الوسم: الاوربيه

السلام عليكم ورحمة الله وبركاته

تاريخ 1- 8 -2017

انا ان شاء الله بسافر الي ( فينا – زيلامسي – ميونخ – باريس ) بغيت من اخواتي تزويدي جميع احداثيات هاذي المناطق للجارمن من حدائق ومعالم سياحيه ومطاعم واسواااق
وانا اول سفره لي هالدول وياليت مساعده من اخواتي
والسموحه منكم

وجزاكم الله الف خير

أختي أنا بعد بسافر فينا وفرنسا وسويسرا وبلجيكا ..وقريت مواضيع البنات السابقه ..
بصراحه ما قصروا في الشرح
إنشاء الله حبيبتي تستفيدين منهم
وسفره موفقه وسعيده

وانا مثلج بسافر بس 5/8
ونفس سؤالج انشاء الله البنات ايفيدونا

هلاا انا بروح النمسا بتخبركن شو الجوو هناااك يقولون موجه حر هالسنه ؟؟؟؟

ممكن افيدكم من ناحية زلامسي والمانيا
انا اول مره اروح وبسافر 3/8
بس لو تعطوني لين الاسبوع الياي ان شاءالله بكون خلصت ترتيب الرحله وبكون كل شي فيها المناطق السياحيه والمطاعم اللي ناوين انروحها

السلام عليكم

خواتي الغاليات انا ان شالله رايحه اوربا شهر 7 والحمدلله من يومين استملت الفيز

وجهتي الاولى طبعا فيينا ومنها بروح زلامسي وسالسبورغ وميونخ
ممكن ترتيب حلو وكم يو اقعد طبعا مب اول مرة اروح زلامسي هاي ثاني مرة ومدة رحلتنا 10 ايام كان مخططنا من سنتين لما رحنا فيينا زلامسي
بس الحين حابين نروح باريس بعدهم ولا سويسرا ومن اخر دولة نرجع الامارات ان شاللله

في فيينا كالعاده بنسكن في هيلون وميونخ في مريديان

بنات فديتكم ابغي جدول حلو ومرتب

وبخصوص باريس سالت مكتب سفريات قالي في رحلات بال ريل يورب قطار السريع دايركت من مينوخ لبارس 6 ساعات شو رايكم فيه اللي لها خبررة ..

اترياكم

احس وايد مناطق في 10 ايام بس

موووفقة

تعتبر الفتره قصيره حق كل هالمناطق لانه باريس شويه بعيده عنهم التنقل بياخذ منكم يوم كامل مثلا لين تسون جيك اوت الصبح وتسيرون المحطه وعقب الرحلة 6 ساعات وتوصلون هناك عقب الفندق

ممكن اطولون الفتره عشان تزيدون المناطق وما تتعبون

ممككن تروحين ميونخ زيلامسي و سويسرا .. و انتي اختاري المنطقه لسوويسرا

او سويسرا و باريس

لان انتي حاطه فينا فالجدول و فينا واايد بعيده عن ميونخ و باريس ..

بالتوفيق

مرحبا

صحيح كلام البنات باريس وايد بعيده عن المناطق اللي حابه تروحين لها ..

اذا حابة تروحين روحي فيينا وزيلامسي و ميونخ وجنيف ومن جنيف الى الامارات

فيينا يومين
زيلامسي ثلاثه
ميونخ يومين
جنيف ثلاثه

وان شاء الله اكون افدتج بشي

سلام عليكم شخباركم حبيت اسال عن صوره الي بتنحط في الفيزا لازم اصور بدون الحجاب يعني شعري برع وله كيف

تصورى بحجابج حبيبتى عادى كلنا انسافر ومن قريب سوينا فيزا لاوربا واحنا لابسين عبى ومتحجبين بالشيل

مشكوره اختي على الرد وريحتيني الله يريحج لانه ريلي يباني اسير وياه وخبرني لازم ما اكون متحجبه فصوره

للرفع

مشكوووووووووووووووره

لا لا اختي صوري بالوقايه والعباه بس بدون نقاب طبعا

"استغفر الله" بس مب لها الدرجة . بالحجاب طبعا.

كيفكم بنات وحريم خخخخخ

انا من سنتين رحت لفيينا و زلامسي

وكنت لابسه شيلتي وعباتي ومافكرت استغنى عنها .

بس شفت وااااااايد عوايل فارين العبي . الحياة كانت فري عندهم

انشاء الله بعد اسبوعين بروح زلامسي وفينا وميونخ .

شو رايكن يالي يروووووحوووون هالامناطق الاوربيه (تستغنوووون عن العبي ولا ملتزمين )

مب قصدي الاهانه بس حبيت اطرح موضوووووع العبي في الدول الاوربيه ولاا شورايكم يابنات .

يسرج حالي حبيبتي

بخصوص موضوعج الصراحة برمس عن نفسي انا ف دول اوروبية

ماألبس العباه شكلي وايد يكون شاذ

وألبس قميص طويل وأسكارف وبنطلون وفلات اكون مرتاحة زود

وكل بنت ولها حريتها في من البعض يحبن يتلبسن العبي يوم يظهرن برع البلاد وفي العكس

واسمحيلي حبيبتي طولت عليج ^_^

عباتي تاج راسي مستحيل استغنى عنها في اي مكان الله يثبتنا ان شاء الله

عباتي تاج راسي

أنا ألبس عباة
والسنة مفصلة العبي السترج اللي كمها ملون عشان ما يكون اسود في اسود

انا ماا البسهاا ..

البس بدي طوويل و بنطلوون و لبس طوويل ,,

هذاا رااي انا ..

انا حاليا في جنيف وبصراحه واااايد شفت بنات فارات العبي وبنات لابساتنهن ولا بعد هب عباه ساده وسكارفات شرات ما انا البس لا اطقم وحياتكن بعد و يتمشن في ارقى الاماكن جذيه وين مايكونون كل الناس متواجده