مادري شو صاير فيني أحس أني كارهة ريلي مابي أشوفه. أبغي أتطلق منه مليت منه و من المشاكل اللي تصير فحياتنا لأن اكشتفت أشيا كثيرة كان خاشنها عني. اكشتفت عنده ولد من طليقته و زخيته مرة يرمس بنت و عنده ربيعه من جنسية عربية ماله داعي أذكر الأسم. استويت دوم أشك فيه رغم أني سلمته الخيط و المخيط حتى راتبي أستثمر منه في الحساب الخاص به و عمري ما سألته عن حساب البنك ماله و لا عن بيزاتي اللي أحطهم له في حسابه و عاطتنه كل الثقة و مب مقصرة معاه فأي شي.
و المشاكل قامت تزيد و لما أقوله خلينا نعرس يعصب يقول ما روم و مابي آخذ سلفيات و لما أقوله خلاص ما أبغي حفلة يقول لو أنتي ما تبين أهلي يبغون و اللي قاهرني أنه أهله ما سوو أي شي حقه حتى فلوس الشبكة و الدبلة حق الملجة أنا دفعت النص عنه.
كلمته و تضاربت معاه و طلبت الانفصال صاح بس مادري لو صج كان يصيح و لا يمثل عشان أعطف عليه و الله مادري بلاي ما عدت أثق فيه بصراحة من كثر سوالف الرياييل اللي أسمعها.
قولي لي شسوي قبل لا يطيح الفاس بالراس و نتورط لأن هذا قرار مصيري مب لعبة.
المفروض هو يتحمل المسؤولية الزواج
شو الي يجبرك عليه ., اهم شيء يا اختي الاخلاق مو مهم انك تساعديه او انه ما عنده فلوس وانتي تساعدينه هذا عادي
لكن اهم شيء اخلاقه ., هل يصلي ما مدى التزامه وخوفه من الله .,استخير اختي وما خاب من استخار
اسأل الله ان يكتب لك الخير
كيف سلمتيه بطاقة البنك مالج ؟؟
تخيلي اذا هو محطيلج سلفية .. شو بتسوين ساعتها
الغالية من راي حطي الحروف على النقاط ..
وكلميه بكل جدية وخلج حازمه معاه .. قوليله يفكر وعقب يرد عليج بالقرار النهائي
إما يحدد وقت العرس ويصلح من عمره قبل كل شي ويترك هالوصاخه .. او كل واحد يشوف طريقه
عنبو ما عنده بيزات الشبكه ،! و لا فوق هذا كله إنتي اللي تدفعين عنه النص !!!!! ليششششششششششششش
ليش رخصتي نفسج بهالطريقه ؟ و لا فوق هذا كله تقولين له متى نتزوج و يقول لج ما عندي فلوس الحفله !!!!!!!!! ليش لا يكون يتريااااااااج تتصدقين عليه و تعطيه فلوس القاعه ؟؟؟؟؟؟؟؟؟؟!!!!!!!!!!
هذا من الحين مب شالنج كيف باجر يوم بتزوجينه ؟؟؟؟؟؟؟؟ باجر بتتبهدلييييين وااااااااايد ………. تدرين ليش ؟؟؟ لأنج ما شاء الله عليج أمنتيه حتى على فلوسج اللي في البنك
يبوه و قعدوا معاه و شوفوه بتعرفون من طريقة كلامه إذا هو قد الكلام و إلا لأ ….. فكري بعقلج و لا تفكرين بقلبج و استخيري وااااااااااايد و استغفري واااااااايد و اتخذي القرار السليم تعيشين معاه و إلا تنفصلين منه .
اسمحيلي بس من قهري من هالرياييل
الله يهدي امورج ويسرها يارب
