ما ادري كيف ابتدي في الموضوع وماباكم تفهموني غلط وحلفتكم بالله ما تفهموني غلط
باختصار خاطري اتزوج
لان الزواج بالنسبالي اشياء كثيرة
والله يا بنات احس اني محتاجة لزوج "افهموني" ولا تفهموني غلط
الحين بصك الثلاثين ولا حد تقدملي مع اني حلوه بشهادة الجميع
ادري كل شي بيد الله وهذا نصيب
وانا انسانة ملتزمة واصلي الفروض وما اترك فرض ولله الحمد وما عندي سوالف البنات
والمكالمات والنظرات الحرام اللهم لك الحمد والشكر
لكن في داخلي محتاجة والله محتاجة
هذاك اليوم منا في يمعة بنات ونسولف عن الحريم ومشاكلهن مع الرياييل بان الوحده من تعرس خلاص تنسى نفسها وانا عاد ما قصرت تميت اقول من هالنصايح والمفروض الوحده تحافظ على جسمها وغيره وغيره
عقب ربيعتي قالت لي بخبرج شي بكل صراحة وكنا قاعدين مع شلة بنات وقالت انتي الي بياخذج بيتخبل عليج
ويوم سالتها عن السبب قالت اسلوبج وكلج على بعضج يبين فيج هالشي
لاني بكلام الجميع الكل يقول كلامي حلو وجسمي حلو واجتماعية وفرفوشة واحب السوالف
ودوم اسوي سوالف
حتى اذكر ربيعتي ايام الجامعة قالت لي انتي يبالج زوج رومانسي ويحبج من خاطره لانج تستاهلين
لا تقولون لي سيري عند خطابة او غيره
اباكم تدعولي بس بان الله يفرج علي ويقرب النصيب
واذا نصيبي بعيد ادعولي بان ربي يهون علي ويصبرني
لان اصعب شي الانسان يوم يحس انه محتاج لشي وصعب يوصل له
اميييييييييين
اميييييييييين
اميييييييييين
الله يرزقج بالزوج الصالح اللي يحبج و يقدرج و يحترمج و يريحج و يكون لج عون في كل شي و يرزقكم بالذرية الصالحة المعافاة و الراحة و الطمأنينة عااااااجلا غير اجلا
