الوسم: الامساك

خواتي ابى مشورتكم انا بنتي عمرها شهر وعندها امساك مو يعني تخرجه جاف لا ولكن تظل أسبوع ما تخرج لين اعطيها المسهل الي كتبه لها الدكتور لكن ما أقدر استمر عليه لان احسها وايد صغيره على الادوئية فحبيت استشيركم فياريت الي عندها علم تخبرني .

لا تعطينها الغاليه مسهل…

هاذا اكبر غلط..

لانهااا باجر ما بتقدر تخرج الا بالمسهل.. انتي اتعودين بطنها ع المسهل..

انا بنتي نفس الشي.. الحين من 6 ايااام ما سوتهاااا.. وعمرها شهرين ونص..

ما اعطيها مسهل .. ولا شي..

بس اتقولي الوالده ان هالشي طبيعي..

واونه الماي بالتمر يخوز الامساااك عن البيبي..

عطيها يانسووووون

ولا ماي فيه سكر نباااااااااااااات

حبيبتي عليج بالنثيبة و سكر نبات واااااااااااااااااااايد مفيد انا كنت مثلج متعذبة و يا شيخاني بس صراحة وايد زين و لازم بين فترة و فترة اعطيها اياه لين الحين

و ممكن تمرة و يا ماي دافي بعد زين

أول شي …. لا تعطينها المسهل

و بعدين يمكن ما تاخذ كفايتها من الحليب يعني تاخذ اللي يكفي جسمها و ما يتم باقي يطلع …
إذا كان الاحتمال صح .. دخلي لها الحليب الصناعي وجبتين فاليوم بس مرة الضحى عشان ترقد و مرة الفليل عشان تثقل معدتها و ترقد … و شوفي إذا ما مشى بطنها …

في حالة إنج تشوفين إنه حليبج يكفيها …. إليك بالإجراءات التالية( كلها مطبقتنها ويا عيالي ) :
* عطيها ماي التمر ودني ( انقعي ) شوية تمر في ماي حار ، صليه و عطيها إياه و بإذن الله بيمشي بطنها..

* سويلها مساج بزيت زيتون دافي على بطنها بحركة دائرية مع عقارب الساعة ..

* نصحتني الدكتورة مرة بعصير الزبيب و صدق ما شاء الله ريح بنتي و مشى بطنها … المهم تودنين كم حبة زبيب في ماي حار و بعدين تضربينه فالخلاط و تصفينه و تعطينه البيبي ….و بتدعيلي إن شاء الله ..

* حاولي اطيحينها على بطنها و بتطلع الغازات و بيرتاح بطنها أو ممكن تجبينها على مخدة في وضعية مريحة عشان تطلع كل الغازات ..

* إذا كانت تعاني من الغازات عليج بالبابونج (( لا تفورينه فالماي لااا .. تغسلين شوي منه و اتحطينه في كوب و اتصبين عليه الماي الحار و اتغطين الكوب لانه فيه زيوت طيارة و هي المفيدة عقب ما يطلع لونه صليه بالمصلة و حطيله شوية شكر و أنا أفضل سكر نبات …

و الله يعافيه و يباركلج فيه..
و لأي شؤال أنا فالشوفة

أشكركم خواتي وفعلاً انا بديت أعطيها حليب صناعي بتوصيه من الطبيب مرتين باليوم وبكمية قليلة لأني أحب ارضعها أكثر
أما بالنسبه للماي والتمر سوتلها وسوتلها بعد الشمار مع سكر نبات بس مافي فائده لكن بحاول أسوي نصايحكن الثانية أن شاءالله تفيد
وشكراَ مره أخرى لكل من ردت علي

الحليب الصناعي هوه اللي يمسك بطنها … اختي اذا كنتي اترضعينها طبيعي حاولي اتدخلين ف نظامج الغذائي اشياء مسهله مثل الحبه الحمرا … عصاير برتقال +كيوي بيمشي بطن البيبي انا كنت اسوي جذيه ….

ولدي الله يحفظه عمره اربع سنوات مشكلته الامساك وايد متعبنه ما خليت دوا ما استخدمته له وغير التحاميل وما شي فايدة ………….

لو عندكم حل لولدي اكون لكم شاكرة

للرفع………..

اكليه فديتج وايد فواكه وعصير برتقال عشان بطنه يسيره وبعدي عنه الروب والحليب واذا ما فاد سويله عصير برتقال وحطي فيه طشونه خروع هب وايد سألي اي صيدللاني كم الكميه الي اتحطينها

ابتعدي عن شي اسمه عيش ( ارز ) نهائيا .. نصيــــحه .. والله بنت اختي كانت جذيه ومن وقفنا عنها العيش غدت بخير الحمدلله ..

انا موقفة عنه العيش لكن بدون فايدة انا سمعت عن الخروع يحطونه في العصير واااايد اوكي حد جرب هالطريقة

كثري من عصير البرتقال ,,,, واكل البرتقال بعد

لا تعطينه خروع

ريقيه كرون فليكس وعطيه عصااير واهم شي اتسوي له هالوصفه

3 تمرات صبي عليهن كوب ماي وخليه يلين اشوي عالنااروعقب حطي 3 ملاعق شوفان وخليه 10 دقاايق عالنار اخر شي اضربيه بالخلاط واكليه

حبيبتي

وديها المستشفى بيعطونها ادوية تلين البطن

لانها صغيرة ما تقدرين تعطينها اي شي

واذا كنتي تشربينها حليب صناعي ترا يمكن يكون الحليب راجعي المستشفى احسن

وما تشوف شر

فالج طيب الحل بفظ الله ثم نسبتنا الله يطول في عمرها الغاليه الحل بسيط بس اتبعي التعليمات خذي شوي من الحلول المطحون وخلطيه بزيت الزيتون وحطيه على بطن الياهل من فوف مثل عمليت دهن البطن من الخارج ولفي بي قماش وبعدي اغسليه خليه من اليل لين الصبح والصبح باذن الله بيمشي بطنها واذا لاحطتي بعد كمن يوم صار امساك اتبعي نفس الخطوه واي استفسار عاى الخاص

غيري لها الحليب الصناعي أكيد من الحليب خبري الدكتور
وهو إن شاء الله يغيرلج الحليب لحليب ما يسبب الإسهال ..
وفي الأكل سويلها باميه وأهسيها ويا العيش وعطيها .
ولا تعطينها البطاط والموز .وكثري من عصير البرتقال الطازج.

مشكورات خواتي ع النصايح جزاكن الله خير

ايش رايكن في حليب النيدو انا حاليا بعطيا حليب سيميلاك

علاج الامساك المزمن

كيف يمكنك علاج الامساك وعسر الهضم فى المنزل
https://www.youtube.com/watch?v=x6EueYtuydU

اشحالكم خواتي

بغيتكم تساعدوني خواتي ضروووري
بنتي من يومين داشة الشهر الرابع

وعندها امساك اليوم استوالها اربعة ايام عطيتها ماي غريب ودهنت بطنها بزيت زيتون وعطيتها ينسون
بس ماشي فايدة

بشو تنصحوني اسويلها؟؟

للعلم انا ارضعها بس صدري وما اعطيها شي ثاني ومن يبتها فديتها كله تتالم من الغازات واعطيها انفكول بس بعد ماشي فايدة

بلييييييييييز ردو علي بسرعة

منقوع الماي والتمر

انا ولدي يلس اسبوع فيه امساك ….. يوم و ديته المستشفى قالولي عادي ….. الدكتور قالي لو اسبوعين بعد عادي

مشكورة عيون البدر

راعية الرنج
ليييييييييييييييييييييييييش حرام شو اسبوع او اسبوعين عادي
شو هالدكتور اللي مايعرف شي نحن الكبار مانتحمل الامساك كيف الصغارية لاااااااااااواسبوعين بعد؟؟؟؟؟؟؟؟؟

نقطي له في اثمه شوية زيت زيتون مال الاكل دام انج ما تعطينه مرضعة لان عيالي احطلهم ويا الحليب في المرضعه نص ملعقة صغيرة مرتين في اليوم فترة لين ما تشوفين بطنه تعود عقب ودريه

حبيبتي اخذيلج تمرتين نقعيهم بماي وراها شخليهم اكثر من مره…

يقولون زيت زيتون شوي تمسحي به فتحة الشرج
بس للامانه ماجربته

السلام عليكم

بنتي عمرها شهرين ابا حل للغازاااااات والامساااااك الي عندها حل لاتبخل عليه

الغاليه اذا تعطينها صناعي غيريه لها واذا طبيعي يمكن من اكلج الي تاكلينه او يمكن تشربين غازات ابتعدي عن الغازات

وضحيلي اكثر عن رضاعة الياهل وان شاء الله بفيدج اختي

عندج الينسون مافي احسن عنه ..

اتحطين نص خاشوقه صغيره في ماي حار و اتخلينه لين ما يدفى و تشخلينه و تعطينه النونو و هي يوعانه .. و بترتاح بنتج إن شاء الله بطلع الغازات وو بيمشيها بطنها لو فيها امساك .. و خليها اختي على بطنها اشوي .. ووو تقدرين تدهنين بطنها اب زيت زيتون دافي ..

اعطيها ينسون .. وادهن بطنهاااا …
بس وااايد تصيح وهاليومين ماسوت شيء عزج الله ..

الله يسلمج يا ام وعوودي ..
انا ارضعها من صدري بس مايشبعهااااا فاضطر اني اعطيها مساعد … فاعطيها حليب سيميلاك رقم 1
والمشكله واااااااااايد تصيح وماعرف شو اسويبهاااا

تعبت معاهاااا

منقوع التمر حق الامساك

انفاكول حق الغازات و ترى تحت 4 شهور الغازات لا مفر منها..

و زيت دهني بطن البيبي على ما اعتقد عكس عقارب الساعه سوى ريسيرج تأكدى..

عزيزتي.. عن تجربه بخصوص الغازات.. عطيها

أول شي اشتري دوا اسمه Dentinox و واحد ثاني اسمه Bonnisan و شاي بابونج ميلوبا

الطريقه:
تحطين من Dentinox لين ثنين و نص ( بتكون فيه الابره في العلبه)
و خمسه ملي من Bonnisan
وملعقه و نص من شاي بابونج ميلوبا

( يخلط في ثلالثين ملي ماي دافي في المرضعه)

و صدقين بنتج بترتاح عطيها مرتين في اليوم الضحى و على المغرب ( دكتور و لدي قالي مرتين)

و من فتره اسويله و مش مضر كله اعشاب…

و الامساك:
عطيها ملعقه صغيره برتقال..

أختي أنا أعطيها انفاكول 3 مرات في اليوم،،
ويانسون…

السلام عليكم ورحمه الله وبركاااته ,,

ولدي من فتره يعاني من الامساك بس ابغي اعرف دوم ايود ايده الاثنين ويتعصر ويرافس هل هاه من الامساك والاا شوو بلييييز ردن علي ,,

اللي ما عندها خلفيه ترفع لي الموضوع بسس والله يوفق كل وحده ترد على …

الله يعافيه يارب

انا الي أعرفه يوم اليهل يقعد يرافس يقولون بطنه يعوره..
عطيه ماي شكر.

كم عمره؟

حطي تمر في ماي مغلي

وخليه يسسسيح وشراب التمر اسقيه

وشوفي شقايل بطنه بيمشيه

تسلمووووووووون خوااتي عالردود الطيبه

بسوي وان شاء الله خييرر

اعتقد مغص و غازات

عطيه دوا انفاكول

عليكي بعصير البرتقال الطازج

إمسااااااااك

للــــرفـــع

كثري من السوائل عشان تقلل من الامساك واحسن تاخذين شي من الدكتوره الي تراجعين عندها والله يسهل عليج

انا بصرااااحه اول ولاااده تقطعت من البواااسير ياويلي عالويييييييع ماخليت عياده الا سرتها بس عقب سرت مستشفى الايرااني برااحه علاااجهم على طوول ياااب نتييجه معاااي مع انهم مااكشفوو علي بس قلت ان توني واالده وشرحت حاالتي وعطووني مرهم وشي اشربه وحبوب استعملها 4 ايام وعلى طووول خاااذ الويع

انا عانيت وااااااااااااايد من الامساك… بس من فتره صرت اشتري عصير الربيع برتقال او لاكنور برتقال هو صح مر ولوعه بس شو اسوي ..المهم اشرب اول مااقوم ماي عقب مااتغسل اشرب من هالعصاير واتم تقريبا ساعه مااذوق شي غير الماي وعقب الغدا يبدا مفعوووله … والحمدلله من تميت اسوي جيه استويت خفييفه وبطني يمشي مب منتفخ مثل اول.. وبس

انا بعد الولاده
امساااااااك حاد والله معاناه
الحل تحميلات جلسرين

يعطيج العافية على هالمعلومات الطيبة

يعطيج ربي الف عافيه

مشكــورة الغالية معلومات مفيدة ….

مشكورة
وتقبلي مروري

مشكوررررررررررررررررررررررين

تسلمين فديتج وما قصرتي