الوسم: الايلس

السلام عليكـــــــــــــــــــــمـ ورحمة الله وبركااااته

خواتي انا عندي امتحان ايلس في التقنية يوم 9 و 10 12 .. طبعا اول مرة راح امتحن …,, يعني انا مثل الاطرش في الزفه .. ابي اعرف كيف يكون امتحان الايلس بالتفصيل الممل عسب ما فيني انصدم و بالنسبة لامتحان السبيكنج كيف يكون ؟؟ اذا تعرفون مدرسة اوكي ابيها ادرسني انا مب زريوا في الانجلش يعني مستواي جيد جدا

بليز اتمنى اييب في الامتحان 6 or اكثر

ابي اعدي اللفلز في zu لاني والله مليييييييييييييت

مشكورات حياااتي

اول شي بتقعدين 3 ساعات في قاعة الامتحان….
40 دقيقه لسننق 4 سكشنات
60 دقيقه ريدنق 3 سكشنات
60 دقيقه رايتنق مقسمة:
20دقيقه للرساله
40 دقيقه للاساي….ولج حرية تخصيص الوقت بس هذا الاحسن
وسبيكنق….حوالي ربع ساه
3 سكشنات
1_ يسالج عن نفسج شو تدرسين شو تحبين شووووو…..الخ ؟؟؟؟؟؟
2_يعطيج ورقة ويقولج عندج دقيقه ترتبين افكارج
تكون عبارة عن مووووضوع عام وعليه كم سؤال ……انتي تشرحين اللي تعرفينه في دقيقتين الاهم اانج ماتسكتين….تمي رمسي لين يسكتج
3_ يسالج كم سؤال عن نفس الموووووضوع تقريبا

هذا في امتحان الجنرال……من خلال خبرتي

مشكورة اختي ع الرد .. انا بمتحن ايلس امادميك
مشكورة افدتيني وااااااايد
ياااااااااااااااااااااااااليت الخوات اللي امتحنوا ايلس اكادمك يفيدووني

الجنـراال

ريدينغ / رايتنغ / ليسيننغ / سبيكينغ

ويسمونه امتحان الحظ ، يعني كل وحده وحظهاا كيف بيطلع لآن كل وحده مالها تقريبا بيكون غييير

الآكاديمك

ما جربته ولا افكـر فييييه ><

الاكاديميك آصعب بواااااااااااااااااااااايد من الجنراااال
( عن تجربـه الي اعرفهـم )
ومن يومين مسوين لناا ميتيينغ عن الايلتس بشكل عاااام
وبروحهم قالو انا الاكااديميك وااااايد صعب . .

آنا حالياا الحين ادرس كل شي فالآيلتس لآن عقب كم من شهر باخذه ان شاءالله
في بعضهم من اول مرره ينجحون فيييه وبعضهم لآ !!
اعرف وحده موووووول ما فالحه ف شي وماشاءالله من اول مرره خذته
وانا بعد ف التقنيه باخذه لان ادررس ف التقنيه

والله يوفقناا يمييييع
=)

مثل ما وضحو لج الخوات ،
على حسب اللي فهمته انج تبين تعدين اللفلات مالت الانجلش
اوك يعني بتمتحنين اكاديمك ..
و هالنوع الاصعب مثل ما اوضحت لج الاخت ..
اول شي بيكون عندج اللسننج ، ل 3 او اربع ما اذكر
المهم بيكون سهل اهم شي ركزي وااايد و انتي تسمعين و اكتبي نوووت لان في ورقة تكون مخصصة لهالشي ..
و عقب بتنقلين الاجابات لورقة الاجابة ..
ثاني شي بيكون عندج الـ ريدنج بيكون له ساعة وبس لا غييير و به 4 قطع ،من الاسهل للاصعب
يعني اول برجراف بيكون سهل و الثاني سهل و به اسئلة شوي يبالها
و الثالث نص نص و الرابع صعب ..
لما تخلص الساعة بيقولون لكم وقفو كتابة وقفي في وقتها لا تحاولين تكملين اي شي لان
ممكن يعتبرونج غشيتي و تصير كارثة ..
و على فكرة هم كل نص ساعة تقريبا يذكرونكم بالوقت ..
الموهم ثالث شي بيكون الرايتنج ما اذكر بعد 2 برجراف او 3
واحد بيكون وصفي يعني رسم بياني او رسمة دواير وبها نسب مئوية الخ ،،
لازم توصفينهم و في كلمات معينة تستخدم لمثل هالمواضيع .. لازم تكونين تعرفيييينهم ..
اخر شي بيكون عندج سبيكنج ، اذا انتي شاطرة بالسبيكنج بتمشين امورج
بيكون مقسم لثلاث اقسام ، الاول اسئلة بشكل عام اسمج و غيره
ثاني شي بيعطونج كذا ورقة و تختارين وحدة و يسالونج بها عن موضوع معين
مثل انا اذكر اني انسالت عن التلفزيون وشو اتابع به و شو الدراما اللي طاغية هالفترة عليه
و الخ …
لازم تجاوبين ع كل شي هن كذا سؤال ، تفلسفي ولو تطلعين عن الموضوع شوي مب مشكلة
المهم تواصلي كلام ما تسكتين /
و اخر بارت يكون به اسئلة معينة تكون عن الجزء الثاني تتعلق بموضوع التلفزيون بس محتاجة
اجوبة طويلة ،
وبس اهم شي ما تسكتين مثل ما قلتلج وكل هالشي بيكون مسجل … كلامج يعني ويا السير
هو بيسجله عساس عقب يسمعه و يقيمج .. مدة السبيكنج ربع ساعة او 10 دقايق .. مب اكثر
نآتي لآهم نقطة اللي هي نصيحتي لج ،
شوفي نمآذج للآمتحآن بالنت بالمواقع الاجنبية .. وايد بتحصلين و دربي
نفسج ع السبيكنج ،
و على الرايتنج قلتلج في كلمات معينة لازم تستخدمينها يعني لازم تعرفييين هالكلمات روحي
معهد او شي عسب يدرسووونج للرايتنج
والريدنج تدربي عليه بالنت و اللسننج نفس الشي ..
و ربي يوفقج ..

مشكووووووووووووووووووووووووووووووووووورات حبايبي

بسألكم تعرفون رقم مدرسة اوكي ادرس للايلس في بو ظبي

او معهد ؟؟؟

امتحان اللغة الانجليزية الدولي ايلتس هو امتحان واسع الانتشار معترف به دولياً. الامتحان يعتبر مقياساً لمستوى الإنجليزية و يخدم عدة أغراض كحالة التقديم للدراسة بإحدى المؤسسات التعليمية البريطانية أو تلك التي تتواجد في استراليا، نيوزلندا و كندا أو في حال التقديم للحصول على تأشيرة هجرة لدولة اللغة الأم فيها هي اللغة الإنجليزية.

الإشراف على اختبار IELTS
يقوم بإشراف و إدارة اختبار الـIELTS كل من :

• The University of Cambridge Local Examinations Syndicate (UCLES).
https://www.cambridgeesol.org/
• The British Council .
(https://developmentweb1.britishcounci…xams-ielts.htm)
• IDP Education Australia
(https://www.idp.com/)

مميزات امتحان ايلتس:
• يحظى بالاعتماد و الاعتراف الدولي.
• اختبار معتمد على أداء المهام حيث يقوم المتقدم بأداء مهام معينة.
• يتوفر فيما يزيد على 106 دول حول العالم
• مقبول من قبل المؤسسات التعليمية في بريطانيا،استراليا،نيوزلندا و الولايات المتحدة و كندا
• ظهور النتائج خلال أسبوعين من الاختبار
• مفتوح لكل من في السادسة عشر من العمر و أكثر
• لا يوجد نجاح و رسوب.
• نتائجه صالحة لمدة عامين.
• إمكانية تحقق الجهات المعنية من نتائجك بشكل مباشر على الإنترنت مجاناً – online verification service -من خلال الموقع: https://ielts.ucles.org.uk/ielts-trf/index.jsp

تفاصيل الامتحان:

الامتحان يتوفر في شكل واحد و لكن يمكن للطلاب الاختيار ما بين الامتحان الأكاديمي لمن لديهم الرغبة في مواصلة التحصيل العلمي أو التقديم للامتحان العام الذي يناسب من لديهم النية في الهجرة أو الارتقاء بمؤهلاتهم العملية.
كيفية التصحيح:
الدرجات يتم تسجيلها على تقرير الامتحان بشكل يوضح المستوى العام للغة لدى الطالب بالإضافة لأدائهم في النواحي الرئيسية للغة كمهارات الاستماع، القراءة، الكتابة و المخاطبة، و يتم استخدام نظام درجات من 1 إلى 9 لتحديد قدرات الطلاب.

كيفية التسجيل للامتحان:
• تفاصيل كاملة عن خطوات التسجيل متوفرة في موقع امتحان ايلتس على شبكة الإنترنت
• الرجاء الانتباه لتواريخ الامتحان في الدولة التي تود تقديم الامتحان فيها
• قم بزيارة أقرب مكتب للمجلس الثقافي البريطاني واجلب معك صورتين شخصيتين حجم الجواز و صورة من جواز السفر بالإضافة لرسوم الامتحان
الرسوم:
في الاامارات 875 درهم اماراتي

الاعتراف بال IELTS
شهادة اختبار الـIELTS معترف بها على نطاق أكاديمي واسع في كندا و أستراليا و المملكة المتحدة و نيوزلندة و الولايات المتحدة الأمريكية وعلى نحو متزايد في ألمانيا وأوروبا بشكل أوسع. ومعترف بها أيضا من قبل الكثير من الشركات و المؤسسات في مختلف الصناعات .
و هو متطلب رئيسي للهجرة إلى أستراليا ونيوزيلندا وكندا.
هناك 4 أقسام في اختبار الآيلتس و هي:
• الاستماع Listening
• التحدث Speaking
• القراءة Reading
• الكتابة Writing

الاستماع:
الوقت المحدد: 30 دقيقة.
عدد الأسئلة: 40 سؤالاً.
موضوع الاختبار: فهم اللغة الإنجليزية عند الاستماع إليها.
سوف تستمع إلى محادثات مسجلة و تجيب على أسئلة تقيس مدى قدرتك على فهم ما سمعت. و هذا القسم يشمل 4 أجزاء:
. القسم الأول و الثاني محادثة بين اثنين.
. القسم الثالث و الرابع محادثات تتصل بأمور أكاديمية و تعليمية.
شكل الاختبار:
1. الاختيار المتعدد multiple choice
و هو على ثلاثة أنواع:
• إجابة واحدة one possible answer
• عدة إجابات بدرجة واحدة multiple answers for one mark
• عدة إجابات بدرجة واحدة لكل إجابة
multiple answers for one mark each
2. أسئلة ذات إجابات قصيرة. short answer questions
3. إكمال جمل. sentence completion
و هو نوعان:
1) باختيار الأجوبة الممكنة (قراءة فقط).
2) بدون اختيار الأجوبة الممكنة
4. إكمال رسم بياني أو تخطيطي.
completing notes/table/summary/flow-chart/diagram
و هو نوعان:
1) باختيار الأجوبة الممكنة (قراءة فقط).
2) بدون اختيار الأجوبة الممكنة
5. عنونة رسم بياني أو تخطيطي. labelling a diagram which has numbered parts
6. التصنيف. classifying or grouping
7. أسئلة التوافق. Matching questions.

القراءة مع الفهم:
الوقت المحدد: 60 دقيقة.
عدد الأسئلة: 40 سؤالاً أو 50 سؤالاً
شكل الاختبار: 3 قطع للقراءة تحوي ما بين 1500 و 2500 كلمة. مصدرها: المجلات و الجرائد و بعض الكتب.
موضوع الاختبار: فهم اللغة الإنجليزية عند قراءتها.
شكل الاختبار:
1. الاختيار المتعدد multiple choice
2. أسئلة ذات إجابات قصيرة. short answer questions
3. إكمال جمل. sentence completion
4. إكمال جدول أو رسم بياني أو تخطيطي.
completing notes/table/summary/flow-chart/diagram
5. اختيار عنوان رئيسي للقطعة (الامتحان الأكاديمي فقط). choosing headings
1. و هو نوعان:
1) عنونة جزء من القطة.
2) عنونة كامل القطة.
6. تحديد ادعاء الكاتب (صحيح – خاطئ – غير مذكور) و هو (للامتحان الأكاديمي فقط).
YES, NO, NOT GIVEN – writer’s views, opinions or claims
7. التصنيف. classifying or grouping
8. أسئلة التوفيق بين قوائم أو عبارات.

هااا اختي كل شي عن الايلتس واذا تبين اكثرر لاا تترددين ..والله يوفقج ويوفق الجميييع ..

بنات منوو يعرف معاااهد تعطي دورات تحضيريه للايلس بالفجيرة

ظروووووووووري بسرعه اريدها

للرفع

احسن مكان تاخذي فيه دورة للايلتس هو كلية التقنية عشان اجانب بيدرسونج..

ولو بغيتي مكان ثاني .. عندج معهد الغرفة طارحين فيه الدورة

هلا بنات اشحالكم

ما بنخلص من العله الايلس

منو فيكم
مواعيد امتحان الايلس في تقنيه دبي

الي CERT CENTER

مب بريتش كاونسل !

والله ما اعرف اتصلي واستفسري

والله يعينا عليه

للرفع

السلام عليكم ورحمة الله وبركاته …

شحالكن خواتي …

ابا اعرف الي خذت شهادة الايلس من برع …من معاهد خاصه …

كم الدرجه الي حصلتي عليها ..؟؟؟

وكيف يبتي هاي الدرجه …شاطره من اول بالانجلش ..ولا بصدفه ..
المعهد نجحوج ..ولاخذتي دوره قبل الامتحان ..؟؟؟؟

انا حاليا اخذ دوره في معهد قبل الامتحان …يارب يسهل علي لاني اخاف امتحن وما ايبييب خمسه ..والجامعه تطلب منا خمسه …دعواتكن لي…

واتريا ردودكمــ….؟

وينكن خواتي…؟؟

الله يوفقج اختى وتنجحين في الامتحان

هلا الغلا ،،

أنا خذت الشهادة من الجامعة ،، لأن الشهادة إجبارية علينا ..

وطبعاً درسنا عن الايلس في LEVEL 3 بالانجليزي في التعليم الأساسي ..

والحمد لله أنا مستواي جيد .. ويبت فيه 5 …

بالتوفيج اختي ..

وعن الامتحان بصراحة هو سهل وبالضبط مثل ما درسناه في الLEVEL …

انا يبت الايلس من اول مره 6.5
ومتحنه في المعهد البريطاني بوظبي
وكنت دارسه قبل الامتحااااااان بشهر بس

^_^

تسلموون خواتي …

ادعووولي

انا توني امتحنت امس دعواتج لي

الليسننق ضروري تتدرب عليه يوميييييييا لانه بالفعل يبي له انتبااااه

والريدنق ابدا لا تضيعين بالقراية لانه الوقت ما يكفي حاولي تربطين بين كلمات السؤال والقطعة وايضا يبي له تدريب

اما الرايتنج اذا هي بتقدم امتحان ايلس جنرال
بيعطونها تكتب رسالة عن موضوع معين لحد معين وعادة يكون سهل
انا ياني اني لو ابي اعمل اي عمل لكبار السن وابي حد يساعدني ماديا وطالبين 150 كلمة

اما الرايتنج الثاني طالبين 250 كلمة وياني عن شو رايج في fast food industry هل تؤيدين او لا تؤيدين انه يأثر على الصحة

اما السبيكنج
سألتني شسمي ومن وين انا وشو ادرس والا موظفة وشو نوع الرياضة اللي احبها
وهل أؤيد انه الاطفال لازم يتعلمون رياضة في المدرسة ؟
وشو هي الاخبار اللي تجذبني عادة في الجرايد والتلفزيون؟ وليش
وهل اهل الامارات من متابعي الاخبار عن طريق التلفزيون او الراديو وليش
وهل بالمستقبل راح يتغير الوضع لمتابعة الاخبار عن طريق الانترنت؟

وشو اكثر شيء تسوينه بالنت ؟ وهل تشوفينه نافع وليه؟ وهل تشوفينه مضر وليه؟
مممممم
بس
ايضا يبي له تدريب

الله يوفق اختج وبليز ادعولي *_*

للرفع

مشكووووووووووورة الغلا وانشاااااااااالله تنجحين وعقبالنا

بس ابي اعرف كل الامتحانات الي طافت opinionماشي سلبيات وايجابيات او مشكلات
كل الي امتحنو ياهم راي بس؟؟؟؟؟؟

والله يوفقج دنيا واخرة

أختي أنا ممتحنه قبل الايلس وكلام اختي حنين أحمد صحيح

والايلس يباله تدريب و حظ وربي يوفق الجميع وما ترومين تحكمين على الرايتنج شو ممكن اييج لانهم كل امتحان يختلف عن الي قبله يعني ينوعون ب الامتحانات فما ترومين تحددين انه بيكون ابداء رأي او غيره خلي اختج تدرب على كل الانواع وربي يوفقها ويسهل عليها امورها

تقبلي مروري @_@

السلام عليكم

انشالله عندي امتحان ايلس شهر تسعه في تقنيه العين للطلاب

وسجلت general tranning

حابه استفسر شو الصعوبات في امتحان الايلس وكيف تهيئين نفسج للامتحان

هلا حبيبيتي

لا تخافين الامتحان سهل (ان شاءالله) انا كنت في التقنيه و امتحنته شهر 1 و نجحت فيه يبت 5 و الحمدالله تخرجت هالشهر

والله يوفقج و لا تحاتين اهم شي تكونين مرتاحه نفسيا

بس حبيت اقول نقطه تراى امتحان الايلس بالحظظظظظظظظ والله يوفق البنات كلهن

هلا اختي لاتحاتين ولا شي ترا الامتحان سهل و الجنرل وايد اسهل عن الاكاديمك

ماعليج الا تاخذين تدريبات من الكليه و تيلسين تدربين عليه و تشوفين وين نقاط ضعفج

و حاولي اطورين من نفسج و خاصه فـالـreading سرعةالقرايه مطلوبه فـادربي عدل على القرايه السريعه

و اخذي listening و ادربي عليه وشوفي الكلمات الي تتكرر وايد فيه و دققي على الـ spelling لان بتتحاسبين عليه..

writing نفس الشي حاولي تستخدمين كلمات الربط بين الجمل مثل furthermore ,In addition ,Also , While و من هالكلمات و استخدمي Voc فيه نوع من الصعوبه علشان تبينين ان انتي متمكنه من الانجلش..

اما فـ المحادثه قولي الي تقدرين عليه و لا تسكتين لين ما الشخص الي بيمتحنج يقولج وقفي و كوني عاديه

لا تبينين انج مرتبكه..

توكلي على الله و سوي الي عليج وربي الموفق ان شاء الله..

^_^

مشكورات خواتي وما تقصرن

للرفع

الجنرال واايد اسهل عن الاكاديمي
ادرسي الجارتس و بس
و لاااازم وقت الامتحان اتكونين امركزه علي الشريط اللي بيشغلووولكم اياه.. و و السوال اللي يفوتج عاااادي عديه اهم شي اتكونين امتابعه التسجيل، و لا تتاخرين في السوال
الحمدالله انا امتحنت اكاديمي و بصرااحه انا خريجه من كذا سنه بس عشان الشغل حبيت ااخذ ايلتس و يبت فيه ٦.٥
الله يوفقج

لا تحاتين … امتحان الايلس وايد سهل … بس الي يخوف الوقت عسب جيه البنات يقولن انه صعب لانه الوقت ما يسدهم بس انتي لو ما تعرفي تحلي شخطي اي شي لا تخلي الورقه فاضيه و الحمد الله هالسنه كلنا حصلنا 5 و نص و فووووق … ماشاء الله علينا …؟؟؟