الوسم: الامهات

هاذا تجمع للامهات اللي مسجلين عيالهم في الظفره – ما ادري هل كان في تجمع من قبل اذا فيه بليز حد يحطلي الرابط,,,

واذا ما فيه خلونا باذن الله يكون هاذا تجمعنا شوه رايكن ؟؟؟؟؟؟

1 كم رضعه في اليوم يحتاج البيبي؟ الياهل من ينش يصيح يدور رضعية بس إذا كمل نومته لأكثر من 4 ساعات وعيه
و كل كم ساعة نعطيه الرضعه؟. ؟؟ المفروض كل ساعتين بس إذا كان نايم لا توعينه .
2 اذا كان البيبي راقد في وقت رضعته نخليه راقد ؟ أكيد تخلينه راقد بس مش أكثر عن 4 ساعات
ولا لازم نقومه عسب يرضع؟
يقولون المولود الحديث يتغوط بمعدل أكثر …… كم عدد مرات التغوط الطبيعيه ؟ عسب ما اخاف انه فيه اسهال؟ الياهل طبيعي من يرضع على طول مايتم في بطنة وايد يعني بمعدل 4 مرات تقريباً

4 هل نغير حفاظ البيبي كل ساعتين ولا حسب حاجة البيبي ؟ على طول من تحسينه بال وانتو بكرامة بدليلة عشان يمبه ما يتحسس وامسحيه بفوطة فيها ماي دافي أو قطن وماي دافي أفضل من الكلينكس اللي ينباع للاطفال لانه كله كيماوي حرام يتقطع ينبه
كم مره تسبحون الياهل فالاسبوع؟ و كيف طريقة الاستحمام الامنه له ؟ أنا عني يومياً أغسل جسمه والشعر كل يومين مرة أفضل وعلى طول خلي الدفاية عدالج شغاله وانتي اتلبسينه عشان يدفا بس ماتكون وايد قريبة.
6 شو افضل نستخدم حق سر البيبي ؟ الكحول أو بودرة السر ؟ ممكن تستخدمين الإثنين أفضل يعني أول الكحول عشان تعقمينه وبعدين البودة أو زيت الزيتون أفضل ويكون دافي .
كيف اعرف مواعيد تطعيم البيبي ؟. المستشفى يحدد له مواعيد التطعيم ويعطونج جدول بالتواريخ .
8 كيف تغسلون ملابس البيبي؟ أنا أفضل أغسل ملابسة إذا متوصخه وايد بشامبو الغسيل فقط وليس الصابون انتبهي أما إذا مش متوصخه بزيادة أفضل الداوني بس الخاص يالأطفال وانتبهي من الصابون البودرة .

وانشالله أكون فدتج بهالمعلومات ولاتنسون إدعولي حبايبي …
وأي سوال ثاني أنا تحت أمرج ..

انا عن نفسي اشرب زعتر وهو واااايد مفيد وانصح اختج انها تجربه

عليج بالنعناع وااااايد يريح..خذي 10 حبات نعناع وغسليه زين بعدين حطيه في قلاص وصبي عليه ماي حار وخليه 10 دقايق بس لانه اذا زاد عن عشر دقايق سبحان الله في ماده تخليه جبدج تلوع..

وان شاء الله اكون افدتج..

خواتي بغيت أسالكم لبن الحلبة ….هل يؤدي الى أسقاط الجنين …

لاني سمعت انه الحلبة تؤدي الى اسقاط الجنين …

أفيدوني

مشورة الغالية ع الررد …

بس اذا كان لبن حلبة ….مب زين بعد …

لاني ما بشرب حلبه روحها …

بشووو تنصحووني….

ثااانكس

ونيدو بعد يمدحونه بس احسه خفيف

المشاركة الأصلية كتبت بواسطة منى الحمادي

ما اعرف فالسموحة منج ان شاء الله الاخوات يساعدونج

تسلميييييييين يامنى

ربي يعطيج العافيه

المشاركة الأصلية كتبت بواسطة طيبة الكويتية

هلا والله اختي
لما كنت بالكويت من شهرين او 3 تقريبا اعيال اخوي حاشهم جدري, امي قالت حق زوجته دهني جسمهم بنشا مخلوطه بالماي علشان تخف الحكه عليهم.
شي ثاني زوجة اخوي ودة اعيالها قسم الأمراض الساريه و عطوهم ابره علشان تموت الجرثومه و ما يطول وياهم الجدري.
بنتها الكبيره عمرها سنه و نص كانت وايد متأذيه من الحكه ما تنام الليل و من بعد الابره وايد صارت احسن ماشاءالله. و الصغير اخته عادته كان ما كمل شهر حبيبي وهابي علطول امه ودته عطوه الابره ما تأذى كثر اخته.
الله يكون بعونج يارب اختي يارب و ما يشوفون شر اعيالج يارب

تسلمين يالطيبه .. عسى عمرج طويل .. ماقصرتي يالغاليه

المشاركة الأصلية كتبت بواسطة دانتيلة

ممكن اعرف شوه سبب الجدري
يعني عدوى ولا من سبب شي

هو كيف يوصل بالضبط مادري

بس يعدي بسرعه يعني يصيبه فرد واحد في البيت تاكدي ان البيت كامل بيصير لهم

وهو ماي الواحد الا مره بالعمر مايرد مره ثانيه بس لازم يصيب الكل

وبالعاده الصغاريه اللي يستوي فيهم يعطونهم اجازه من المدرسه 10 ايام

لانه تظهر الحبوب في خمس ايام ولين تروح وتخلص خمس ايام

حبايبي يا اعضووااات المنتدى

ادعووولي انا عندي امتحان اعاده

في الرياضيات في الكليه وهاي اول سنه لي

والامتحان شهر 8 وانا ادرس وشاده حيلي

وابغيكم تدعو ان الله يوفقني

وانجح واكمل دراستي وافرح الوالده ووالوالد

اختكم الصغيره

الولهانه

ادعي لج من قلبي ان الله ينجحج ويوفقج ويفرح اهلج اللهم آمين

المشاركة الأصلية كتبت بواسطة فطومـة

الله يوفقج يارب

ادعي لج من قلبي ان الله ينجحج ويوفقج ويفرح اهلج اللهم آمين

مشكووره فديتج امين يا رب

دعوة الام لعيالها يالغاليه ..

الله يوفقج يارب .. وتنجحين وتفرحين الوالده يارب

وتبشرينا بالدرجات الحلوه

وتبشرينا بالدرجات الحلوه