يزاج الله خير ختي ع الموضوع القيم
وجعله في ميزان حسناتج إن شاء الله
يزااج الله خير
الوسم: الحجــامة
الحجــامة للحمــل
السلام عليكم و رحمة الله و بركاته
شحالكم خواتي ؟ 
امممم
أولا ، انا عزبا بس سمعت عن هالمعلومة ف حبيت أفيدكم 
صديقتي قالت لي مرة ان اختها تأخرت فالحمل ، و اتوقع تمت سنة او سنتين ما حملت ..
و الدورة احيانا كانت تتأخر عندها ، ف يوم تسوي اختبار الحمل المنزلي تطلع لها النتيجه ايجابيه ..
بس يوم تسوي فحص الدم فالمستشفى يطلع سلبي يعني مب حامل 
و النتيجه الايجابيه كان سببها ارتفاع هرمون الحليب عندها او شي من هالقبيل ..
تمت على هالحال فترة .. و عقب الحمدلله حملت بس سقطت .. ماذكر السبب بالضبط ..
المهم
عقب حد شار عليها تسوي حجامه 
ف سوت عند حرمة عندها خبرة فالحجامة .. سوت لها فمنطقة تحت السره اللي هو الرحم ..
و عقبها مادري بشهر او اكثر الحمدلله حملت و يابت بنوته 
و في كذا وحده سمعت عن تأخرها في الحمل سنين بس مجرد سوت الحجامه الله سهل لهم و احملوا الحمدلله ..
سووا حجامة يا بنات شو بتخسرون .. الرسول وصى بالحجامه ك معالجه ..
سبحان الله يمكن تفيدكم
* انا ما اقول ان الحجامه سحر أو أأكد لكم انها تنفع او لا ، بس مجرد شي سمعته و شفته و قلت افيدكم فيه
والشي اللي لازم كل وحده تحطه ف بالها ، أول شي و اهم شي الثقه بالله تعالى 
مب تلجؤون للأطباء والادوية و تعتمدون عليهم اعتماد كلي !
الاطباء و الادوية و الحجامه ووووالخ ، كلها مجرد ( أسباب ) الله كتبها لكم عشان تساعدكم فاللي تبونه ..
و الله هو الوحيد اللي بيلبي أمنيتكم فالظنى او غيره .. ف أحسنوا صدق التوكل عليه ، و حافظوا على صلواتكم و العبادات و قيام الليل و المواظبة على قراءة القرآن و الاذكار والاستغفار و الصدقه ..
والله اذا كتب لج تحملين بتحملين حتى لو دخلتي ال 50 .. بس خلي ثقتج بالله موجوده و أحسني الظن بالله سبحانه وتعالى ..
و كل تأخيرة فيها خيره إن شاء الله 
وبالختام
أسأل الله بإنه يرزق كل وحده بالظنى اللي تتمناه عاجلا غير آجل يا رب العالمين
و عقب تعالن اتشكن ولدي وولدي 
الله يرزكم ياااا رب 
و صح ملاحظة :
أتمنى محد يسألني عن الحرمة اللي سوت حجامة للبنت لأني جد ماعرفها ، و السالفه صار لها سنييين الحين 
المغزى : انكم تروحون لناس خبرة فسوالف الحجامة ، والحين شي عيادات فالدولة بس تخصص حجامة .. ان شاء الله أكون فدتكم لو بشي بسيط
روعة
هذي النصيحة الي ظاهرة من القلب توصل للقلب
قولي امين
يارب تعرسين وتاخذين واحد شيخ المعاني ويحفظكم من العين ويرزقكم الاموال والبنين
امين
روعة
هذي النصيحة الي ظاهرة من القلب توصل للقلب
قولي امين
يارب تعرسين وتاخذين واحد شيخ المعاني ويحفظكم من العين ويرزقكم الاموال والبنين
امين
المشاركة الأصلية كتبت بواسطة الأمل هنا 
روعة
هذي النصيحة الي ظاهرة من القلب توصل للقلب
قولي امين
يارب تعرسين وتاخذين واحد شيخ المعاني ويحفظكم من العين ويرزقكم الاموال والبنين
امين
تسلمين الغاليه
والله يرزق كل محرومة الذرية الصالحه اللي تقر عينها يا رب عاجلا غير آجل ان شاء الله
سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .
والله أنا أريد أسوي بس خايفة أحس يعور 
صح كلامج انا اعرف وحدة صار لها فترة ماحملت والدكاترة يقولون مافيج شي وبعدين سوت حجامة وحملت سبحان الله
