الوسم: البشكاره؟

البشكاره اليوم طابخه ومخربه الاكل (العيش معصووود وطعمه استغفر الله) قلتلها ليش ؟؟ تمت تستهبل

اونه عادي شو فيها ؟؟(لأنها عارفه ان محد بيعاقبها) مع انها تعرف تطبخ من يت وانا شهرين تقريباً

بس اعلمها واستحمل اخطاءها وما اخصم من معاشها يوم تخرب ، والحين أداوم وعندي بيبي ، وريلي

مايقولها شي عشان جي مستغله وبطرانه ، المهم قلتله مابغي آكل تبا تعرف ليش ؟؟

تعال ذوق وانته بتعرف ، بكل برود ياي وشاف الاكل ، اونه عادي شوفي ؟ قلتله ذوق انزين مايحكمون

بالنظر ، قال لا أخاف!! << شو أخاف بعد

قام ويابلي من المطعم ، وكلينا ، قلتله الناس يخصمون من راتب البشكاره او أقل شي يقولولها

كلمة "ليش مسوية الاكل جذي؟" جان ينازعني اونه انتي راعية البيت ليش مب انتي الي تنازعينها ؟؟

اقوله ماباك تنازعها بس حسسها إن لك كلمه في البيت ، حسسها إن الأكل الي تشتريه بفلوس ، والأكل

الي ينعق في الزباله بفلوس مشراي(البشاكير مايخافون من الحرمه كثر مايخافون من راعي البيت)

مايعجبه يقول أقوم أكفخها يعني ؟ شو تبين ؟ يباني آكل تبن وأسكت ……. يوم أشوفه عصب أقوله

أصلاً انا غلطانه الي معوره راسي وياالبشكاره يزاتي احاتي فلوسك ، مب من كيسي خلها تخرب انا

اشعلي ؟؟ ولا بتكلم مره ثانيه ………….. يعصب أكثر

شو اسوي ؟؟ هالبشكاره مامقصرين وياها في شي ، من أكلنا تاكل ولو من برا يبنا نحسب حسابها وكل

ما نطلع نطلعها ويانا ، وملابس نييبلها ومن كل الالوان بعد ، والظهر أخليها تنام ، وثيابي بروحي ارتبهن ، وسوالف واسولف وياها عشان ماتحس انها خدامه ..

وهالريال شو الحل معاه ؟؟ ليش كل شي علي انا ؟؟

الريال مايحب يدخل في الخادمات

بس انصحج لاتخلين ريلج ياخذ مع الخدامه ويعطي لانهن ****ات

وبالعكس لو انا مكانج بخليها تاكل منه وبحسسها باللي تسويه

لازم كل شي وله عقاب

واذا شافتج تقولين لها ردي طبخي مره ثانيه بتتادب

ولاتبطرين الخدامه

علشان ماتاخذ عليج واطيح هيبتج جدامها

والله لو شو ماسويتي فيهن من خير يبقن نذلات ولايثمر فيهن

وحاولي تكلمين ريلج في وقت الهدوء
وتقولين له لازم تتحمل معاي المسؤوليه

اتصرفي انتي وياها احسن …

كوني حازمه يوم تغلط … عطيها حقوقها … بس حسسيها باهمية الاشياء في البيت ..

كل شي علي

مشكورين خواتي بجرب أرمسها بنفسي (انا ما أهازبها لأني أخاف على بنتي) بس من اليوم ورايح مافي رحمه ههههه

ترا حتى الخدم محتاجين التشجيع و المدح