الوسم: التلقيح

السلام عليكم ورحمه الله وبركاته..
شحالكم حبايبي؟؟
شحالكم كروشات؟؟
الله يتمم عليكم يارب وتولدون بالسلامه..

بغيت أخبركم شو صار لما سويت التلقيح الصناعي اهو شي يضحك بس حبيت أخبركم

طبعا أنا أول مره سويت التلقيح عند الدكتوره أوراس

كيف سوت لي التلقيح؟
أخذ الحيوانات المنويه من عند ريلي وحطت فوقه منشط وعلى طول سحبته بماصه وسوت لي التلقيح
وقالتلي تمددي ساعتين وبعدين روحي البيت بس الحمدلله على كل حال ماصار حمل

والبارحه سويت التلقيح عند الدكتوره نزيهه(الفجيره)
وكيف سوتلي التلقيح؟
طبعا ريلي راح عياده العايله
الساعه 7 وعطاهم الحيوانات وقالوله تعال بعد ساعه ونص..قال لهم ليش بعد ساعه ونص؟
قالوله أول شي نشوف الحيوانات سليمه أو لا وبعدين نحط فوقها منشط ونخليها شوي بعدين نسحب الحيوانات الميته ونخلي السليمه
ريلي قاله نحن سويناها عند اوراس بس مب نفس اللي بتسونه..أوراس على طول حطت المنشط ودخلت الحيوانات فيني
قال لنا غلط اللي سوته لازم المنشط يتم ساعه ونص..

المهم ..
عالساعه 9 رحنا عند الدكتوره وقالت ان ريلي سليم وكل شي طبيعي(الحمدلله)
وقالتلي يالله عالغرفه الثانيه ولما دخلت الا أشوف معدات مجهزه لي مقص وحديده تفتح الرحم وأشياء وايد قلت لريلي ابيه شو هذا قالي بس مانفس اوراس بس شكلها شاطره..
وطبعا شرفت الدكتوره وقالتلي تمددي ورفعي ريلي اللي يشوفني يقول بتولد الحين..
وبعدين قالتلي بدخل لج حديده عشان تفتح الرحم وبتحشي بألم فبطنج قلت لها أوكي وريلي ماسك ايدي يحليله وكل ساعه يسألني: ها يعور ؟ أقوله شوي
بعدين قالتلي بدخلج حديده وشوي بيعورج (مثل ألم الدوره) وتقولي بالعاده لما اندخله الحريم يصرخوا ويصيحوا بس انتي ماشالله عليج قويه
وبعدها قالتلي الحين بدخلج الانبوب اللي فيه الحيوانات والحمدلله دخلته وبعدين طلعت معداتها اللي كانت فيني وقالتلي نزلي ريلج وخليها سيده واسترخي نص ساعه وبهالنص ساعه ياتني آلام دوره زين مامت وقعدت أصيح مثل البيبي وريلي يمسج عراسي وايدي ويسمي علي(طبعا ريلي حضر العمليه هههه)
وخلصت النص ساعه وقمت والله لو شفتوني كيف أمشي كنتوا بضحكوا علي وكان بطني يعورني بعد
وطلعنا من العياده أول ماطلعت مب باب العياده أقولها بطيح وبرجع ومسكني فديته ويوم ركبت الأصانصير دارت فيني الدنيا واغمى علي بعدين ريلي قعدني على كرسي وقلت له برجع قالي رجعي وياحرام رجعت على كندورته ونعاله هههه قالي يفدونج وبنفس الوقت الدكتوره كانت نازله وشافتني قالتلي عادي لاتخافي هذا شي طبيعي وبينزلج قطرات دم لاتخافي وروحي البيت وارتاحي..والحمدلله انا الحين بخير وكل شي أوكي..قالتلي راجعيني تاريخ22 عشان اعطيج حبوب تثبيت حمل
وقلت لها ابي حبوب توقف الدوره لان ****لله تاريخ 1/11 بروح العمره قالتلي بعطيج حبوب تثبت الحمل وبنفس الوقت توقف الدوره و****لله يارب يارب يارب أحمل وادعولي حبايبي.
.

يااااااااااااااااااااااااااااااااارب
تكونين حامل وتبشرينا

يارب تكونين حامل هالشهر يارب
بس ممكن اعرف انتي كم صارلج ماحملتي عشان تلجئين للتلقيح الصناعي ؟؟؟
وبليز بشرينا اذا طلعتي حامل بأذن الله

ان شاء الله حاااااااااااامل

الله يرزقج الذرية الصالحة إن شاء الله ويسر أمورج ويخليلج ريلج ويخلي ريلج لج إن شاء الله

***** الله حااااااااااامل يارب

سلام عليكم ورحمة الله ،،

صبايا عندي سؤال شو الفرق بين التلقيح الداخلي و التلقيح الخارجي ؟؟!!

ولا التلقيح الخارجي هو نفسه أطفال الأنابيب ؟؟!!

وأي واحد أحسن ؟؟!!

ووين أحسن عياده للتلقيح في أبوظبي ؟؟!!

أتمنى ماتبخلون علي بردودكم ..

في الإنتظار ..

والله ماعرف شو اقولج

ان شاء الله البنات يفيدونج

اختي على حسب حالتج الدكتور هو يقرر التلقيح الخارجي الي اطفال الانابيب وانا من ناحيتي اراجع في مستشفى توام عند الدكتور ديفيد اذا بغيتي تستفسرين عن اي شئ ان شاء الله اقدر افيدج

يعني التلقيح خارجي هو نفسه الأنابيب ، أنا أراجع عند دكتوره ماريانا اللي في مركز الأمير وكلمتها عن التلقيح الصناعي الداخلي ، وهي قالتلي إن عندهم يسوون شورايكم حد جرب عندها ؟؟؟!!

والله فكرت اني اجرب عند ماريانا بس مادري ليش ماتشجعت
وحاليا اتابع حالتيه عن كاميليا والحمدلله كل اموري تماااام التمااام
وعسى خير ياااربي

الغاليات انا اليوم شفت البويضه عندي عندي 3 بويضات وحده كبيرة مادري كم والثانيه 14 وحده صغيرة
والدكتور عطاني موعد الاربعاء عشان البويضه
تكون كبرت اكثر لاجل اسوي التلقيح
بس بغيت اسال البويضه اذا ماتلقحت في قناة فالوب هل يحدث حمل في اذا نزلت البويضه
ع الرحم لان قالي الدكتور بيحط لي الحيونات المنويه في الرحم مب قناة فالوب ولا في عنق الرحم

استغفر الله الذي لا اله الا هو الحي القيوم واتوب اليه
لاحول ولا قوة الا بالله العلي العظيم

اختى ما عندي خبره في الموضوع …………………

حبيبتي ما فهمت عليج تقصدين التلقيح الصناعي

للرفع

هيه التلقيح الاصطناعي
يعني الدكتور بيحط لي الحيونات المنويه في الرحم
طيب في حال نزلت البويضه للرحم بدون ماتتلقح في قناة فالوب هل يصير تلقيح وهي في الرحم

استغفر الله الذي لا اله الا هو الحي القيوم واتوب اليه
لاحول ولاقوة الا بالله العلي العظيم

هيه يستوي حبيبتي..
ترى علميا ايقولون حسب ماقريت وسمعت انه يتحدد جنس الجنين بسالفة التبويض..
يعني اذا اتلقحت قبل لتنزل ذكر واذا اتلقحت عقب مانزلت بنت..والله اعلم..
بس فجميع الاحوال عادي حبيبتي..اتوكلي على الله وباذن الله ثابته والله يرزقج الذريه الصالحه المعافاه..

للرفع
السموحة أختى ما عندي خبره في الموضوع
إن شاء الله البنات يفيدونج أكثر

السلام عليكم ورحمة الله وبركاته..

لو سمحتووو بغيت استفسر عن التلقيح الصناعي..خصوصاً إذا كان الضعف من الزوج..هل تؤيدون هالعلاج ولا لاء
ومنو فيكم جربت التلقيح الصناعي تقول لنا رايها بهالموضوع وهل فادها هالعلاج وكيف كانت هالتجربه؟؟

؟؟؟؟؟؟؟؟؟؟؟؟؟؟؟

انا جربت التلقيح الصناعي

لكن ما في اسباب تمنع الحمل لا فيني ولا في ريلي

العلاج شوي متعب لكن كل شي يهون عشان العيال

أي شي تبين انا حاضرة اختي

ازيكم يا احلى بنات
انا عاوزة اسال سؤال وياريت حد يجاوبني بسرعه لانى قلقانه انا عملت عملية تلقيح صناعى من 4 ايام ويوم ما رحت اعمله المفروض العينة بتقعد فى المعمل ساعتين او ساعتين ونص بس انا قعدوها فى المعمل 4 ساعات كدا مش غلط ان العينة تخرب يعنى ولا عادى انا سالت الدكتور وقالى عادى لانه كان عندهم زحمة كتير فى العيادة اللى عندها فكرة عن الموضوع ياريت ترد عليا الله يخليكو لانى قلقانه من ساعتها والله يجيزكم كل خير ويرزقنا بالذرية الصالحه

رررررررفع

يارب يرزقج بالذريه الصالحه يارب ويرزق كل ام محرومه من هذا شعور

ياااااارب ربنا يجيكي خير ياطفله مطر

محدش رد عليا يعنى ؟؟؟؟؟؟؟؟؟

اهلا عزيزتى
عادي لان هم يحفظونها بطريقة خاصه وفي درجه حراراة وجودها في الجسم

انا نفس الشي صار معاي اني انتظرت ساعتين

الله يكتب لج يارب الحمل

الله يرزقكم الذرية الصالحة يارب

السلام عليكم و رحمة الله و بركاته

بغيت أسألكم عن التلقيح الصناعي ، كيف يكون و هل هو مؤلم ؟؟؟؟

لأني أنا عندي ضعف في التبويض أخذ إبر مينوبيو ر تكبر بس ما يصير حمل ثلاث مرات

الدكتورة قالت لي المرة الياية راح تسوي لي تلقيح صناعي ؟؟؟؟

حد مرت بتجربتي الله يجزيكم الجنة ردوا علي

للرفع
وربي يرزقج من دون تلقيح صناااعي وتبشرينا بالحمل السليم المعافى
استغفر الله العلي العظيم من كل ذنب عظيم

ربنا يرزقنى وااكى الذرية الصالحة المعافاه عاجلا ليس اجلا
انا جربت التلقيح الصناعى ثلاث مرات قبل مش صعب بس اهم حاجه هدى اعصابك وخليكى ريلاكس وقت وضع العينة لو شديتى نفسك هيكون صعب وربنا يرزقك يارب

هووووووووووووب

أنا سويته هالشهر وبتدني اتريا النتيجة بس انصحج تسوينه فمركز متخصص للاخصاب مو الدكتورة فالعيادة تسويلج لان المراكز عندها مختبر يمرروا السائل المنوي من وايد مراحل قبل ليحقنونه بس فالعيادة الدكتورة تشيله نفس ماهو وتحط عليه فيتامين وتحقنه وهالطريقة غلط

الله يهوون عليييييج

ربي يرزقج الذرية الصالحة

السلام عليكم

خواتي اللي مجربات التلقيح الصناعي وخصوصا عند الدكتوره جوان مراد في الشارجه شورايكم في علاجها ومتى الوحده المفروض تسير حق الكشف بخصوص التلقيح وقت الدوره او بعد ماتخلص ‏

اتريا ردودكن خواتي للضروره

ان شاء الله البنات يفيدنج والله يسهل أمورج

للرفع

للرفع

انتوا بعدكم تسيرون عند هالدكتوره
وحده اعرفها شالت عنها الرحم وماكان يحتاج
وانا لي معاها موقف الله يسامحها بس ضيعت حقي بسبته الله يسامحها بس

ماحدش بيشكر فيها كله بيقول انها مادية و ما عندها اهتمام كويس بالناس
احملي عنها بحث كمان لو ما حدش ساعدك حتلاقي مواضيع قديمة بالمنتدي كلها ذم فيها لانها مادية و ما تراعي المريضة و حتي لما بتعمل حقن او تليقح بتخليكي تقومي تمشي علطول علشان ما عندهاش وقت
لو بتعمل تلقيح او حقن تاكدي من المكان و من نظافته و من هدوءة و ربنا يكرمنا جميعا ان شاء الله

بنات انا قررت اسوي تلقيح ذكرين بس ما عرف شي عن هالموضوع بس سمعت عنه … انا عندي ولد وثلاث بنات . وما فيمني احمل بعد وتتطلع ؟؟؟ الحمد الله بالعكس انا اموت على بناتي بس ابغي اخ حق ولدي وبعدين عمري مايسمح انه اتم أحمل وأحمل وقررت اسوي تلقيح .. تراني الحمد لله مافيني عيب الحمد لله بسرعة احمل بس ابى ولد يارب .. منو جربت او سمعت بهالشي وكم التكاليف لو وحدة ماتبى علاج بس ذكر ارجو المساعدة بلييييييييييييييز

هلا حبيبتي انا سمعت عن الموضوع بس ما اعرف حد مجربنه …….. قالوا لي في الاردن يسوونه وفي السعوديه بعد هني ما اعرف بس اكييد شي ……
الله يوفقج ويكتب لج الخييير …..حبيت ارفع لج الموضووع لنه واايد مفييد ….
واتمني البنات يفيدوونج ……..

استغفر الله يا اختي
ما يجوز هذا الشيء كلهم نعمه من الله هال علاج موجود حق الناس الي ما يقدرون يبون عيال مب تحديد النسل

منو قال حرام ؟
انا سامعه فتوا من الشيخ في رمضان ايقول دام انه النطفه من زوجج حلال.
بس سيري مكان مضمون لانهم ايطلعون البويضه ويلقحونها خارج الرحم و يتريونها تكبر بعدين ايسون لها فحص ال دي ان اي عشان ايعرفون اذا ولد لا بنت. هذا كله في معمل خاص ، اذا كان المعمل اي كلام عادي تستوي خربطه و يحطونلج بويضه وحده ثانيه @ @.
المهم انتي جربتي الدايت و التبويض ؟

انا قريييت انه مب حراام ….. والافضل الاخت اللي كاتبه الموضوع تدور عن الفتوى وتحطها عشاان ما يتحول الموضوع لحرام وحلال ويضيع المغزى من الموضوع والسؤال ……

يجوز والعريفي روحه قال في رمضان انا سمعته ..
اذا الام عندها كله بنات وتبا اولاد عادي تسوي هالتلقيح ..

الطب يتطور بشكل كبير كل ثانيه .. ونحنه علينا نستخدم هالطب ..

اختي اتصلي مستشفى راشد هناك عندهم اظن وساليهم

شكرا على المرور بس ابغي اجابات لاني صدق ابي ولد وابا عرف كم التكاليف بعد ..والعملية تعور؟؟؟؟

منو جربت التلقيح بالفجيره دلوني عدكتوره شاطره ربيعتا تبا ضروري

اذا تقصدين اطفال انابيب ترى ماشي مراكز في الفجيرة عندج مستشفى توام حكومي وعندهم قسم لاطفال الانابيب تقدري اترمسيهم وفي ابوظبي مستشفى الامارات ومستشفى النور وفي دبي مركز دبي للاخصاب والشارجه مركز انجاب هذا كل الي اعرفه

إن شاء الله الخوات ايساعدونج للرفع

يسلمو عالرد

اعتقد الدكتوره اميره تسوي تلقيح

يسلمو

حبيبتي

الدكتورنزيهه الزبيدي تسوي تلقيح صناعي

ومركز جي ام شي يسوي

والدكتوره اميره تسوي

والدكتوره نزيهه اللي كانت بمستشفى الفجيره تسووي

هلاااااا بنات

انا يالسه ادور في المنتديات لقيت حريم يقولون عن فحص يبن فيه الحمل بعد 24 ساعه من الاخصاب فقط و يكوون بالدم فياليت اللي اتعرف غن الموضوع تخبرنا و تقولنا في مستشفيات ممكن انسويه و ياليت يكووون في بوظبي

و السموحه منكن

اعتقد اسمه تحليل الدم الهرموني

اسمه تحليل الدم الرقمي
ممكن تروحي مستشفى النور و تعملي عندهم في المختبر و النتيجة تقريبا بعد ساعة تاخذيها
انا دائما اعمل عندهم

ثااانكس ع المعلومه و بجرب ان شاء الله

خلال 24 ساعه من التقليح ؟؟

ماعتقد عزيزتى
اتصلي اي مختبر و اسالي قبل لا تروحين عندهم و تدفعين

اللهم لا تذرنى فردا و انت خير الوارثين

——————————————————————————–
اللهم ارزقني قبل الموت توبة وعند الموت شهادة وبعد الموت جنة*
*اللهم ارزقني حسن الخاتمة*
*اللهم ارزقني الموت وأنا ساجد لك يا ارحم الراحمين*
*اللهم ثبتني عند سؤال الملكين*
*اللهم اجعل قبري روضة من رياض الجنة ولا تجعله حفرة من حفر النار*

نتيجة الحمل تكون واضحه في تحليل الدم قبل موعد الدوره بأسبوع