بنات انا خاطري اسوي حفلة تخرج .. قريب تخرجت من الجامعه الحمد لله .. عقبالكم ^^
ابى خبراتكم و افكاركم ؟؟ يعني شو غير البوفيه و التوزيعات اسوي اسوي ؟؟
اهم شي انا بسوي بوفيه ان شاااء الله .. وين تنصحوني اسوي في العين ؟؟ من ناحيه الاكل الحلو و يكون سعره مقبول؟؟ و خدماته تكون حلوة؟؟
شو نوع التوزيعات اسويها ؟؟ ترا ربيعاتي بيووون و اطفال بيون و حريم كبار؟؟
دخييلكم ساعدوني مب عارفه ارتب افكاري و عندي الا اسبوع و شوي تقريبا .. لازم الحق .. عقب ما بقدر اسوي
و انا من العين تراني .. ابغي افصل فستان و ابغي اتمكيج ؟؟
ابى موديالات فسااااتين هاديه و راقيه .. ابى خيااااييط تظبط التفصيل و تكون اسعارهن حلوة؟؟
بلييز ساعدوني و عطوني افكاركم
منو احسن وحده تمكيج في العين وتي البيت؟؟
و الله يوووفقكن كلكن .. و يا ليت لو ترفعون لي موضوعي
و يزاااكن الله خير .. ^^
ومبروووووووك
^^
^^
بعطييج شوي من الافكار و ان شاء الله تعيبج
سوي توزيعات للاطفال حلاوة .. او حصالات فيهن حلاوة … وفيه عندكم فالعين اسواق وااايده مال التخفيضات تيبع هالسوالف ….
سوي مسابقة للحضوور … عشان شوي تغير جوو …
والا حطي ارقاام في سله و عطي الحريم يسحبن… و عقب خلي حد من اليهال يسحب رقم والي يطلع رقمها تلقى جايزة
اذا ما عندج وقت للتفصيل ..روحي مانغوو .. عندهم فساتيين تكون خفييفه و حلوة … و ترى دايما كل ما كان شي بسيط كل ما كان احلى
و بعد تقدرين تستاجرييين شاشه عرض وتسوين موفي ميكر والا بوربووينت يطلع صورج خلال مراحل حياتج يكوون شغال طول الوقت … و جييه ^^
اول شي الف الف الف مبروك عل التخرج
بخصوص الحفلة حاولي تخلين طريق البوفيه مبتكرة مثلا الاكل عل جنب والحلويات عل جنب وممكن تسوين استاند او بوستر يبين ركن الحلويات وضيفي من الحلويات الشعبية لان الحريم الكبار يحبونها اكثر والفواكه لاتكثرين فيها
بالنسبة للتوزيعات حاولي تكون التوزيعات على لون الفستان اللي بتسوينه واذا حابه اسويلج التوزيعات فالج طيب
ممكن تسوين ركن للاطفال لان اليهال ما شاء الله يحبون الركض واللعب وشذي بلتهون شوي
بالتوفيق غناتي
المكياج سوي شي سمبل وفي نفس الوقت حلو
بالنسبه للبوفيه شوفي مطعم الدار اللي مقابل حديقة السليمي
خلي توزيعاتج ورد طبيعي وحطي كرت على كل وردة وفيها بيت شعر بسيط
وهذا اللي أقدر أخبرج أياه ألحين ،،،،،
عطيتوني افكار حلوة .. يزاكم الله خير
منوو بعد عنده افكار؟؟
.gif "44 (16)")
… (ممكن بس اصوات الطبيعة او صوت المطر..)..gif "44(14)")
(بتحصلينه في المارينا قرب ايكيا,عند مصلى الحريم,فيه منه ب 75 و 95 درهم,على ما اظن).gif "44 (18)")
المشاركة الأصلية كتبت بواسطة اناناسة 
