الوسم: الانتظار

يعني انتي تزوجتي وحملتي وجبتي بنت وبعدين ولد بعملية مرتين؟؟

وبعدين شو صار؟

انا مره كتبت لكم عن وجود حكه تحت وايوم رحت عند الددكتوره وقالت لي التهاب خفيف بس عادي لا تحاتين انتي كل شي عندج اوكي دورتج منتظمه وبويضاتج اوكي يعني طمنتي الحمدالله .. ولما سألتها عن الحمل قالت ما يبين الحين الانه اخر دورة يت لي كان بتاريخ
49 فقالت بنتريا لين 110 وان شاء الله خير وكتبت لي ع كبسوله وتحميله ومرهم

بس انا حابه استفسر منك عادي اكل الكبسوله واحط التحميله والمرهم ولا اتريا لين موعد الدوره الانه اخاف الدوا يأثر ؟؟؟

ابدأ بالعلاج ولا أتريا لين الاسبوع الياي ؟؟؟

وان شاء الله اطلع حامل …

بشو تنصحوني ؟

تدرين أنا دورتي مو منتظمه وتأخرت عليه وايد فكلت 4 حبات عشان أنزل الدوره بس مانزلت

عقب عرفت إني حامل الحمدلله إنه ما أثر فديتج حطي التحميله وكلي الدوا

ولو كان خطر جان الدكتوره ماعطتج العلاج من الحينه

شورن عليه شو اسوي

وسؤال الي درست عيالها بخاص استفادوا يعني خلصو كيجي ون يعرفون يكتبون ويقرون عربي وانجليزي
اباها تستفيد مب تسير صف اول ميح ما تعرف شي

المشاركة الأصلية كتبت بواسطة سوارة

سيري الوزاره انا جي سويت فيهم وغصبا عنهم يابولها كرسي وسجلوها ههههههههههه

بسير انا وريلي مشكوره اختي اول بنت لنا بداول وجي تلعوزنا ترا ما لنا خبره بهل السواف

حسسوني ان تعدادنا وصل مليار الله يسامحهم

راجعي الوزارة والمنطقة التعليمية
وان ماشفتي نتيجة سريعة راجعي مجلس ابوظبي للتعليم وقوليلهم
بنكلم البث المباشر عشان نشوف حل للمشكلة
وان شاءالله ثاني يوم بيتصلون فيج هههههه

انا اقول ان شاءالله

علمتني وظيفتي ان نحن كشعب وبصفة عامة

علاقتنا بالانتظار سيئة جدا … وفئة قليلة بس اللي متصالحين معاه

انا ما اتكلم عن الموظف اللي من اول الدوام لين اخر الدوام ضرب جاهي وقهوة

المهم

يبدا اليوم وانا واللي وياي نمشي بالدور ونحاول نتلاحق المراجعين ونخلص شؤؤنهم

واييني الأخ في الله يباني اطوفه جدام عشرات المراجعين .. خير يالاخو؟ لا الصراحة تعبت من اليلسة وما قدر اتريا.. وانتي شكلج تطوفينهم علي

وشوي ولا تطيح عيني باللي يالسة جدامي مثل المدخنة تنفخ ف ويهي من صباح الله خير … انتي متى بتخلصين؟؟؟؟؟!!
عفوا اختي بس ذكريني باسمج وبجيك … واييني رد مثل الصاعقة انتي الصراحة مافيج مخ

ليش ماعندنا اتيكيت الانتظار؟ ساعات اتطالع الموجودين والمح مراجعة تأخرت ساعتين تبتسم ف ويهي ومن فرحتي ما اصدق

وأستأنس بس لما المح اللي حولها وعيونهم كلها غضب استغرب ليش كل هذا … معقولة كل هذا لان نحن متشائمين ان في حد بيي ويأخذ دورنا بالواسطة اللي صارت أسوأ كوابيسنا؟

يوميا لازم اسمع كلمة تجرحني وتتعدى علي بشكل شخصي .. انا امثل هال دائرة بس هذا ما يعطيكم الحق تتطاولون علي ويكون خاطري ف لحظة اني انفجر واقولهم انا موظفة عند الحكومة عند الدولة وهي اللي تفصلني اذا كنت ما استحق هالوظيفة

الانتظار سيء وكابوس بالنسبة للبعض لأنهم مايعرفون يتعاملون معاه

انتظرو شوي
بس شوي

سامحينا اختي

هم الناس جي مادري يركضون ركض يريدون يخلصون امورهم بسرعة مادري كيف

عاد كيف لو غلطانه غلط انساني بسيط في ورقه او شي شو بيستوي

المشكله ان المجتمع بشكل عام والمراجعين ثقافاتهم تختلف وجي

في ناس بتلاقينهم متفهمين وفي ناس لا

وبعد في موظفين الله يهديهم مسوين واسطات يعني لو شافوا مراجع قريب ولا يعرفونه بيخلوه قبل الجميع شفتها حتى مورست علي

مب الكل بس في شخصيات

والناس بعقولها ان كل شي واسطات ولو الموظف يقدر بيمشي المعامله وان الموظف اله لازم يشتغل بسرعة البرق ومايغلط ابد

لا وبعد موظفه من الحكومه وتاخذ راتب وماتمشينا بسرعه

وبيدخلون راسهم بالي وظفك وكيف وليش؟؟!!ولو كانوا مكانك كانوا اشتغلوا احسن عنك! بس يخلصون امورهم

ثاني شي

الاجانب يوم ينتظرون بالدور تلاقينهم يقرون كتب يتسلون بمجله بحل الغاز نحن مافي شي يسلي لو كلمتني الشخص الي عدالك بيقول شو خصها هاي فيني !

بس

بس الواحد يشتغل شغله ومايفكر بشي ثاني والا بيتعب

وخليهم ينتظرون

الله يعين
من مشاغل وضغوطات الحياه الناس مافيها صبرر
اللهم هدي النفوس واشغلها بطاعتك يارب

عن النبي صلى الله عليه وسلم قال من تعار من الليل فقال لا إله إلا الله وحده لا شريك له له الملك وله الحمد وهو على كل شيء قدير الحمد لله وسبحان الله ولا إله إلا الله والله أكبر ولا حول ولا قوة إلا بالله ثم قال اللهم اغفر لي أو دعا استجيب له فإن توضأ وصلى قبلت صلاته .

وفعلا طالعت في الحضور كانو على وشك الانفجار

ان حد تطاول عليج ازقري مسؤولتج او تصرفي
بنفسج ووقفيهم عند حدهم لانج انتي تخدمين دولتج بتسهيل
الامور ع الناس ف مالهم اي حق انهم يتطاولون ع اي حد
الا اذا فعلا بدر منهم شي سيء ولو انه الافضل مقابله الاساءه
بالاحسان . . وتذكري من ترك شيئا لله عوضه خيرا منه

الصراحة أنا وايد مستانسة
الحمدلله لك يا رب
حملت وبعد انتظار طال سنتين تقريبا

بغيت في موضوعي هذا أفيد خواتي المتأخرات بالحمل
وأقولهن شو هي أسباب حملي

أول شي انا كان عندي تكيس
ومرة يقولولي ارتفاع هرمون الحليب
خذت كلوميد وابر ومسحت عند شمسة بس الله ما أراد اني أحمل
المهم أنا طالبة في الجامعة وكليتنا فيها واااايد كد ودراسة طول الوقت شغل في الجامعة ما ارد الا المغرب واكمل عليها في البيت
بالاضافة اني كل يوم شالة هاللابتوب وراي
بس اول ما خلصت وبالذات اني خريجة وما باقيلي شي الا صيفي وثقافة…
قلت خلوني اغير من حياتي شوي
اول شي توكلت على رب العالمين وحطيت في بالي ان الله ان شاء الله بيرزقني مثل ما رزق غيري وما تميت افكر في الحمال وحاولت اشغل نفسي بأي شي
تميت استغفر واااايد حتى لو ألف مرة باليوم (تراه مب وايد تقدرين وانتي يالسة وانتي تسوين اشغال البيت والا تطبخين)
اقرا سورة البقرة
ومرات اصلي قيام الليل
وفي السجود كثري من الدعاء وخاصة "ربي لا تذرني فردا وأنت خير الوارثين"
وتميت اشرب مرامية كل يوم واكل اناناس وما خذيت اي دواء من المستشفى
وسويت حجامة في مركز الرحمة الصيني في العين
وكنت بعد اخذ فوليك اسيد خذته من الصيدلية وااايد زين للي تبغي تحمل من شهرين استخدمه الحين
والحمد الله رب العالمين الله اكرمني بالحمل
فيا بنات اتبعوا هالأشياء ولا تيأسن من أول شهر والله بيرزقكن

بغيت اكتب تجربتي عشان تستفيدن وان شاء الله ربي يرزقكن قريب

ادعولي ربي يتمم على خير ويحفظ لي الجنين

وان شاء الله عقبال باقي الأخوات المنتظرات الفرج من رب العالمين …

وان شاء الله ربي يتمم لج على خير يا رب العالمين

المشاركة الأصلية كتبت بواسطة القيادية

أنا مقدمة في التربية دفعة2017-2016

انا نفس الدفعه وللحين في قائمة الانتظار ,,,

الله يوفقك الجميع

اول ما خلونا انسوي مقابلات فالشارجه

للأسف ..

شفى الله والدتكِ ، وأرجعكما لأرض الوطن سالمتين غانمتين