الوسم: الحبوب

علومكم

بمآ أن في وآيد بنآت فالمنتدى يعانون من الحبوب
فقلت اكتب لكم تجربتي مع الحبوب وكيف واي دوا خلصني منها ونصايح للي عندهم حبوب
واللي يبون يتخلصون منها
وخاصة للي طلعتلهم حبوب من الحف

طبعا كثير من البنات بشرتهم دهنيه
حسن بشره البشره العاديه صعب ان يطلع لها حبوب
وثاني شي الدهنيه اللي يطلع ويطلع ويطلع
وأسوا شي الحساسه والله يعين اللي بشرتهم حساسه

فأنا بتكلم عن اللي عندهم بشره دهنيه لان بشتري دهنيه وعندي خبره فيها خخ
مثل ماتدرون ان البشره الدهنيه علطول من يمكن عمر 10 تبدأ الحبوب تطلع
بس انا الدوا اللي اتكلم عنه مانصح فيه للصغار اللي عمآرهم اقل من 13

اول شي بقلكم ليش تطلع الحبوب ؟!
1 – لانكم مآتداومون على غسل ويوهكم او انكم تغسلون ويهكم بالماي بس

2 – ثاني شي الصابون مو اي صابون تحطينه بويهج لآ ها غلط واكبر غلط ويمكن هالصابونات تزيد من الحبوب بنتكلم عن نوعية الصوابين اللي تنباع بالكارفورات والجمعيات على آخر شي

3 – ثالث شي وهو العرق طبعا كل انسان لازم يعرق واللي مايعرق ها اكيد عنده مشكله المهم اللي تعرق مثلا وترد من الشغل او المدرسه وكله عرق وماتروح تتسبح فهني شو يصير ؟ العرق يتم لازق على المنطقه اللي عرقتي منها فإذا تمت وقت طويل بدون ماتغسلينها عالاقل او تتسبحين فهني تبدا الحبوب تتكاثر وتطلع فالويه وحتى فالجسم , اللي ماتعرف من شو يطلع العرق؟! من شرب الماي , وانتي تشربين ماي هالماي ماينحبس فجسمج فلازم يطلع وجي يعني

4 – هالمعلوومه اكيد سامعينها مليون ممره " الخضروات واالفواكه " + " شرب 5-7 قلاصات ماي في اليوم "

5 – اذا شعرج دهني فلا احطين قصتج على جبهتج يعني اغلب البنات تطلعلهم فالجبهه هاذا من الشعر المحطوط عاليبهه اذا اتداومين او تشتغلين وتحبين تحطين قصتج على يبهتج حطيها بس اول ماتردين خذيلج طوق او توكه اي شي ورفعي قصتج فوق لان الشعر الدهني فيه دهن والدهن هاذا يتلزق على اليبهه وبجي تطلع حبوب

6 – لما تطلع الحبوب طبعا الوحده ماتقدر تمسك عمرها لازم اتدقها او تحاول تبطها يعني ترص عليها هو بس تلعبون بالحبوب حاولو بقوه بقوه واستحملو انكم ماتدقونها بس عشان
خاطر ويهكم المتروس حبوب بس عشان ينشل وتفتكون ترا اذا دقيتيه
لما تروح الحبه بيستوي حفره : وانا للحين عمدب حفرتين موجودات بس حفره صغيره صغنونه ماتبين بس اقدر اطالعها بالمرايه من قريييب والحفره صعب انج تخلينها سييده وترجع مثل ماكانت قبل فحاولو ماتدقون الحبه

" تجربتي مع الحبوب والعلاجات اللي مافادتني "

انا الحبوب تمت وياي تقريبا 3 سنوات يعني صدق كنت كارهه ويهي بالقو
انا ماقدر اجوف حتى ويهي بالمرايه بس يعني مو لهالدرجه يمكن كلامي مبالغ فيه
بس صدق شعوري كان جي يعني مرات اتدمع اتصدقون

فكان المكان اللي التجأ فيه هو الانترنت

ولقيت علاجات وعلاجات وعلاجات واعلجه طبعا مافادوني كلها خرط

علاج النشا مع ماي الورد = جربتها والنتيجه
قشرة البرتقال عالويه = اكبر غلط سويته والله ويهي تم يحرق بالقو , يعني
كلين كلير = هالصابون ماجفت اي تغيير بالعكس زاد مادري ليش
قشر او اوراق الفروله = اممممم ماجاب لي اي تغيير

وكثير كثير جربت ومافادوني
يمكن افدات3 من 50 وحده بس انا مو منهم

المهم

الدوا اللي غير حياتي
هم 2 اللي هو : " ميداسين تي "
+ " دفرين "

بتكلم عن كل دوا
وان شاء الله مانسيت شي من المعلومات اللي بمخي
على فكره انا لما رحت المستشفى عطوني الاثنين مع بعض يعني واحد يستعمل بالنهار
والثاني بالليل

ميداسين تي :

اول شي طريقة الإستعمال :

قبل ما أبدا بقول شي لما تفجون الباكيت بتشوفون شي نفس غطا مادري شو داخل
بلاستيك ها والله للحين ماعرف شو هو فأتركوه خخ

اول شي تغسلين ويهج وتجففينه بخلقه او فوطه
بعدين حركي العبوه شوي جي 3 ثواني بسرعه
تعرفون هالشسمه القطن الي ينظفون فيه الاذن ؟!
تراه مو مال اذن لاتحطونه بأذنكم مب زين خخ
المهم حطيه بالدوا وشليه ومسحيه شوي شوي على الحبوب
مو على ويهج كله لا لا لا بس على الحبوب يعني قطره خفيييفه
تستعملونه الصبح او مثل مايقلج الطبيب على حسب يعني
انا قالولي استعمله الصبح واستعمليه لمدة جي حوالي 4 شهور
وخذيلج النوعه نفسه بس 3 باكيتات عشان يمكن مايكفي مثل ماقلت على حسب
صح ان 4 شهور يعني وايييد
بس عالاقل بتفتكين من الحبوب اللي بويهج من مليون سنه بعدهم مانقرضو
واذا عندج بضهرج حبوب حطي قطره صغيره منه
والدوا مب زين حق الحوامل يعني الحوامل واليهال مايستعملونه
ومثلا اللي عندهاادويه تحطها بوييها او كريم اساسات فيها " بنزيل بركسيد "
هاذا مب زين معا هالدوا , واذا مثلا هالدوا يا على عينج او مكان مجروح بويهج
او على خشمج اغسليه بماي بارد علطول ,

الحين الدوا الثاني

دفرين :
يستعمل بالليل قبل النوم .
تغسلين ويهج اول شي وبعدين تحطين نقطه صغيره على صبعج وحطيها
عالحبه كل حبه نقطه صغيره من هالدوا او يقشر طبعا وايد بنآت مايحبون الويه
يتقشر بس ها يسااعد وايد وابدا مايخرب الويه انا جربت وماخربلي ويهي
وانصحكم ها اذا حطيتو الدوا وايد على الحبه اونه عشان تروح الحبه اسرع هاذا
غلط احتمال يحرق ويهكم اذا حطيتو وايد , انا كنت غبيه كنت احط وايد واترسه
بس صج ندمت رحت عند الدكتوره مره ثانيه وبديت امشي عالطريج الصح
لاتسوون عماركم نيوتن وتحطون على كل الاماكن وتقولون على مايطلع فالمكان ها
هاذا غلط انتي مب دكتوره عشان جي اتقولين , اسمعي كلام الدكتوره وبص
ولاتنسون تغسلون ايدكم قبل وبعد ماتحطون الدوا واذا حطيتوه مره خلاص
داومو عليه ماتتركونه
ونفس ماقلت اذا دش فالعين والخشم اغسليه بالماي
فهالدوا لازم ماتستخدمون معاه شي من محتوياته : بنزيل بروكسيد + اريثرومسن + كلندامسين ,
وتستخدميننه 4 شهور نفس الشي

وإذا عندكم اي حساسيه من اي دوا او اي محتوا فهالدوا علطول خبرو الدكتور
واذا تبين تعرفين من اي شي انتي عندج حساسيه بعد اسألي الدتور يمكن يفحصون
مادري والله المهم بيتعاملون وياج ,

وصح اتذكرت الصابون الأوكي للإستعمال وحق الحبوب
ها ينباع بالكارفورات او الجمعيات

" ديب كلين " هاذا بتشوفينه باللون العسلي واذا مالقيتي عسلي خذيلج برتقالي

إي بشره كانت ويهج يستوي تستعملين هالدوا بس اول شي
سألي الدكتوووره , في دكتوره وايد زينه اعتقد اسمها فاطمه المطيري
في مستشفى الطوار
هاي احسن دكتوره جلديه يعني عندها وايد نصايح افادتني كثير

ومع تمنياتي ببشره نقيه وصحيه
آخ تعبت ضهري انكسر
اي سؤال انا موجودهـ ..

بنات
ميداسين تي هذا بديل للديلاسين يعني اللي تبغي تستخدم هالوصفه ممكن تاخذ هذا او هذا بس الميداسين شوي اخف من الديلاسين
هاي صورته

عاده ماعرف اذا طريقتي صح لاني خذتها من وحده اثناء جولاتي وصولاتي فالنت وهالبنت طرت ان الرتن اي صفى ويها بس يباله مداومه

والله يعين

سمعت ان بعد الولادة تاخذون لكم حبوب للعظام
وحبوب للشعر وحبوب مادري لشوووووووو عسب صحتكم والضغف الي جاسكم طول تعب الحمل والولادة

ممكن الخبيرات يكتبون لي اسماء الحبوب وبدون خربطة

ها ربيتي او لا ؟؟؟

بس زين الوحده تاخذ الحمل و الولاده تهلك الحرمه

1- محلول الماء البارد+الملح:
بنسبة ملعقة ملح لـ3 ملاعق ماء، لمدة 5 دقائق ثم اشطفيه بالماء، وضعي بعده أي وصفة أخرى من الوصفات السابقة.

2- بعد نزع الحلاوة دلكي جلدك بالليمون واتركيه فترة، ولكن ضعي الليمون قبل غسل المنطقة المنزوع منها الشعر.

3- يخلط قليل من الماء مع بودرة التلك (بودرة الأطفال)، ثم تصنع منه عجينة لينة، وتوضع على المكان المنزوع منه الشعر، ثم يترك حتى يجف ويغسل بعد ذلك، وهذا القناع يخفف من الاحمرار, والحساسية الناتجة عن نزع الشعر.

4- يوضع النشا وماء الورد وقليل من الليمون، على الجسم بعد الحلاوة، لمنع تهيج البشرة.

فديئتكم أباا مساعدتكم
بنتي عمرها شهر وويها مرره مولع حب مرره سألت الدكتور وقالي من البؤس ومن يومين إشوف وييها وكتفها متروس حب ورديت للدكتور وقالي عادي بس مسحي عليها بمائ وكريم جونسون
خفت الحبوب بس عقب ردت
شل الحل خواتي صدق متغصصه من هالحبوب

بس يفضل اذا تعرفون عن منج اوكريم يقشرهن

شوووووو رايكم في الرتن a

بليييييييييز ضروري

الله يووفقج ..

وبتحصلنه في الصيدلية وسعره هب غالي رخيص

يا الله جربن الكريم وبشرني بالنتائج وحبيت أفيدكم من تجربتي ولا تنسووون أختكم سيلانية تبي منكم بس إنكم تتدعوون لها بالتوفيق في حياتها فديتكم والله أحبكم

وهاااااااااااااذي صورة الكريم العجيب

المشاركة الأصلية كتبت بواسطة nonaa

جزاك الله خير
هل له اعراض جانبية وكم مرة بتستعمليه و النتيجة بتبان بعد اد ايه

لا ماله أي أعراض جانبية هذا الكريم وصفة من الطبيب وتستعملينه في اليوم مرتين وبعد 3 أو 4 أيام بيبان الفرق حتى يمكن يختفي من جسمج أستعملية وما بتندمين فديتج

و الله يوفقج اختيه ..