مرحبا يابنات كيفكم بنات عندي ولد عمره(16)سنه وهو البكر هو مريض بمرض التوحد وعدم القدرة على النطق بالاضافة الى سلوكيات كالعصبية والضرب وعدم معرفته استخدام الحمام المهم بنات انا اخذته لمركز خاص بالعين ولاننا من عمان فسجلنا بالسكن الداخلي ولعدم وجود مركز خاص مثله بالسلطنة المهم كان بالمركز لمدة سنتين ونص وكنا نزوره كل اسبوعين ولظروف مادية رجعناه ولان المركز تكاليفه عاليه والحين صار له معانا تقريبا سنه
عندي 4 عيال غيره (ولد 14 سنه،بنت10 سنوات، ولد5 سنوات وبنت 3 سنوات وشهرين), المشكلة هي ان ابني المريض لما يتعصب يضرب اي حد امامه ويصرخ واخوانه يخافوا منه كثير خاص الصغار ويهربوا منه الى غرفهم يعني حالة طوارئ ولانهم صغار فاخاف عليهم من حالات نفسية سيئة. المهم انا فكرة اجر الفيلا واسكن بشقة ملكنا وارجعه لمركز العين ولكن ارجع افكر في بعده عني والله العالم بالفترة الي كان فيها بعيد عني وبنفس الوقت افكر في اخوانه ماني عارفه ايش اسوي ارجوكم دلوني ودايما ادعي ربي له بالشفاء وان يجعل لي حل لهالمشكلة
عندي 4 عيال غيره (ولد 14 سنه،بنت10 سنوات، ولد5 سنوات وبنت 3 سنوات وشهرين), المشكلة هي ان ابني المريض لما يتعصب يضرب اي حد امامه ويصرخ واخوانه يخافوا منه كثير خاص الصغار ويهربوا منه الى غرفهم يعني حالة طوارئ ولانهم صغار فاخاف عليهم من حالات نفسية سيئة. المهم انا فكرة اجر الفيلا واسكن بشقة ملكنا وارجعه لمركز العين ولكن ارجع افكر في بعده عني والله العالم بالفترة الي كان فيها بعيد عني وبنفس الوقت افكر في اخوانه ماني عارفه ايش اسوي ارجوكم دلوني ودايما ادعي ربي له بالشفاء وان يجعل لي حل لهالمشكلة
الله يشفيه غناتي
اختي سوي له حجامه يقولون الحجامه زينه حق التوحد بعد
الله يكون في عونج ان شاء الله
حبيبتى انتى غلطتى انج ما عودتى عيالج على اخوهم وفهمتيهم عن حالته من البدايه
انا اختى عندها ولد بالتوحد عمره 17 سنه ونفس حالة ولدج اطق واعصب ويلبس الله يكرمكم حفاظه
ومع هذا اخوانه احبونه وطلباته منفذه ويبدونه على نفسهم وبعض المرات يخدمونه
وتخيلى عيال خواتى واخوانى الثانين من اكبرهم لين اصغر واحد عمره سنه ونص افهموا حالته واعرفوا
انه لحد اقرب له واهو معصب بس لا تنحاشون وتنفرون منه ولا تحاولون تستفزونه واللى تشترونه لكم تشتروله معاكم ولحد اضايقه
والحمدلله ماااااااااااشى حالهم
انا الومج لانج ماعودتى عيالج علي اخوهم وحسستيهم انه مريييييييييض وهذا اكبر غلط
والشى ثانى ما انصحج تبعدينه عنج ماتدرين المعامله شلون صايره وخليه عندج وداريه
هذيل رحمة البيت وخيره الله يخليه لج وكل شى باجره لا تحاتيين
والله يشفييييييييييييه ويشفى كل مرضى المسلمين يارب
الله يشفيه لج يارب وحاولي ما تودينه خليه معاج افضل هو محتاج لج واااااايد اكثر من اخوانه
وحاولي تفهمي اولادج با انه هو اخوهم الاكبر وانه مريض ومع الوقت بيتعودون عليه ولله يشفيه ان شاء الله
وحاولي تفهمي اولادج با انه هو اخوهم الاكبر وانه مريض ومع الوقت بيتعودون عليه ولله يشفيه ان شاء الله
الله يفرج همج و يشفي ولدج ان شاء الله و ييسر لج امرج
المشاركة الأصلية كتبت بواسطة اردنيه وافتخر 
