الوسم: التلي

يا اختـي طوفـي و انسـي
المسـامح كريـــم
صح انه مشاعر الناس مب لعبـه ..
بس كوني انتي الاحسن ..
بارك الله فيج ^_^

لاااا ترديين علييييها احقريها مره وحده لاتردييييين بليز
هذي راعية مشاكل فابتعدي عنها وارتاحي
واذا تغيرين الرقم يكون وايد احسن

انا مارديت عليها بشي فديتج … بطنشها و بقطع تيلفوني كم شهر عشان تنساه اففففففففففففففففففففف منها والله

بوقف رقمي كم شهر بس مااقدر اغيره لانه توني ماخذتنه

منها لله …

اوصلي لاهلها وخبريهم على بنتهم ^_^

فديتج لو انها حاشرتنج و جيه ..
يا اما انج تردين عليها و تقولين بكل احترام
انه سببتيلي مشاكل .. و افضل انج تبعدين عني
ما تستاهل تضايقين بعمرج و تحرجين عسبها ..
لو ما وقفت .. بس تبا اتاذي .. سوي طاف
و الحقران يقطططع المصرااااان ..

السلام عليكم ورحمة الله وبركاته
اشحالكن خواتي
والله اني تعبانه موووت لكن من القهر اللي فيني بخبر شو استوى
انا اجهضت الاجهاض الثامن واتصلت للدكتورة اللي تعالجني ابا اخبرها والله اني اكلمها وانا اتويع ابا اعرف شو اسوي هل اوقف الحبوب ولا اسير المستشفى
تعرفون شو قالت؟؟

.
.

انتي خلاص مامنج فايده خلي ريلج يعرس وييبله عيال!!!!!!!!!!!!!!!!!!!!

صدمتني

انا حالتي النفسيه تعبانه وابا حد يواسيني مب يزيد من همي
بغيتها عون واستوت فرعون

حسبي الله ونعم الوكيل

أصلا ريلي مايبا عيال نحنا بعدنا صغار انا عمري 19 وادرس فالجامعه بعدها الدنيا جدامنا مب متلاحقين يوم الله بيكتب وريلي راضي مايبغي الحين انا اللي ابغي

والخيره في ما اختارها الله

سرت للمستشفى القاسمي ونوموني بس اانا طلعت
والحين امايه تسويلي حبه الحمره

ادعوووووولي ياخواتي

الله يوفقج وانشاء الله بتحملين وبتضحكين على هي الدكتوره السخيفه

حمد لله علي سلامتج الغاليه ماتشوفين شر واكيد بتسولف واياج لاتشيلين في خاطرج منها وارتاحي والله يكتب لج الفيه الخير ويعوضج بس ماقالولج شو سبب الاجهاض المتكرر واخديلج فترة راحه من الحمل خلي الرحم ارتاح شوي والله يعوضج بالتوام بس لاتستعيلين توج صغيره وتدرسين وربنا يخليلج ريلج يارب

الصغيرات فالسن دايم تستويلهن مشاكل في الحمل

لاتخافين باجر بتيبين له درزن عيال وبتترسين البيت

ماعليج منها

لاتتعبين عمرج ولاحقين على العيال يوم الله بيكتب بييونج العيال

وتستحقين السلامه

حمدلله على سلامتج الغالية و ماتشوفين شر ان شالله

الغالية عليج بسورة البقره واضبي عليها لمده شهر بنية اكتمال الحمل و ان شالله بيكتمل حملج بإذن الله الواحد الأحد

حبيبتي الله بيرزقج ان شاء الله بالعيال والذريه الصالحه
وبعدين خلي جسمج يرتاح من بعد الاجهاض لانه الرحم لازم له راحه
واستشيري دكتوره ثانيه وثالثه لا تياسين
وسبحان الله الخيره في ما اختاره الله تعالى
ويمكن الله كاتبلج الاحسن ما تعرفين شو بيصير
كثري من الصلاة والدعاء ومن يتق الله يجعل له مخرجا
وطمنيني عليج

السلام عليكم …..
أولن بتعرفون من العنوان شو صار معايه

الله يسلمكم انا مسويه جيم في بيتي وماخليت جهاز ما اشتريته
واخر شي بشتغل على نوع واحد وبخلي الباقي واذ اتمرنت مااكمل نص ساعه واطلع من الجيم
ماعرف يمكن ياني احباط بعد مايتني الغده الدرقيه كله احس اني بتم متينه وحتى لو اذبح عمري بالرجيم ماينزل وزني بسهوله

المهم من فتره عزمت يارتيه وهيه فرنسيه (صوفي)
وزوجت صديق زوجي اسبانيه (بلين)
قالن يبن ايشوفن البيت
راويتهن البيت واتعشينا وبعدين رحنا صوب الجيم
طبعن دخلن وانصدمن
قاللي مجهزتنه احسن من النوادي
وشكلج ماتشتغلين فيه وايد
قلتلهم مشكلتيه ماحس بالمتعه
وبعدين مثل الاحباط يايني مااحس اني بضعف بسبب الغده
وهن كانن ايعرفن كيف كنت اهتم وكيف كان جسمي مودل على قولتهن
فاقترحن عليه اقتراح وعجبني وانشاء الله ببدا فيه من اليوم
بس طبعن اباكن كلكن تستفيدن

صوفي قالتلي عمرها مااشترت اجهزة رياضه بس طول عمرها ماشيه على تمارين البطن
اتسوي اول ماتنش (300) تمرين للبطن وفليل قبل لاترقد (300) تمرين
متبعتنه هيه على مدى الحياه <<<ما شاء ااالله روعه جسمها راوتني بطنها فيه مثل خط فالنص ومشدود

اما بلين قالتلي قفلي الجيم مدة 10 ايام بالضبط وابدي تمارين البطن يومياً
وبعد العشر ايام انخصص ساعه كلنا نحن الثلاثه نشتغل فالجيم عشان انشجع بعض
واذا صار يوم وماقدرن ايني يتصلبي تيلفون ويشجعني اني اروح اتمرن ويتأكدن بعد ساعه
وكلنا طبعن قروب فالبلاك بيري
وبيكتبلي شو ياكلن (كل وحده اتحط شو اتريقت وشو اتغدت وشو اتعشت )
بس صوفي قالتلي انها عمرها مااتعشت
بس الساعه 5 تاكل سلطه ودياي مشوي او سمك <<<هوه غدا وعشاء

وان شاء الله اكون فدتكم باللي قالولي اياه

بس احس لو اتحصلون حد مثلا ربيعتج ولا اختج اتسوون ساعه تتمرنون فيها رباعه بيكونممتاز انكم اتشجعون بعض

هذا رجيمي من عند الدكتوره لينا في بوظبي حبيت اشاركم اياه عشان اتعم الفايده
__________________________________________________
الفطور 2: كوب ماء + كوب حليب قليل الدسم
(ممكن مع قليل شاي او نسكافيه- ملعقة سكر او عسل صغيرة فقط في اليوم)
2 توست اسمر + شريحة جبنة قليلة الدسم او قطعة جبنة بيضاء او2 ملعقة لبنة
او بيضة مسلوقة او 3ملاعق فول او 2 شريحة Turkey + خضروات

بين الفطور والغداء : ماء ، حبة فاكهة من اللائحة ( عند الجوع – ممكن تفاحة )
او 1عصير جريب فروت + كوب شاي أخضر

الغداء :- يوم 1 – مشاوي (أي نوع – كمية حتى الشبع) او تونة بالماء + سلطة او تبولة
يوم2- سلطة او تبولة + شوربا (اي نوع – بدون لحوم)

ويكرر لمدة أسبوع
العصر :
حبة فاكهة من اللائحة + 3 حبات تمر + 2/1 كوب حليب قليل الدسم
(ممكن مع شاي او نسكافيه) او كوب لبن قليل الدسم (ممكن بالفواكه)

العشاء :
يوم 1- كوب حليب قليل الدسم + كوب كورن فليكس (خاص للريجيم) + موزة

يوم 2- 2 توست اسمر + 2 بيضة أومليت ( بالخضار ) أو مسلوقة

يوم 3- كوب سلطة لبن مع خيار قليل الدسم +2 توست اسمر

يوم 4- 2 توست اسمر + 2شريحة جبنة قليلة الدسم + خضروات (خس ، خيار – حسب الرغبة)
__________________________________________________

رووووووووووووووعة
وان شاء الله توصلين للوزن اللي تبينه

رووعه بتوافيج حبيبتي

ههههههههههههههههههههههه
شكراً لمروركن الكريم
ماكي ربايعج عيازات بس على كل حال ابدي تمارين بطن ^_*

والله استانست احس اتشجعت شويه
تبين الصدق ربايعيه ايام الجامعه يوم شافني حسيت جنهن يترين انهن ايعلقن كلهن قالن ( متنتي) ماسألن شو فيج ولا ليش شو ياج مش بالعاده اتكونين جيه
بس حسيت في خواطرهن ايقوللي اني متينه ^_^

فديتج والله
انتي تميمعايه على الخط انتي اللي صدق ترفعين المعنويات
فديتج والله
خلاص عيل انا ببدل رجيمي لاني احس جسمي اتعود عليه وثبت
وببدا رجيم ثاني
لكن تمي معايه قوليلي شو اقدر اسوي عشان اضعف بسرعه
ابا نصايحكم
حتى لو اي شي بسيط