الوسم: البرولكتين

السلام عليكم ورحمه الله وبركاته

شحالكم خواتي عساكم بخير

خواتي انا عندي هرمون البرولكتين ( هرمون الحليب ) دايما يرتفع

يوم اخذ حبوب دوستنكس ينزل و من اخلص الحبوب على طول يرجع يرتفع

المهم … الدكتوره قالتلي ان هالهرمون مرتبط بالغدة الموجوده فالراس

لازم اسوي اشعه سيتي سكان لان يمكن يكون في ورم لا سمح الله

بغيت اسالكم اذا لا سمح الله طلع في ورم كيف يكون العلاج ………..

وادعولي خواتي بالحمل السليم

الله يرزقج بالذريه الصالحه ويعوضج خير نزل الجنين ولا بعده ؟؟

حبيبتى اشربى البردقوش هو اللى يضبط الهرمون

الغالية افحصي الغدة الدرقية يمكن فيها خلل انا نفسج بالضبط

لا تحاتي فديتج انا قالتلي سويها وسويتها بس ما طلع شي
اشربي بردقوش ومرمريه كل يوم 3مرات بعد الاكل
وابتعدي عن الدجاج واللحوم والاجبان
يعني سوي رجيم

هلا اختي انا مثل حالتج عندي هرمون الحليب يرتفع وتلخبطت الدورة عندي
يوم فحصت طلع عندي غدة درقيه استمريت شهرين ع دوا الغدة بس الغده انتظمت
والهرمون مانزل سولي فحص الرنين المغاطيسي للراس طلع عندي ورم صغير بالغدة النخاميه
بس الدكتور قالي ورم حميد مايخوف وصفي دوا البرولكتين عقب شهرين رحت له استغرب مانزل وايد شوي
والشهر اللي عقب شربت البردقوش تقريبا اسبوع اول اقل يوم رحت للدكتور نزل للمعدل الطبيعي وانتظمت دورتي وخففلي الدوا ومشكلتي تركت شرب البردقوش ولخبطت اسبوع بالدوا نسيت اكله ورجع ارتفع مره ثانيه وتلخبطت دورتي والحين
لازم اسوي الاشعه مره ثانيه

الله يعينه ويشافينه الصراحه للحين ماعرف شواسباب هالغدد عندي من عرست طلعت البلاوي فيني
ولا قبل العرس مافيني شي وكنت ضعيفة والحين متنت دبلات وزني لو اسوي دايت ماينزل بسرعه
الله يرزقج ويرزقني بالحمل السليم المعافى ويرزق كل محرومه

سوي حجامه وايد بتفيدج