الوسم: الايلتس

نحن مقدمين على بعثات خارجية ومنح داخلية وطلبوا منا تقديم امتحان توفل (local) ف الي تعرف مكان اوكي في العين نمتحن فيه تخبرنا ولها جزيل الشكر

لا والله اختي ما عرف شي
والسموحة والله يوفقج يا الغالية

ماااااااعرف
حبيت ارفع الموضوع

سلام …معاكي اختك ملكة التوفل… اتمنى انكم حصلتوا التوفل… لو بغيتوا اية مساعدة.. لا تتردي بمراسلتي… ملكة التوفل… اعرف الكثير عن اسرار التوفل

السلام عليكم و رحمته الله و بركاته
بنات ..ممكن نساعد بعض و كل وحدة تخبرنا عن معاهد الي نقدر نقدم فيها IELTS Courses او التوفل ….

المنطقة ..المكان …

الدورة ..

السعر …و اسم المعاهد ..و افضل معهد …

بليز ..لاني اريد امتحن و مب عارفة اي معهد افضل من ناحية السعر و التدريس ….و ممكن اخذ الامتحان و لا لازم اخذ حصص بعد ..

انا من العين ..

و السموحة لو الموضوع مكرر

هلا حبيبتي

الغالي انا مااعرف مثل هالأماكن …لكن راح تلقين جريده اسمها الوسيط بتلقينها عند راعي الجرايد او في السفير كلها اعلانات عن معاهد وهالسوالف ومعظمهم من العين انتي اشتريها وبتفتكين اتنقي المعهد اللي يعيبج واتصليبهم واتنشدي عن اسعارهم …. بس حبيت اقولج ان الأيلتس سهل وحلو اذا كانت الإنجليزيه مالتج زينه بس يحتاي منج انج تاخذين كتب نماذج وتعليم وتدرسين اروحج عندج مكتبه ( المكتبه ) او ( دبي للتوزيع ) كلهن عدال بعض تبيع هالكتب

لكن اذا انتي شاكه في عمرج دخلي دوره والله يوفقج

بس الغالي الإمتحان ماترومين تمتحنينه في اي مكان عندج في ابوظبي ودبي الشارجه اماكن معينه شهاداتها تكون مقبوله …واذا ماحجزتي تلاحقي على عمرج وسيري حجزي لانج مابتحصلين مكان انا حاجزه لعمري قبل الإمتحان باربع اشهور

اممم في امتحان معتمد من المعهد البريطاني في بوظبي
وسعر الامتحان 750 درهم

عزيزتي فراولة..

بما اني قدمت امتحان الـ IELTS أقدر أجاوبج على بعض استفساراتج..

سعر امتحان الــIELTS موحد كل مكان (750 درهم).. بس الحصص التحضيرية تتفاوت حسب المركز أو المعهد الي يقدمها…

المعهد البريطاني بفروعه (بوظبي ودبي والشارجة) يقدم امتحان الـIELTS ويوفر حصص وكورسات تحضيرية للامتحان يسمونها IELTS preparation course .. حتى جامعة ولنغونج في دبي (قرية المعرفة) تقدم الامتحان والكورسات.. بالاضافة إلى مركز (CELTA ) التابع لكليات التقنية العليا الي يقدم الامتحان بس ماعرف إذا يوفر كورسات تحضيرية..

إذا انتي ماعندج أي فكرة عن الامتحان أو أجزاءه أو طريقة حل أسئلته، فأنصحج انج تاخذين كورس تحضيري، أو عالأقل تزورين مواقع أو تشترين كتب خاصة بالامتحان وتجربين تحلين الاسئلة النموذجية..

وبالتوفييييييييييق،،

للرفع

هنووده

امتحان المعهد البريطاني وايد صعب يقولون في كلية التقنيه اسهل ^^

شوفي عندج مركز التعليم المستمر بتحصلينه مكان قرب دوآر الديوآن

دورة الايلس مع الامتحان بـ 2024

وعندج معهد انلنغوآ .. الدراسة بـ 1800

وعندج المعهد البريطآني اذا ماخاب ظني بـ 1600

وفالنهاية التسجيل للايلس عندج المعهد الاسلامي او فـ مركز التعليم المستمر او كلية الشباب او البرتش كانسل بوظبي

حبوبااات وين اقدر آخذ الايلتس فالعين .. ويكون مكان اوك ..؟؟؟
وانا احس نفسي لفل ون او تو فالانقلش ..

يعني اول يدربون وجي وبعدين يمتحنون ولا كيف ؟؟؟

والله ما ادري عن الاماكن الي تقدرين تمتحنين فيها في العين
بس الي اعرفه ان مايعطونج تدريبات قبل الامتحان .. يعني بس تسيرين عندهم و تسجلين و تدفعين و يوم الامتحان تسيرين و تمتحنين
بس اذا انتي تبين تاخذين دورات في الايلتس قبل الامتحان.. شي وايد امعاهد يدربونج عالايلتس و حسب المده الي انتي تبينها
بس ماعرف وين بالظبط في العين .. انشالله البنات بيفيدونج

موفقه =)

ثاااانكس رورو ع الرد وانتظر ردووود البنوتااااااااااات الثانياااااااات

يالله بناااااات وين فالعييين عشان الايلتس ..

هلا اختي ..
اتصلي بالتقنه وساليهم او جامعة الاولاد .. هالاماكن بس بيمتحنونج ..
وانتي لازم قبلها تدربين في معهد او بروحج ..

موفققه ان شاءالله . .
اتصلي ف التقنيه عندكم وتآكدي . .
نحن عندناا ف تقنيه الشبااب يآهلونهم وعقب يمتحنون
=)

اختي اناا اللي اعررفه دووم التسجييل يكوون فكلية الشبااب بس الامتحاان يكوون فكلية البناات بس هم ماا يعطوووج تدريباات حق الامتحاان ماا يخصه ..

بس اناا اللي اشووفج اذا تشوفيين عمررج اووك بالانجليزي وتشوفين انج قاادرة ع الايلتس مب لاازم معهد لانه الايلتس يبااله ..

والله يوفق الجميييع ان شااء الله .. ويهون ع كل واحد ..

السلام عليكم

شحالكن خوات شما عساكن الا بخير

مثل ما شفتو في العنوان انا الحين استويت بدون عقل

خواتي انا عندي امتحان ايلتس تاريخ 12-12 وهذا الامتحان بيحدد مصيري اذا ادش الجامعه ولا ايلس في البيت بطاليه لا دخيلكم ما ابا ارد مثل حاليتي القبليه ابا ادرس

فبغيت من خواتي اللي ممتحنه الايلتس تساعدني في الرايتنق ولاشياء الثانيه
يعني انا اباها تختار موضوع وتكتبه عشان اعرف كيف طريقة الكتابه وبعدين تختار لي موضوع وانا بكتبه واباها تصلح لي الاخطاء. واذا عندها نصايح عشان الاسبيكنق ولا اللسنق والاشياء الثانيه تقول لي…

واتمنى من الخوات يرفعون لي الموضوع ويساعدوني

وجزاكم الله الف خير

الله يوفقج وتنجحين في الايلس

حاليا افكر ادرس الايلس و كنت ادور في النت والدروس الى خذيتها حق الرايتنغ منها

الغالية .. الرايتينغ في الايلتس يكون قسمين .. القسم الاول يكون عن ال charts

فيه تبتعدين عن اي محسن بديعي و تعبيرات و هالامور.. تلتزمين بس في وصف الرسم البياني اللي عندج .. فوق ال 70 % من امتحانات الايلتس في قسم الcharts اييبون لج pie chart

اللي هو عبارة عن الرسم البياني الدائري و اللي مقسم كذا قسك.. يعني يوصف لج نسبة مؤية لشي معين..

مثل هالصورة

كيف احمل صور….؟؟؟؟؟

اللي عليج انج تبدين اول شي بجملة The pie chart shows……..و تقولين الفكرة الرئيسية للرسم.. و غالبا يكون عنوان الرسم موجود فوق .. و يفضل لو تستخدمينه هو بعد كلمة shows

هني الخطوة الاولى للكتابة … الخطوة الثانية تاخذين قسم قسم .. و تقولين كل قسم يعبر عن شو … بس حاولي تغيرين طريقة الطرح لكل قسم ..

و بعد وانتي توصفين اذكري اعلى نسبة و أقل نسبة …

اممممممم و شو بعد؟؟؟ خليني اتذكر .. امممممم

هيه صح.. لا تحطين فراغ لما تبدين اول سطر في كل فقرة (اذا قسمتي موضوعج لفقرات) .. لانج ما تكتبين موضوع انشائي… ابدي على طول ..
بس عالاغلب في وصف الرسم البياني ما يقسمونه لمقدمة و عرض و خاتمة.. يكون كفقرة كاملة .. بس ممكن تنزلين سطر اذا بتوصفين شي مختلف.. تذكري انج انتي تقولين حقيقة علمية تمت دراستها.. فلا تقولين وانتي تكتبني (اعتقد.. و من وجهة نظري .. و هالكلمات )

ممكن اييج بعد رسم بياني اللي هو **** chart و هني تستخدمين كلمات معينة بكتب لج اياها في رد ثاني ..

بس حاليا خليني وياج نحاول نكتب عن الرسمة اللي حاطتنها لج فوق.. اشرايج؟؟

لانها أسهل الانواع و ما فيها كلمات معينة .. بس بوضح لج الرسمة عن شو .. الله يسلمج norman هاي اسم مدينة .. trash اللي هي معناها الله يعزج القمامة.. الدراسة هاي كانت عن اعادة التدوير.. فكانوا يشوفون اهل هالمدينة شو يستهلكون و شو بيعيدون تدويره .. اللي هو بالانجليزي recycing

باسم الله

The pie chart shows Norman trash.
(ممكن عشان تزودين الكلمات تقولين ..)
The pie chart shows The trash in a city called Norman.
(الحين نكمل الجملة اللي عقب ما تقولين عنوان الرسم .. و هني تبدين تاخذين كل قسم من الرسمة و يفضل لو تبدين تنازليا.. من الاعلى الى الاقل.. عشان تتذكرين تقولين الجملة اللي تبينين فيها اعلى نسبة و اقل نسبة..بس انتبهي ان لو في قسم بعنوان others تخلينه آخر شي.. لان هني يجمعون كل الاشياء اللي ما ذكروها في التقسيم.. يالله نكمل عشان تفهمين شو اقصد)
The percentage of paper trash in Norman is 33% which is the highest percent. 23% is yard trimmings trash.

( لما ييت بكمل وصف انتبهت ان عندنا قسمين بنفس النسبة المئوية .. هني ممكن تستخدمين كلمات مثل equal to او same perent of … الحين بتعرفين قصدي.. كملي قراية )

We can see that plastics trash is the same percent of metals trash which equal 9 % of the city trash.7 % of this city trashs is glass trash. The lowest percentage is 6% of food scarps trash. All others trash collected in 13%.

الحين بحط لج الفقرة كلها

The pie chart shows The trash in a city called Norman. The percentage of paper trash in Norman is 33% which is the highest percent. 23% is yard trimmings trash.We can see that plastics trash is the same percent of metals trash which equal 9 % of the city trash.7 % of this city trashs is glass trash. The lowest percentage is 6% of food scarps trash. All others trash collected in 13%.

اكيد قاعدة تشوفين الكلمات وايد قليلة بالنسبة لــ 150 كلمة.. بس في الايلتس بييبون لج رسم فيه تفاصيل تقدرين تكتبين 150 كلمة عنها..

صح .. مرات ممكن اييبون لج رسمتين باي جارت.. و فيها مقارنة .. مثلا نسبة اعادة التدوير في مدينة نورمان.. و اعادة التدوير في مدينة ثانية..

اللي تسوينه تكتبين The two pie charts show……و تكتبين العنوانين و تفصلين بينهم بكلمة and

و عقب تشوفين شو الاشياء المشتركة بينهم .. مثلا ممكن تلقين في المدينة الثانية تقسيمات مش موجودة في مدينة نورمان.. و تلقين تقسيمات في نورمان مش موجودة في المدينة الثانية..

نفرض ان الاشياء المتشابهة هي الزجاج.. الاكل.. و الورق.. و البلاستيك.. بس

عندج طريقتين.. الاولى انج توصفين كل رسمة بروحها..
و الطريقة الثانية انج تقولين ان في مخلفات متشابهة بين المدينتين و اخرى مختلفة .. كبداية.. و عقب توصفين المتشابه يعني مثلا تقولين مخلفات الزجاج في نرومان هي كذا .. اما في المدينة الثانية كذا .. و تكملين بالاشياء المتشابهة لين ما تخلصن..
و عقب تبدين الاشياء المختلفة و تقولين ان هناك في اشياء يستهلكونها في نورمان غير عن الاشياء اللي يستهلكونها في المدينة الثانية.. و تبدين توصفين كل شي مختلف..

و لا تنسين تقولين الاعلى و الاقل في النسبة..

عقب شوي بكتب عن الرسم الثاني اللي هو المخطط..

ملاحظة .. وايد في التصحيح يهتمون ان اسلوبج ما يكون مكرر.. مثل ما لاحظتي انا كل جملة بديتها بشكل غير عن الثانيات.. يعني مرة ابدا اقول النسبة و عقب اقول تخص شو.. مرة اقول المادة و عقب اقول نسبتها.. و مرة ابدا اقول اعلى نسبة كانت تخص الشي الفلاني و تساوي كذا..

اعرف اني مب لين هناك في الشرح.. بس حاولت اوصل لج الفكرة .. و يا ريت اكون قدرت اوصلها لج..

الحين بحط المثال الثاني عالرسم اللي هو ال **** graph

مثل هالرسمة

نستخدم فيها بعض الكلمات بقسمها لج

Noun

a rise = ارتفاع
an increase= زيادة
a fall= هبوط
a drop= نزول
a dec****= نزول
a peak= قمة
a dip = قاع

Adjectives and adverbs هاي بقول لج عقب متى نستخدمها و كيف

sharp(ly) /dramatic (ally = حاد و قوي و كبير
considrable (ly= واضح و لافت للنظر
steady (ily= ثابت
slight (ly) / gentle (ly= بسيط
gradual (ly= بتدرج مستمر
relative (ly= بشكل نسبي.. او قليل

Phrases هاي معناتها عبارات مب كلمات.. ممكن نستخدمها في الوصف

remain the same= بقيت على حالها.. ثابته
reach a plateau = هاي الله يسلمج معناتها اذا يت الرسمة شكل هضبة .. يعني ارتفعت و عقب كانت ثابتة و ردت تنزل
remain stable = بقيت ثابتة
remain / stay constant = بقيت ثابتة
reach a peak = وصلت للقمة
hit/ fall to the lowest point= نزلت لاقل نقطة

في تحديد الارقام الغير واضحة ممكن تستعينين ببعض الكلمات مثل
about= حوالي
near= تقريبا

في تحديد السنوات ممكن تستخدمين عبارات معينة بدال لا تذكرين رقم السنة كنوع من التغيير
the next year
a year after

الحين بنطبق كل هذا عالرسمة اللي حطيتها لج

بس قبل بقول لج بعض الملاحظات.. في هالنوع تكون الصيغة بالماضي كلها.. اما ال pie chart اللي في المثال الاول.. عادي تحطين ماضي بسيط .. او حاضر بسيط.. المهم اذا بديتي بصيغة تكملين فيها.. لكن هني كله بالماضي

يالله نبدا.. و البداية تكون نظرة عامة للغراف ككل .. بين اول نقطة و آخر نقطة

باسم الله

The graph shows the number of common dolphins seen in Santa Barbara Channel from 1996 to 2024. Overall the graph we can see that there was a dramatic rise for thats five years.
In 1996 the number of individuals was about 2024 dolphins. Then, there was a sharp rise in 1997 in the number which had reached 7000 individuals. After that the number fall to the lowest point of near 4500 dolphins in 1998.The next year 6000 dolphins was counted and that is shown in a gentle increase.A year after,there was a relative drop to 5000 individuals.Finally, in 2024 the number of dolphins has reached a peak of 8000.

هذا بشكل مبسط و اتمنى قدرت اوصل لج اللي تبينه عزيزتي .. ^_^

ان شاء الله الاخوات الى درسو بيفيدونج اكثر …

والله يوفقج وتنجحين

ولا تنسين تدعينلنا …

الآيلتس سهل .. أنا امتحنته السنة اللي طافت.. بدون لا مذاكرة و لا شي.. و نجحت فيه من أول مرة..
مع إني ما رقدت و أنا من الشارجة و امتحاني كان في بوظبي … و عيزت عدل هذاك اليوم…
بس فرحة نجاحي نستني كل شي……

هو الامتحان يعتمد على مدى معرفتج باللغة الإنجليزية و الأخت اللي قبلي ما قصرت في الشرح يزايها الله خير..
إذا مستواج كان ok في الإنجليزي أضمني النجاح …
و بعدين ليش ما تسجلين في British Councilعندهم دورات تعليم آيلتس… و في كتب وايد ممكن تساعدج في الدراسة و تنباع في المكتبات… موفقة و إن شاء الله تنجحين…

اختي انا ماخذه الايلتس.. بعطيج نصايح يمكن تفيدج..

انا اشوف فالايلتس عادة الريدنق يكون شوي صعب.. وlistening يباله شوي
تدرين انا خبصت فالريدنق بس اللي ساعدني ورفع الباند مالي اني يبت درجات حلوة في السبيكنق

يعني هالــskill شرات السبيكنج.. بس يبالج شوية تدريب وممارسه.. ولا توقفين نهائي تكلمي قد ما تقدرين.. واذا شفتي السؤال صعب او يباله تفكير استهيلي على المممتحن.. قوليله شو تقصد بالضبط اونه يعني.. جي تحصلين وقت تفكرين

والرايتنق.. اهم شي حاولي كثر ما تقدرين تستخدمين الlink words بين الفقرات عشان يكون موضوع كامل متناسق..

والريدنق 3 مقالات.. قسمي وقتج.. لا تغلطين غلطتي انا تميت على واحد منهم وايد.. مشي ايدج وعلطول انقلي الاجوبة في الانسر شيت لانه اذا خلص الوقت بيسحبون عنج الورقه

وبالتوفيج يارب

[COLOR="Red"] الله يووفقج .!!

بس بسألكم بناااات انا عرفت انه شهادة الايلتس مدته سنتين بس وانا بتخرج بعد سنه ونص .!!

انزيين يستوووي اخذه الحييين عشاان اعدي الانجليزي.. وبعدين لما بتخررج بمتحن مره ثانيه لأنه بتكون

مده صلاحيته منتهيه .@!@

فهمتوا علي ؟!![/

للرفع

انا اعرف انهـ سنتين وتنتهي صلاحية الشهآده ..

للرفع

يسلمو

نبا معلوماات اكثرر بليييييييز ><

هلا حبووووبه على حسب

لو امتحنتي فالكليه نفسهاا اللي تدرسين فيهاااا او كليه الشباااب مدتهاااا 5 سنين

لوو امتحنتي برع الكلييه ف جاامعه او معهد مدتها سنتين

اذا خذيتي الشهااده من المكان اللي تدرسين فيه .. بتعدين الانجليزي وما بتمتحنين مره ثانيه …. والله يوفقج ويوفقنا جميعا….

وان شاااءالله اكون افدتج …

اختج ..
ام غلاا..

انا امتحنت ايلتس وما حصلت الا 4.5 وما هو بزين
وعندي امتحان بعد فترة في جامعة الامارات ويبون 5.5 رجاء حار للي البنات الي قدمو الايلتس يساعدوني ويعطوني موقع واحد استفيد منه او نماذج فقط البنات الي اخذو الايلتس ونجحو اطلب مساعدتكم فاتمنى تساعدوني

من عقب توفيق ربي
هالموقع ساعدني بشكل كبير

https://www.ielts-exam.net/

بس الموقع موجود عندي من الاخت اللي فوقي خخخ
الله يوفقنا يارب
يارب اجيب الباند المطلوووب
الله يوووفقنا

من شوى نزلت موضوع الأيلتس ,شوفيه يمكن يفيدك.
عندى بعد كمن فايل بنزلهن قريب إن شاء الله,
بالتوفيق يا رب.

miss.london اشكرك جدا جدا وجزاكي الله كل خير
سيدة القمر88 شكرا لك واسال الله التوفيق لي ولكم ان شاء الله
Passion4color شكرا لك جزيلا وبشوفه ان شاء الله والله يوفقك يا رب

للرفع…

ان شاء الله حد يفيدج حبوبة ^_^
للرفع

بنات انا امتحنت للايلتس والحمد لله نجحت بس هذا مو بجهدي لوحدي سجلت بمعهد ودرست وتعبت والحمد لله والشكر نجحت الي تبي تستفيد ارمسلها رقم المعهد وتسال على تيتشر وايد شاطرة هنيك اسمها اريج

وبالتوفيق للجميع

مبرووووووووووك النجاح
و عقبال كل الطالبات ان شاء الله
^_^

مبارك النجاح بالأيلتس

مبروك ع النجاح

الله يبارك فيكم اخواتي

مبررررررووووووووككككككككك ع النجاح

لو سمحتي. انا ابغي الرقم ووين مكان المعهد

ألف مبرووك وأنا بعد أبي أعرف أي معهد والرقم لو سمحتي

مرحبا بنات شحالكم

بغيت اسال متى نتايج امتحان الايلتس اللي امتحنو 14-6

والسموحه

يا هلا فيج أختي

أنا اتصلت فيهم من يومين تقريباً وقالو لي احتمال الخميس أو الأحد

الله يوفقنا وننجح يميع إن شاء الله

حمدلله انا يبت 4.5وعبالكم ان شاءالله . . .

بعد 13 يوم تقريبا
يعني 27-6

وتقريبا يكون الخميس اذا امتحانج كان السبت يعني باجر ان شاء الله

الله يعييييييين

انشالله نكوون كنااااااا ناجحيييين يارب

بس بغيت اعرف كيف اشوف النتيجه

up
up
up

آنآآ اتصلت سآلتهم .. قآلولي الاحد او الاثنيين .. الله يستر ..

انت وين ممتحنهـ .؟؟

آذآ فالتقنيه لآزم انتي تروحيين اتييبينهآآ .. آو اتصلي يمكن يعطوونج ..

وآذآ فالبرتش .. هم بطرشونهآ لج عن طريق البريد ..