ان شالله تستفيدون من هالحرمة واخليكم مع سالفتهااا:
في موضوعي مشكله واجهتها الي هي عدم إتظام الدورة الشهريه
الساااالفة ياطويلااات العمر
(من سنه ونص كانت الدوره الشهريه تجيني كل 13يوم ولاتجلس الا 3او 4ايام تلخبطت وش منه ماادري مابقى مستشفى خاص مارحتله وكلام متنوع الي يقول ارتفاع في هرمون الحليب،التهاب في بطانه الرحم تكيسات في الرحم وعلى المبيض،انواع الامراض مابقى علاج ماعطوني ولا منظم دورة ماكليته ولا شي جاب نتيجة قلت ابروح مستشفى حكومي يمكن عندهم سالفه رحت لمستشفى الملك خالد الجامعي ونفس الشي مااستفدت ذاك اليوم كنت محبطة واصيح الصراحة تعبت نفسيتي المهم تذكرت كلام صديقتي قد قالت إن الدورة ماتجيها الا كل كم شهر يعني مو منتظمة تقول قرأت سورة(البقرة)كاملاة لمدة 7أيام
تحلف لي إنها من بعدها صارت تجيها كل شهر انا قلت ابسوي مثلها
قرأت سوره البقرة ماتاخذ الا من نص ساعه الى ساعه بعدها انفث على نفسي
إقسم بالله العظيم في هالرمضان إنها انتظمت علي على طول وصارت تجيني في نفس اليوم وتنزل طبيعي الحين لي 5شهور على هالوضع مااتركها ولايوم لإني شفت العافية
سالفه ثانيه(بنت خالتي لها 4سنين ماحملت تصدقون تقول قريت سورة البقره شهر او شهرين بعدها حملت)
)امي كان معها نزيف جلست شهر على هالوضع نفس الشي قرأت سورة البقرة سبحان الله وقف النزيف(مع إن المستشفى عطوها علاجات بس مانفعت
فضل سوره البقرة(قال الرسول صلى الله عليه وسلم(أقرأوا سورة البقرة ،فإن أخذها بركة،وتركها حسرة, ولاتستطيعها البطلة أي السحرة)
سبحان الله تأملو في الحديث قرأتها فيها بركة على الانسان وتركها حسرة على الانسان ومن قرأها لم يستطيع عليه السحرة قال الرسول صلى الله علية وسلم (لاتجعلوا بيوتكم مقابر،إن الشيطان ينفر من البيت الذي يقراء فية سورة البقرة)
بتقولون طويله ابقولكم سبحان الله لو عندنا مناسبة جلسنا ساعه قدام المراية نتزين ونتظبط والا اذا فيها تمشية ووساعه صدر ماعاقنا شي على طول نروح
عافيتك وساعدتك في يديك..فيك مرض عضوي او نفسي عندك مشكله
إنصحك بقرأة سورة البقرة وعلى طاري سورة البقره تذكرت سالفه ..
فيه حرمه دقت على احدى الداعيات وقالت لها انا وعندي بناتي الثلاث
حياتنا متدهوره ووضعنا صعب بناتي اللي مطلقه واللي معلقه واللي تأخرت ماتزوجت والمشكله تجينا من كل مكان وعايشين بـ هم وغم وضيقة صدر ماتنطاق .!
قالت لها الداعيه .. ابغاك انتي وبناتك تقرون سورة البقره كامله يوميا
لمدة 40 يوم وبعدها ارجعي وكلميني
وبعد 40 يوم اتصلت الحرمه وقالت حصل شي غريب!!
اليوم كلنا استفرغنا !!
قالت الداعيه ارجعوا اقروها مره ثانيه ولمدة اربعين يوم وارجعي كلميني
وبعد اربعين يوم رجعت وكلمتها قالت اني وبناتي كلنا حلمنا بأختي!!
قالت الداعيه طيب ارجعوا واقروها 40 يوم وارجعوا كلموني
وبعد اربعين يوم اتصلت الحرمه وقالت ان اختي اللي حلمنا فيها
تعبانه ومايدرون وش فيها !
قالت لها ان (((اختك كانت ساحرتكم)))
واللحين انقلب سحرها عليها !!
وانا من تجربتي ..
في فتره كنت اعاني من ظروف صعبه وكانت نفسيتي دماااار انام وانا اصيح واصحى وانا اصيح معاد اشوف قدام عيوني غير سواد من الحزن اللي فيني
وقالت لي اختي جربي تقرين لو كل يوم جزء من سورة البقره وان شالله بتفيدك
وصرت يوميا اقرا 4 وجوه اول مااصحى كم يوم وانا الحمدلله تحسنت كثيييير نفسيا جسميا بديت ارجع لطبيعتي والاهم من هذا كنت احس بطمأنينة حلوووه
وكل ماخلصت رجعت وبديت فيها وياربي لك الحمد ياكثر ياكثر من فادتهم هالسورة المباركة
اعرف وحده قسم بالله قدام عيوني زوجها صاد عنها ولا يناظرها لاهي ولا عيالها ودايم صاك على نفسه الباب عند الدش ومن شاروا عليها بالبقرة وهي تقراها وتدعي ربها ومتيقنه بفرج رب العالمين هالحين قسما بالله الرجال مغير يناظر امورها ويشوف وش تحب ويزكها فلوس وهي مغير تحمد ربها العلاج سهل الله ينور بصايرنا ويفتح على قلوبنا
منقوول للفايدة
مشكووووووووووووره اختي
بصراحه اختي مشكورة على هذا الموضوع وفعلا لو كل وحده تقراء سورة البقرة في بيتها جان حياتها تغيرت للاحسن
والله انها بركه ، وصدقيني بتحسون بالفرق في الهدوء الي بيدخل بيتج والصحة والبركه والرزق الي بتشوفينه حتى يعالج دايما بتشوفينهم بصحة وعافية ومتوفقين في الدراسة
انا اعرف وحده مطلقة عمرها 39 كبرت في العمر كانت تبغي زوج صالح بشروط معينه ( الكل مستغرب عليها كانوا يقولون لها مستحيل تحصلين زوج بها الشروط وانتي بها العمر .. )
لكن تمت تقرا سورة البقرة مدة اربع اشهور وتزوجت واحد نفس الشروط الي كانت في خاطرها
انا اقول للجميع ولوجه الله عليكم بقراءة سورة البقرة ولا تقطعونها
ااشكر اختي صاحبة الموضوع كل الشكر
–> اوووللله شلون طرت على بالي 
ليش؟؟؟؟ مافيني شي اونه يتحسبني مريضه >>>>> 
خخخخخخ
