السلام عليكم .. شحالكم خواتي؟؟ ربكم الا بخير .. ولا تشكون اي باس..
بدش بالموضوع ع طول …
وحده من البنات .. غلطت وتعرفت ع ريال بالتلفون وتمت تكلمه 3 سنين وهي متعلقة فيه وايد.. عقب هالثلاث السنين صارت مشاكل وخواتها اللي اكبر عنها المعرسات عرفوا السالفة وراحن خبرن الاب ..
ابوها تفهم الموضوع.. وعطاها فرصه ثانية ع اساس انها تودر الريال وخلاص…
عقب سنه بالضبط من هاي السالفة ردت ترمس الريال نفسه .. بس من مده قصيره ردتله .. وهي صدق متعلقة فيه..
اختها شلت تلفونها تفتشه .. لقت مسجات من هالريال .. وسوت عمرها مادرت بشي.. البنت عرفت ان اختها درت …
وسارت فاتحت اختها بالموضوع .. قالت الاختها ان هي تحب هالريال وهو يحبها .. وانها من مده قصيره ردتله ..
اختها مش متفهمة الموضوع .. حلفت انها تجمع اخوانها الشباب اللي اكبر عنها ويا ابوها وامها وتخبرهم بهاي السالفه…
البنت وايد خايفة .. لنه اخوانها مب متفاهمين بعد.. وقل شي يذبحووونها … حاولت تقنع ختها .. بس ختها معنده ..
البنت نفسيتها وايد تعبت وكله تفكر وتصيح ومن كم يوم مب ماكله شي.. وتحاتي ..
اختها راحت سحبت اوراقها من الجامعة قاتلها خلاص مابتكملين دراسه..
الحين هي مب عارفه شو تسوي؟؟ ولا عارفه كيف تتصرف؟؟ حالتها تكسر الخاطر.. كله تصيح ونفسيتها تعبت ..
وماتروم تاكل ولاتشرب ولاترمس حد.. خايفة من رده فعل اخوانها…
خواتي ابالكم تدعوولها بالستر .. وان الله يهون عليها .. ويرقق قلوب اهلها عليها .. لنه حالتها صدق صعبه..
ماوصيكم ادعوولها .. ودعاء المسلم ماينرد .. واللي عنده اي حل يقوله..
مشكوورات