركة وتجعل هذه العملية سببا في ادخال الفرحة عليها وعلى زوجها انك ولي ذلك والقادر عليه وان ترحم ضعفنا جميعا وترزقنا ذرية تقر بها اعيننا انك خلقتنا من قبل ولم نكن شيئا يامن يقول للشيء كن فيكون وصل الله على حبيبنا الصطفى عليه افضل الصلاة والتسليم

اختي عليج بالاشياء لتبرد عليج اشربي حليب فرش وعصير تفاح وكلي روب وخيار وااايد وااااااااااااااااااااااااااااااااااااااااااااااااا ااااااايد شربي ماي في عندي ودشي قوقل سوي سيرج على دعاء المعجزه للحمل ، بإذن الله بيكتب لفيه الخير الغاليه والدكاتره كله مشغولين مادري ليش الطناش بعد العمليه واذا بغيتي اي شئ انا حاضره راسليني على الخاص اذا حبيتي الله يوفقج انشالله

بنتي والترجيع

ٱڵڛڵٱمَ ؏ـڵېڰم ۅړζـمۃ ٱڵڵـھ ۅبړڰٱٺھ

خواتي أنـْْ♡ـْْا ‏​​​​ بنتي عمرها 4 شهور ومن بيتها كل ما أشربها المرضعه واجشيها ترجع وكل شي أتم ترجع وحميتي خوفتني تقول يمكن فيها شي
ف هالعمر عادي لو يرجعون ولا هالشي مب طبيعي

هو طبيعي اول شهر بس اهم شي ان وزنها يزيد
اول فحص يسوونه تصوير تلفزيوني للجهاز الهضمي يتأكدوا ان مافي تضيق في مجرى الامعاء و بعدين في اغلب الحالات السبب هو ارتجاع الحليب من المعده للمريء خاصه عند الاطفال الخدج
شيكي داخل فمها مايكون في بقايا الحليب الي تلصق ع اللسان و ممكن تقلب لالتهاب فطريات

عادي لا تحاتين بنتي تمت جي تزااوع واايد لين كملت 6 شهور يوم بديت ااكلها استوت اوكيه الحين عمرها سنه والحمدلله امورها طيبه
من كثر الزواع ما كان وزنها يزيد بسرعه .. قالولي فيها ارتجاع ف المريء و هالشي طبيعي بعض الاحيان
انتي راقبي وزنها اذا يزيد عادي .. عطيها حليب ضد الترجيع عندج ابتاميل و سميلاك واغلب الشركات الحين ينتجون حليب ضد الترجيع
ربي يحفظها لج :*

عادي جدا بعض الاطفال كذا طبيعتهم لين الشهر السادس لدرجة تقولين شو يتم فبطنه يخيس فراشه وثيابه وثيابك بعد عاااادي لاتخافين ماعليج من كلام الحريم احنا مجربات الله يخليه

شوفي الترجيع لو كان شوي عادي لا ن ممكن غازات وجي اما لو رجعت كل الحليب انا لازم اتراجعين دكتور

ولدي كان يعاني من نفس المشكله وطلع عنده ارتجاع الحليب من المعده لان صمام المريء مب قوي ومن كمل ٨ شهور تحسن والحمد لله لو وزنه ما يزيد راجعي الدكتور بيعطيه دوا يقوي الصمام المريء وهالمشكله موجودة عند الكثيرين عادي ما يخوف الموضوع

العادة بعد الترجيع

هلا خواتي شو أخبااااااآآآآآآآركم ..

فديتكم سويت عملية الانابيب ولكن فشلت المحااولة الاولى تقريبا من 3شهوروبعده العااااااااادة مايتني …

اتصلت عليهم قالوا لي عادي يتاخر ..

المشكلة وااااااااااايد تآخرت مرات اقول يمكن فيه حمل شو رااااااايكم …

شي طبيعي ولا …….

هلا اختي انا اول مره سويت العمليه وفشلت على طول يتني الدوره

اختي سيري شيكي عند دكتوره شوفي شو بتقولج

خذي موعد عندهم وروحي بيسون لج فحص
وبينزلون الدورة وبيبدون لج علااااااااااج
لا تضيعين الوقت

ربي يرزقج آآلذرية آآلصآآلحة آآنشآآلله ^^

لآآآ تآآآخذين شي ينزل آآلدورة خلهآآ بروحهآآ تنزل آآحسن ,,
يمكن حآآآآمل ,, وآآنشآآلله كلآآآمي صح ^^

الله يرزقج بالذريه الصالحه

تطعيم ضد الاسهال والترجيع ^^

السلام عليكم ورحمه الله وبركاته

في تطعيم ( قطرات) للبيبيز …. ولازم يأخذ على مرتين .. وبينهم شهر … ( وللأطفال اللي عمرهم اقل عن 6شهور ) اذا اكبر ما يصير …

سمعت عنه … و سألت الدكتور اللي في العياده الحكوميه اللي عدالنا …
قلت له مافيه اضرار وجي … قال اصلا هذا معروف من زمان .. بس الحين بدينا نعطيه في العيادات
وقمنا نتكلم عنه
اسم التطعيم … ( روتا )

,,, وهوه اختياري …

طبعا … ممكن تسألين عنه اكثر عند العياده … و هم بيفهمونج اهميته ^^

الحمد الله انا عطيت بنتي ,, وباقي الجرعه الثانيه …

والله يسهل علينا تربيتهم ^^

في الخاص ب 300 درهم

والحكومي بالبطاقه ^^

للرفع

انا ما سمعت عنه
بس بنتي يوم ياها اسهال غيرت لها الحليب من ابتاميل(6-12شهر) إلى ( HN25) والحمدالله توقف عنها الاسهال

انا ان شاء الله اليوم حاسبه اودي بنتي اعطيها

اخي كم جرعه احسب مره وحده بس

انا سمعت عنه فعلا

بس الدكتوووور مانصحني فيه ابدا

أنا سألت الدكتور في الحكومي،، وقالي ما في داعي،،

ساعدوني كيف اتصرف بعد الترجيع

انا سويت ترجيع الاجنه
شو اسوي امشي عادي واتحرك . ولا كله نايمين انتم……….احس كاني خفيفه…

ساعدوني للي عندها تجربه.

والله ماعندي اي فكره .. إن شاء الله ايساعدونج الخوات خليجية للرفع

ما عندي فكره بس المهم ترتاحين و تمارسين حياتج عادي بس بدون تعب او تحملين ثقيل و اشربي سوائل وايد

السلااااام عليكم اختي

الله يثبت اجنتج يارب ومثل الله ماكرمني بالحمل يكرمج يارب العالمين
حبيبتي انا مرجعه اجنه من بعد عمليه انابيب
اول اسبوع ما كنت اتحرك من الفراش كله بالغرفه قراه قران ودعاء وشوي شوي قمت اطلع بيت هلي بس سوووق لالالالا ماكنت اروح يعني طلعات خفيفه لين يوم التحليل 11 يوم من الترجيع سويته واي سؤال انا حاضره

والله يرزقج الذريه الصالحه يارب

انشالله

الله يوفقكم ويبارك فيكن

ومشكورات عالرد

والله يثبت حملج ياعايشه

في فحص دم بعد خمس ايام للترجيع حق شو

اختي انا سويت ترجيع مرتين
يمكن الدكتوره اتقول لج عادي اتحركي
بس انت الاحسن خذي احتياطج وريحي عمرج
بس لا تنامين على طول
يعني اتحركي طبيعي بس اذا مثلا اداومين خذي اجازه احسن
وحاسبي لا اتعبين عمرج وايد
يعني خلي حركتج عاديه بس اشويه حاسبي لا تشيلين شي ثجيل او تجهدين عمرج في شغل البيت

والله يرزقج الذريه الصالحه يارب

ويثبت اجنتج يارب

انا ماسويت اي تحليل دم الا باليوم11 من الترجيع تدرين كل دكتور يختلف عن الثاني لا تحاتين والله يتمم عليج

ابي اسمن تهئ تهئ وخصوصا الارداف تعبت من وسواس الترجيع

هلا فيكم بنات
بنات بقول لكم قصتي
انا كنت مليانه وجسمي حلو وكنت اسوي رجيم ورياضه وما كنت انحف
وفي يوم اكلت سمبوس ونمت وجلست الفجر وكنه احد جالس على صدري وحاولت ارجع وماقدرت
شربت مويه كثير وحاولت ارجع ثانيه ويالله تحسنت ومن عقبها قمت اخاف من الاكل
وصرت اي شي اكله احاول احط اصابعي واحاول ارجع غصب وزاد الطين بله حملت وزدت مع الوحام
ورحت لطبيب نفسي واعطاني حبوب مضاده للأكتئاب وقال خلي احد يمنعك تروحين الحمام ترجعين
ومحد قادر يمنعني لين نزل من نزل من وزني 14كيلو وصرت مثل المسطره مافيه ملامح انوثه
والحين ولدت وبرضوا ما تغير شي الله يخليكم دلوني على طريقه تفكني من الوسواس
او شي يقنعني ان الاكل بيتهضم
او طريقه لحسيت ان الاكل كابس على صدري اسويه وارتاح
بنات انا بنفاس ولازم اكل عشان اطيب ساعدوني ووالله لأدعي للي تساعدني من قلب
وياليت بشي يسمن الارداف بالذات لأني مع النحف صرت مسطره

اممم

كلي عادي بس اتجنبي الاكل قبل النوم بكم ساعه
ولا اتكثرين فالليل

و كلي عادي فتره النهار بتشوفين جسمج اروحه يرد

و بما انج مربي كثري عصاير و حليب يكون كامل الدسم و ضيفيله شكر

و شربي شاي اكثر يساعد عالهضم

خليجية المشاركة الأصلية كتبت بواسطة shyo0o5yha خليجية
اممم

كلي عادي بس اتجنبي الاكل قبل النوم بكم ساعه
ولا اتكثرين فالليل

و كلي عادي فتره النهار بتشوفين جسمج اروحه يرد

و بما انج مربي كثري عصاير و حليب يكون كامل الدسم و ضيفيله شكر

و شربي شاي اكثر يساعد عالهضم

شكرا لمشاركتك
اسعدني تواجدك العطر
المشكله ان عندي خوف من الاكل انه ما يتهضم سواء بالليل او بالنهار

اذا اكلتي و حسيتي الأكل ما انهضم ، اشربي بعده شاي أو نعناع أو شاي بـ نعناع و بينهضم ان شا الله

بس انتي و الله أعلم صار عندك بوليميا و لازم تتابعي مع طبيب علشان صحتك و حياتك..

موفقه

هذة حالة نفسية أجبري روحك وحاولي تأكلي أشياء سهلة مثل الشربة والعصائر الروب واللبن وأيس كريم

ومهلبية وكستر الأشياء اللي لا تحتاج هضم وشوية شوية قابليتك للأكل تتحسن وتستطيعي تأكلي طبيعي 000

طريقة بنت عذارى الآمنه لتكبير المؤخرة:

نبذة عن عضلة المؤخرة:

هى عضلة تنقسم من منطقة الحوض (عظمة الحوض ) مرورا على الخلفيه

هذا التمرين فعال لتغطيته لمصدر العضله وتفرعها على الفخذ.

الطريقه سهله ومع الاستمرار عليها مثل ماذكرت بيكون صعب تمرون من الباب

ويجب التقيد بالطريقه الصحيحه لتجنب المضاعفات التى تكون فى صورة شد عضلى

نأتى الآن للطريقه وهى بأمانه رائعه ومجربه وتأثيرها فعال على عضلات المؤخرة

وتقوى عضلات المؤخره وتشدها وتعطى حجم وشكل رهيب لجسم المرأة..

الطريقه الصحيحة :

خليجية

1. يجب ان تكون اليدين والركبتين على الارض

2. رخى الكتف واضبطى الظهر بحيث يكون وضع الرقبه هو امتداد للجسم

وبلا شد للرقبه ولا رفع للرأس مبتذل.

3. رفع الركبة بالتناوب ,بحيث نعمل تمارين لجهة واحدة وبعد الانتهاء

من العدد المفروض من التمارين نبدأ فى الجهة الأخرى بنفس عدد المرات

4. فى كل تمرين يجب التأكد من رفع الركبه ب 90 درجة حتى تكون

درجه قائمة مع طول الجسم.

عدد التمارين اليوميه:

1. للمبتدئات 15 مرة يمين و15 مرة يسار

2. للمتقدمات فى التمرين 30 يمين 30 يسار

3. للمتدربات بقوة 45 يمين 45 يسار

وطبعا التدريب يوم وترك والتمرين لا يقتطع يجب ان يكون مرة واحدة متتاليه
( يعنى مش نسوى نصه النهار ونصه الآخر بالليل)

والشكل والحجم ومظهر المؤخرة يحتاج الى فترة من شهر الى 3 شهور لوضوح التأثير.

تمرين بسيط لكى لمؤخرة مشدودة ومفصله :

يمكن عمل التمرين هذا وانتى على المكتب,وانتى تتصفحين على جهاز الكمبيوتر

وانتى تمشين فى البيت..

شد عضلات المؤخرة وأخذ نفس عميق وبعدها ارخائها و الزفير باظهار

ثانى أكسيد الكربون..ويكرر 20 الى 30 مرة باليوم لمؤخرة جذابه ومرسومه

منقول لعيونج ^^

خليجية المشاركة الأصلية كتبت بواسطة bulbula خليجية
اذا اكلتي و حسيتي الأكل ما انهضم ، اشربي بعده شاي أو نعناع أو شاي بـ نعناع و بينهضم ان شا الله

بس انتي و الله أعلم صار عندك بوليميا و لازم تتابعي مع طبيب علشان صحتك و حياتك..

موفقه

انا احاول اشرب شاي ونعناع بس ماكو فايده الخوف مسيطر علي