الوسم: الحرمه

السالفه ربيعه ربيعتي ابوها وامها منفصلين من سنين ، وابوها تزوج وحده ثانيه ، وبالفتره اللي تزوج الثانيه طلعلهم بيت ، تخيلو الحرمه الاولى هي وعيالها في شقه من غرفتين وصاله باسم حرمته اليديده !! والحرمه اليديده في البيت اللي محصلنه الابو !!
وازيدكم من الشعر بيت ، ابو ربيعت ربيعتي يوم حصل البيت ولااااااا خبر عياله ايوون يزورونه ولااا شي ، سوو عزايم وعزمو الناس وقرايبهم وكل شي ، وبعد ما خلصو كل هذا وبكم شهر الابو اتصل قال ليش ما ييتو وزرتوني ؟ يعني هو مسوي طاااف ولا يسال بعدين يرده على عياله انهم ما يسوونله سالفه وانهم عاقين ويتكلم عن بر الوالدين واتخيلو وبعد هاذاك الاتصال يحصلون الاتصال الثاني بالعيد ولا برمضان .
المهم حرمه ابوها ربت وكانت اول زياره لهم بعد كم من سنه للبيت ، تخيلو راحو بعد كم من سنه للبيت وحرمته محد ، ما استغربتو ليش ؟ حضرتها ما تبى عياله يدشون البيت لانه "بيتها"
وكانو يحوطون عياله بالبيت ودشو غرفتها وابوهم وياهم موجود يتطالعون تلفزيون جان هي تتصل تبي شي ويوم عرفت انهم بغرفتها قامت تصارخ بصوووت عااااااالي بالتلفون اونه ليش دخلتهم غرفتي طلعهم برع طلعهم برع !!
سبحان الله ، الغرباء تدخلهم وتراويهم "الديكور" مال الغرفه وهاذيلا عياله ما ادري شو بالنسبه لها حراميه ؟ كلهم كبار فوق ال18 سنه وقاعدين ويا ابوهم ، واتخيلو عقب هذا ابوهم قال بلففكم بالبيت مره ثانيه لانه في غرف مسكره وراواهم البيت والصالونات "مب صالون واحد" واشياء زياده بانيين بالبيت واغلب الديكور والارضيه وديزاين حرمته هي اللي سوت وحارقه جيبه ليش انه معاشه كبير عسب يشتريهن من برع الدوله ومن داخلها على حساب عياله الثانيين وفوق هذا كله ولاااااااااااا غرفه حق عياله ، ولا غرفه هنيه جد جد انقهرت ، يعني مقدم البيت على اساس يوم كان عايش ويا عياله وحرمته الاولى عشان جي الحكومه عطته
بعد هذا ولا غرفه حق عياله والمفروض مكان الغرف مسويين صالات استقبال من كثر العزايم الحرمه ..
اهل ربيعت ربيعتي قدمو على البيت وقاعدين يتريون وكل مره يطلع يشيكون على الاسامي ماشي ، يعني شوفو صابرين وساكتين على الحال اللي عايشين وحرمت ابوهم اتصلت مره واتقول حق امهم انتو تحتاجون النفقه اللي راتب زوجي؟ لانه عندج حد يشتغل بالبيت ؟
شوفو لوين وصل الطمع مالها حتى على النفقه بتاكلها ؟ وهي تشتغل وعندها سياره مب اي سياره عندها فورويل وابو البنت عنده سياره وفوق هذا شاريين سياره عائليه فورويل وغاليه من زودهم يعني ومن البنك وتتراكض ورا النفقه !! وفوق هذا مرات ابوهم يقول بظهركم من البيت اللي فيه وبعقكم بمكان ثاني!! بيكون بيت الرقم كم اذا عقاهم هناك ؟ بين فتره وفتره الوالد يغير البيت عسبت الايجار ، وعياله وامهم هم اللي يتبهذلو من مكان لمكان وهو مرتاح وعايش في بيته ويا حرمته ، ومره يقولهم بالمستقبل ما بدفع الايجار خل وحده من البنات تدور وظيفه حكوميه راتبها عالي وتدفع !!

الصراحه كلام وتصرفات تقهررررررررررررررررررررر ، امر من المحكمه يوفرلهم بيت وبعدين حي يرزق ليش يقول جي كانه مب موجود على وجه الارض؟

اقترحت على ربيعتي تخبر ربيعت ربيعتي راعيه السالفه انه يسيرون المحكمه يطالبون بنص البيت لانه لهم حق ، واصلن حرمت ابوها خايفه من هالشي وبتموووووت اذا صار والسالفه ليش ما سوت ولا غرفه لانه ما تداااااااااااني عيال الريال ، في البدايه كانت تجاملهم عقب قالتلهم من ورا ظهر ابو البنت انتو علاقتكم بالوالد ماكانت زين من زمان ليش يعني قررتو انكم تعدلون العلاقه وياه؟ كملو مقاطعتكم !! بالذمه هذا كلام من حرمه صاكه الاربعين !! و على فكره اهلها موجودين وعندهم بيت مب انه مقطوعه من شجره شرات ام البنت
الصراحه استغرب من اشكال هالحرمه ومن ابوها يعني رحمه بقلبهم مافي ، شو بيصير اذا سوو غرف حق عياله ؟ الحمد الله الحكومه عطت وما قصرت ولهم الحق يعيشون عيشه مرتاحه شرات ما يعيش حرمته وعيالها اليداد اللي مدلعينهم آآخر دلع كانهم من ذهب استغفر الله وجد وجد جدددددددددد مقهوره بسبب البنت ساكتين حق هالاشكال ليش ؟ يوكلون محامي وياخذون نص البيت ؟ مشكلتهم ماشي ريال يسويلهم شي ما عندها اخوان ولا اعمام ولا حد كل واحد متبري منهم ليش انه امهم "مطلقه" وانهم عيال المطلقه ولاااا حد يسال عنهم بالعيله ، ما اتخيل جي مواطنين يعانو جي واتمنى كل الخير لعيله هالبنت وجد الله يعوضهم بس..

ابي اقتراحاتكم خبروني عشان اخبر ربيعتي تروح تخبر راعيه السالفه دخييييلكم
واشكر كل وحده قرات السالفه وخذت من وقتها والسموحه على المغثه او اني كدرت خاطركم او مزاجكم

ورجاااء رجاااااء للحريم المتزوجات وازواجهم عندهم عيال من حريم ثانيات ، امانه ما تظلمو لانه يوم القيامه بتتحاسبو ، خل عنكم الحقد والكراهيه والحركات مال اليهال اللي اصلن اليهال ما بسووها ما بتفيدكم اي شي و الخقه والمظاهر على حساب غيركم من الاهل ، وتذكرو الايام تدوور وتدووور ، وكما تدين تداااااااااان

(( الله يبعد شر الحرام عن نساءنا و رجالنا

شبابنا و بناتنا ))

آميييييييييييييين

مع تحـــيــاتــي زوجـــــــــة حــــــــمــــــووودي