الوسم: البشرية

ماجستير الموارد البشرية كلية الافق الجامعية

السلام عليكم ورحمة الله وبركاته
تم تسجيل زوجي في ماجستير ادارة اعمال الموارد البشرية كلية الافق الجامعية
هل يوجد احد يفيدنا عن هذا التخصص هل من الاخوات درسن هماك

ان شاء الله حد يفيدك ويفيدني
لاني افكر بماجستير الموارد البشرية حاليا

موفقه الغاليه.. اختج @مبدعه@

الله يغفر لكم ولوالديكم جزاكم الله خيرا
لايوجد احد يساعدنا

ان شاء الله حد يفيدج حبوبة
للرفع ^^

ان شاء الله البنات بيساعدونج
بالتوفيق

mis أو إدارة الموارد البشرية تعاااالو بنات أحتاج آرائكم !!

بسم الله الرحمن الرحيم
السلام عليكم ورحمه الله وبركاته

كيفكم صبايا ؟؟

حابة اسألكم عن التخصصين الـ mis و إدارة الموارد البشرية .. في جامعة أبوظبي ؟

شو المواد الي حدرسها في التخصصين .. أو طبيعه المواد الي حتكون ضمن الخطه .. وطبيعة العمل مستقبلا خليجية ؟؟

وشكرا خليجية ..

up up up

ليش ما تسألين الارشاد في الجامعه نفسها ؟؟

up up

مشكورين بنات وياريت الي عندها خلفيه تساعدني

زوجي الحين يدرس ماجستير موارد بشريه بس ما اعرف والله كيف دراستهم

بنات تخصص الموارد البشرية ماجستير في جامعة بوظبي اريد حد يجاوب على أسالتي

السؤال الأول كم مره لازم نداوم في الأسبوع ؟

الأمتحانات كيف تكون ؟؟صعبه سهله و لا كيف ؟؟؟

البرجكتات ؟؟ كيف شغل جماعي و الدرجه كيف تتوزع ؟؟

هل في بحث تخرج ؟؟؟ أو أمتحان تخرج ؟؟

هل تنصحوني اسير اسجل يوم الاثنين و ابدأ الدراسة و لا كيف ؟؟ أتريا لين شهر ؟؟9

منوو فيكم يدرس من زمان في جامعة بوظبي و تخصص موارد بشرية ما جستير ؟؟؟

اتصلي عليهم هم أكثر بيفيدونج الله يوفقج

انا ما عندي خلفيه وفي انتظار حد يجاوبنا

لاني توكلت على الله وسجلت … وخطيت الخطوة الاولى … في نفس التخصص و ببدا في فبراير ان شاء الله

أختي اتصلي على فرع العين احس بيفيدونج لان معظم اللي يداومون فالريجستريشن يدرسون ماجستير فالجامعه فأعتقد بيجاوبونج من خلال تجربتهم

والله يوفقج

للرفع

ياليت الي عنده خلفية يرد علينا

I have no idea
(UP…UP)

سؤال عن دبلوم الموارد البشرية

السلام عليكم ورحمة الله وبركاته حباايبي بس عندي سؤال وين ممكن ادرس دبلوم ادارة التنمية البشرية في دبي ؟؟؟

لرففع

اللــه يوفقج ويرزقج بالعلم النآفع ، ،

ماعرف وين ف دبي
بس موفقه ان شاء الله
خليجية

امممممممم للرفع

up

up

لاسف ما اعرف الله يوفقج ختية

بنات الموارد البشرية دخليكم

خواتي اللي يشتغلن في الموارد البشرية دخليكم طلبتكم اللي عندها في المكان اللي يشتغل فيه مطبقين مبادى لللاستئذان ممكن تفيدني دخليكم

هيه حبوبه
انا اشتغل في دائرة تبع حكومة دبي ونظام الاستئذان ساعتين في كل شهر من حقج تظهرين

أختي ممكن توضحين … لأني مافهمت شو اللي تبين تعرفينه بالضبط

الاستئذان عدنا 5 ساعات في الشهر في اي يوم واي ساعه بس المهم ما تتعدا الخمس ساعات

هي طول الله بعمرج أنا أداوم بدائرة حكومية والأستئذان عندنا 4 ساعات في الشهر من حقج ف اليوووم ساعتين من عدد 2 أذونات في الشهر

التنمية البشرية وتطوير الذات من خلال .

الـسَلام عليِكم ورحمة الله وبركاته

بما هذا القسم يتخص بتنمية البشرية وتطوير الذات

قـلت بقترح عليكم اقتراح وعسى يعجبكم ، في فترة من الفترات بنت أختي كان عندها بروجكت وكانت لازم تكتب عن أي حد ف أختارت علي الطنطاوي وأنا كنت وياها ( خلصينا إنزين ههه )

فقلت ليش مانسوي مثل ما قال الطنطاوي؟

(( إن قراءة خمسين صفحة لمدة أربعين يوماً يجعلها عادة لدي ))

( نحن أمة أقرأ ) صحيح !؟

فالنبدأ بالقراءة

الاقتراح هو : كل وحده تحط اسم كتاب قرته وكان حلو و امضت وقت ممتع وهي تقراه

بالمناسبة : أنا لا أحب القراءة أبدا بس لازم اغير من نفسي واكون مثقفة وواعية …. لأنه القراءة تعطيج معلومات كثيرة ، غير انج تتعلمين اللغة … ف اللغة تكون في الكتب سهلة وسلسة وصحيحة

مب بالضرورة يكون كتاب اسلامي … لا عادي … الي تبونه … سياسي اقتصادي اجتماعي ( مادام انه مايعارض الشريعة الإسلامية )

أنا قريت كتيبات صغيرة ( ف ماعتبرها قراءة )

ولكني قريت كتابين كبار فقط طول حياتي ههه : eek: وعجبوني

رواية : السجينة ( الكاتبة مليكة او فقير ) تحكي عن معانتها لمدة 20 سنة في السجن

كتاب : السر ( مؤلفين عده ) كتاب مترجم للعربية و مقصدهم ( الظن بالله ) بس انا قريت النسخة الانجليزية

يالله اقترحوا اسماء كتب جميلة

خليجية

للرفــــــــــــــــــــع

وعليكم السلام ورحمة الله وبركاته

زين والله ياختي حلوه القرايه

انا بعد قريت رواية السجينه

فكرة حلوة غاليتي خليجية

في وايد كتب قريتها وما عرفت شو الي أحط ^^

بس أقرأ للدكتور طارق السويدان

للدكتور صلاح الراشد

للشيخ محمد العريفي

وأقرأ لكتاب أجانب بس ما قدر أكتبهم ^^

قصص الأنبياء

السيرة النبوية

علامات الساعة الصغرى و الكبري

الهرمجدون

فتاوى للمرأة

كليلة و دمنة

كيف تجعل الحب يستمر إلى الأبد (للمتزوجين)

و وااايد كتب ماشالله عندي مكتبة كتب كبيرة بالبيت و مليانة بس ما خلصتهم للحين،،، القراءة وااايد حلوة

هلأاأ والله فديتج تقرين المرسوم في راسي من البارحة أقول اليوم ببدا القراءة والمطالعة بس تعرفين الهيازة وماتسوي تسلمين حبوبة شجعيني أكثر

وظيفة بالموارد البشرية

مراحب بنات و سيدات

خواتي ابي منكم مساعده دلوني على اماكن توظيف سواء عامة او خاصة

تعبت مالقيت وظيفة انا خريجه موارد بشرية (بكالوريوس)

عندي خبرة 3 شهور بدبي بشركة بريطانية معروفة

اتكلم 3 لغات بطلاقة (انجليزي وعربي وفرنسي)

دارسة خارج الدولة

وماعندي مشكلة بموقع الوظيفة (أفضل في دبي او بوظبي)

والي ماعندها فكرة اتمنى ترفعلي موضوعي

شاكرة لكم وواثقة اني راح القى الي تساعدنيخليجية

بالتوفيق ان شاء الله

جربي طيران الاتحاد اتصالات او دو
ادنوك كله تقديم اونلاين

الله يوفقج يارب خيتو ادخلي على موقع وظائف الإمارات او بيت كوم ممكن تحطين سيرج وبتطلع لج الوظائف الشاغرة
واذا لج رزقة بتحصلينها

أدنوك فيها وايد وظايف

بالتوفيييييييج

اختى قدمي في توطين

عقب قدمي على ديوان الشيخ محمدبن زايد

وباذن الله تتسهل وظيفتج

اللي تداوم في الإتج آر او الموارد البشرية تنصحني شو اسوي !!

السلام عليكم خواتي

انا موظفة حكومية وقدمت طلب ترقية ومديري وافق وموقع عليها ومسويلي توصية بعد

الحين الطلب راح للموارد البشرية وهناك قالولي يوم تابعت موضوعي معاهم أنه على حسب الميزانية !!
أونه مافي ميزانيه

وبينعرض الموضوع على نائب الرئيس الا اذا كانت حالة استثنائية

بموووت قههههر

اشتغلت وكرررفت كرااااف ومديري موافق

شو الحل بنظركم
أنتظر نصيحتكم بلييييييز

لازم الترقيات تكون مضافة قبل اعتماد الميزانية
يعني لو اسمج ما كان مقدم ع نهاية السنه 2024 ما بيكون نازلتج ترقيه في 2024

وعليكم السلام والرحمه

مثل ما قالت " احلى بعفويتي " الله يوفقج ان شاء الله وامورج اتسهل اصبري

تحياتي

شسالفه كل مكان يشتكون ماعندهم ميزانيه!

خواتي اكتشفت انه اسمي منضاف في ميزانيه 2024 الى 2024

يعني المفروض خلال هالسنه

ومدير الاتج ار يتحراني ماعرف وانا اكتشفت بالصدفه

ومديري اللي حاطني بالميزانيه الحمد لله تفاءلت وايد يوم عرفت
المشكلة مديري مب موجود هالفترة بعني بيداوم جريب بس ماعرف متى ؟

شو تنصحوني اسوي هل اقول انا اكتشفت اني في الميزانيه ؟؟ ولا اشوف رد مديري احسن !!

حسبيالله ونعم الوكيل اذا الواحد سكت عن حقه يضييع والله

وحسبيالله على كل ظالم مثل مدير الاتج ار

– – – Updated – – –

انا اقول يمكن مانتبه اني من ضمن ميزانيه هالسنه على قولته ان المفروض مديري يحطني بميزانية هالسنة ولا مايقدر يقول شيء من مخه لأن هالشيء غلط هل معقوله مانتبه لأن اللي عرفته مديري مطرش ايميل بأسماء اللي مفروض يترقون خلال سنه 2024 الى 2024 !!!

والله بموت من كثر التفكير ماتدروم اشقد انتظر هالترقية !!

ررررفع

ارزقنا يا ربِ تلاوة كتابك عند بيتك الحرام وكل مشتاق يا الله

مقابلة وظيفة ادارة الموارد البشرية

السلام عليكم ة رحمة الله وبركاتة
شخباركم خواتي
انا خريجة ادارة موارد بشرية HR و عندي مقابلة و خايفة لاني من زمان متخرجة و ناسية كل شي ما اعرف شو ممكن تكون الاسئلة و شو اجاوب ناسية كل شي اللي عندها فكرة تفيدني يزاكم الله خير و في ميزان حسناتكم

و لا رد خليجية

اسئله عاديه لا تخافين و توكلي علا الله

اول شي يسألونج عرفي عن نفسج و اغلب الدوامات بالإنجليزي امّمممم تقوليلهم اسمج و تخصصج و سنة التخرج و عدد سنوات الخبره ان وجد و الدورات اللي عندج

امّمممم بيسألونج ليش اخترتيهم و هنيه أشويه أدهني سيرهم و امدحيهم و طبعا سوي سيرج عن هالشركه قبل ما تسيرين

اعرفي شو المسمى الوظيفي اللي رايحه بتقابلينهم عشانه و جوفي الجوب ديسكريبشن ماله لانه عادي ينشدونج شو تعرفين عن هالوظيفه

بيسألونج كم تتوقعين الراتب و شو تتوقعين أتكون امتيازاتهم

و دققي فالسي في مالج لأنهم يسألونج منه مثلا الدوره الفلانيه اي سنه خذتيها و كانت عبارت عن شو

في مقابله من المقابلات نشدوني لو استوت مشكله في قسمج كيف بتتصرفيين ،،

لو كنتي اتداومين قبل أبدا لا تطلعين سلبيات الشركه السابقة بالعكس امدحيهم

خلج واثقه من عمرج بس مش بزيادة و خذي وقتج فالإجابة عن اي سؤال

هاللي يحضرني الحينه و الله يوفقج

خليجية المشاركة الأصلية كتبت بواسطة falfool خليجية
اسئله عاديه لا تخافين و توكلي علا الله

اول شي يسألونج عرفي عن نفسج و اغلب الدوامات بالإنجليزي امّمممم تقوليلهم اسمج و تخصصج و سنة التخرج و عدد سنوات الخبره ان وجد و الدورات اللي عندج

امّمممم بيسألونج ليش اخترتيهم و هنيه أشويه أدهني سيرهم و امدحيهم و طبعا سوي سيرج عن هالشركه قبل ما تسيرين

اعرفي شو المسمى الوظيفي اللي رايحه بتقابلينهم عشانه و جوفي الجوب ديسكريبشن ماله لانه عادي ينشدونج شو تعرفين عن هالوظيفه

بيسألونج كم تتوقعين الراتب و شو تتوقعين أتكون امتيازاتهم

و دققي فالسي في مالج لأنهم يسألونج منه مثلا الدوره الفلانيه اي سنه خذتيها و كانت عبارت عن شو

في مقابله من المقابلات نشدوني لو استوت مشكله في قسمج كيف بتتصرفيين ،،

لو كنتي اتداومين قبل أبدا لا تطلعين سلبيات الشركه السابقة بالعكس امدحيهم

خلج واثقه من عمرج بس مش بزيادة و خذي وقتج فالإجابة عن اي سؤال

هاللي يحضرني الحينه و الله يوفقج

فديتج حبيبتي مشكوره
بس المقابلة ما اعرف اذا يستوي اقول و الا لا
المقابله في جهاز امن الدولة و ما حددوا شو الوظيفة بس اتوقع يبون تخصصي
اذا تعرفون معلومات عن الجهاز افيدوني فديتكم
و يزاكم الله خير و في ميزان حسناتكم

عيل المقابلة بتكون بالعربي
بس خلي شخصيتج قوية

اكتبي في قوقل امثله لـ اسئله المقابله وبيطلع لج السؤال مع الجواب سواء بالانجليزي او بالعربي

اللي تداوم في الموارد البشرية عندي استفسار

حبيت استفسر شو البرنامج اللي تستخدمونه في ال payroll ؟
وشو رايج فيه؟
واتفكرين تغيرين البرنامج ؟ليش؟
عندي بحث صغير بخصوصه بليز

واذا عندج كيفية استخدامه او موقع يفيد بعد زين واذا ماعندج مو لازم

مافي ولا وحدة اتداوم في الموارد البشرية

ان شاء الله تحصلين حد

مشكورة الغلا