بنتي والحبوب

شحاالكم

فديئتكم أباا مساعدتكم
بنتي عمرها شهر وويها مرره مولع حب مرره سألت الدكتور وقالي من البؤس ومن يومين إشوف وييها وكتفها متروس حب ورديت للدكتور وقالي عادي بس مسحي عليها بمائ وكريم جونسون
خفت الحبوب بس عقب ردت
شل الحل خواتي صدق متغصصه من هالحبوب

ماتشوف شر الكتكوته الصغيرة حبيبتي أتوقع هالحبوب من الحر جربي تحطين إلها البودره مال اليهال

فديتها ماتشوف شر…. عيالي كان يستوي فيهم من الحر وساعات من اللبس اليديد اذا ماغسلتيه

لا تحطين أشياء عطريه من كريمات او مناديل.. وحاولي ما تلبسينها صوف عشان الحبوب في رقبتها..
هالحبوب تستوي من الحر او التحسس.. والمفروض تختفي بعد اسبوع او اثنين اذا بعدتي عن المسبب لها.. شوفي شو يهيجها وابعدي عنه..

انا بنتي كان يستويلها لم البسها لبس جديد مع انه مغسول فصرت البسها السبات الجديد مره وحد ورى بعض صبح وليل علشان يكون التحسس مره وحده ولم وديتها للدكتورة قالت الترطيب الدائم والوجه فازلين بعد ما اسبحها لانه البشرة تمتص الكريم اسرع ويستفيد منه الجسم فكنت مرتين فاليوم مره بعد السبوح والمره الثانية بالليل لم أغير لها ملابسها للنوم والحمد الله ٣ ايام وتخوز الحبوب