شو تنصحونا نسير عند اي معهد ندرب و بعدين نمتحن ؟؟
هل عندكم أسم كتاب معين فيه كلمات بتنفعنا ؟؟؟
مممم
يله بنات أطرحو اسئلة عشان نستفيد و نفيد ؟؟؟
بس المشكله انها بالانجليزي
بس نصيحة ماشي احسن من المعهد البريطاني
لان المدرسين اجانب وخبره
بتستفيد وااااااااااااااااااااااي
المواقع موجوده فيها اختبارات استماع وقراءه وحتى كتابه
نصيحه انا استفدت وايد من القواميس كنت احدد كل اسبوع تقريبا من 10 الى 15 كلمة احفضها
والقراءه الجرايد والمقالات الانجليزيه عليكم بمواقع السي ان ان والبي بي سي
لان معظم المقالات اتكون ماخوذه من هالمصادر
بس يظل المعهد افضل مكان
اي استفسار انا حاظره بس طرشوا لي رساله
وفي موقع تختبرين نفسج فيه بامتحان الايلتس انشالله بابعثه لج.
بس نصيحتي ركزي عالريدنك لانه اصعب شي ومن خلاله تتعلمين معاني كثيرةو غريبة اما الرايتنك والسبيكنك هو اللي ممكن يرفع درجتج اكثر .والله يوفق الجميع
سويت امتحان تحديد مستوى حطوني في لفل2
قالولي مايستوي تآخذين الايلس لين تتحسنين شوي
ويوم تسوين امتحان تحديد المستوى عالاقل لفل 54
ابـــى رايكم ممكن
اختكم الصدر الحنون2
مرحبا بنات … امممممم من خلال تجربتي
افضل كتاب ممكن تستفيدون منه هو:
Cambridge IELTS # Student’s Book with Answers
# = الجزء.. ترى الكتاب فيه اكثر من جزء .. وكل جزء فيه اعتقد اربع امتحانات ايلتس كاااااااامله مع اجاباتهن
يعني مثلا:
إمتحان رقم 1: reading + listening + writing+ speaking
إمتحان رقم 2: reading + listening + writing+ speaking
وجيه … لييين 4
و هذا شكل الكتاب .. من موقع جامعه كامبردج نفسها .. بس في الصورة مكتوب رقم 4 .. يعني الجزء الرابع … بس انتي تقدرين تاخذي اي جزء ما تفرق
https://www.cambridge.org/aus/catalog…=9780521544627
و نصيحه مثل ما قالت الاخت lucifer … اكثروا من الـ reading … خاصه مواقع الاخبار و جيه
يعني كل يوم الصبح ادخلي موقع اخبار بالانجلش و اقري … منها تعرفين العلوم و منها تتدربين خخخخخ
ترى جد .. لان القراءة تساعدكم في الـ writing .. لانج تقرين كلمات يديدة و تعرفين طريقه ربط الجمل .. وتقرين جمل مركبه و صعبه و تعرفين تهجئه بعض الكلمات الصعبه .. فهالشي يسهل عليج في الامتحان
و القراءة تساعدج في الـ listening .. لان الكلمات اللي تقرينها تصير مألوفه بالنسبه لج .. و يوم تسمعينها في الامتحان تكون اسهل في الفهم
و القراءة ايضا تساعدج في الـ speaking … لان تتعلمين كلمات يديدة .. و تقدرين تقولين جمل طويله و مركبه … و ما تفكرين وايد لين تدورين الكلمات المناسبه .. لانها بتي على لسانج على طول
و نصيحه حاولي يوم تقرين .. تقرين بصوت عالي .. منها speaking و منها listening و منها reading
هذا اللي عندي تقريبا .. وان شاء الله تتوفقن يااااارب 
و اي سؤال حاضرين ^_^
اممممم بالنسبه للمستوى .. اي معهد رحتي له ؟؟
اذا معهد موثوق و اوكيه … انصح تسمعين كلامهم .. وتحاولين تتدربين اكثر لمدة 4 شهور على الاقل .. و حاولي يكون تدريب بشكل يومي .. او على الاقل خمس والا اربع مرات بالاسبوع
و عقب ترجعين تسوين امتحان تحديد مستوى … واذا كنتي واثقه من نفسج .. على طول امتحني ايلتس بدون تحديد المستوى (طبعا بعد ما تتدربين لمدة كافيه)
واذا كان المعهد اللي سرتي له يعني مب موثوق وايد .. انصحج تروحين المعهد البريطاني و تسوين عندهم امتحان تحديد مستوى
وعلى هذا الاساس قرري
و بالتوفيييق ان شاء الله
