البارحة انا يايه من المستشفى اموديه بنتي كانت تعبانه كنت في بيت امي يوم سرت البيت اتفاجاة البشكارة يالسة الساعة 2 ص قلتلها سيري ارقدي قالت ليش ما يروح بيت قلتلها لا
قالت ليش انا ما في معجون ما في فرشاة وهي ماده البوز قلتها بعطيج الي تبينه قالت لا شو هذا ملكة بيسير سوق باجر ……(ملكة البشكارة عمتي) قلتها لا والله اسير البيت الحين عشان خاطرج وخاطر ملكة بعطيج كف على ويهج (((وهاي مب اول مرة اتسويها سوتها كم من مرة فيني))وبيت ريلي في عيمان..
اتصلت حق ريلي قلت له السالفة قال لا مب على كيفها المهم وبعد ما هديت اتصلت فيه قلتله خلاص ما اباها ييب لي وحده ثانية قال انزين بطنازه….قلتله تطنز انجلب علي قال شو انتي ما اتعرفين ترمسين مثل اوادم سيري ارقدي انتي ضغطتج مرتفع ارقدي ارقدي ………..صكرت
بدال ما يهديني اني يايه من المستشفى تعبانه وهوقاعد في البيت ياس يعصبني عشان البشكارة
والله منو الغلطان انا ولا هو احكموا؟؟؟
اذا بتروحين اي بيت … مابتلقين ريال مهتم بأمور الخدامة … الريال بشكل عام بعيد عن هالسوالف لانه من اختصتصج انت …. وخليه بعيد احسن لانه دايما مشاكل الخدم تافهة … والمشكلة اللي صارت بينج وبين خدامتج بسيطة كانت بتنحل بطريقة ثانية … بهداوة …. لا تعطين الخدامة مجال انه في المستقبل تفكر تنتقم بطريقة ما … ممكن تشرد زز ممكن تسرق لا سمح الله … ممكن وممكن …. انت لا تعطينها مجال تطلب وتتامر … عطيها حقوقها وخلاص … ومثل هالموقف اللي صار .. انت فكري فيها عدل ماله داعي تقولين بييب غيرها …
انت خليها تصطلب بس مب بعصبية …. عطيها العين الحمرة بس بشكل غير مباشر لانها تشتغل عندج واي عقاب لها بيأثر عليج انت .. وعلى بيتج
اما الريال لاتدخلينه في هالامور لانه تاكدي بتزيد المشاكل بينكم وبسبة شو ؟؟ خدامة
الله يعينج اختي
لو كنت في مكانه بتكون ردة فعلي شراته ،، يعني مب على كل مشكلة بسيطه بتقوليله مابيها وسفرها
السالفه مب بالسهوله هاي حبوبه ..
شكلج صدق امعصبـه من جي ..
هدي وحلي الامور بهداوة ..