الوسم: الافقية

السلام عليكم ورحمة الله وبركاته,,

ركبت ستاير خشبية وابتلشت =(
ما اعرف شقايل ينزلونه لاني اتعبث فيه وتم رافع مكانه

والستاير معاه 3 حبال وما اعرف لها الستاير
واللي عنده خبره يعلمني شقايل ارفعه او انزله والسموحه منكم
"
"
ستاير نفس اللي بصوره

للرفع
من وين خذتيهم وبكم؟
خرجت عن الموضوع

للرفع
على مااعتقد
استعماله نفس استعمال الستاير العادية يوم تسحبين الحبل في جهه ترفع و الجهه الثانية تنزل
تسحبين الحبل الواحد على قياس الي تبينه و بعدين تروحين للحبل الثاني و تسحبينه نفس الشي و الثالث مثلهم

بتحصلين بأكيا مثلهم……و اشكال غير
ستاير خشبية

خبيرة هالنوع من الستاير ^الدماني^ بتخبرج

شوفي حبيبتي
الحبل لما تشدينه عشان ترفعين الستارة
لازم يكون اتجاه الشد بزاوية مايلة على الأقل 45 ْ
صوب اليمين أو صوب اليسار حسب التركيب (واتمين ماسكة الحبل)

وبعدين يوم بتكتفين بالإرتفاع اللي تبينه
(واتذكري انتي بعدج ماسكة الحبل)
تحركين ايدج (مع الحبل) الى أسفل الستارة
وتهدين الحبل بصورة مفاجئة
(تعرفين ليش؟)
لأن اللي يتحكم في الحبل كرة صغيرة لها أشواك أعلى الستارة
لما تحركين الحبل ببطء :الحبل ينساب بسلاسة على الكرة
ولما تهدينه بحركة مفاجئة وإيدج لتحت :اللي يستوي ان الحبل يشبك في الكرة ويوقف الستارة.

ويوم تبين تنزلينها تسوين نفس الخطوات لكن بصورة معاكسة :
يعني تمسكين الحبل بصورة مايلة بزاوية (45 ْ درجة)
وتسحبين الحبل بصورة مفاجئة الى الخارج
وتردين ايديج للأسفل ووتهدين الحبل ببطء
وبتنزل الستارة.

من هالشرح حسيت كأني حضـّرت الذرة
خخخخخخخخخخ

الدماني كفت ووفت
الله يوفقج

تسلمين الدماني,,,
وان شاء الله اعرف له هههههههههه
احس صعب بس فديتج سؤال اخير..؟؟
هم 3 حبال اسحب 3 وياه بعض
وله حبل واحد ؟؟؟
_______________
تسلمين هدى ع المرور وانا ماخذه الستاير من ايكيا ( فيستفال سيتي-دبي)
وشي بعد بالسفير مول

حبيبتي اذا اللي من عند ايكيا
الثلاثة يكونون مع بعض
شديهم بحيث يكونون كلهم نفس الطول وحركيهم مع بعض ..

تعرفين أعتقد انتي اتعبثتي فيهم وتم كل خيط له ارتفاع غير ، صح ؟

جربي وخبريني