الوسم: الخبره

استفسار من أهل الخبره ؟؟؟

السلام عليكم ورحمة الله وبركاته

شحالكم بنات
بغيت اسأل اهل الخبره عن الحلبه…

هل الحلبه تساعد على الطلق والا هي بس تلين الرحم؟؟؟؟؟

بنات بليز لاتبخلون علي بخبراتكم

وشو هي الاشياء اللي تساعد على الطلق غير الخروع؟؟؟

الحلبة تسوي سيوله في الدم ما يخصها في الطلق
الطلق خذيله ينسون وخروع وأهم شيء التمر ثم التمر ثم التمر كثري منه في الشهر التاسع لين تستوين درام…

نصيحتكم يا اصحلب الخبره بليييييييز

خليجية
اشحالكم خواتي؟ ان شاء الله تكونون باتم صحه وعافيه؟
انا عندي مشكله في حياتي الجنسيه مع زوجي…انا متزوجه من 4سنوات وعندي ولد الله يخليه لي
ويخلي عيالكم.قولوا اميييييييين
لكن مشكلتي اني ما اتقبل العلاقه الجنسيه؟واحس اني مقصره واايدمع زوجي من هالناحيه.
لاني ما اتمتع ولا امتع زوجي؟؟؟؟؟
ياليت تفيدوني بارائكم وتنصحوني لان هالشيء يسبب لي توتر في حياتي.

والله الكتب والبرامج هالايام ما تقصر…وفي كذا مواقع تعلمج هالاموووور…

الله يسهل عليج ويسعدج…بس نصيحه بادري انتي بكل خطوه عشان الريال يحس انه مرغوب من ناحيتج…

صدقيني دامج تحبينه كل شي بيكون حلو بيناتكم…بس انتي كثري من الكلام الحلو والغزل…وحركات الاغراءات

بيناتكم…ولبسي له كل اللي بخاطره حتى لو ما يناسبج او يعيبج…((اسعى يا عبد وانا اسعى معاك))

الله يوفقج الغاليه…

انا حسيت جذي يوم بناتي صغار بس ريلي كان متفاهم من هالناحية

وعقب صارت الامور عاديه

لاني حطيت جدول تربية اليهال ومجابله والاهتمام باللي ريلي يباه

مثل ارقد اليهال من وقت يعني جدول

عشان نقدر انا وريلي نقعد ويا بعض انا وريلي ونسولف ووووو…..نتابع افلام وناخذ راحتنا وما يكون الياهل عائق

بينا

المهم انتي بادري بالخطوة هذي وشوفي ريلج شو يبى وانتي من اي ناحيه مقصرة

يمكن الياهل ماخذ وقتج بس حاولي ترتبين الاولويات في حياتج

خليجية المشاركة الأصلية كتبت بواسطة قلب اماراتيه خليجية
والله الكتب والبرامج هالايام ما تقصر…وفي كذا مواقع تعلمج هالاموووور…

الله يسهل عليج ويسعدج…بس نصيحه بادري انتي بكل خطوه عشان الريال يحس انه مرغوب من ناحيتج…

صدقيني دامج تحبينه كل شي بيكون حلو بيناتكم…بس انتي كثري من الكلام الحلو والغزل…وحركات الاغراءات

بيناتكم…ولبسي له كل اللي بخاطره حتى لو ما يناسبج او يعيبج…((اسعى يا عبد وانا اسعى معاك))

الله يوفقج الغاليه…

مشكوره عزيزتي ع مرورج الطيب لكن انا قرات كثير وبحثت لكني احس ان اغلب هالكتب كلامه نظري ها وجهة نظري الشخصيه

خليجية المشاركة الأصلية كتبت بواسطة رنج ابيض خليجية
انا حسيت جذي يوم بناتي صغار بس ريلي كان متفاهم من هالناحية

وعقب صارت الامور عاديه

لاني حطيت جدول تربية اليهال ومجابله والاهتمام باللي ريلي يباه

مثل ارقد اليهال من وقت يعني جدول

عشان نقدر انا وريلي نقعد ويا بعض انا وريلي ونسولف ووووو…..نتابع افلام وناخذ راحتنا وما يكون الياهل عائق

بينا

المهم انتي بادري بالخطوة هذي وشوفي ريلج شو يبى وانتي من اي ناحيه مقصرة

يمكن الياهل ماخذ وقتج بس حاولي ترتبين الاولويات في حياتج

مشكوره غناتي ع مرورج الطيب والله لايحرمني من نصايحكم

شاكره لمروركم خواتي والله يجعله في ميران حسناتكم

اختي .. حاسبي ممكن هالشي مع الوقت ياثر بين علاقتكم .. حاولي ما تحسسينه بهالشي و اذا في شي معين مخلنج تتراجعين عن هالموضوع فاتحي ريلج فيه .. فالنهايه هو ريلج و اكيد بيتفهم بس بعد هالشي يعود على طبيعته عساس ما اتسببلج في مشكله اذا حسيتي انه من النوع اللي بيسمع و بيتفهم فاتحيه و اذا لا حاولي انتي تبادرين .. غيري الاجوا .. سويله شي فالويكند عالاقل .. اتعدليله و رتبي الحجره و لبقيله اشموع .. ادحبيله البانيو في وايد اشيا ممكن تحسسه بالاهتمام و الحب مب ع شرط بس جنسيا .. ممكن يرد من طلعه تكونين مسوتله الحوض و ملبقتله شموع و ناثره فيه ورد و حاطتله عزف بيانو هادي يعني لو هالفتره مب قادره و نفسيا مب جاهزه و حابه تقللين الهيه باشيا ثايه خليجية

المساعده من أهل الخبره . بلييييييييييييييييييييز خواتي

خواتي أنا سويت اليوم اختبار الحمل المنزلي وطلعلي خطين خط واضح وخط خفيف جدااااا شو معناته وللعلم باقي على موعد الدوره أربع أيام خخخخخخخ كنت مستعيله يوم سويت اختبار الحمل صح فشو خواتي حامل ولا لأ أفيدوني وربي يرزقج كل محرومه بالذريه الصالحه ….

للرفععع

كل شي يكون اكييييييييييييييييييييييييييييد بعد الدورة ومش قبلها ..

والله يرزقج ان شاءالله…

للرفع

الله يرزقج

خليجية المشاركة الأصلية كتبت بواسطة غرم خليجية
كل شي يكون اكييييييييييييييييييييييييييييد بعد الدورة ومش قبلها ..

والله يرزقج ان شاءالله…

خليجية المشاركة الأصلية كتبت بواسطة bdrooh خليجية
للرفع

الله يرزقج

مشكورات خواتي على المرور الطيب

ان شالله حامل
ربي يرزقج الذرية الصالحة ^^

للرفع

كيف احافظ على انتعاشي طول اليوووووم ؟ أصحاااب الخبره ارجول دخولكم

شخباااركم إن شاء الله بخييييييييير

بغيت اسألكم انا عندي عرس جريب ولازم كل عرس تستويلي هالحااااااااله إن اييلي وسوااااس
غذا فيه رييحه ولالا ..وماتكوووووون فيه بس وسواااااااس

فبغيييت اسأل أصحااااب الخبره
يعني انا اول مانش اتسبحت وبعديييين انسير الصاااالون وبعدييين انرد البيييت علشاااان اللبااااااس

كيف تخلييين نفسج منتعشه طووووول اليووووووم وماتشكييييييين في شيء واتسيرين العرس وتستااانسين بالعرس ولا يهمج شيء……."؟

ياريت حد يرد

ويلي عندها شيء إضاااافي او تبا اتقوووول شيء تطرشلي رسااااله خاصه

مافي رد
….."

للرفع

حزينة المسا مشكوووره عالرفع

هلا اختي
ان بالنسبة لي قبل كنت اشتط يعني (على طول افكر واراكض حق العرس)
من صالون وشعر ومكياج

ألحين صرت ما اهتم
ليش اعور قلبي
ترى في النهاية ماشاء الله بتطلعين حلوه
توترتي ولا ماتوترتي
في النهاية إن شاء الله النتيجة إيجابية

صرت حتى اذاارجع البيت اذا في وقت انبطح
ولأنة آنة مريحة بالي من سالفة الصالونات والمكياج

الحمدلله بروحي اسوي شعري
وبروحي امكيج نفسي

فمفتكة الحمدلله من عوار راس الصالون

بس لو احسن ان اذا في صالون قريب منج تريحين بالج
ولا وحدة اتييكم مكياج وشعر

وهاذي احسن

ترى اختي في النهاية في العرس كل واحد يطالع نفسه
مايطالع غيره
اهم شيء انتي تكونين واثقة من نفسج
وماعليج من شيء ثاني

ام يوسف مشكوووور ه عالنصااايح وإن شاء الله بتبعها

للرفع

سؤال لأهل الخبره

بنات بنتي عمرها 3 سنوات وشهرين…

وكله تشتكي من بطنها…وهي دوم تسوي حركه…ترقد على بطنها …واتم تعصر وتعصر..

ما أدري من شوه……؟؟؟

وديها العياده احسن لانها بعدها بيبي…
يالله انشاءالله ماعليها شرر

يمكن فيها امساك وديها العيادة احسن

اب اب

وينكم يا أخوات…بلييييييييييز جاوبوني

بغيت استفيد من ذوي الخبره

السلام عليكن و الرحمه..
بغيت تعم الفايده علينا عشان الكل يستفيد من ذوي الخبره..
اذا اي وحده عندها معلومه مفيده عن العادات الي تمتنع عنها الحامل او بعض انواع الاكل لازم تبتعد عنها..لان انا في الشهر الثاني و ما اعرف شي و هذا اول حمل لي..

الاناناس اولا
شاي الزنجبيل والقرفة والحبة الحمرة

المايونيز والمرتديلا (اي شي مش مطبوخ ني)

الكبدة

التونه بعد

زيدوا بنات نبا نستفيد
المأاكولات البحرية

خليجية

بغيت أسأل الينسون زين للحامل ولا ؟؟

أعرف أنو مو منيح ابتعدي عنها وعن المشروبات الساخنة

ســـؤال محيرني بليز صاحبات الخبره عطني رايكن

خليجية

شحالكن شخباركن بدش بالموظوع سييييييييده بغيت اتخبر انا حامل بالشهر الثاني اذا سويت اكسجين لويهي يضر بليز قولولي

السمووحه عالمغثه

الغالية كل عام وانتي بخير وعيدج مبارك وتحمليييييي تسويين لانه يضر الجديد بسم الله عليه خاصة اللشهور الاولى مب زين وتراه بتسمعين حريم يقولولج عادي نحن نسوي ومايضر بس الدكتورات يمنعن واذا لا قدر الله استوى شي محد بينفعج انا عن نفسي يوم أحمل صراحة ما اسوي اكسجين ولا حتى اصبغ شعري وعقب الاربعين انشالله بتسوين كل وصدق صدق بتحسين انج عروس . الله يقومج بالسلامة يارب

ابتعدي عن هذي الاشياء اضمن لسلامة الجنين
ولاحقه على هذي السوالف المهم صحة البيبي

حبيبتي هاي مواد كيميائية والافضل تبتعدين عنها^^
والله يسهل عليج

تسلمن الغوالي فديتكن ان شالله مابسويه تعرفن قلت بسوي عشان العيد مدام يضر لا والله برايه يولي
وكل عام وانتن بخير

هلا الغالية يقولوون مب زين

البنات ما قصروا والله يسهل عليج انشالله ويثبت حملج بإذن الله الغالية

سؤال لصاحبات الخبره

السلام عليكم ورحمة الله وبركاته
خواتي لو سمحتن أبا مساعدتكن.. بنتي صف أول مدرسة ***( حكوميه فالعين) وبصراحه مر الفصل الاول وماكنت احس البنت استفادت شي فمواد الانجليزي والعلوم والرياضيات وبصراحه افكر انقلها السنه اليايه لمدرسه خاصه..
شو تشورون علي خواتي اخلي البنت تكمل واصبر لنهاية السنه يمكن يتحسن الوضع ولا؟؟
واذا فكرت انقلها وين أحسن مدرسه خاصه فالعين؟؟

خلها تكمل السنة , تابعي المدرسة شوفي المعلمات , حاولي اتحلين وياهم المشكلة

تسلمين اختي

لا تخلي كل شي على المدرسه
البيت كمان له دور في مستوى الطالب
شوفي المدرسات و اعرفي منهم شو المشكله
و تابعي بنتج يومياً حتى لو مافي واجبات
ان نقلتيها لمدرسه ثانيه يجوز تكون على نفس المستوى ان ما تبعتيها تمام في البيت
طلعي اوراق عمل من النت
و روحي للمدرسه و بيني لهم انج مهتمه فيها عشان يزيد اهتمامهم بنتج
اعملي لها المشاريع و شجعيها
ازرعي في البنت حب المنافسه عشان تكون من المتفوقين

عيالي حكومي
و اشوف المدرسه اكثر من رائعه بالذات صف اول و ثاني الي عيالي بيدرسو فيها
بشوف تعب المعلمات مع الطلاب
و تعب المعلمات هذا ما راح يبين ولا يجيب نتيجه
لو الاهل ما ساعدو المعلمه و تعبو مع ولدهم شوي

ربي يوفقها ان شاء الله

والله ياختي انا مب مخليه كل شي ع المدرسه وبالعكس احس اني باذله مجهود مضاااعف وياها للعلم البنت مستواها زين بس ماحس استفادت شي وايد وانا كان تعليقي بخصوص مواد الانجليزي والرياضيات والعلوم..
ومازلت اتريا راي البقيه..

شوفى اللى فى مصلحة بنتك واذا تقدرى تدخليها مدرسة خاصة ولكن هل ينفع ان تنقل من نهاية الترم الثانى وبالتوفيق .

لا طبعا النقل بيكون ع نهاية السنه يعني السنه اليايه
والله يسهل الامور
مشكورات خواتي اللي ردن وماقصرتن

مشكلتي مع ولدي !! ارجوا المساعده لاهل الخبره

خليجية

خواتي عندي مشكله مع ولدي و هو عمره الحينه سنتين و نص

و هذا اول طفل لي و ما عندي غيره و مدلع وايد من صوب ابوه و اهله ,, و مشكلتي انه وايد اعصب عليه و احيانا اضربه لانه ماشاء الله عليه فوضوي وايد و يضرب العيال و احيانا احسه ما يفهم و انا اغلط يوم اضربه و احس بذنب بس تعرفون الواحد يوم يطلع من طوره ,,

و ماشاء الله بيت اهل ريلي كلهم اولاد و شطانه زياده متعلم منهم كل شي يعني ( يتفل علينا ) و جي اسمحولي ما عندي التعبير بس وايد متضايقه مااعرف كيف اتصرف وياه و من كثر ما اعصب عليه و احيانا اضربه احسه ما يحبني وايد يعني اذا شاف حرمت حميي يروح عندها و خوات ريلي يروح عندهم و ما يحب ييلس وياي كله يباهم يغسلونه و يسبحونه و ياكل وياهم ,,, احس اني راح اتعب نفسيا افكر يعني هو يكرهني و لا شنو ؟؟

بس يوم يمرض يباني و يوم يرقد بس باقي اليوم كله يروح عندهم و انا مب عيبتني هالسالفه لازم ادور حل اربطه فيني ماابي يتعود على غيري ,,, لانه اذا اي حد يشوفه وياهم او شي يقولون انا مب مهتمه فيه و مسيبتنه برع ! و فعلا صار هالكلام استغفر الله مااعرف شو اقول بس موكله امري على الله

و الله تربيه العيال صعبه ,, و انتظر ردودكمــ

الله يعينج..

شوفي يوم تضربينه ترا ما ينفعه.. ويا الايام بيستوي الضرب ما اييب نتيجة مول ..

اقري زيادة في مواضيع التربية و تعلمي كيف اساليب الثواب والعقاب..

ترا انتي روحج تقولين يتعلم من اليهال وانتي ما ترومين تربين عيال البيت كلهم…

اللي انا اعرفه ومتأكده منه هاي فترة وبتعدي ان شالله خصوصا يوم بتسكنين بروحج بتلاحظين انج تسيطرين على تربيته وايد احسن عن قبل.. لأنه هو يحصل البديل عند غيرج فما يسمع الكلام..

انصحج فالفترة هاي انتي تحاولين تسوين له كل شي.. انتي بدليله وانتي غسليه وقد ما تقدرين خلي علاقته بالباقين في وقت اللعب.. اما حاجاته الاساسية من اكل و حمام و تبديل وسبوح هاي عندج انتي حتى لو ما يرضى اول فترة غصبن عنه وديه غرفتكم خليه يتعلم انه امه هي اللي تراعيه .. وبيتعود عقب ..

والله يسخر لج اياه فالخير ..

الغالية بنتي في عمر ولدج ماشالله عليهم الله يحفظهم وبالنسبة للتفال والله هي تعلمتها من ولد اختي وتعلمت منه وايد مسبات مثل غبية وحيوان وجذه المهم انا كنت سامعة منزمان في اذاعة الشارجة كانو مستضيفين واحد يتكلم عن التربية بس للاسف ما خت اسمه المهم قال اذا قالو كلمة مب زينة اسكتو عنه بيقولها كمن مرة وعقب بينساها بس جان تميتو تنازعونهم وتضربونهم بيتمسكون فيها وفعلا الحين بنتي تقول هالرمسات بس مب وايد يعني امممممم مال مره وحده او مرتين وخاصة التفال بس باجي الكلمات ما تقولهن وايد وبالنسبة للضرب انا نادر ما اضربها لاني اندم وتغمضني وبعد يتني عقب علاج بس طبعا لازم اضربها لكن نادر وبصراحة كفخة بسيطة مب بالقو .
هالمحاضر قال انه الطفل بين عمر سنتين إلى 3 سنوات يسمى( طفل اللا ) يعني كلما تقوليلة شي قال لا يعني ارقد قال لا كل قال لا هالت الشي الفلاني اللي في ايدك قال لا فقال غيرو من صيغة الكلام ولا تقولون هو عنيد لانه في سن مايعرف العناد مثلا لا تقوليله اشرب العصير قوليله بشوفك تقدر تشربة كله ولا نصه والغالية تراه ماشالله يفهم ومثلا اذا في ايدة شي وتبغينه يناولج اياه قوليله انا ما باخ الشي الفلان خله عندك أنا ماباه وعطول بيزقرج تاخذينه وبيفره . مثلا بنتي كانت عقب ما تشرب مرضعتها وهيه في شبريتها كنت اقولها اعطيني المرضعة فتناولني اياها او تفرها بس عقب فترة تمت ما تعطيني اياه وجان فيها حليب اتم اجبها وتخيسلي الشرشف وتذكرت كلام هالريال فتميت اقولها خلاص انا ما ابغي المرضعة خليها عندج خلاص ماباها واتم اعيد الجمله مرتين ثلاث وعقب تصرخ وتقولي مابا مابا وتناولني اياها . انتي جربي وانشالله تنجح التجربة

فديتج انتى واحد وحالتج النفسيه داون عيل نحن شو نقول ؟؟
الموضوع يباله صبر ومافي طفل مايحب امه بقولج مثل بدوي
دووم ابويه يقوله لناا " مايضر الحوار رمحه امه " يعني
لو تضربينه من اليوم لين باجر بيتم يحبج .. بس هذا مب معناته
انى اكفخه من يصبح اين يمسى لالألأ..
المشكله انج مب ساكنه بروحج يعنى وايد اطراف
تتدخل فتربيه ولدج غير انه يكتسب السلوك السئ من اطفال غيره
واليهال وااايد يقلدون بعض وخص فالاشياء اللي مب زينه ولدج
بعده صغنون سن الفهم ثلاث سنين مب عارفه شو اقولج حتى لو انتى
قلتى له عيب ولااا تراه اليهال يعلمونه وكم بتحبسيه ؟؟
الله يعينج ختيه

خليجية المشاركة الأصلية كتبت بواسطة أم الغناه خليجية
الله يعينج..

شوفي يوم تضربينه ترا ما ينفعه.. ويا الايام بيستوي الضرب ما اييب نتيجة مول ..

اقري زيادة في مواضيع التربية و تعلمي كيف اساليب الثواب والعقاب..

ترا انتي روحج تقولين يتعلم من اليهال وانتي ما ترومين تربين عيال البيت كلهم…

اللي انا اعرفه ومتأكده منه هاي فترة وبتعدي ان شالله خصوصا يوم بتسكنين بروحج بتلاحظين انج تسيطرين على تربيته وايد احسن عن قبل.. لأنه هو يحصل البديل عند غيرج فما يسمع الكلام..

انصحج فالفترة هاي انتي تحاولين تسوين له كل شي.. انتي بدليله وانتي غسليه وقد ما تقدرين خلي علاقته بالباقين في وقت اللعب.. اما حاجاته الاساسية من اكل و حمام و تبديل وسبوح هاي عندج انتي حتى لو ما يرضى اول فترة غصبن عنه وديه غرفتكم خليه يتعلم انه امه هي اللي تراعيه .. وبيتعود عقب ..

والله يسخر لج اياه فالخير ..

تسلمين فديتج ع النصايح و انا قاعده اسوي اللي تقولينه احاول اسوي له كل شي بس هو يعاند ما يحب

حتى فبيتنا اذا قلت له تعال حبيبي نروح الحمام يقول لا ,, و يروح حق امي يقول الها وديني الحمام

شفتي قمة القهر هههههههههه

عمر ابني توه الشهر بكمل سنة وبعد ما مشي بس ماشا الله عليه ماذينة ما يخلي شي ما يلعب ويتعبث فيه حتى الكهربا شو اسوي معاه في عيال بكبره يتحركو وايد واشقيا

الله يهديه

أهل الخبره ساعدوني .

السلام عليكم

ولدي عمره 11 يوم و عنده اسهال من اسبوع … اغير له تقريبا كل ساعتين او اقل
مب عارفه شو اعطيه عشان يخف عنه الاسهال
اعطيه شخالة العيش و لا بعده صغير على هالسوالف؟؟؟

و يوم ارضعه يرضع تقريبا 10 دقايق و عقب يرقد … هالشي عادي و لا لازم يرضع اكثر
لانه فالبدايه كان يرضع تقريبا نص ساعه

؟؟؟؟؟؟

اختي طبيعي اللي توهم مولودين ايمشيهم بطنهم وايد و لين بس هذا مب اسهال هذي طبيعة بطنهم جيه

و الرضاعة خليه براحته يوم ايوع بيرضع الله فطرهم عهالشي

و الافضل تروحين لدكتور بيشوف وزنه اذا كان يزيد فهذا طبيعي و لا تعطينه اي شيء ما يتحمل حرااااااااااااااام

السلام عليكم ورحمة الله

اول شي فديتج البيبي اول ايامه او حتى بعدين لازم تغيين له بامبرز كل ساعتين او 3
وثاني شي 11 يوم فدييييته صغنون اذا شفتي ان الاسهال وايد لااااااااااازم تودينه المستشفى ليش تترن على الولد فديته

الله يحفظ لج ولدج ويحميه ويشفيه
طمنينا عنه

هلا فديج هذا طبيعي عادي

الغاليه اليهال كلهم جيه في اول الايام لازم يمشيهم بطنهم..لا تحاتين بس اذا حسيتي ان الاسهال اكثر من اربع مرات فاليوم وديه المستشفى على طول.. ولا تعطينه شخالة العيش بعده صغير ما يستحمل بس عليج بالرضاعه الطبيعيه وما عليه شر,, الله يحفظه لج من كل شر يا رب

عادي اول فترة انا كنت اتحسب مثلج اسهال لأنه سائل ولونه اصفر وووايد بس طلع هالشيء طبيعي ولا تحاتين

انا بنتي كانت جيه ويوم بتكبر بيخف الموضوع

طمنتوني خواتي
مشكورين ع الردود