الوسم: البترولي

فديتكم ابغي ادرس ماستر ف المعهد البترووولي

بغيت اتخبركم اللي عندها حد من اخوانها و اهلها يدرس هناك ابغيها تسأله عن المكان و الجو و كيف الدراسة ؟

اترياااكم بليييز و لكم الاجر ان شاء الله

انا في جامعة زايد .. بس قبل قدمت اوراقي عندهم ( المعهد البترولي) واظني من شروط القبول إنه نسبتج لازم تكون 80% فما فوق.. عسب تنقبلين في وحدة من تخصصات الهندسة اللي عندهم.. ولازم تودين لهم شهادة ثالث تنوي مصدقة من قبل وزارة التربية والتعليم وشهادة اول ثنوي وثاني ثنوي.. وعقب اتسيرين اتسوين امتحان تحديد مستوى وعقب بيدقون لج اذا قبلوج عسب اتسوين الفحص..

مابا أزيغج بس ربيعاتي الي هناك يقولوون الدراسة صعبة.. وجي.. بس ينزلون لهم مكافأة مع فترة دراستهم وعقب ع طول يوظفونج عندهم.. لوتبين معلومات ازيادة.. بسيييييييير بدق لهم بستفسر ^_*

^_^

ومشكورات

أنا علقت >< بين أكثر جامعتين أحبهم فأبوظبي

المعهد البترولي ياللي حلمت فيه طول الثلاث سنوات الماضية
و جامعة خليفة ياللي كل الناس تتكلم عنها

فالمعهد سجلت هندسة كيميائية، و كتييييييير بحب الكيميا
و بجامعة خليفة سجلت هندسة طيران، و احتمال أغير التخصص لأجهزة طبية حيوية

المشكلة إني ما توقعت أبداً أبداً إني أنقبل فالمكانين

و الخيار بإيدي حالياً بس ما بعرف شو أختار
و بدي نصيييحتكم ><

البترولي يقدم وظائف روعة بعد سنين الدراسة و الكل يعرف هالشي
و جامعة خليفة فيها جو الدراسة خطيييير و روعة

كل الجامعات ما همتني إلا هالاتنين

صليت استخارة لكن ما عندي أي فكرة شو أختار

و اللي عندا فكرة عن الموضوع، ممكن إني أأجل سنة دراسة بجامعة خليفة؟ عأساس أشوف المعهد البترولي أول سنة لو ارتحت فيه بكمل و لو ما ارتحت بكمل بخليفة ولا لأ؟؟

و مشكووووورااات على مروركم
و شكراً مسبقاً عالنصائح

و مبارك عليكم الشهر

المعهد البترولي اعرف وايد بنات فيه

بس كرف كرااااااف والدوام من 8 اظني لين 1 مادري 2

واذا باصات لين 5 تتريين الباص

مممم

ماعرف حبوبه جوفي اللي يريحج

والله يوفقج

خلص إن شا الله بدرس بالبترولي، كلها 4 سنين و الله يكون معنا و مع كل بنات الجامعة

مشكووورااات على مروركم الحلووو

شكرااا

للغير مواطنات النسبة لازم تكون فوق ال 95% و الآيلتس فوق ال 6.5
و لو أخذتي التوفل عادي مو مشكلة بس بعد يبون نسبة عالية

الدراسة مجانية، بتوقعي معاهم عقد إنك بتلتزمي بالدراسة و بعدها بتشتغلي معهم بعدد السنوات ياللي درستيها إجباري يعني ما في إنسحاب عالأقل لثمان سنوات

و موفقة