السلام عليكم
شخباركم بنات شو صحتكم
صارلي فتره طويله ما نزلت تقارير ….هالمره تقريري ان شا الله يكون مميز عاد
زيارتي لفندق شانغريلا قرية البري (أبوظبي) كان بالصدفه وغير مخطط
من التقرير بتعرفون شو السبب
>>>>>>>>>>>>>
الفندق من 5 نجوم
وموجود في بوظبي منطقه بين الجسرين
وهو مجمع فندقي فاخر يقع على الشاطئ ويطل على مسجد الشيخ زايد الشهير. ويوفر المجمّع تشكيلة متنوعة من المرافق التجارية وسبل الترفيه، بما في ذلك المنتجع الصحي "تشي" والفلل والشقق الفندقية والغرف والأجنحة الفاخرة.
سعر الليله كانت ب1100 بس ضنتي مع الخصم عشان دوام ريلي
………………………………………….. …………………………
نبدا بسم الله
قبل العيد قررنا نروح مكان نغير جو
في البداية كنا ناويين نروح تايلند بس تفاجأنا بالفيضانات
وكنسلنا السفره
وما لقينا غير دول الخليج ..بما انه السفره كانت ريلكس
اخترنا منتجع بر الجصه في سلطنه عمان مسقط
وبما انه الرحله بس 4 ايام قررنا تكون السفره بالطياره
على اساس ما يضيع اليوم علينا ونوصل تعبانين بالسياره
وحجزنا التذاكر + 3 ليالي + سياره تستقبلنا من المطار للفندق وتردنا من الفندق للمطار
تكلفه كامل = 6700
بعطيكم تفاصيل في التقرير الثاني
طلعنا الساعه 6 الفير متجهين للمطار …وصلنا الساعه 7 ![12 (76) خليجية](images/smilies/part1/12 (76).gif)
اول مره اشوف المطار زحمه ب هالشكل ..امه امه تقول يوزعون بيوت شعبيه
وطيران الاتحاد خابصين الدنيا حمود على عبود
مب محددين كل رحله والسير مالها الكل مع بعض
يعني شو هالذكاء ناس تكون رحلتهم بعد ساعه وناس بعد 10 ساعات ومعطلين السير
ما قدرنا نوصل ندخل الشنط …… من الزحمه
وراح ريلي كلم واحد مسوول قاله ما اقدر اساعدكم ناس يايه قبلكم ولين الحين مب قادره ..![12 (98) خليجية](images/smilies/part1/12 (98).gif)
وطارت الطياره علينا
قالنا المسوؤل خلاص بحط اساميكم على طيارت الليل ..الساعه 9
قلنا خلاص وردينا ونحن متحطمين لان المفروض نوصل مسقط الساعه 10 الصبح
وراعي السياره يتريانا في المطار
وحجز الفندق بنتاخر عليهم
بس قلنا كل شي خيره
ونحن رادين في الدرب قال ريلي دام كنا بنروح شانغريلا
خلينا نيلس في شانغريلا لين وقت الطياره ![12 (101) خليجية](images/smilies/part1/12 (101).gif)
واتجهنا واستقبولنا بالتمر وقهوه
وخلصو الاجراءات بسرعه ..
واستلمنا بطاقه الغرفه
هذا الاستقبال
لفت
![خليجية](https://www.mba7th.com/7bi_alain/27122017ff.jpg)
حبيتهن
باب يودي للغرف
رقم غرفتنا
باب بين غرفتين
يتبع ……………..