الترفيه Archives - ملكات الامارات

أماكن الترفيه والسياحة في الإمارات

أبغي أزور مكان جميييييل جدا لي ولأبنائي سنتين وأربع سنوات
وين تصحوني مكان جمييييييييل في دبي في بوظبي
مثلا نركب منطاد أو رحلة فريدة من نوعها

بوين تصحوني

ومشكورين

دبي فيها كل شي عندك الويلد وادي — وأتلانتس حدائق مائية وممتعة للكبار والصغار

عندك المارينا لتأجير اليخوت بمنطقة المارينا

ابوظبي- الحديقه المائيه ف منتزه خليفه،عالم فراري ف ياس،حديقه الحيوانات ف الباهيه،-مولات الخالديه مول والمارينا ومشرف والوحده وابوظبي مول&&..*

ان شاء الله البنات ما بيقصرون وياج

عندج عروض الدولفين في دبي

اتلانتس او خور دبي

استراليا الترفيه والتسوق

هلا حباااااااااااااااااااايبي
شحالكم

بغيت اسال عن استراليا والاماكن الحلوه فيها قصدي الملاهي والاسواق والطبيعه لاني انشالله راح اسير احتفل بيوم زواجي بس ابي اعرف الاماكن الحلوه

واتمني انكم اتساعدوني

ما عندي فكره
ان شاء الله البنات يساعدنج
حبيت أرفع لج الموضوع

تسلمين الغاليه عالمرور الطيب واتريا الردود فديتكم

ريلي كان ساير قولد كوست وااايد يمدحها فيها حدايق للحيوانات وللالعاب بس ما عرف اساميهن.

تسلمين الغاليه

هلا الغاليه…
بالنسبه لجولد كوست وايد اماكن حلوه فيها…1- عندج حديقة دريم وورد وفيها مختلف الالعاب ومنها تقدرين تتصورين مع الكوالا و الكنغر…2- الموفي وورد وفيها كل الشخصيات الكرتونية مثل الورنر براذر و التويتي وعرض بوليس اكاديمي…3- سي وورد فيها العاب والعروض البحريه وكل شي يتعلق بالبحر و اسماك القرش…4- الباص المائي تاخذين جوله في شوارعهم بعدين جوله في البحر…5- مزرعة الفواكه بتشوفين الفواكه الطازجة…6- رحلة بالمنطاد رووعه…7- رحلة الجبل اوراليز اتشوفين الطيور وهم ييلسون على ايج و راسج روووعه… 8- المارينا وهي منطقه اليخوت و فيها مطاعم…9- الباسيفيك فير وهو سنتر و محلات…10- سنتر روبينا وهو سوق و محلات مفتوحه يعني سنتر مفتوح…11- الهاربر تاون بعد سنتر…
و المعلومات كلها عن جولد كوست

مشكوره فديتج

السياحه و الترفيه في بوظبي أتمني الكل يشارك_

السلام عليكم بنات ..

بما أنه القسم عن السياحة في الامارات .. حبيت أفتح هذا الموضوع عن السياحة و الترفيه في إمارة بوظبي .. سواء للي في بوظبي أول اللي حابين ايون بوظبي ..

الموضوع بيكون فيه كل شي عن المطاعم و الفنادق و الحدايق و المسارح و غيرها .. و المعارض و مراكز التسوق والسينما و الأفلام أي شي ترفيهي .. طبعا كلنا بنشارك .. كل وحده تحط رايها و تشارك باي معلومة عندها .. لكن مع صور .. اتمنى الكل يشارك باي معلومه مفيدة عنده ..

و اتمنى الردود تكون بس عباره عن مشاركات للاستفاادة ..

جزيره اللولو ___ جزيره الفطيس حلوه __ شاليهات شاطي الرحه

وطبعا يــــــــــــــاس رووووعـــــــــه

السينما في كل مول المارينا وبوظبي مول و الخالديه

حبيت اشارك بس من دون صور

فدييييييييييييييييت بوظبي والله
احلى شي يميز بوظبي الكورنيش رووعه التمشي فيه خاصه يوم الجو حلو ويعد كورنيش ابوظبي من ارقى شواطيء العالم
جزيرة ياس
كاسر الأمواج
منتزه الشيخ خليفه
المطاعم مثل مطعم بوفيه الشانغريلا وباب البحر وقصر الامارات وغيرهم
المعارض اللي في ارض المعارض وحاليا يوجد معرض
اما الفنادق فيوجد في ابوظبي عدة فنادق وتعد من ارقى وافخم فنادق العالم مثل قصر الامارات والذي يعد تحفه معمارية ، الانتركونتننتال، الشانغريلا وقرية البري، فيرمونت باب البحر، الميلينيوم، الميريديان ،فنادق ياس،الهيلتون والشيراتون وروتانا بيتش
مسجد الشيخ زايد
kids park

ســــــا عدونــي !!! ابغي اماكن للتسوق والترفيه في الريــاض

بسافر السعودية وين اماكن ترفيهية واسواق سعرها اوك في الرياض

وابغي اماكن احصل فيها ثياب بنات بس رخيصة ونفس الوقت حلوة من عمر 12 في مكة والرياض

ارجــوكم ابي الرد بسرعة

خليجية وسلامتكم

اتمنى انكم تساعدوني باسرع وقت

هلا وغلا حبيبتي والله السعوديه فيها وايد اماكن .. عندج العليا مول .. مركزحياه المراه عندج مركز النمر ..في مركز اسمه الرياض مول بعد .. في مكه ماعندي علم .. تري بعد عندج عماير السركون علي شارع العليا في الرياض بعد.. اتمني اني افدتج

اوه نسيت اماكن للترفيه عندج الفيصليه مول عندج ملاهي البراجون وملاهي تولان في الرياض .. والحكير لاند العزيزيه مول فيها ملاهي حلوه .. هاي في الرياض