الوسم: البحريه

سلام عليكم

ابا طريقه سهله بنات ممكن

موفقة

طريقة الشوربة البحرية مع الاخت غموض

https://forum.uaewomen.net/showthread.php?t=617277

مشكووووووووووووووورة

السلام عليكم ورحمة الله وبركاته

بغيت استفسر من يعرف هدى فارس عنتابلي للعلاج الطبيعي للموجودة في بوظبي

ماعرفها ربي يشافي مرضانا ومرضى المسلمين

السلام عليكم والرحمه ,,

شحالكم ,, ربكم الا بخير ,,,

حبيت اسأل اذا حد يعرف طريقه الشوربه البحريه الي فالقريه التايلنديه >>>> القريه <<<

تكوون سبايسي

وووو طريقه الربيان الي يكوون مع الصووص ,,,,, بلييييز الي يعرف لا يبخل علينا ,,

^_*

ووين ممكن اطلب الشوربه –\– و الربيان مع الصوص غير القريه ,,,

والسمووحه

الشوربه اسمها توميام

بتحصلينها في المطاعم التايلنديه فيه في المولات مثل العربي سنتر مطعم تاي

وفي في جابنغو

التوميام سهل و بتحصلين صلصه التوميام في القريه التايلنديه محل مجابل المطاعم مالهم
المقااديـــــــر

5 اكواب ماء مغلي
lemon grass(عشبة الليمون أو ضلع شاي اخضر ) استخدمت المجفف يفضل الطاازج
ورقتان ورق ليمون
ورقة غار
ورقة كااري
قرن فلفل حار مقطع
4 حباات فلفل شيري مخرمه
بصله صغيره
نصف حبة زنجبيل مقطعه
ثوم
بصله صغيره مفرومه
بصل اخضر مقطع
حبة طماطم كبير مطبوخ ومقشر
ملعقتين صوص السمك
بهاارات التوم ياام او معجون التوم ياام (استبدلته بـمسحوق التمر الهندي بالفلفل الحار من كنور
و ماما سيتا خليط صلصه حاره
شطة حاره تبااسكو
حبتين حبار مقطعه دوائر
ربع كيلو جمبري جامبو
ربع كيلو سمك فيليه

الطريقه

في قدر نضيف الماء المغلي ومن ثم نضيف (الزنجبيل-الليمون
-ورق اليمون والكاري –ورق الغاار-البصل الاخضر والبصله الكامله

نضيف ملعقتين من مرق السمك
نضيف الفلفل
وكل ماكانت حاره كانت اطعم والذذ
ونتركه يغلي لمدة عشر دقايق
نضيف عصير الطماطم
وبعد الغليان نضيف السمك –الحبار-الجمبري
ونضيف توابل التوم ياام ملعقه صغيره من كل نوع
وفي اثناء الطبخ

تحمر البصل والثوم في ملعقة زيت نبااتي نضيف قطع الطماطم ونتركها تتسبك ثم نضيفها للقدر وهذا بعد الاضافه نشاهد ان لون الشوربه اختلف نتركها خمس دقائق ثم تقدم

وانا ابغي بعد المقادير

ان شاء الله اللي تعرف ماتقصر خيتو

ريلي قام يمدحها لي وقالي الا اشتريها لج واشتراها لي من القريه التايلانديه قالي بتشربينها هني قلتله لا ونحن طالعين بشربها فالسياره المهم اول شي عيبتني وقمت اكل الربيان واشرب الين شبعت الحمد الله وعقب ربع ساعه حسيت عمري خلاص بمووووووت ابغي ازووووع وأخيرا ريلي يابلي كيس وطلعت الاولي والتالي من بطني ومن الخاطر خخخخخخ اكييد لوعت بجبودكم وحرمت اشرب شوربه بالربيان

مشكورةاختي هوى الروح

شكلها روعه

وانا شاء الله هاي هي الشوربة

السلام عليكم والرحمه

شحالكم خواتي

بما أنكم ماشاءالله اتعرفون تطبخون
ابي أعرف كيف شكل العلبه اللي فيها الحبار والربيان والمحار يعني المشكله

ممكن اللي عندها اتصوره لي ..بليييييييييييييييز..

وسامحوني لاني مبتدئه

وينكم

والله انا مثلج ابغي اسوي شوربه المأكولات البحريه وما اعرف وريلي يموت فيها

ان شاء الله تلاقين الطلب

بنات ساعدوني

وانا بعد احب شوربة الماكولات البحريه .. اللي عندها فكره ياليت تساعدنا

فالكن طيب …هذي صورة السي فود والروبيان من النوع الجومبو احلى يكون وانا ما استخدم غيره ..وصورته الحين لكم لاني اجهز لفطور اليوم مسويه سي فود وسمبوسة وثريد ….

والصورة بالمرفقات

والله يتقبل منا ومنكم الطاعات

تسلمين فديتج

بس هالاشياء اللي حطيتينها كلها موجوده في الثلاجه ولا اشتريها بالكيلو

فيديني أكثر

واشكرج مره ثانيه

مرحبا خواتي

للرفع

شاآمل للاكلات البحريه :-
https://t.co/rbMEZwLjâ€‌
💭💭 💭💭 💭

الموقع غلط

السلام عليكم

مقادير الشوربه سهله و مفيده

3 حبات جزر
3 حبات بطاطا
2 حبه بصل
علبة قشطه
3 ملاعق نشا او طحين رقم 1
2 مكعبات ماجي

الطريقه
نقطع الخضار حلقات و توضع في قدر على النار مع اضافه الماء و الماجي حتى تنضج
نطحنها في خلاط العصير و نحط معاها النشا بالتدريج
توضع مره ثانيه على النار خمس دقائق
عند التقديم نضع القشطه و نحرك بالسلك
و بالهناء و الشفاء

مشكووووورة,,,,أنا نباتية و أحب الخضاااااااار والشوربات

أكيد هالشوربة روووووووعه

مشكوووووووووووووره

مشكووووورة يالغااااااااااالية ..
ويعطيج ألف ألف عااااااااااااافية ..

ان شاء الله اتجربونها و تعجبكم
مشكورررررررررررررين يا حلوات على الردود

السلام عليكم شحالكن ؟
خواتي ابا اسألكن للي تعرف…..ف مطعم الشوكه الذهبيه الشوربه البحريه اللي لونها اصفر ونفس الكريما…..اريد خطواتها بالتفصيل وبالظبط لو سمحتن….ريلي حشرني يباني اسويها فالبيت وانا ماعرف….اترياكن ومشكورات مقدما

الغاليه أنا اسويها في البيت وتطلع روووووووووعه …ما يتمّ منها شي

المقادير …

مؤكولات بحرية مشكله … (حبارّ، ربيان، قباقيب….) ..قطعيهن بحجم مناسب للأكل
2 كيس بشاميل..انا استخدم كنوز احس بها احس نوع + م2 لعقة نيديو
بصل + بطاطا
مرق ماجي
فلفل + ملح
زعفران

أول شي ….

فوري المؤكولات البحريه مه المرقع عشان ريحة الزفره …..لين ما تنضج ….و عقب حطيههن في مشخله على طرف عشان الماي
و فوري البطاطا والبصل على طرف …. لين ما ينضج و عقب بالخلاط … بيستوي عنج صوص .. كثيف شوي

نودن الزعفران في فنجان ماي حار على طرف

الحين انيب جدر …. نحط فيه 4 اكواب إلى 5 أكواب و نضيف عليهن النيدو

نخلطههم و نضيف الباشميل عليه ونخلطهم وعقب نحطه على نار متوسطه كأننا نسوي صلصه لمعكرونه الباشميل

يوم بنشوف الخليط استوى سميك …. نضيف صلصله البطاطا والبصل اللي سويناهن في الخلاط

نضيف المؤوكولات البحريه + مكعب ماجي + الزعفران + الملح + الفلفل الاسود

الحين نخلطهم واذا شفنا الشوربه وايد كثيفه ممكن نضيف ماي …. لين ما نحصل على السمك المرغوب

واهم شي نبد النار عن الشوربه ..ونخليها فتره لا تقل عن النص ساعه وشوفي الطعم

لذيذه وبيستانس ريلج عليها

بالهنا والشفا
وادعي لنا

مشكوووووووووووووره وايد وايد اختي على الوصفه الحلوه والسهله بعد مب معقده وايد نفس ماكنت اسمع…ان شاء الله في ميزان سناتج….بس بسألج …الحبار….يوم نشتريه يكون اصلا مقطع على شكل حلقات والا نحن اللي نقطعه جي؟
واذا بالمره بعد تعرفين عن الشوي…نحن شي قبل على المأكولات البحريه قبل لا نشويهن؟وكييف ممكن اشوي بس على الغاز بدون ظو؟يعني مثلا شو ممكن استخدم التاوه والا شي غير؟واسمحيلي ادري تعبتج وااايد وياي بس تاخذذين فيني اجر

لا عادي عزيزتي

بالنسبه للحبار اذا سرتي الجمعيه قولي له يقطعه لج حلقات ..تخصصهم ..وهم ّ اللي يقصونه لي

بالنسبه لشوي المؤكولات البحريه …أنا اشويهن في الفرن …. خاصه الربيان الكبير …. هذا تخصصي

اول شي افورّ الربيان مع فلفل وملح … او اي شي ثاني تحبينه

انشفه عن الماي عقب ما يستوي

اييب طاسه …احط فيها ثوم مدقوق + فلفل حلو + البهارات اللي احبها + فطر طازج + الخضار اللي احبها بشكل عام

وشويه لومي وآخر شي الزيت زيتون …آخر شي اضيف له الربيان

اخلطه عدل … أتأكد ان الصوص تداخل ويا الربيان ..اخليه نص ساعه على طرف ..قبل التقديم بنص ساعه احدره الفرن

بيحمرّ الربيان و ريحته بتكون واااااااااو …لذيذ ….و عشان اني احب الحموضه…أزيد عليه شويه ليمون

وبالهنا والشفا

عزيزتي يا ورد

ها وصفتين والا وحده

واسمحيلي انا ميح في المطبخ

والله يعطيج العافيه

أنا شارحه لها وصفتين

الشوربه البحريه

والربيان المشوي في الفرن

يعطيج العافية اختي على الطرق

بس الشوربة البحرية يكون فيها الفلفل الحلو وفطر بعد

والزعفران احسه ان بيعطيه طعم غير بس يبالي اجربه قبل

بغيت اعرف طريقة الشوربه البحريه نفس اللي يسوونها في الشوكه الذهبية

هلا اختي تغسلين ثمار البحر .. وبعدين تفورينهم مع حب هال وقرفه وفلفل اسود .. وتخلينه صوب عقب تشيطين البصل شويه مع الزيت الزيتون بس شويه وبعدين تحطين الزنجبيل مدقوق شويه ونص كوب ماي ومكعب ماجي وكزبره ناعمه .. عقب تحطين الثمارالبحر عقب اتيبين كوب فيه ماي الي مفوره فيه الثمار وتحطين عليه.. عقب تيبين كوب ماي وضيفين عليه ملعقه حليب نيدو وملعقه طعام نشا وتخلطينه زين وظيفينه حق الخليط وتخلينه على نار هاديه … والسموحه اختي

المقادير
ربع كيلوغرام من المحار
200 غرام من الجمبري
400 غرام من السمك الأبيض الفيليه
4 أكواب من مرق السمك
ثلث كوب من الدقيق
كوب من الكريمة
1 حبة البطاطس
1 عود كرفس
ا حبة جزر
1 حبة كراث
60 غرام من الزبدة
ثلث كوب من البقدونس
ملح
فلفل أبيض
الطريقة
يحمر الكراث و الجزر و البطاطس في الزبدة حتى تصبح طرية
يضاف الدقيق و مرق السمك و يحرك المزيج و يبقى على نار هادئة مدة خمس دقائق
يضاف السمك ثم المحار و الجمبري و الكريمة و الملح و الفلفل الأسود و تخلط المقادير جيدا إلى أن تسخن ثم تقدم

أنا طريقتي مختلفة تماماً اخترعتها بروحي ونالت إعجاب الجميع… جربيها وادعيلي… فوري على النار بطاطتين صغار مع كوستين مع جزرة كبيرة… حطيهم بالخلاط مع مكعب ماجي وملعقة حيب بودرة ونص قوطي قيمر… قلي شوية بصل وضيفي بعدين ثمار البحر المفورة على خفيف … ضيفي الخضار اللي في الخلاط وبعد ما اتفور شوي حطي فوقها علبة جبن كرافت الأزرق صغيرة أو وسط وحركي لأقل من دقيقتين لغاية ما يذوب الجبن وطبعاً لا تنسين الملح والفلفل الأسود… وهني وعافية…. ولما اتجربينها قوليلي رايج..