اشحالكن خواتي ؟
باجر عندي امتحان الايلتس ( A )
الله يستر خايفه وايد من الامتحان
لازم اييب 5 عسب ادخل الجامعة
وانا شكلي مابييييب حتى 4
والله يوفق الجميع انشاءالله
وانت تجعل الصعب اذا شئت سهلا
بالتوفيييييييييييييج تفاءلي خير و الله كريم =)
اشحالكن خواتي ؟
باجر عندي امتحان الايلتس ( A )
الله يستر خايفه وايد من الامتحان
لازم اييب 5 عسب ادخل الجامعة
وانا شكلي مابييييب حتى 4
بنات .. كيف الحال ؟
خواتي محتاجتكم فأنا لدي معاناة مع لآيلتس أخذت اول إمتحان في تقنية البنات في الفجيرة و كان المجموع 4.5 بسسب الإستماع و امتحنت الإمتحان الثاني و كان المجموع أيضا 4.5 بسبب الإستماع و الآن انا جدا جدا خائفة لاني أصبت بصدمة شديدة و انهارت أعصابي بسبب الإمتحان الثاني و خاصة حسيت بضعف و فشل أمام أمي و أبوي … و امتحنت من يومين الامتحان الثالث والله إني خائفة جدا من عدم نجاحي في الإمتحان الثالث لأني حسيت عمري خبصت …
على فكرة أنا ما خذييت لا دورات و لا شي لأني يوم كنت بسجل في التقنية دورة أيلتس في وايد من ربيعاتي قالو لي ما بستفيد منها و بظيع وقتي على الفاضي و اني أعتمد على نفسي
فاللي جربت الدورة في تقنية الفجيرة .. هل استفادت منها بشي و لا ما تقدم و لا تأخر ؟؟
و أنا جدا ضعيفة في الاستماع .. شفت مواقع و ادربت منها بس ما حسيت بفرق .. فخبروني لو عندكم طريقة لتقوية الاستماع بليززز ؟
ادعولي دعوة بظهر الغيب الله ينجحني و يفرج عني كل شي .. و الله إني محبطة و خايفة من الفشل و إني أخذل أمي و أبوي للمرة الثالثة
شوفي انا كانت نقطه ضعفي الواضحه شراتج لدرجه اني اول مره يبت في اللسننق 2 تخيلي !
فانصحج شوفي رسوم افلام مسلسلات بس بالانقلش بدون ترجمه يومياً اسمعي وعقب يوم بتتحسنين ابدي في التدريب كيف تسمعين وتحلين في نفس الوقت ..
وب/ هالطريقه صار عندي اللسننق اسهل جزء في الامتحان ويبت فيه 5.5 هالمره شوفي انتِ الفرق بس ..
وعلى فكره انا شراتج بعد في اخر امتحان قلت الميه بالميه راسبه لاني خبصت بشرف بس ولله الحمد نجحت فلا تحاتين وان شاء الله تنجحين ..
على فكره لو تبين روابط للرسوم بالانقلش خبريني وفالج طيب ..
بالتوفيق =)
مشكووورة أختي S I M P L E على ردج .. بارك الله فيج
ما دام إنج استفدي على هذي الطريقة فبجربها .. لو سمحتي هيه أتمنى إنج لو تعطيني الروابط
بس كم المدة أتم أشوف شهر و لا يعتمد على فهمي ؟ .. و أنا ما أفهم من أول مرة لو ما مترجم فعادي هالشي و مع التكرار بفهم ؟
و جزاج الله خير
بنات العين بغيت اتخبركن
منو تحسون اكثر شيء يراعي
كلية التقنيه ولا المعهد الاسلامي ؟؟
يلي مجربة ف الاثنين بليز تخبرني
لاني محتارة وين اسجل
وسمعت انه ف المعهد الاسلامي اي تاريخ احدده
يسجلوني فيه
اما التقنيه يتاخرون وهيك
اتريا ردكم خواتي
مشكورات
خلج كول وصدقيني بتحلين زين وبتنجحين
والرايتنق والسبيكنق اسهل من السهل
لا تعتمدين ع الحظ انا كنت اسوي جي وما فلحت
مع العلم انا مييييييييييييييييييح بالانجلش
موفقه حبوبه
انا طبعا امتحنت اول امتحان في تقنيه راس الخيمه وكان قريب من بيتنا وعادي ورحت بس النتيجه ما فرحتني يبت 4 ولازم اييب 5 وفوق ..
وقررت امتحن ف جامعتي اللي هي جامعه الامارات وعطوني موعد تاريخ 24 <<وطبعا بيكون عقب اجازة الاسبوع >< يعني لازم اطلع من راك الفجر علشان اوصل هناك ولين ما ادور المكان
المكان قالو لي ((المعهد الاسلامي للشباب )) <<اوكي ووووينه هذا واكيد بنضيع ودورت مكانه لين عيزت وابوي يزاه الله الف خير رااح وشاف المكان علشان ما يضيع الاسبوع الياي ..
الله يكون ف عونااا .. خلوني اخبركم …
بنات اكيد اللي بيوديكم يعرف العين ولو شوي ..
هو بيكون بين دوار الحيوانات ودوااار شيشه زااخر ..
هو قريب من جامعه الاولاد ومكتبه زاايد <<< وهو مبنى عود لونه بني ..<<
وهااي صورة الخريطه بس ما اعرف انزل الصور ما اعرف اذا بيطلع لكم ..<<اسفه خواتي .
بنات في معلومه مب متأكده منها بس اظن هي ف منطقه الوقن<<<
وان شاء الله نفعتكم ..
وعندي شي ثاني بعد بغيت اقولكم ايااه علشان ما اضيعوون .. يوم توصلون وخلاااص ووصلتو البوابه الرئيسيه <<
أول شيء بتدخلين من البوابة الرئيسية
بتشوفين ILC جدامج و في لفة يمين و لفة يسار
طبعاً اللفتين بيودونج المسرح لكن أنا بدلج على الأسهل ..
بتااخذين يمين
بتصعدين درج صغير
بتشوفين ثلاجات جدامج و بتلاقين نزله درج ثانية بتنزلين ..
بتلاقين باب بتدخلينه .. بيطلعج برع ..
المهم بتلاقين درب ..
خذي سيده بعدين ما شيء غير لفه وحده يسااار سيده بتلاقين دخلة مسيد و بتلاقين لفة إجباريي يسار و بعدين بتلاقين دخلة يمين دخليها
كملي سيدة سيدة سيدة بتلاقين سااحة عودة مال القانون مم بتلاقين واايد ناس متياامعين عند المرح و بس !!
——————————————————————————–
اللي عندها اي معلومه يديده تعطينااا ولا تبخل ..
وبالتوفيج للجميع ويارب انييب فوق 5.5 ..
والسموحه منكم ..
هو بيكون بين دوار الحيوانات ودوااار شيشه زااخر ..
اسمحيلي يالغاليه اعدلج
هالوصف مكانه بيكون صوب كلية التقنية للاولاد وكلية التقنية للبنات بقرب من دوار الحيوانات
يعني مب هناك مكانه
بنات في معلومه مب متأكده منها بس اظن هي ف منطقه الوقن<<<
لا يافديتج هاي غلط الوقن برا العين تبعد عنها 100 كيلو متر
وهالمنطقه الصح اسمها الجيمي
بس كفيتي ووفيتي ف شرح للخريطه
وربي يوفقج ويسهل عليج وتحصلين اللي تبينه
ويلا بنات ان شاء الله فادتكم ..
انا بعد امتحت من جريب
بس بقولج معلومة ان امتحان الايلس كل نفسه سواء امتحنتي في الكلية ولا في المعهد الاسلاميولا في الجامعة
لأان الامتحان يوصل مكان الامتحان في نفس اليوم الصبح و يكون من مركز الايلس في دبي و هذا عن تجربة و لاني بعد من طالبات التقنية العين و استاذنا الانجليزي هو االي مخبرنا عن الموضوع و هو أحد الاساتذة من الي يصلحون امتحان الايلس أما بالنسبة للمعهد الاسلامي هو مش بس للشباب هو معهد مختلط بس مكانه عند جامعة الشباب و اظني وراه جي شيء
والي تعرف كيف نكتب مواضيع للرسم البياني تخبرنا يعني الجمل الي لازم نستخدمها؟؟؟
اما عسب الدراسة تاخذين اكاديميك
العبارات المستخدمة (البداية):
The chart shows that there are a ……..
The **** graph shows that there are a
We notes that …….
وصف حركة المسار :
rise/ increase, reach a pick, go up المسار لأعلى
or decrease / dec, fall , go down**** المسار لأسفل
remain the same , steady ثابت
هذي اشيا بسيطة لنوع واحد من التاسك 1
مهم تعرفينها في منها وااايد نماذج اطلعي عليها فالنت بتساعدج كيف تركبينها مع الجمل
وبالتوفيج
انا ما عمري امتحنت الايلتس ولا شي اريدكن تساعدني كيف انضم جدولي امتحاني في شهر 4
كيف ادرس الريدنق وكيف الاقي نماذج تدريبيه لريدنق ؟
وكيف انظم جدولي الله يخليكن والله خيفه مره انا قرت معلومات عن الايلتس وشوهو شو هي القسامه
بس المشكله ما عرفه كيف اسوي جدول مع العلم انا مو شي في الانجليزي
للرفع
ربي يوفقج
النت مترووس متيريالس انتي بس نزليهن عندج واطبعيهن في اوراق عسب تكون لج المذاكرة سهلة
عمووما اتمنى لج التووفيق اختي
https://www.learnielts.com/ielts-listening.htm
اشحالكم !
معاناتي مع الايلتس عصيبه والله
دوووم اقول المره الياااايه بنجح وبتكون الاخيره سبحان الله لين ألحين ما قدرت
مع ان مستواي في الانجلش والله الحمدلله وانجح في كل موادي حتى مادة الانجلش اييب فيها +B
بس سبحان الله الله مب راااايد اعدي
اول شي الكليه يبون مني المجمووع 5.5
وفي كل مهاره فوووق ال5( الريدنق واللسننق و السبيكنق و الرايتنق )
لازم ما اشووووف شي في درجااااتي 4.5
امتحنت 4 مراااات
وبحكليكم قصتي مع كل امتحااان ~
اول امتحان كان تاريخ 13-6-2017
وكان اول امتحان لي
ويبت
السبيكنق: 4.5
اللسننق: 5.5
الرايتنق: 4.5
الريدنق: 5
المجموع : 4.5
وكانت ازفت درجه على الاطلاق
ما زعلت وااايد الصراااحه لاني كنت اعرف اني ما سويت عدل
حجزت في البرتش كاونسل تاريخ 26-9-2017
وتبون الصدق حسيت عمري سوييت اوكي
وكنت ضااامنه النجاااح وادعي من قلبي
وكنت اقول في خاطري ان شاء الله بعديها الصراحه ما كنت متوقعه الرسووب
" راجعت موااااقع واااايد وقريت اشيا عن الامتحان وفي اشيا فادتني واااايد "
المهم سرت امتحنت واديت اوكي
وكانت النتيجه كالآتي
السبيكنق: 6
اللسننق: 6
الرايتنق: 5.5
الريدنق: 4
المجموع 5.5
تبون الصددددق مت من القههههههر لان المجمووووع المطلووووب
بس الكليه ما رضت لان في 4
والله صدددق تغصصصصصصصصت بس صليت ركعتين وارتحت ودعيت الله يخفف علي
المهم كنت ادرس كورس ايلتس في الكليه وكنت شاااده حيلي
والصراحه كانو يعطوووونا كلمات حلوه واساسيااات الامتحان واشيا فادتناا واااايد
المهم انا سيده قدمت على اقرب امتحان وكان تاريخ
12-12-2017
المهم هاليوم قرب وراجعت واااايد
وكنت اقول لعمري ولربعي"""" الثالثه ثابته
بس للأسف كان الريدنق صعععب من الخااااطر
بس قلت يمكن اعدي هالمره
المهم مر 14 يوم وطرشو لي مسج وانا راقده ونشيت اشيك
وشفت الدرجات كلاتي :
السبيكنق: 5
اللسننق: 5.5
الرايتنق: 5
الريدنق: 4
المجموع 5
واااااااااااخ ياااقلبي
قلت في خاطري يااااربي لييييييييين متى اعدي كل شي الا شي
والله احس بغصصصصه والمشكله الكليه ما بتخرجني من الكليه الا بدرجه 5.5 وكل شي فوق ال5
استغفر الله ياااارب
استغفر الله ياااارب
استغفر الله ياااارب
المهم كان بعد في امل بالنسبه لي وقلت بقدم اقييييين
وكان امتحاني الرابع تاريخ 9-1-2017
وأديت الامتحان ويشهد الله على كلامي اني حسيت عمري أدييت اوكي وكنت اقول ان شااء الله هالمره نجاااااح
والسبيكنق يشهد الله اني رمست وماسكتت وكانت المس تحاورني لدرجه ان الوقت خلص ونحن نرمس وقاطعتني وقالت لي سوووري وبندت التسجيل
وألحين انا شاكه ان هالشي اللي نزل درجتي ( الوقت )
وحاولت اركز على الريييدنق وااااايد وقلت الباقي سهل بس الريندنق لااازم اركز فيه
وارتحت لاني احس حليت اوكي
والرايتنق حسيت اني كتبت اللي عندي شرات قبل واحسن
واللسننق حسيت اني اوكي
المهم قلت في خاااطري يااااارب انته اعلم بحااالي وبجهدي وفقني يااارب
واول ما رجعت من الامتحان وزعت شوكليت للي في البيت وكنت اقولهم فااال نجاح واضحك
وسرت العمره قبل النتيجه وسبحااان الله دعيت من قلبي اني انجح ورجعت قبل 3 ايام
وطلعت النتيجه امس
وكان الكل حواليني وانا اقول في خاطري ألحين بصرخ وبفرحهم وبقووولهم عديته
وكان ابوي متحمس يسمع الخبر الحلووو وباقي اهلي
ااخ ياارب
والنتيجه كانت كلآتي :
اللسننق: 5.5
الريدنق : 5.5
السبيكنق: 4.5
الرايتنق: 4
المجموع :5
اااااااااااااااخ ياااارب نزلللت دمعتي يدام الكل من القهر اللي بداخلي
استغفر الله العظيم شو اقوووووول حسيته ابتلاااء من رب العالمين
انا اخر سنه باقي لي كوورس في الكليه
استغفر الله استغفر الله استغفرت وااااايد لين ما هدت النار اللي في داخلي
حسيت قلبي انكسر وحسيت اني اخيب اللي حواليني
سبحان الله سبحان الله
هالشي الله كاتبنه
وألحين بعد احس في امل بس " اقول في خاطري بقدم ع الامتحان واعرف النتيجه "
والله اني ما اعرف شو اسوي املي بالله قوووي
مره ترتفع الدرجات ومره تنزل
" حبيت اوصل لكم نقطه "
وهالنقطه ابا اضيفها لنفسي بعد
مهما الانسان انخذل او فشل لازم يكون في أمل وتفاؤل ولازم تكون ثقته بالله كبيره
>> دعواتكم لي بناااات
دعواتكم يمكن دعوواااتكم تقبل
الدعاء بالغيب تنقبل
ادعووولي
اختكم : الدانـــــه
و ان شاء الله تنجحين الامتحان الياي
بس اهم شي ما تيأسين و تمي حاولي
و الله ما بيضيع تعبج
ويمكن هالشي خييير لج وانتي ماتدري .. ومن توكل على الله فهو حسبه .. الله يوفقج
تسلمين ام الغلا ما قصرتي
الحينه انا ادرس ع هالسمستر نهايته بيعطونا ايلس وانا خذيته مره وحده بس
شراتج ف الريدينغ بس حق اول سنه يبت فيه 4.5 وعادي كملت ..
بس الحينه شرات ماقلتي لازم 5.5 ف كل اسكل
جوفي اختيه شدي حيلج مافي شي صعب ان شاءالله بتقدرين عليه
هوه الريدينغ يباله شويه لانه ف 60 دقيقه مابتلحقين بسرعه بسرعه
الله يعين اليميع ان شاءالله
وشدي حيلج والله يوفقنا جميع ان شاااء الله