الوسم: البشره

انا الحمدلله وحده تهتم ببشرتها .. والحمدلله بشرتي صافيه وبيضا
استخدم كل المقومات للحفاظ على بشرتي الا شي واحد !!

شي ما ادري كيف كنت مهملتنه !
اللي هوه " المــاسك "!

اكتشفت اني ما احط ماسكات موول على ويهي يوم يلست افكر
احط خلطه العروس على ويهي اسبوعيا بس ما اعتبره ماسك ما ادري ليش

ابا نصايح عن ماسكات انتو (مجربينها) وتفيد البشره
اسامي ماسكات او ماركات ممكن تفيدني وتغذي البشره
لانه معروف الماسك يعطي نضاره وصحه للويه
والحمدلله ويهي ما فيه شي بس احس بنقص لاني ما استخدمهن

والسموحه

للرفع ^^

وبعد جربت ماسك البيض والحليب بعد طبيعي

أحلا شي يوم اتحطين شي طبيعي

جربي وانشالله بتحصلين نتيجه حللوه

ويوم يبت منه ع طووول خلص ^^ من يومين يايبتنه وباقي علبتين ><

وايد مفيد ينفخ الويه ^^

بانتظاركن صبايا

where re u girls !

come on help me

المشاركة الأصلية كتبت بواسطة نجدية تاجرةSA

ياقلبي انتي .. انا بشرتي عاادية لكن بنت خالتي بشرتها مختلطة ومره تعبانه منها وصارت تستخدم صابونات تبيض او طبيه شوفي بروح اسأل بنت خالتي اشوف شنو جدولها وارد لك خبر ياعمري

حيالله اهل السعوديه ..

اتريااج قلبي ..

UP

للرفع

وصالون بيلادونا مجرد تنظيف بدون تبيض اعتقد… بس تنظيفهم حلو وكله بزيوت الصينيه

في الانتظار

https://www.uaewomen.net/showthread.php?t=50593

بس اذا ماظهر والصور سوي على الصوره كلك يمين واختاري (Show Picture) واذا ماظهرو بطرش لج عالخاص

قبل لا تبدين غسلي بشرتك بصابون مناسب ولا تحطين على بشرتك أي شي

اول شي :

اعملي سنفره خفيفه لبشرتك واقصد فيها بدون فرك قوي

ثاني شي :

تنظيف البشرة بالملك (الحليب المنظف) لمدة 3- 5 دقايق
الطريقه: حطي الملك على بشرتك وخليه ثواني بعدين خذي القطن الخاص بالبشره وامسحي فيه الملك مع ضغط خفيف بس مو تضغطين حيل واذا راح الملك حطي طبقه ثانيه ومسحي بعد وكرري العمليه لحد ماتحسين ان بشرتك صارت نظيفه واذا ما تعرفين سويها لمده 3-5 دقايق
وبعدين شليه بغسل وجهك بالماء الفاتر وشوييييية صابون

ثالث شي:

استخدمي البخار للبشره لمدة تستطيعين ان تتحملينها يعني مو تختنقين على بالج ان الفايده اكثر واحسن لا خليه لمده تتحملينها ولا تقربين وجهك على جهاز البخار بشكل قرييييب حيل على بالك انك شاطره لا ياقلبي خلي البخار يلامس وجهك وبشرتك عن بعد واذا كنتي ماتملكين جهاز بخار استخدمي ماء حار عادي واستفيدي من بخاره او حتى بمغسلة الحمام افتحي الماي الحار واستفيدي من بخاره

رابع شي :

استخدمي كريم تقشير لمدة 3-5 دقايق ويفضل ان يكون من ماركه طبيه وغير معطر او اذا ماكان عندك استخدمي عيش مطحون او دقيق النخي او حتى دقيق عادي او شوفان .

خامس شي :

استخدمي خلطة تفيد بشرتك مثل خلطة البطاط اللي تكلمت عنها او أي خلطه حلوه ومفيده وترطب استخدمتيها وناسبتك بس ها بدون ليمون لان البشرة بتكون مساماتها مفتوحه وتكون ناعمه وخفيفه بعد التنظيف اللي سويناه
وبعد ماتحطين الخلطه على بشرتك استخدمي جهاز البخار واذا ما تبين مو مهم بس خلي الخلطه فتره .

سادس شي :

اغسلي بشرتك بماي فاتر وجيبي اللزقات اللي تشيل الزيوان ( النقط السودة ) وفي منها للانف وللحنك وللجبهه استخدميها .

سابع شي :

استخدمي ماسك على بشرتك واذا ماعندك ماسك احسن استخدمي شي طبيعي مثل بياض البيض مع نشا او أي شي قابض للبشره والمنتدى مليان ماسكات بس ها مو خلطه ماسك يعني تحسينه يشد البشره وبعدين شيليه بماي فاتر وحطي ماي ورد وكريم مرطب

ودمتم

يعطيج العافية

دمتي بود

مرحبا يابنات

موضوعنا هذا بيكون للبنات النشيطات واللي يحبن يخدمن غيرهن
يعني ماشي مكان للكسولات ….كيف ؟؟؟؟ بخبركن
موضوعنا بيكون عن المشتريات الخاصه بالبشره سواء للوجه أو الجسم بس محصور بالكريمات والماسكات والصابون والبودي شاور وهالسوالف ….يعني ماشي مكياج ولا شامبو

أهم نقطتين
1- ان المشتريات تكون من السوق مب من تاجرات المنتدى
2- ان المشتريه جربته وتكتب لنا تجربتها مب توها شارتنه وتنزل الصور ……نبغي التجربه
وياليت لو كل بنت تحط الصوره وتكتب السعر ومن أي محل عشان يكون واضح للبنات الموضوع
حتى لو كانت الصور من النت عشان تكون أوضح

طبعا الفكره انطرحت من قبل بس ما حسيت ان في تجاوب من البنات مع اني اشوف ماشالله كل يوم وحده مشتريه شي وتتكلم عنه …
يللا شدوا حيلكم وراوونا مشترياتكم وتجاربكم حتى لو كان المنتج مب شي وخسارة البيزات فيه اكتبي هالشي عشان غيرج يستفيد[/COLOR]
والموضوع الحين مثبت عشان كل حد يدخل المنتدى يشوفه ويشارك فيه وبعد عشان يكون موجود دايما في مكان ثابت والبنات ماتدوره يوم ينقز ورا

أنا أول وحده ببدأ

من فتره لفتره أحب أغير المستحضرات اللي أستخدمها أحيانا من الملل وأحيانا من باب تجربة شي يديد وأحيانا ايدي تحرقني وابغي أصرف بيزاتي (أحيانا مب دايمه عشان ماتقولون عني مبذره)

الأسبوع هذا جربت منتجات no7 من بوتس

1-غسول الوجه المبيض (فكرت أجربه يمكن ينفع حق بقع الكلف اللي مضايقتني)

يناسب كل أنواع البشره هو مبيض ومرطب في نفس الوقت وصدق يترك البشره بحاله ممتازه مقارنة بالرغوات الثانيه المبيضه اللي تترك البشره جافه جدا من تأثير المواد اللي فيها يحنوي على حبيبات قليله وناعمه ع البشره لانه للأستخدام اليومي وتكفي منه نقطه صغيره لغسل الوجه والرقبه
وسعره 70 درهم
==========================================

2- تونيك تنشيط البشره بعد غسلها

خفيف ع البشره ومايسبب تهيجها
=========================================

3- كريم العيون

يساعد على شد الجلد وتماسكه وسعره 95 درهم
عيبني ترطيبه لمنطقة العيون وانشالله اييب نتيجه في تماسك المنطقه (أخاف من التجاعيد)
===========================================

4- سيروم البشره

يستخدم قبل كريم النهار والليل …أنا جربته قبل الفاونديشن بعد وايد حلو خصوصا لو كان الفاونديشن بدون زيوت ومن الأنواع الجافه يخلي البشره حلوه والفاونديشن ثابت بطريقه تعطي الوجه نضاره
صدق عيبني وسعره 130 درهم
===========================================
5- كريم النهار مرطب وشاد

كريم مرطب وشاد للوجه حلو للبشره الجافه والمختلطه بس عامل الحمايه فيه قليل وهو 8
بس ممكن تحطينه يوم ما بتظهرين في الشمس أو يوم اللي تكونين بالبيت …يعطي رطوبه للبشره حلوه خاصه في جو المكيفات اللي يشفط الرطوبه من بشرتنا
===============================================

6- كريم الليل مرطب وشاد

من استخدمته حسيت يوم انش الصبح بشرتي مرتاحه وايد …خفيف ع البشره لكن يرطبها طول الليل

بنات …المستحضرات اللي ما كتبت سعرها ما خذتنها FREE لان الحين عندهم بروموشن :
تشترين 2 تاخذين الثالث مجانا ….المهم هالاشيا طلعت الفاتوره ب 410 درهم

الصور حطيتها من النت لأنها واضحه أكثر عن تصويري
يللا الحين دوركم

بالنسبه لي بشرتيه بالقووو دهنيه وحاليا اعالجهااا بالروكتان

بي من الاشياء اللي حسيتهااا فادتني هالغسول كلمة روعه شوي عليه اسمه تي تري

وباقي الاغراض بجربهااا وبشوف نتايجه وبكتبه اهني ان شاء الله ^^

ما احب استخدم كريمااات لبشرتيه ولو استخدمت ما اداوم عليهااا

من ماركة كفرديرما

اول واحد :

بيس يستخدك قبل المكياج و اي وقت وهو بنفس الوقت كريم حماية يستخدم في الليل و النهار

ريحته حلوة وخفيف وانا بشرتي دهنية ما سبب لي اي حبوب الحمدلله

ثاني واحد :

سيروم للتجاعيد استخدمه للرقبه اكثر شي لانه فيها خطوط ولاحظت انه نعمها وبعدني بستمر عليه
وهو للوجه ايضا و لمنطقة العين ويستخدم في الليل و النهار

وهذا مرطب للشفايف من نيتروجينا خفيف وحلو واستخدمه من فترة طويلة + زبدة الشيا الخام بين فترة وفترة

بخصوص الاسعار ما اذكر كم

الكريمات شوي سعرهن غالي يعني واحد منهم 99 وفي واحد سعره 100 وشي
والمرطب ما يتعدى 7 دراهم

ممتاز للبشره اللي فيها حبوب مكونها الرئيسي زيت شجرة الشاي المعروف بتطهيره وتعقيمه للبشرهوبعد حمض جوز الهند والجلسرين …..ريحتها مثل الديتول وهالسوالف ….السعر ما حيد كم بس مب غاليه وايد مقارنة بالمستحضرات الشبيهه ….مصنوعه في استراليا
وهي من شركة :THURSDAY PLANTATION ومكتوب عليها
TEA TREE SKIN CARE SOAP
CLEANS AND PURIFIES

موجوده في الجمعيات وكارفور

ومن فتره اشتريت كريم فيتامين سي من الصيدليه كنت بحطه في لوشناتي بس تعايزت اسوي لوشنات وقمت روحي استعمله وصدق فظيييع للبشره

بصوره لكم عقب شوي

غسول بيوديرما للبشرة الدهنيه والمختلطه .. وسعره بـ95 درهم

استخدمة 3 مرات فاليوم .. يتظف من الخاطر ولا يسبب جفاف للبشره ..

كريم النهار – سعره 80 درهم

اللي عندي helps to eliminate spots – limits the formation of marks
اثنيينتهم نفس المفعول .. بس لاني ماحصلت له صوره
المهم انه خفف لي البقع و الحبوب بنسبة 95 % .. استخدمه الصبح قبل واقي الشمس ..
شفت مفعوله تقريبا بعد اسبوعين ونص مع الانتظام يومياً ويا كريم الليل .. ويرطب البشرة ويخليها ناعمه
بس ماشفت له تأثير على الدهون فـ منطقة الـT زون

وهذا كريم الليل – 77 درهم

السن بلوك من كفرديرم – ماحيد سعره

اللي عندي نسبة الحمايه فيه 100 .. الحلو فيه انه قوامه خفيف ووتربروف ف يثبت طول اليوم

يتبع لاحقـاً ^ ^

بليز بنات انا عرسي قريب واريد احسن مكان في ابوظبي عشان يسون التنظيف البشره
والي تعرف بلييييييييز تقولي لاني في هاذا الاسبوع اريد اسوي
ويزاكم الله خير

سيري مركز ريفيرا للتجميل وايد أوكي بالنسبة لي ويقولون صالون وردة بس ماجربته ..

سيري مركز ريفيرا للتجميل وايد أوكي بالنسبة لي ويقولون صالون وردة بس ماجربته ..[/QUOTتسلمين حبوبه